V A P H U A L I Z A T I O N

Singngat Special Meet 2011 Report

2012-01-18T01:32:00.003+05:30

Singngat vanglaini pholhkiikthakni. Zawilui totkikthakni. Lawmlui, zawllui toh kimuhkhawmni. Vualnopni. Kipahni.

December 29, 2011 ni in, a liamsa Singngat vanglaini pholhsuah thaknawnna khawmpi thupi tak, Singngat Special Meet 2011 kichi sai in om hi. India khopi tuamtuam, Malsuahbial, Mizoram, Imphal leh Lamka khawng a ana kithehdalhsa, Singngat khomi te’n hiai ni in a zawilui uh tawnthak nawn ua, a lawmlui leh a zawllui te uh toh kimu khawm in, vualnopna hun nuamtak zang uhi.

Hiai khawmpi ahihleh khua a teeng nawnlou leh a teenglelte’ kal zopthak nawnna hi a, khangthak leh naupang te’ adia pi leh pu te’ khekhaap zuihna hi a, khua siansuahna hun a zat ahihban ah, apuksa vangkhua dinsak kiik nawnna diing lampi zonna khawmpi ahi hi.

Team India, Team Lamka leh Team Singngat kiphuan in, October leh November apan hiai khawmpi adi’n nasatak in kisakkholhna ana pan uhi. Mun tuamtuam a om, Singngat miluun leh haute hong kithohkhawm uh a, Lakh 5 val hithet bei a hiai khawmpi sai ahi hi.

Hiai Meet adia kitoh phuurna dan in, “Singngat Special” newsletter nih, leh “Singngat Special” 2012 calendar etlawmtak bawlkhiat leh hawmzaak in om hi. Singngat laigelhmi tuamtuam in agelh uh, Singngat vanglaini tangthu tuamtuam kikhilkhawmna magazine hoihtak, “Singngat Special: The Singngat Literary Hall of Fame” leng bawlkhiat hi a, Meet ni a honkhiat in om hi.

Hiai khawmpi ah mipi 6,000 vel paikhawm zou dia hisaap ahi. HMHS compound, Bethel Veng ah hunzatna om a, agei a Singngat mawltual pen nekbawlna leh nekkhawmna mun dia zat ahi.

Hiai Singngat Special Meet theihgige na diing, a khua kum 211 a chin kipahna leh Singngat mi ana mualliamsa tengteng phawk tawntungna di’n memoriam suangpi honna leeng om hi. Singngat vangkhua ahihleh 1800 kum a saatpat ana hi a, tu in hausa khang sagih-na ah omlel hi.

Hausapu Khupkhanhau in, “Ka khomi, ka tu. ka ta te’n tam bang a vaiguan nang bawl uh ka kipa mama hi,” chi in khosung mipi te’ kiang ah gen.

Mundang apan Singngat Specialists paikhawmte, “Singngat gamkaih a sing-leh-lou te'n na mel uh amuh chiang un, thou siausiau ua, leivui te na-ngawn om maimai theilou in a hon boh luailuai uh,” chi in H Khanlian, Secretary, Singngat Village Authority in vaidawn hi.

Suun hun a formal program kipat ma in, HQ Veng apan Hausapu leh Hausapi mipi’n zawn ua, palanquin procession thupitak in khosung ah nei uhi. Hunzat sungteng in, Singngat lasiam minthang – khanglui leh tulai a te’n mipi paikhawmte sulim mahmah uhi. Laa sa te ahihleh Zogam adia a penpen te, Singngat mi diktak ngen hi uh. Music leh sound lam saite le Singngat mi ngen. A lasak te un kuapeuh’ lungleen tokthou ahi ngei diing – va ding khia a laampih duaiduai bang, sum va pia bang, tu maimai thei nawnlou a dingtou a khutbeeng bang, tutmun a mitsi diidiai a, sabang tatna sa leh lawmlui te ngaihtuah a mittui ana nuul bang…

Team Delhi in “Singngat Medley” – nidang a Singngat a la tualleng kithang kaihkhawm, lapawl sa ua, mipi’n kipahpih petmah. Kangtalai asia Paldai a tung zoulou, Ningboi lenna helicopter, Bangzah a lian maw Ima Rani, chih khawng ahi.

Nitak in “Homecoming Musical Nite” nuam theipen a neih hi a, Singngat lasiam te leh Friends band te’n ziar zeek uhi. Ama apan a tamtak te’ lauhthawng bang lou tak in, hiai zan in kuamah kisubuai om hetlou a, siangthou tak in hunzatna paisuak thei hi. Music ngaina te laam ua, akham te leng amau kham bangbang a nuamsa in om uhi. “Zaan program” kichi hichidan di mah ana hidan a’i.

Hiai khawmpi a di’n Lamka apan bus 4 leh truck 2, ban ah, gari neu tampi in Singngat mipi te nawntou a. Singngat khua adiing a chiamteh tham gari tam a luutni pen ahi hial diing e. Suun hun zangkhin a paisuk toh nitak hun zang dia paitou kipeel heehuu te’n Tedim Road su gamlum mahmah uhi. Lampi teng bang tuan chim thei phial le uh kilawm.

Team Lamka in hiai Singngat Special Meet a kizattheihna dia mikiphal hunkhop te’ kiang ah tutpaak siatna leh Zo puanlaisan silhsakna nei hi. Saptuam chih apan pastor/sister te kiang ah puan pia uh a, Singngat laigelhmi suanhuai taktak te kiang ah “Kipahpihna Lai” pia uhi. Hausapu leh Hausapi kiang ah memento hoihtak pia uh. Huchi bang zel in, midang khenkhat in leng Hausa te nupa kiang ah kipahpihna thilpiak pia uhi. Pu V Pauthuam in ana patkhiat, Zounou Club te’n leng Hausate nupa puansalh silh sak ua, ZYA Singngat unit te thilpiak pia uhi.

A thugenna ah Vungzamuan Valte, IRS in, “1980’s a Singngat lampi pucca road, power, water, SDO office, quarters leh hospital te hoihtak a om, bangziak a tu a om nawnlou ahia? Election dek ahi a, MLA ki candidate te kiang ah manifesto pe ni. Singngat in community center, public library, higher secondary, tuinak leh tuineek hoih, lampi hoih, plantation chihte a poimoh. Singngat khosuak teng in hanchiam ni,” chi a, Singngat Vision 2020 luikhiatna nei hi.

Hiai ni in, Thangthuam Memorial Trust in khosung a khosak haksa diak mi sawm (10) teelkhia a, panpihna thilpiak (sum) pia hi.

Khawmpi ma ni, December 28, 2011 in, nidang a Singngat a football team ana minthang mahmah nih, Zounou leh Nine Brothers apan veteran players te’n “homecoming match” nuamtak ana nei uhi. Khawmpi zoh ni, December 30, 2011 in HMHS ah sinlai naupang te lak ah “Career Awareness” hun manpha tak, lohching tak a zat in om hi.

Gennop genna hun ah, “Village Authority leh mipi te' kiang a ka gen nop hiai ahi: bangdia tu tantan a bi inn omlai ahia? Bangdia i khosung kongzing te blacktopping hinailou lai ahia?” chi in Roubul Valte in lamdang a sakthu gen. “Khosung a development fund hoihtak a zat ahihtheihna di’n telching MLA/MDC te mipi’n hoihtak in enzui in thuap ni.”

Azom in P Songlianlal in, “Singngat mi, mun tuamtuam a om te hi, i special ua, they are special people, hi’n ka thei,” chi a, Michael Ginzasuan in ahihleh, “Ka bualna, ka khanletna Singngat ahi a, ka kiletsapi mama hi. A khantou theina dia lam chiteng a pang di’n ka kiman,” chi hi.

“Tuni’n intending MLA te kuamah i chialkei a, Singngat mi diktak teng mah i paikhawm a, i kihaithutuah a, anuam lua,” chi in L Pumzanang in gen. “1805 a Pu Shingvial in khua ana saat apat tuni tan sung a, khat le khat kikal a kitheihsiam louhna omteng, tuni in kingaidam tuah chiat ni.”

V Langkhanpau Guite in, “Singngat te bangziak a pil a, siam i hi a, ka chihleh experience haute i hihziak ahi,” chi. “Hiai i kithuahkhawmna uh, nisa nuai a i tutkhawmna uh, special ka sa mahmah. Tuni a hiai Special Meet a nisa in hon khohkhaak tengteng in thupha ngah diing ahi, chih ka muhdan ahi.”

Kamzathang Ngaihte in, “’Kihaithutuah’ chih ka deih kei a, kithuman tuah peuh leng, chih ka deih ahi. Tutung election ah kithutuak in pangkhawm ni. Singngat bawlhoih ni,” chi hi.

“Singngat milui ka hi a, Singngat tualkuan tahtah ka hi chih na thei ding uh ahi,” chi in Chinkham in gen.

Rousang Valte in, “Mun tuam, gam tuam ah ka na vakkual tham a, Singngat mi hih hi, anuam a, a kisaktheihpih huai. Singngat khosuak makai, MLA/MDC i neihlouh lailai uh vangsiat huai ka sa. Bangziak a Singngat ah higher secondary, college chih khawng om theilou di? Tuni in i MLA/MDC te' liangkou ah ka nga ut ahi,” chi in gen.

Hiai ni in, a minthang Singngat Special singpi, mipi paikhawm teng in dawn nainai ua, nitaklam in laikuang sawkkhawm uhi. Hiai adi’n bawng 9, sial 1, bangkol 1 leh vok 2 goh in om a, tuanvai 100 val in beelpi 80 val zang in sa huan dupdup uhi. Nupi 50 vel in khualgam a pat hong paite’ adiing ann huansak ua, khosung mipi’n bel Krismas nekkhawmna bang in, innkuan-kuan a kitawi in, nechiat uhi.

Hiai khawmpi a special na mahmah ahihleh, kuamah milian tawisang tuam, chief guest a omkei a, a telteng hivek mai. Hausapu leh Hausapi kia dohkang tung ah atu ua, mipite – alian-aneu, azawng-ahau, asiam-amawl, HMHS kongtual ah a tukhawm dipdep uhi. Ann bangle mi tengteng in field lai a tuchiil phihpheh a ne himai.

“A thupi lua. A nuam lua. Sutzop touh zeel di ahi,” achi uh aka, akhat-akhat in.

PROGRAMME HUNZEEK

Venue: HMHS Ground

Time: 10:30AM

Comperes: Haumuanlun Samte & Cicily Nianghaulun

Recorder: E Ginzamang (Secy, Team Singngat)

Program Co-ordinator: Daniel Langel

Inauguration & Flag Hoihsting: Pu Khupkhanhau Munluo (Chief of Singngat)

Opening Prayer: Rev Mangmuanthang Munluo

Welcome Speech: H Khanlian (Secy, Singngat Village Authority)

Condolence: Rev Kamchinkhup

Brief sketch of Singngat history: Team Delhi

Releasing of Singngat Special magazine: Pu M Haukholian i/c Chief of Singngat

Demonstration & Sale: Xavier Nengkhanlam & Editorial Board

Speech: Pu Khupkhanhau Munluo, Chief of Singngat

Unveiling of Memorial Stone & Speech: Vungzamuan Valte, IRS

Dedication: Rev Mangsuanthang

Sanctification of Singngat: Rev Dr B Luaichinthang

Special Report: VL Ruala Rangpua (Secy, Team Lamka)

Presentation: Tuallianmang Munluo (Chairman, Team Lamka)

Speech:

Vote of thanks: Chinsuanhau (Chairman, Team Singngat)

Supper Blessing: Rev G Paumuanthang

MUSICAL PERFORMANCES

Vungkhanching - Etlawm Mualkuam

Vungthiankim - I pai zel ding uh

Ngaikhanching - Zoukuam Damdiai

Grace Siamte - Zogam Sian in hong tawi sang

Mungboi Neihguk - Piangsak Vontawi

Jenny Zenthiansiang - Ka hinna'ng hon ngai

Chachan - Laam Deeldeel

Lialian & Kikim - Tulpan Kai

LK Manga - A Sakmin Ngaih

P Swant - Singngat Vangkhua

V Biaklal - Kua hiam ding diing

B John Ngaihte - Siamsin Lia leh Taang

Parmawi - Etlawm Mualkuam

Ngaihching - Zolei Lawkta

Homecoming Musical Nite

Comperes: Thangmuankham & Hoihching

Hunkhak: Haukholian Munluo, i/c Chief of Singngat

PICTURES
Direct link:
https://picasaweb.google.com/113449786530236829924/SingngatSpecialMeet2011?authuser=0&feat=directlink

Feed:
https://picasaweb.google.com/data/feed/base/user/113449786530236829924/albumid/5698675462166026961?alt=rss&kind=photo&hl=en_US

VIDEO TRAILER
featuring Vungkhanching - Etlawm Mualkuam

http://www.youtube.com/watch?v=n9hW8QZasF0&feature=youtu.be

The Best Picture Perfect Wedding Poses

2011-06-01T15:20:00.003+05:30

Young, newly-wed couples in Lamka have gone beyond the traditional way of standing in front of the church along with friends and families and relatives. This classic pose has become quite common now. They are exploring new ideas to make their wedding day the most memorable of all days. They are exploring innovative poses that would make great "Facebook" as well as framed pictures. Pictures that would tell the story of their D-day for years to come.

Here's my list of the best captured kodak moments of three Paite "glam" couples ;-)

Jimmy Dalkhanmuan Tonsing and Priscilla Chingbiakhoih (April 29, 2011 Central Lamka South)
(The beginning of a new journey)

Paukhenkhup Guite and Nancy Vungngaih (Oct 20, 2010 Central Lamka)

Liangoumuan Samte and Sylvia Sanmawi (May 17, 2011 Upper Lamka)
(Runaway Groom: Oh! What Have I Done?)

Manipuri girl molested in Munirka

2010-05-27T21:00:00.002+05:30

Racist assault raised its ugly head once again. A girl from Churachandpur in her early 20s was molested and beaten May 27 around 7.30 pm. The incident occurred right in the busy Babu Lal Chowk market (commonly known as "Airport") in Munirka, South Delhi.

The girl was passing through the narrow lane when a man suddenly ran into her and deliberately pushed her in the chest, causing her to fall. When she protested, the man yelled at her and kicked her in the face. She began to bleed profusely. The man then went inside a nearby barber shop, seized a chair, and tried to hurl at her. By that time friends started gathering around and the man fled the scene.

The North East Support Centre was contacted and the matter was reported to the police. However, no arrest has been made as of yet. With the help of students leaders from the Northeast, an FIR was filed at the Vasant Vihar Police Station.

Spring in Zodawn

2010-05-20T00:25:00.001+05:30

I know a place somewhere in the corner of the earth, tucked away in a world few knew existed, where all is green and fresh. A place where peace and tranquility reign. Come with me and escape to a place of elegance and serenity, into the deep quietude of the Zodawn hills. Leaving behind the noise and bustle of metro cities, make your way to the beauty and quiet of the Guite Kual and Zokuam Damdiai...

Zogam.com May 12, 2010

"Heisa Paallun" Ginlian Hangzo toh houlimna

2010-05-05T20:03:00.000+05:30

“Cycle slowly tai ka nuam…” chi in sa mahleh huaini – April 28, 2010 – in “Activa” vom in azi toh Tedim Road ah a hongtai zarzar ua. Huai laitak, kou Apollo Veng luutna bul a dawr kong ah Super Idol Thangginsang toh ka na chiak zuazua laitak uh ahi a. Sang in asap lualua leh a hongkhawl ua. Huchiin, Ginlian Hangzo toh ka hong ki-chibai ta uhi. Gari tung a ana tutdet ziak in azi toh chu ka ki-chibai kha takei uh.

Ginlian in April 23 zaan a a album “Heisa Paallun” a hon khiat toh kisai leh MDC election vai ka houlim zek ua, himahleh a mun a lemlouh ziak in nitaklam a Sauliim Restaurant ngat a sutzop diing vai k’on gel uhi.

Ginlian Hangzo’ debut single, “Cycle Slowly” in Lamka khopi a zelhsuak zohdan lamdang ahi. Lamka khopi sung a cable TV te ah, kha nih vel paita apan hiai laa a kikhah khia a, HIT petmah chih di himai. Tuni tan in laa kiteel mun pen ahilai hi. Gangte laa, Paite pau a hong kisa khia ahi a, Lamka khopi a veng chih ah a kithang zeelzuul mai hi. Naupang te bang in paakta diak uh hilai.

Mipi te’n Ginlian laa siamna a hon theihsuah seemna uh ahihleh December 30, 2009 “A Night to Remember” concert nitaak in ahi. Phamta Thangboi Mangte leh Muana Ngaihte te’ laa te siamtak in a hon awi liahliah a, tua i gen i lasiam nih te om nawnkei mahle uh, amau te suulnung hon zuitou diing, khangthak te lak ah mi ki om ahi, chih lungmuanna leh theihchetna mipi te’ lak ah hontun hi. Zogam.com columnist VL Mangzou in siamsa lua zaw hi’nteh, “Ginlian Hangzo, na kibusawt peih ngei e!” a chi hmiah mai aka.

Huaiziak akei dia, “Heisa Paallun” album honkhiat nitaak a, New Lamka YPA Hall dimleet zuazua zeen a mipi a kipaikhawm. Ginlian in hiai video album CD copy 500 bawl a, huaizan toh a ziing chiang sung in 500 khawngbei ziah ngal hi. 300 print thak nawn ua, huaiteng le bei nawn ngal.

Nungak tampi te a din, vangsiat huaitak in, i chidiam, Ginlian in koppih ana neita.December, 2009 apan a iit Kimcy (Hauliankim d/o Dr VC Pau) toh tuibang ana kigawm ta uhi. Kum nih vaal ana kingai man dan uh ahi. Amah ahihleh, politics lunglut, gam leh nam vei mahmah mi ahi a, tulel in Siamsinpawlpi (SSPP) GHQ ah Finance Secretary hihna leenlel hi.

Chiamsa bang ngei in, nitaklam 2:50 pm in Sauliim Restaurant ah ka hong kimunawn ta uhi. A ngaktu nu’n Ginlian a muh phet a, “Cycle” chia ana sam! Chowmein, fried rice, lassi chih te khawng dawn in, SSPP a heutu leh MDC candidate khenkhat bang le a hongtel ua, akhang a generator ging vengvung kawm ah, ka hong houlim panta uhi.

Na album “Heisa Paallun” kha, bangchi na sa ale? Mipi te’n a deihthou uhia?
Ash, mi’n ana deih thei vanglak unchin, kipah huai petmah himai. Album hon nitak a bang, gintak sang a mipi hong paikhawm tam petmah. Lungtun huailua. Huaizan a album te zuak nailouh di ka chihleh, a mipi lam mahmah apan ngetna hongluut tam lotel inchin, huaizaan apat zuak khe ngal mai.

Bangchik apat hiai album a laa te ana khum pan e?
Audio kha nikum March apat khumpan.

Koi-koi ah na khum a?
Thangzangam, Pauginmuan leh Muanlal kiang ah ka khum. Deihtui ziak a studio tuamtuam zang ka hi.

Hiai teng thum hon tehkaak zual dih le.
Thangzangam chu voice mixing a siam mahmah ka sa. Chiang pen hi’n ka thei. Pauginmuan leh Muanlal ahihleh a tulai ua, khangthak te’ deihdan toh kituah thei di’n a bawl siam mahmah uh ka sa.

A video bawlna di’n bangchibang lel in pan na la a?
Mi a toh kibanglou deuh di, chi in ka bawl a, gim le ka gimpih mahmah. Kei ngaihdan a chu, milei dia deih a, i khot ut leh, quality nei deuh a bawl di, chih ahi. Sum bang le seeng ngam ngai maw. Star casts di bang a Lamka kiim a nam tuamtuam, kim sipsip a zangsuak vek. Zou, Hmar, Vaiphei, Mizo… Huaiziak a, ka sumsenna le sang mahmah.

Avek in sum bangzah khawng na seengpha dia?
Lakh 1 veel khawng eive.

Aw, nashe mahmah eive maw. Laa 1 ah bangzah khawng na hisaap thei dia?
Laa khat ah Ch 4000-5000 kikal khawng ahi di. Model te, director, editor, cameraman leh a gimteng sum toh momento pevek kei ve.

“Heisa paallun” hong piankhiat dan hon gen mah do.
A album min, “Heisa Paallun” laa kha ka phuah ahi. I Zomi numei te adia ka phuah ahi. Zogam etlawmsak ‘sahei’ paak bang a etlawm, i nungak te’n midang-namdang te pasal a neilou a, eimi mahmah a hon neih uh deihsakna dan ahi.

Na lasak te kha, nang original hilou a, mi’ saksa ngen ahisim vek mai a.
Ei kha a minthangsa kihilou inchin, mi’ hon theihbaih di i deihziak a mi’ saksa ngen ka hon sak ahi. Ban ah, eilak a zawl laa thak, a phuak di mahmah ki vanglua. Adiak a, Thangboi Mangte bang, khovel a lasiam laklak a ka ngaihsang pen hi’nchin, amah ka ngaihsang luat ziak mah a alaa te ka hon sakthak ahi. Muana Ngaihte ahihleh ngaih a ngaihnat thoh top. Abang-abang hileh, tutung chu mi’ saksa ngen kisa phot henla, a nawnchiang in, athak ngen kisa leh, ka chihdan ahi.

Benny Khongsai in a laa nana sakziak a na album release dek geigei laitak a hon gaam chih thu ka na zakha a.
Hi, ka album release hundek geigei a ZAA (Zogam Artist Association) President Pu V Siampu in hon phone inchin, “Tung Sunni” laa ka na sakziak a, ngai siamlou a Benny Khongsai in Kuki Artist Progressive Union (KAPU) min a amai ua va ding dia hon sam ahihdan hon hilh phut. Eilah album release na’ng hun tungdek geigei ta, buai a buai. “K’on release phot dia, huai zoh chiang in kihou le eivele,” ka chih leh utlou bilbel uh. Vau thoh lam a hongpau ta uh. Huchia kei le KAPU te mai a va ding. Benny in a laa, phalna lalou a ka sak ziak a Rs 10,000 a hon gaam. Ken le ngaihdam ngetna dan a singpi awm. KAPU in Rs 5,000 a hon kiam. A President pa’n, “Laa copyright tungtang a kigapna masa pen ahihtoh kei thuneihna in Rs 1,000 k’on leh di,” hon chi inchin, Rs 4,000 tungsuk. A Benny mah in le a khonung a, “Hiai sum pen kei kia in ka tan di hilou eikha aw, KAPU teng ka kihawm di uh ahi,” chih khawng hon gen veh aw.

Hiai laa, ken lah, phamta Ginzalal Hangzo’ phuah ka na sa a.
Ke’n le ka thei siam kei. Hiai laa kha Gangte laa hinchin, 1985 ma pek apat ana kithangta. KAPU te’n, “Ginzalal Hangzo apat copyright ka na laakkhiat taak uh ahi,” chi unchin.

Buaihuai na vengvung e maw. A Ginzalal lah dot theihdia ana dam nawnlou. I gam ah hichidan copyright toh kisai dan zuih kichuuptak le a om khol himhim a hia? Gensau le, video editing i bawlna software leh i Windows zat teng uh le pirated ngen hilou amawh?
Himah e maw. Ahimhim a, ngaihdam i nget nung a le kigap lailai chu khasiat huai sim ka sa. Ken le chu ka na hihkhial ahi maithei. Huaichiah, amau, a pawl uh KAPU min a hon bei unchin, eilah mimal a kitang pan. En le artist association neisaam hang a, huai in hon panpih leh chih huai mahmah. Amau communal thil khawng a ladek mawk ua, nuam chiahlou.

Ahihleh, i lasiam te lak ah kuakua na ngaisang ale, chinawn daih le?
Thangboi Mangte, S Chingnu, Lianlunching chih te ahi.

Tulai i music dinmun na muhdan…
Tulai sang in, tuma hun, nidang deuh a Thangboi Mangte leh S Chingnu hunlai a te music leh studio uh hoihzaw a thei ka hi. Nidang a te voice recording quality chiangzaw eivoi. Huaichiah, tulai sang a music paidan uh ngaihnat huai zaw sa ka hi. Tulai a te kha, computerized lozen inchin, deihthusam salou ka hi. Ei’ aw original mang eichu.

I music dinmun dopsangna di’n bangchi panlaak hoih na sa?
ZAA in tusang mah a pan a laak a, music toh kisai a kikhenna (change) hon puakkhiat ka lametna ahi. Lasa te’n, koihiam function leh event khawng a ava sakna ua sum a muhdi zah uh bikhiah dan bang omthei henla, a dignity uh hoihtak a a kepbit theihna di ua dan khawng bawl hithei leh.

Huailou in, vocal training centre kichiantak honkhiat hithei leh ka deih mahmah. A fund le om eichu, DC ah. Mi nautang in iva theisau kholkei a.

Zawl laa sak leh Pathian laa sak tungtang a ngaihdan kikalh om gige abang a. Nang bang a na ngaihdan?
Atangpi in, nidang a zawl laa sa te’n siatna toh ana polhkhawm nasa lua ua, huaiziak a, a zawl laa himhim i muhdan hoihlou ahi. Zawl laa kha khelhna hi zenzen lou inchin. E’n chihtakna toh lungsim siangtak neikawm a i sak naakleh zawl laa sak kichi in khelhna ah honpi luut tuanlou ahi.

Ahihleh nang chu zawl laa mah sa tou zeel di chi aw?
Ka lunglutna mah ahihchia, sa tou zeel di ka hi.

A good mahmah e.
Kipah huai lotel.

P R O F I L E
Mintak: Pauginlian
Tenna: Sahei Road, New Lamka
Pianna: Mata
Pianni: November 10, 1982
Pa/Nu: Jamkhenpau / Chiinkhanngaih
Zi: Hauliankim (Kimcy)
Siamna: Graduate (Morning Star College, Shillong)
Lunglut zawng: Music, politics

D I S C O G R A P H Y
Heisa Paallun
2010
Produced by Ginlian Hangzo
Audio recordings: Gideon, Max Wave, Mwanlal Home
Video: Skylight, Red Cross Road, Lamka

1. Cycle Slowly
2. Heina khatlou
3. Tungsunni
4. Heisa paallun
5. Nanglou ngal
6. Giakmoh vabang
7. Liamsa nunlui
8. Kinepna thawn
9. Sanchim louh ngaih
10. Deih anglai
11. Zankhosawt
12. Pallai nite

Aw nang Siktui, na lalgam hongtung heen

2010-04-05T19:59:00.000+05:30

Khovel a vuahtui tamna pen ana kichi sek, Cherrapunji apan km 291 lel a nai himahleh, hun kipat tung apan Singngat vangkhua in tui haksatna ana thuaktou ngiitngeet hi.

Tuuk lai a adan om deuh. Huchilou, kum khotawn a tui haksatna mun ahi tel hi. Huaiziak tak ahi, khualzinmi te’n hiaikhua a zintun a lit ngoih-ngoih sek uh. Huaiziak tak ahi, hiaikhua loihsan a a-om. Kho nuam leh etlawm takmai himahleh.

Ziingkal dak 3.30 vel di khawng apan tangval te’n baaltiin a kuah khia ua, numei te’n beel tawi in khosung a tuikainaSaptawnnu' Lui mun te leh khogei a luita neu chikchik te a zuan uhi. Khua a hongvaak a, inn nupi te leh skul naupang te a hong kipan ta ua. Huchiin, khosung awng hial in luikhuuk te ah, tui taak telhtelh ngaak in, aneu-alian a tu khepkhup mai uhi. Hiai luita te ahihleh ataangpi in kilometer kimkhat apan kilometer khat-leh-a-kim tan khawng a gamla ngen ahi uh. Sawtkhop a ngak nung ua, a tanzoh haamhaam uh tui te a honpua ua, kho-ul kai puappuap in lamtou ngen ah a hongkal traihtraih uhi. Agim ua, genthei a kisa uh. Himahleh, phunlou-paulou in a thuak ngiitngeet ua. Zaan dak 9-10 tan bang a tawizeel uhi.

Hiai Singngat tui haksatna hi, kum nga hal a MLA elekson a om dek chiang teng in ngaikhawk taktak dan a gen in ana om gige hi. Himahleh, tutan sukven ahi naikei lailai.

Khovel mun tuamtuam ah March 22, 2010 in World Water Day zat in ana om hi. Tukum a thupi, “Clean Water for a Healthy World,” chih ahi. I tenna leitung hi tui in dim mahleh, 97 percent te a al ahi. 2 percent te lah vuuk khal a om ahihchiang ua, mihing te’ neek di’n percent 1 chouh a om chihna ahi. 2025 chiang in, milip 1.8 billion te’n tui haksatna a tuak diing uh, chih UN in a suikhiat dan ahi.

India solkal in rural water supply programme a din kum nga paisa sung in Rs.100 billion veel seng mahleh a gah muhsuah diing thupi lua a om kei hial. Hiai scheme in khota 30 percent lel a huap a, sawtlou nung in pipeline and hand pump te a kisia a, tui niin ngen a dim hi. Huai in natna tampi piangsak zomah.

Central Ground Water Authority in kumteng a leinuai a tui piang khezah sang in i neek khiat uh tamzaw gige chi hi. India in leinuai ah tui 43 million cubic metres (mcm) nei a, huailak ah, 7 mcm kha mipi te dawndia koih ahi a, adang 36 mcm te loulam tuipiakna dia koihkhol ahi, chi. Avek a leinuai tui i poimoh zah ahihleh 64 mcm ahi. Kumteng in tui level kiam hiaihiai, chi zomah uh. 2008 in Manipur in vuah tui 739.50 mm ngah a, 2009 in 475 mm lel ngah hi.

Pan kilasa te
Hun paisa ah Singngat tui bawlna di’n pan bangzah hiam ana kila saam ta. 1980 vel in Pu T Gougin, MLA in Paldai lui ah tui a hon chingsak a, himahleh earthen dam ahih ziak in kum nih sung in a kichim sia a, bawlnawn ahikei. 1990 vel in UN agency panpihna in leinuai ah tui pamsuah ahi. Huai in tui kiningching simtak in kum bangzah hiam ahon pethei hi. Himahleh, 1997 gaalbuai a inn a kihaal in, a van poimoh teng a mangkhawm vekta. 2000 nung in lui hoihtak khaallai a leng kanglou Singngat apat km 5 vel ding apat tui lawng khungsuak in khosung ah bangtan hiam tui kaizou a, ahihziakin vuah zuklouh hun in a zat theih tuankei.

Military Civic Action Programme (2005-2009) nuai ah Singngat khua hi, “model village” dan a bawlkhiat sawm in ana om hi. Huai din Rs. 2,78,50,000 – human resource development, educational enhancement, women empowerment leh infrastructure development a din – piakkhiat in a om. Hiai te lak ah, Singngat khua tui piakna di’n Rs 16 lakhs seh in a om hi. Hiai Rs 16 lakhs hithet zang in Paldai naak apan tui a kizawl a, khosung ah a kikaisak hi. Himahleh, a poimoh hun laitak, vuah zuklouh hun in a zat theih tuankei.

Mipi te’ haksat dan
Tomchik sung adia pan i na laaksa te phattuam taktak omlou ahihziak in, hiai Singngat tui buaina, kum sawttak hisaap adia sukven poimoh ta hi. “Project thupi tak nuai ah Tuivai leh Tuitha khawng apan tuilaak louh a lampi dang a om nawnkei,” chiin khomi Tualhau in geen hi.

“Luipi, Saptawnnu lui, Mawngluikawi, Sihpheng, Leisan lui, Hai lui, Kul lui te tangpi adia kingakna taak nawnlou,” Lalkhanmang in chi. Tu in khosung a hand-pump teng a segai ta zomah. Sangi in, “Kumdang a chu haksa leh le kilei ngeilou pi. Tukum haksa uang lua ahihchia, nei leh neihlouh omlou a lei ngai eivoi,” chi hi.

Gari nei te’n Tuivai leh Tuivel khawng ah va pua ua, khosung ah zuak uhi. 500 litres dan a hisap sintex te Rs 200/250 khawng hi tangpi. Puak toh te tiin khat a Rs 8/10.

“Kar khat a khat vei khawng kisil ngai aka!” Thanlian in chi. “Kisil mun i utleh gamlak a lui va naih vengveng di himai,” chiin Goubiak in gen. “Huaile, i kiiklam chiang a i kho-ul teng a kiniin nawn thouthou.”

Khokiim apan skul kaidia, nu-le-pa omlou a amau kia a hong khosa, naupang te a genthei diak uhi. Tui kholching na diing hoih a neikei ua, ann huan hun toh tui tawi hun toh laisim hun a kituah ziak in buaithei mahmah uhi. Pawl sawm simlel, Hohoih in, “Zingkal toh nitaklam a Kullui ah tui va kitawi gige inchin, lai le ki sim man ngeilou,” chiin geen hi.

Luita a tui tawi i chih, a luang ziahziah dip ahi laizang kei a, a taak telhtelh ngaak ahi hi. Nu Thangngaih bang in Sihpheng lui ah, tui a ngak kawm a, zanah zial inchin, seer lang – seer khat chih khawng azial khit chiang a le tui tang nailou lai, chidan eihchu. Chunga in, “Lui a tuikang ngak, thallup zenzen zeen a i hon ngaihtuah taktak leh tangval tung apat ngaihzawng te tan (kum 20 bang paita) a te i tuntan a le beelkhat le ana dimzou nailou lai eivoi,” chi zeih.

Inn nupi, ta thum nei, Kikim in, “Tui tawina a nitha kiseng hiilheel. Vial nih i tun leh i ni khat nnasep di teng ki taan,” chiin phun namnam. Minthang in lah, “Tanky lian deuhmai om henla, huai ah khol veemvuum maile zaw,” chi vungvung mai.

DoNER Project
2009 kumbul apan SSPPNet ah, hiai Singngat tuihak thu nasatak a kikupkhawmna ana kipan hi. State Govt. in Detailed Project Report (DPR) a bawlkhit peuhpeuh chiang a sanction theih din DoNER in NLCPR Scheme nuai ah “Augmentation of Water Supply” chih project Singngat (Rs.2.79 cr) leh Thanlon (Rs.2.24 cr) 2008-09 adia koih khin ahihdan Kamkhenthang Guite, IES, Director, M/o DoNER in SSPPNet ah nikum in ana taaklang ta hi.Lui a tui dim keuhkeuh

Aman hiai project a hong pichin khiat daan hichiin geen: “DoNER in 2008-09 in hiai project finance didan in ana retain a, state govt kiang ah hiai project DPR submit diing in ngen hi. State govt in a submit khit in, line department (drinking water) te kiang ah DoNER in a comment uh ngiat nawn. Huchiin, department te’n a project hoih ahi chih dawnna honpia uh.”

Kamkhenthang in, “State govt in concept note hon gelh inchin, huai a indicative cost dungzui a DoNER in hiai project 2009-10 a di’n a la ta,” chi hi.

Ministry of DoNER website apan kimu dan in, 2009-2010 sung adia Manipur a “Augmentation of Water Supply” project guan-galh a omna munteng hiaibang ahi: Saikot (Rs 2.97 cr), Komlathabi, Chandel (3.79), Thanlon (2.13) Liyai Khullen, Senapati (3.43), Motbung, Senapati (2.56), Singngat (2.05), Shangshak, Ukhrul (6.91),Langthabal Phuramkhong, Imphal West (7.64), Sangaikot (1.25), Changpikot (1.05).

Thanlon project pen July 16, 2009 in ki sanction a, approved cost Rs 213.26 lakhs (2.13 cr) lak ah Rs 67.18 lkhs kipekhe ta, kichi. Singngat a pen July 20, 2009 in ki sanction a, Rs Rs 204.64 lkhs (2.05 cr) lak ah Rs 64.45 lkhs kipekhe ta.

Kamkhenthang in, “Thanlon a diing first installment Rs Rs 67.18 lkhs, July 21, 2009 a khahkhiat hita a, Singngat a diing Rs. Rs 64.45 lkhs, July 22, 2009 a piakkhiat ahita,” chi hi.

DoNER in nikum masa a rough cost a hisaap toh Manipur govt in project report a piak nung a sanction cost dia bikhiah a om zah kibang nawnlou hi. Ama a Singngat a dia Rs 2.79 cr kichi pen tu in Rs 2.05 cr in ke niam vok a, Thanlon a diing Rs 2.24 cr pen Rs 2.13 cr in pungtou thethup hi. Ah, hiai pen zaw thutuam in koihta le.

Ministry of DoNER a seem mah, H Chinzason, SO in, “Hiai Manipur a tui project te kha kum masa vel apat ana kipan ta ahi a, Chandel, Senapati, Churachandpur te a di alom a hong paikhawm ahi,” chi hi. “Kum khat leh akim khawng luut ahi a, kin mahmah chih di ahi.”

Kamkhenthang in, “Hiai augmentation project ahihleh scheme ana omsa behlapna dan maimai ahi a, huaiziak in asum tamthei taktak lou,” chiin gen.

SSPPNet kikupkhawmna
Tulai in SSPPNet ah hiai thu kikupkhawmna paitou zeel. Ministry of Water Resources a Under Secretary, K Ginkhanthang in, “Singngat kumteng a tuihak kha, solkal in athei a, a palai te un le atheih luat tai dimdem sa uh ahi. Poimoh sa taktak uh hileh tui lakna scheme hoihdeuh a kibawlna sawtta ding in umlel ing,” chi heuh lel. “Tuivai hiam, Tuitha naak hiam ah water supply scheme khat guan-galh theih bang hileh zaw nekpiang deuh kha na ve. Khopi chei a chei a, tuilakna scheme lian kuamtak bang pankhe ta ngal le zaw, i Zogam khopi poimoh mahmah khat ahihna toh,” chi in geen. “Committee khat hong kibawl henla, MLA te leh makai te khawng toh kikum in, project liandeuh bawl didan ngaihtuah le a hoih di,” chi hi.

Mizoram a CE (Power & Elect.), Khamkhokam Guite in nidang a Pu T Gougin lawi’ hihdan a, Paldai lui a scientific tak a earthen dam bawl a, tui chinsak, ahihkei leh, vuahtui kholching bang hoih mahmah diing in geen hi. Aman, “Rainwater harvesting bang bawl di chile earthen dam bawl ngai ding ahi a. A bawldan di ahihleh, roller a feet 2 dan khawng a (layer) a roll ding, a dam tung a tui a letlouh ding, tui tam lam chiang a tuileet na’ng spillway bawl ding ahi a. A dam body vuah leh tui in a suksiatlouh na’ng a suang a tuam di (rip-rap) ahi,” chi hi.

Valte Vungzamuan, IRS in long-term policy ngai petmah ahihdan gen. Huchih sung in, azia a omtheihna diing lampi hiaibang in kawkmuh:
1) Rain harvesting chih dandeuh tuuklai in vuah tui te kholkhawmna munpi concrete water tank Singngat football ground chiah lai a lian feet 40/50 khong a thuk kibawl henla, khaal lai in huai tuite ration in hawmzel le.
2) Kho khanglam a lui mun ah water tank lian tawktak mah kibawl henla, tui khol kihkeih le, huai kha khaal chiang in ration zel le.

“A khomun diklou deuh hiveh aw,” chih ngaihdan tam. Tui a nop taktak na di’n zaw, akhang a munzaang na mun a kituansuk mai a hoih diing - huai di’n mipi lak ah campaign nasatak bawl a poimoh, chih SSPPNet a kumtu tamtak te’ ngandan ahi.

“Tua DoNER apan sum te hoihtak a zat ahihna di’n ZC, ZEPADA, ZHRF/ZSF te’n hon kansui uh henla, contractor muanhuai mahmah khut ah om peuhmah phot leh lungmuan huai ding. Lamka khosung lampi bawllai dandeuh in, hoihtak a enkaitu omthei le maw,” Vungzamuan in chi hi. “Singngat leh Thanlon water supply a pichin theih na di’n heutute hong khauhpai sim maile uh hongpiang saam na lou ding hia?”

Zohna
National Geographic in magazine asuah “Water: Our Thirsty World,” April 2010 issue ah, khovel a tui haksatna mun te kitaaklang hi. Ei Malsuah bial khawng, vuahtui tamna gam ahihziak in tui kichin-mahmah-na mun in chiamteh uhi. Ei la chu, teuhlou mai. Bangziak ahi dia? Kuapeuh in sing-le-lou i soisak zialzial dan te i etthak a, tui kha a poimohna athak a i theih a, akep leh azat siamdan i kisin thak uh poimoh eive maw. I khopi a te, mimal changkaang a, i hauh hulhul lai in, koi kawm hiam ah, kua te hiam in tui zatkhop di le nei zou ngeilou chihmawk, kituaklou deuh hiau hilou? Tua hiai DoNER Singngat water supply augmentation project bang, a sum Rs 2.05 cr teng diktak a zat hong hita himhim lele, a thak bawl di hilou a, a omsa keekletna di dan maimai ahihziak in, Singngat tuihak-kumkhua-na bangchi’n a dawnzaang thei tuan mahmah dia?

Pathian’ Lalgam a hongtun ma a hiai ‘tui buaina’ a hong ven man ngeei ka lamen.

Himahleh, nou Singngat leh Thanlon vangkhua te aw,
Manipur gam a sang tampi lak a tel din neutawk le uchin leng
Nikhat ni chiang in nou ah
Siktui Lalgam a hongtung diing a
Akang ngeilou diing tui a hong luang ziahziah ta diing.
Huaihun chiang in, na sung a teeng mi te’n nuamsa in
Niteng in a kisil ta diing ua,
Niteng in puan a sawp thei ta diing uh.

Singngat Water Woes

2010-04-01T16:42:00.004+05:30

Singngat, my hometown, in Churachandpur district of Manipur, is 291 kms away from Cherrapunji, the once world’s wettest place. But it is a place of perennial water scarcity. The problem conitnues, year after year. People have to go fetch water to streams that are over one and one-and-a-half kilometres away. All the hand pumps are not working and no repairs have been carried out till date by the concerned authorities. This, at a time when the world observes World Water Day and when the buzzword everywhere seems to be 'environmentalism.' What’s the point of a million-dollar IPL and Commonwealth Games and multiplexes and flyovers and metro when people somewhere in the far corner of the country barely manage to take bath even once in a week!

Based on the information obtained from the Ministry of DoNER's website, Rs. 213.26 lakhs (2.13 cr) and Rs. 204.64 lakhs (2.05 cr) were sanctioned under NLCPR schemes for Augmentation of Water Supply at Thanlon on June 6, 2009 and Singngat on July 20, 2009. Out of these, Rs 67.18 lakhs and Rs 64.45 lakhs have been released for Thanlon and Singngat, respectively.

But no work has been started.

The Zogam MediaWatch has filed an RTI application to the Ministry of DoNER regarding these projects. Response from the Ministry is being awaited.

Here's a news report from The Sangai Express:

CCpur trio invoke RTI at Delhi

Imphal, March 30 2010: A group of people from Churachadpur district along with students pursuing studies at New delhi have approached Central Public Information Officer (CPIO) of Ministry of Development of Northeast Region (DoNER) seeking information with regard to implementation, if any, of Central sponsored schemes in Churachandpur district.

An informed source said the petitioners on March 27 filed their application to the CPIO seeking information on the status of utilization of Rs.213.26 lakhs and another amount of Rs.204.64 lakhs sanctioned for augmentation of water supply scheme at Thanlon and Singhat sub-divisions respectively, under the Non-Lapsable Central Pool of Resources (NLCPR) of the DoNER ministry.

Referring to contents in the website of the Doner ministry wherein it had been mentioned that Rs.67.14 lakhs and Rs.64.45 lakhs were released but the utilization record display nought, the petitioners including L Samte, J Tonsing and S Thomte raised posers as to whether or not the project has begun.

Invoking clause of the Right to Information Act the trio sought copies of the detailed project report of the schemes in addition to demanding information with regard to the proposed sources for the supply of water for the scheme.

"Is there any time-frame for completion of the implementation of the said projects?" also questioned the applicants.

Qquoting local villagers that the said schemes are yet to be constructed, they also highlighted that Singhat, a sub-divisional headquarters about 30 kms away from Churachandpur district headquarters, faces perennial water scarcity problem.

Further mentioning that piecemeal efforts were made in the past to mitigate water scarcity problem but to no avail, they also cited a previous scheme undertaken in the mid-90s also failing to yield the desired result as the engine (water pump) installed to supply water and store in a reservoir developed technical snag.

Detailing that hand pumps installed in the village are also defunct and no repairing works have been carried out till date by the concerned authorities, the petitioners suggested that to solve the water scarcity problem, long term measures like pumping up of water from large rivers like Tuivai or Tuitha be experimented.

School going children who are in the midst of their exams are busy searching for water when they should have been studying and the problem is so severe that taking bath even once in a week is considered a luxury, mentioned their application.

ToI Report: Death of an Angel at Angels' Place

2010-03-03T01:09:00.000+05:30

Death of an Angel at Angels' Place

K Sarojkumar Sharma | TNN

Imphal: The death of a 15-year-old boy in Manipur’s Churachandpur district after being allegedly beaten and sodomised by the warden of a destitute home has sent shockwaves across the state.

The incident comes at a time when the Okram Ibobi Singh government is busy rescuing hundreds of Manipuri children trafficked to Tamil Nadu and allegedly subjected to all kinds of harassment.

“Lianlemsiam alias Siasiam, was tortured by Cinkhanmuang, on November 28 last year. The boy’s fault was he had mimicked the warden of Angels Place, the orphanage,” claimed Lunte Samte, a key functionary of Justice For Siasiam (Delhi chapter), an NGO set up recently.

Siasiam’s brother S Phungliangsang accused the warden of kicking the boy several times and shoving an iron rod into his anus. A resident of Singngat village, the boy had to be rushed to the district hospital as his anus bled profusely. Hospital records said the provisional diagnosis of Siasiam’s injury was traced to anaemia following alleged assault. “The hospital, however, discharged him against medical advice,” Samte said.

As his condition deteriorated,he was taken to the Regional Institute of Medical Sciences (RIMS) in Imphal on December 29. “He died in the hospital two days later,” Samte said. The medical certificate issued by the hospital cited the reason of the boy’s death as immediate cause of death - pulmonary oedema and the antecedent cause – anaemia. But no post-mortem was conducted, he added. “What’s more shocking is to learn that the Angels’ Place management prepared an affidavit stating that it had no role to play, whatsoever, in the death of Lianlemsiam and no compensation can be claimed by his family,” the social activist said. If any problem arises in future, the victim’s (illiterate) mother, Chingkhovung, will be held responsible, the affidavit stated.

Chingkhovun was also made to give her thumb impression on the document. She was also compelled to believe that her son died of blood cancer and not because of severe torture and physical assault by the warden, Samte said. Following a complaint filed by his mother and huge public outcry, police arrested Chinkhanmuang on February 19.

On February 22,Siasiams body was dug out from the local cemetery and RIMS forensic experts conducted an on-the-spot autopsy. When contacted a Singngat police officer in Churachandpur said an FIR has been registered and the warden arrested. A local court has sent him to police custody. Investigation is on and necessary action may be taken against orphanage authorities as and when required, he added.

Incidentally, the Manipur Social Welfare Department treats Angels’ Place as an ‘unlicensed home’ because it’s yet to get registered under the Juvenile Justice Act. The department is also planning stern action against the house for operating without registration. It has received a report on the orphanage prepared by the Churachandpur District Child Welfare Committee. This follows a complaint lodged by the Zomi Mothers Association seeking punishment for the ‘guilty’ staff of the orphanage. “Since an investigation is on and warden has been arrested, it will be premature to make public the report submitted by the Churachandpur Child Welfare Committee,” a Social Welfare Department official said.

Efforts to contact authorities of Angels’ Place, which currently houses about 100 orphans, drew a blank.

Times of India Guwahati | March 3, 2010

15-yr-old sodomized by warden, dies

K Sarojkumar Sharma | TNN

Imphal: The death of a 15-year-old boy in Manipur’s Churachandpur district after being ‘allegedly’ beaten and sodomised by the warden of a destitute home has sent shockwaves through the state.

The incident comes at a time when the Okram Ibobi Singh government is busy rescuing hundreds of Manipuri children trafficked to Tamil Nadu. “Lianlemsiam alias Siasiam was tortured by Cinkhanmuang on November 28 last year. The boy’s fault was he had mimicked the warden of Angels’ Place, the orphanage,” claimed Lunte Samte, a key functionary of Justice For Siasiam (Delhi chapter), an NGO set up recently.

Siasiam’s brother S Phungliangsang accused the warden of kicking the boy several times and shoving an iron rod into his anus. The boy, a resident of Singngat village, had to be rushed to the district hospital as his anus bled profusely. Hospital records said the provisional diagnosis of Siasiam’s injury was traced to “anaemia following alleged assault”. “The hospital, however, discharged him against medical advice,” Samte said.

As his condition deteriorated, he was taken to the Regional Institute of Medical Sciences (RIMS) here on December 29. “He died in the hospital two days later,” Samte said.

On February 22, Siasiam’s body was dug out from the local cemetery and RIMS forensic experts conducted an onthe-spot autopsy. Police said an FIR has been registered and the warden arrested.

Times of India Bangalore | March 3, 2010

Help Siasiam's Family

2010-03-01T01:19:00.003+05:30

Join us in our efforts to support the bereaved families of Siasiam. Help them recover. Help them sustain their livelihood while fighting for justice. Donations can be made at the following account details of the brother:

S. Phungliansang A/C No.31072336458
State Bank of India, Churachandpur (6182), Manipur, India (57 D)
Swift code: SBININBB303
Phungliansang’s ph. no.: +919436317787

More details surrounding the death of Siasiam can be found at Justice4Siasiam's blog. This is a blog dedicated to the fight for justice to Siasiam. To right a wrong. To be a voice of the voicless.

The Curious Case of the Death of Siasiam

2010-01-24T02:46:00.012+05:30

My New Year Resolution: To stop reading Manipur Express and The Lamka Post.

A young boy of barely 15, Siasiam, suffered internal bleeding, apart from others, after being given corporal punishment by the warden at Angel’s Place on November 25, 2009. He was admitted to the Lamka District Hospital after three days. After three damn days. The hospital admission’s records on November 28, 2009 (9:05, pm precisely) note the patient as having “multiple bruise injury over the back, back of both LL (I don’t know what LL means)… injury/blow … swollen hands.” Provisional diagnosis is listed as “anemia following assault.” Haemoglobin was only 4.8 and 5 units of blood transfusion was recommended ASAP.

Soon, rumors began to spread and eventually reached the media. Reporters visited the boy at the hospital, took some pictures and wrote detailed reports about the incident. And yet somehow these reports never found their way into the newspapers. The manager of Angel’s Place, Ruata created a scene at the hospital as well as at the newsrooms of various local papers and cable operators, telling them not to write or broadcast anything related to the incident. He even threatened them. Which is why the incident was never reported in the local papers, except for The Sangai Express. A 15-year-old inmate of Angel's Place, a children home was admitted in the District Hospital due to internal injuries sustained in the course of punishment by his warden, says the report. Read here further.

Apparently, Lamka media remained virtually silent on this. And even family members were in the dark.

Somehow Siasiam’s aunt got the news that their boy was admitted to the hospital following a severe thrashing and torture, and after staying there for a couple of nights, he was brought back to the home even as doctors at the hospital referred him to be treated at Imphal. She went to the home and confronted Ruata. As she was led into the room, she was shocked to see a pale delicate-looking Siasiam who was always playful and energetic, lying with urinary catheter dangling down beside the bed. She asked, “What had our boy done? What did he do to bear this?” Ruata said, “Let us not talk about what had been done. Instead, let us talk about how we should go about dealing with difficult children.”

When Siasiam’s mother visited him, she asked, “Bawi, what happened? What did they do to you?” Siasiam could not respond. He was intimidated by the presence of staffs around. He simply said, “He nu, I will tell you when I recover.”

Thereafter, family members and relatives were not allowed to visit Siasiam anymore. Wardens at the home told them that he was okay and that they did not need to worry about him. On one occasion, they said, “You can’t meet him right now, he’s busy playing football with his friends.” Poor family members believed them and went back home, thinking that their boy was fine. They didn’t hear anything back from the home.

Until December 29, 2009 when he was admitted to the Regional Institute of Medical Science (RIMS) in Imphal. Records from the hospital state the provisional diagnosis as severe anemia. Unlike the previous hospital stay, Siasiam could be with her mother this time and I guess this would mean so much to him. Venesection was done the next day as doctors failed to insert IV cannula. But his condition progressively worsened.

At 3:35 am December 31, 2009 he passed away in the loving arms of his mother. To be with the angels in heaven. The real Angels’ place. Where there are no tears, no pain, no torture, no death. Only joy and peace and love.

The body was buried in Singngat the same day without an autopsy being performed. The home made a non-examining physician write a death certificate stating that the cause of death was blood cancer and that this had nothing to with corporal punishment. Note that according to the RIMS’ Medical Certificate of Cause of Death, the immediate cause of death was pulmonary oedema and antecedent cause as anemia. No where in the record is there any indication of blood cancer.

The home gave Rs. 3000 as compensation to the mother.

Emotions betray the poor mother. She still cries today, not tears of grief, but because the death of her son makes her feel so bad and guilty that she had done nothing to save her loving son and that she was not able to be with him when he needed her most. Her son didn't get to tell her what really happened on the 25th November, 2009 at Angel's Place. Yet.

As for me, I've stopped reading Manipur Express and The Lamka Post since New Year. They don't tell stories that matter. I don't believe them anymore.

Related article: An Angel's Death by Lealyan Thawmte

Some Facebook wall posts...

2010-01-17T17:30:00.007+05:30

Here's some of my Facebook wall posts worth sharing...

J A N U A R Y 1

Why did he have to die? Was it God's plan? His time had come? 15-year-old Lianlemsiam, an orphan at Angel's Place in Lamka, passed away Dec 31, 2009. Family members are still in the dark as to what the actual cause of death was. Rumours have been circulating... Lamka media remains virtually silent. Obviously, something is seriously wrong here.

RIP Lemsiam. Lord, please be with his family.

Reports from The Sangai Express

December 2, 2009: A 15-year-old inmate of Angel's Place, a children home was admitted in the District Hospital due to internal injuries sustained in the course of punishment by his warden. The boy identified by his attendants as Lianlalsiam s/o Chinkhovung of Singngat village was admitted at around 8.30 pm on Saturday at the Medicine ward of the hospital but following discovery of his nature of injury, doctors referred him to the Surgical ward of the same hospital, source said.

Read the rest of the report here

Replies to this post from friends:

Lal Hauxel: RIP Lianlemsiam! My deepest condolences. Have a stint there as a warden for a month some years back...the administration really needs revamping. Kietkolna lam diklou deuh om adiam, naupang te hon beisan zeuh2 ve uh aw a vangkim in..??!!

Lam Hanghal: RIP Lianlemsiam. Its a high time dat we understand the true value of human life. Life is so precious to be wasted like dis. Where are the medias? Why the medias are silent? I don't understand. Can no one see dat there is something going wrong here? We can atleast do some justice for the departed soul. You ana I have to do sumthing about dis. Let make our voices count.

Joy Thanglian: eh, hiailama le scandal ana omnawn hia?? Delhi lamte mah in na theithei ua, Lamka a i omleh ki theikha vetlou aive :-) nevertheless, RIP Siam!!

J A N U A R Y 6

Aw, Van Angel te'n huai Nov 25 ni a Angels' Place nuse kha uh ahi diam... Chiangpum a kizepna leh khe a kitot zialzialna ging ngaih takmai kawm ah, "Ana lua, ana lua!" chia lelliang, naupang Siasiam a kahna aw gingte'n Angelte' Mun thawn zoulou ahi diam...

Replies to this post from friends:

P Jehovah Samte: Van Angel te'n bel nuselou peuhmah diing uh, Angel's Place taktak ahihleh!

Kuaude Naulak: Hiai thu kenle kana zakha vuat a, thuchian omlou hia? A case bangtan tungta? Ki deihsak ihih leh ganhing bangmai a kibawl a ki sat zotzot lou in, deihthoh tak in itna toh ki thuhilh leng himai lou hiam....?? Corporal punishment ziak a naupang khat in a hinna a taan mai zaw,,,, a sungkuan te a di'n puaksiam a haksa mah di!!! Gam le nam it a i neih... See More ... See Moreorganisation simsenglouh te koi a omta? ZHRF, ZMA, ZSF etc. etc te husa zaak ding omlouh tel lamdang kasa!! They should geared up to fight the case to prevent recurrence of such sad incident in days to come! Why the media maintain a silent spectator by abstaining from investigating the matter?? Why so? The main accused should be punished proportionate to the crime he had committed! Let us stop playing with the live of others as human life is too precious to lose... Let's bring back some peace to his resting Soul....we are with you, Siam.
Ben Guite: Chizau huai na mai e maw. Postmortem report khong evidence di omlou tel hi di mo. Organisation te kialou le Doctor in le Casefile thei a hih lam theilou a hi d mo.

Muan Guite: Lets pray for it...

Kuaude Naulak: Lametna om nawnlou Imphal hospital a puak ahihlai in, doctor te'n 'Blood Cancer' a ngoh mawk uh lamdang mahmah. Internal bleeding kha blood cancer symptom mah hia? Ka gingta kei!! Kuate hiam in doctor nu/pa guai a a case a complicate sak utlouh ziak ua Blood Cancer ngoh sak gawp uh hidi'n ka muangmoh tinten. Cancer natna nei a, damlou kholle hilou... See More ... See Moresiphut chihchu zuauman lotel kasa. Bangziak a a laitat di kuana a sungkuan te beek a hilhlouh tel uh!! A luang pe'n pholhthak a forensic expert te suisak tuak kasa mahmah. A sihna ziak diktak theih uthuai lua. Kazak dan in, a sihma deuh in ' a hon pek zialzial UH/ a hon sat zialzial UH' a chi. Angel's Place, an orphanage home run by a christian organisation turn to be a Horrible Place now. I gam ah zaw sum le pai i neih keileh thudik gupngam leng hi nawnlou, sum le pai hau leng i hihteng DIK hivek mai di dan eive! Where is the love?? chihzaw ana dik khatel eee.. Let's stand together to make this world a better place to live. We can't compromise money and power with our precious life.I urged the concern authorities and organisation to take legal actions and book the culprits at the earliest possible time.. say NO to 'Indongta kihou lemna'.. HUMAN LIFE IS PRECIOUS, JUSTICE SHOULD BE DELIVER AT ANY COST!!
Tk Qual: Neizou deuh hileng zaw, hiai bang hong tunglou mah...... "Nu neilou te nu' hi a, Pa neilou te' Pa hi. A iit ding neiloute a IIt pa Van Pahian aw "Pa aw amaute ngaidam in" chithei lai tel ding ka duam?? Toupa nathu bang zel hong hita hen!! "Pa aw enin Simlei na tatsa nungchiang heiin hambang vai ungh"....
P Jehovah Samte: Ahihleh bng? Talpaak te'n bawn BT Rd a mi 1 commando ten athah ziak lel ua, skul kha 4 sung a khak zoh uleh, en hihtheih neilou i dyam?
Blue Moon: Heiha...mi tung a te tata a voi maw corrupt..Lunte, Blood Cancer ahih leh,how did they know?? What about treatment?? Painful death hi ve ve di ahi..Huai Doctor pa diagnosis kha suizui din a hoih ka sa..Blood Biopsy khong in hun sawtpi la ahi..@Kuaude, internal bleeding pouh2 cancer ziak ahi kei..Physical abuse ziak a le bleeding thei ahi...Funds ... See Moretampi pi khong Foreign a pat hiven maw...iitna leh hepihna na neilou,zuau gamtat,sumduhna leh mahni pocket puak vah na mai2 dia Orphanage khong hon...a paap zaw sang mah ve maw..??? Ka hehlua!!
Tk Qual: Student Organization, Philantrophic Organization te' tuhun a i daih dide hi thei in i koih ua adiam?? aih keh kuate hiam in i kam uh hon humsak tei ua pau ngam omlou houh i duam??? i khotang a hibang thiltung mulkim huai salou i duam?? Kou mizawngte kah leh mauna leng hong ngaihkhiak sak sam ve ua oi...................

Blue Moon: US te funding hia, Angel Place te kha??? Sum in vai a naak hawmzoh ngei maw?? Christian kichi ngal a..Pathian lauhna koi ah? Diktat na koih a om hi ta hiam?? @TK...kua mah a khut uh a diah nop kei uh leh..nam sepaih te khong tu hun a a kilat diu ei voi...Gam neih louh buai pih2 sang in ah..chi leh nam te humbit zo ta le ei ve le...!!

J A N U A R Y 8

My niece

J A N U A R Y 11

Thousands of people marched towards River Tuivel in protest against the Manipur govt's inaction in constructing and maintaining the Guite Road. It's one of the most remarkable mass movements in the history of Manipur, says the media. But, do they know it's the Zomi contractors/MLAs/ministers and not the Manipur govt that betray the people?

Lelliang Zomi te mahmah!

Reports from The Sangai Express:

Imphal, January 11 2010: Thousands of people today turned up along the 145 kms stretch of Guite Road in response to the Guite Road Black Day Organizing Committee's mass protest social work, underlining the over-whelming public support for their cause and the need for an all weather road connecting Mizoram to this southern district.

Read the complete report here.

J A N U A R Y 13

The narrow lane in Munirka this morning was a bit muddy and slippery and i slipped, landing flat on my ass...OUCH! Na rura. Zumhuai rura. Luckily, it was early morning and there were only few people around :-)

J A N U A R Y 13

Here's Song Valte (from Rig Vedaz) performing Thangboi Mangte's "Na pallou diing in" @ A NIGHT TO REMEMBER - A Tribute to our legend singers: Thangboi Mangte and Muana Ngaihte (Angel's Vision Presentation)

J A N U A R Y 14

Paying homage to the 2 brave ZRA soldiers who gave their life Jan 12 for the love of Zogam. They were fighting some Talpak militants who had been terrorizing the Zomis in and around the Indo-Myanmar border. RIP, dear fallen heroes. We will not forget you.

J A N U A R Y 16

People need to know the truth about the Jan 13, 2010 Phaisat clash. ZRAs were not the only ones suffering casualties, as opposed to the Press Release by PLA published in various Manipur newspapers. Reports surface that 3 PLA cadres were killed and many gravely injured in a fierce fight between the two that lasted for over one hour.

3 PLA cadres killed, many injured at the Jan 13 Phaisat clash: Zogam.com

December Buhchiar

2009-12-21T20:26:00.000+05:30

December kaal li-na khawng a hong hita. Ziingkal baihtak ahi.

Taxi heekpa’n a horn meekmeek mahleh lampi ot in a om tuankei uh. Flyover abawl ziak un traffic a jam nasa lua. Innlam pai dia kisa, huai Delhi University siamsin nu’n a Kingfisher flight a laplouh khaak diing alau mahmah.

Mumbai khohun nuamtak nuai ah huai officer-nou pa, Marine Drive ah lungmuang tak a ‘walking a pai’ heuhheuh lai in, zaan a office a asaappa toh a kihouna uh a phawkkhe guih a. Suty a ngetsa, a phallouh khaak diing alau mahmah.

IBM Bangalore a seem pa'n night duty zouphet, a pisa nuai ua ATM a sum a valaak khiat dek leh a sum hongpawt ta reengreeng lou. A sum lah kiam. Balance omlai teng in lah daih nawnlou. A sanggam pa’ pocket money di leh van man di, a huntak a, a khaak theihlouh khaak diing alau mahmah.

Happy Valley taang lam apan hong kipan, ziing nisuak in a tohlet uh a hon khohkha panta. Nupi nu'n singpi bawldia kisa, gas a hon tohkuang leh, a hong engsim zuapzuap a. Ann-le-meh min tan a daihlouh khaak diing alau mahmah.

Khawlhun nuam zang dia innlam pai, nungak-tangval hon khat, Dimapur peel ah bus in a hongtai ngiahngiah ua. Tunkaal ngaaklah gawpta ahihman un, Manipur a bandh a na om nawn khaak diing alau mahmah uh.

Lamka venglai a mihausa mahmah pa, a innchhawng hulliap apan, ziing singpi leh sang limtak dawnkawm in a hong daakkhia a. A neih-le-lam, a huangsuang, a kongtual liantak mai, a gari te, leh a inn thupi tak te umkiim veel a ding vialvual diing dai saangtak alam, tukum sung a azoh manlouh khaak diing alau mahmah.

Huchilai in, Zodawn khota khat ah, lamnawl a bi-inn neuchik sung apan meikhu a hongpawt tou ngiaingiai a. Innsung ah, nupi khat leh a ta, naupang nih te'n mei a awi dirdir uhi. Naupang neuzaw pen in a nu kiang ah, "Nu, ka gilkial," a chi a. A nu'n bangmah a gen kei. A innsung uh a hon enkual a. Daappeek a kibawl, innbaang leh tuang apan huihvot hongluut te'n, kithopna'ng puanlum gina nei hetlou, amah leh a tate a muut huauhuau a. Akawng a aveh, a sumbawm a honmai a; Ch 50 leng a om zou nawnkei. A anntang koihna bawm uh a honhong a; a tozelh phial ana omta. A chini bawm uh a melhphei lai in, a tapa pa'n, "Nu, ka gilkial," a chi nawn a. Chini a ngolhna uh akha a sim bang phata ahihlam a hon thei khia a. Chi ahihleh omzek lai.

"Bawi, ann i huan mengmeng dia, i nepah di uh aw."

"Nu, ka gil a kial voi!"

A nu’n annbeel a hon suang a, a hongsou bibirh ta. Nou nih a honla a, buhtui naang dilhdelh a sung a, chi a sohkhit in siikkeu in a hontok hi. Huchiin, a tate apia a. A tate’n limsa tak in a dawn kitkit ua, a kipaak mahmah uhi.

Himahleh, aman bel, a ann neek diing un tukum Krismas tan a daihlouh khaak diing a lau mahmah.
* * *

Krismas leh Kiteen hun hongtung nawnta.

Delhi tangval khat in a nungak nu, Krismas zang dia innlam paidek airport ah vakha. A nungak nu’n a luutsan dekkuan a kha, khitui a mangpha kikhaak khawng paa salou inchin a nap niit thruai mai, chidan eive.

Nikum lam a Singngat ah Tuailai Day a di lapawl zil uh hiveh aw. Unau nih ki-group kha unchin, a naunu’n laa va zil, a u pa’n va zillou. Chihleh, group leader pa’n a naunu kiang ah, “Na u abang chi maww?” chia a dotleh, alu susuk ngauh kawm a, “Adau!” chi a dawng.

Huai bangdeuh in, i Krismas zatdaan uh leng ‘dau’ gawpta eideh aw, chih theih in a om hi.

Nikum a Delhi apan innlum a Krismas zang dia pai, Khuakhual in, “Biakinn lam ah ka lamet sang in hou ka sa,” chi hi. “Nidang dan a phuur tak leh nuam tak a lengkhop chih om nawnlou. A minpu mah bang.” Siampu in, “Pianna khua, nu-leh-pa tenna leh khanletna a Krismas zat ahihziak in nuam ka sa veve. Ahihziak in, nidang toh tehvual ahikei. Kumdang ngai a lungleng tak a Krismas zang kihi lel a de aw,” chi in gen hi.

“Krismas le mi’n hou ngaih gawpta,” chiin Sanmawi in gen. “Mi hong huchih chiang ua ei le kiphur zou taktak lou aka hia.” Biakhoih in, “Krismas le thring gawpta chihchu lawmte kampau a kiza tampen. Neulai a kumbul apat Krismas ngak pen om nawnlou. Theihlouh kal a tung mawk,” chi a, “annek khawmna bang a omlouh leh Pathianni maimai mah bang,” chi in behlap hi.

Puite in le nikum, a veng ua Krismas kilopdan nuam salou petmah. “Biakinn mun nih ana kisuahta inchin, mitheih le tawmgawp. Lengkhawmna ah Krismas phawkpha le omlou mahbang. Neulai kan a Krismas nuam omkei,” chi maidan eive.

Jehou Samte in, “Nikum Krismas keimah tawk in nuam ka sa mahmah,” chi hi. “Hilele, nitak lengkhop anuam keilua. Tawp pahpah. Tuailai lamte phurdan toh upate phurdan kibanglou.” Khokhawl in le, “Nidang toh kibang lou vek himai,” chi. “Gintak s’ah nuamlou zaw. Hilele innlam ahihziak a chu nuam kisa himhim.”

“Kei ngaihdan in Krismas da deuhdeuh in ka thei. A kithalawp pawl om mahleh nidang dan a vaisaidan nuamzou nawnlou kasa,” Kimbawi in chi hi. “Atawpna ah chu i innkuan pih te toh zatmah nuam pen, akoikoi hitaleh.”

Joy Thanglian in, “Neulai a Krismas nuam ka sakdan tuk in nuam ka sa thei taktak kei. I khanletna mun a le ki omkha nawnlou. A mite, a mun hong kidangta,” chi hi. “Neulai a lawmte toh Mas zatkhawm ki ut. Tulai a ahihleh nu-le-pa te toh zatkhawm nuam kisa zota,” chi in geen behlap hi.

Sangpui in, “I Kristian-na in kum 100 apelh chet leh i Krismas dawndan leh zatdan te, tuma a i pipu te’ zatdan agen utoh tehkhin in chu kikhe lota. Krismas omzia theilou a zang itam lota un ka thei,” chi hi.

Innlam a om Suasuan in hichiin gen, “Mundang a om te hehpih huai theilua uh eivoi. Phuurtak a Krismas zangdia inn hongpai unchin, hilele ei a innmun a om te a na kiphuur taktak lou ahihchia, amau kia a a hongphuur-na daan uh om theilou.”

Ahimhim in, khopi khawng saang a innlam (read as Lamka) a Krismas zat nuamzaw eive maw. Lamka sang a le Zodawn lam ah nuam zawtham hilai. Huaichiah, i pichin nung sang a i naupang lai a Mas i zatte nuam kisa zaw. Adik hia? Akoi-abang hileh, nidang a Krismas nuamtak a a kizat seklai ni te ngai vungvung a, tukum Krismas lungleng tak leh houchik a zangliam mailou in, tuhun, tukum mahmah, a nuam theibang pen in zatchiat sawmni aw.

Leen Heisa & Deih Anglai Kaihthohnawnna

2009-12-02T20:22:00.000+05:30

Khua mialpan chih diing ahi. Tedim Road a ka hongtai lai un, lamgei a billboard vaak phengphung te ah, "Remembering Thangboi Mangte & Muana Ngaihte: A Night of Tribute | December 31, 2009" chih a kigelh ziizia hi.

Khominthang khang a Hangshai Auditorium ah ka tailuut ua, kongtual ah ka hongkum khia uhi. Mi ana tam mahmah ta.

Ka khut a honleen a, kongpi lam ka zuan ngal uhi. Gaal apan camera in a kaap, a ngawng tan a kaisuk, a bilbah vaak siilsial te'n kei a honsal kha viat a. Ka melhphei a. Mauve rong, evening gown leh fur coat a silh, leh, a khut a YSL clutch a tawi, leh a gladiator heels te'n a pii suak sak mahmah hi. Kei le ka cream coat silh toh kilawm hun ka kisa tei thou.

Huchih lai in media leh paparazzi te'n a hon uum kiimveel lutlut ua, ka tonpihnu (eh, 'hon tonpihnu' ka chihna) a pibawl mahmah uhi. Kei chu a gei a ding nirner. "Tuzan Thangboi leh Muana te zahtaakna in bang laa na sa dia?", "Video album bawlnawn dek nailou maw?", "Nou gel a kingai chi dandeu i?" chih khawng in a dong nonouh ua. Kou geel hon thruai tupa'n le hawlkhiat hak a sa man dektak ve. Lawmnu'n bel, nui hiuhiau kawm in a dotna te uh, pilvaang tak in a dawng hi. "Eh, nang le na 'Lungzen' laa, video bawl sawmlou maw?" chia khat in kei a hon dot phutleh, 'camera de chuaichuai' kawm ah, nervous ziak hia, bang a, ka dawng moh kiikei hi.

Lamka adia lasiam, laar leh melhoih pen (phial) a agennu uh toh huaizaan red carpet tung ah ka hongpai ngiah-ngiah uchu nuam eina ve. Chialtuam celebrities te tutna vual ah ka va tu ua, khawllou in lim a honla suksuk reng zomah uhi.

Hangshai Auditorium lian takmai sung ah mipi a kidim mupmup mai a, eimi, lam tuamtuam a mi tallang teng leng a kimvek un ka thei. Amak mahmah chu, politician leh contractor te a mavual ah a tusak kei zenzen ua, a nunglam ah a tusak daih uhi. Amau sang in, Zogam lasiam te, laphuak mi leh tumging tumsiam te poimohna piak in a omzaw uhi. Hiai tak ahi fuh ka sakna. Huaichiah, Mizoram lasiam te khatle chiallou zenzen uh.

India a music production companies thupi taktak leh, state gentak louh, national media leh TV channel tuamtuam te bang in hiaihun a uaphoih mahmah uhi.

Nidang in, 'Deih Anglai' laa te khawng, mi'n New Lamka leh singtang lam te 'piakbawl' mahle uh, hiai zaan nana-na inchu, Manipur, Mizoram, India khopi te leh gamdang apan mipi a hong paikhawm vek uhi.

Treenn, trennnn.... kipanta.

S Pauginmuan in, "Sakmel etlawm tullel heisa pallun..." chih laa a honna dan in a honsa a, Thangginsang in, "Khat zuansial..." in a honzom hiauhiau hi. Muana Ngaihte toh a aw uh kibang mahmah, H Muanga in, "Duangvul veng..." a honsak leh, mipi lak a khenkhat ana nehnou bang ompah veh aw. A Thangginsang mah in Muana' aw dan chetchet a, "Guite Kual..." leh "Ka mangbatna zankhua na sawtngei..." hon sa zomah lai. Huchiin, Rig Vedaz in, "Ngaih gibang khendiing na leel..." laa, alternative leh punk rock chomkhawm in mawitak in hon sa nawn uhi.

Mimin Baite in, "Lailung zuang in bangteng ka gelchiang in..." a honsak leh a nunglam a te a hong kikou cheelchuul ua. Himahleh, Benjamin Thomte in, "Gibang khenna diing in kawlni hongsuak a..." a hon awih hiahhiah chiang in, mipi te a hongdai hiau ua. Auditorium sung ah Thangboi Mangte' laukha hongleeng mah bang in mipi te a honzen sungsung hi. Ka paamdeuh ua tu, nupi khat in puan a amai humkawm a ana kidiik hithit ka muthei hi.

AIR Paite programme a hit mahmah, "Giakmoh Vabang..." sa nu, Sangkhawl in mipi tampi ma a a dinpatna din, "Lenkawlni mualdawn ah hongsuak in..." honsa a, naak siam tel ekhai. Siamtak ahi. Hiauhiau mai.

Tu in amah Zaila Kumpinu ngeei - S Chingnu a hongluut ta a. "Mitmei ven zatam kaal ah..." honsa a, RD-i in,"Solkha taang aw, solkha taang..." honsa a, Muanlal in, "BT Aw Nang ngaih..." in a honzom hi.

Midang, namdang te' aa sangmah a eimi ittna laa te mahmah a thupina uh haih vuallouh in a muhtheih hi.

I kisaktheih pih mahmah, Kawlgam apan Thawnkham le a hongtel thei a, "Liamsa Nunlui..." a honsa a, a laa a "khomual a tulsing zong poulai..." a chihna mun lak ah ka na sakpih vakvak tei aka. Thangbo Mangte in "Lungtup lia vangngaih aw..." chia ana oih riahriah laa, Kapno in hon sa nawn mai chu - himai. Ahi a, amah Thangboi Mangte phazou di zaw kuamah a omkei himhim.

A damlai a Muana Ngaihte thu a gen uh khat, ka va ngaihtuah leh ka nuih a hongza dek mawkmawk ka chi. Nungak tuitawi te'n eengbawl unchin, Chingthianngai toh laa khat a a kidawnna dandeuh ua, "U Muan, huai a leeng te bang a?" a chih uleh "Na **," chia dawng ek, hilou maw? Khatvei, nitaklam khat, Tedim Road a ka paitouh uleh Thangboi Mangte toh kitontou kha. Ka ngaihsaang dan uh khawng, laa siam ka sakdan uh khawng ka kigen huan uleh aman houchik a hondawng: "Khemkhem geuh eive!"

Thakhat in, ka phone in ka zabawm a honphu liitliit a, ka et leh U Dong (VL Mangzou) apat message ana om a.

"Tutpih fuh ve, hehhoh!"

"Fuh di chu. Kaw om n'oi?"

"Chief Guest pa' ki'ah."

"Rigvedaz' Zaching (album honna) na gelhdan in fuh deuh in hiai thu n'on gelhnawn di chu maw," ka chi hi. Ngaak di himai.

Ana khawldih uh. A kimlou khat om. Numei lasa tawm lozeen a. Eimi numei, iitna laa sa di om nawn mahmah lou mawk. Bangchi! Zawllaa sak khelhna a ngai izit?

Huchih sung in, 'Deih Anglai' leh 'Leen Heisa' laa te, i lasiam te'n abaanbaan in a honsa zomzeel ua, huaizaan in, Thangboi Mangte leh Muana Ngaihte geel - a kha uh kaihthoh in a hong om ua, amau ngaina a mipi a saang a sim paikhawm te'n itna leh zahna thupi pen a piaklai un --

Alarm clock a hong ging longlong a. Khanglou phut. Mitnuai kawm a ka phone ka et threei-thruai leh "December 2, 2009 7:30 am" ana hi! Geihrer!

The Lost Wallet

2009-09-09T23:18:00.002+05:30

I woke up to the sound of my SMS tone one fine afternoon. With eyes still shut, I groped for my cell phone that was lying next to my pillow. I rubbed my eyes and squinted down at the screen. It was from ICICI Bank. Yet another offer, I grumbled. Then I slowly read the message.

You have made a Debit Card purchase of INR 3,990.00 on 18 Feb. Info: IPS*DAKSH SOLUT. Your Avbl. Bal is INR ______.00.

It was Sunday, February 18, 2007, and the time was exactly 1:48 pm.

A debit card purchase of Rs. 3,990.00 at Daksh Solution? For a brief moment, I felt as if I were wandering in a dream. Soon, I began to realize that this was real.

What the hell’s going on? I was sleeping the whole morning. How could I possibly go out and make a purchase? Did they send a wrong message to a wrong number? My debit card was in my wallet, safe and sound. But hey, where's my wallet? I suddenly sprung up from my bed and reached for the place where I always keep my wallet. Empty. I shook my head in disbelief. Again it was empty.

I was caught in a whirlwind of confusion.

I searched all the possible places where I might have left the wallet. The movement was hasty and rough. Rummaging, turning things over, pushing things aside, emptying contents. I had literally checked every possible place. Still no sign of it. I even called a friend who I went over to his place the previous night in hopes that I had dropped it somewhere around his room. Negative. It could have been that it slipped off on my way back home, though that still didn't seem likely to me since my wallet was securely tucked away in my back pocket, and I knew for sure it was still there when I reached my room. Yes sir, it was there last night – for I took out the key from my wallet to unlock my door. I was starting to believe it was stolen rather than me simply leaving it somewhere. I finally gave up the search.

My wallet's gone. And my world swirled into darkness.

I fell down upon my bed in bewilderment. I just laid there for what seemed like hours. I felt so dumb. I blamed myself for being so careless. This was the second time my wallet got stolen. I was pick-pocketed for the first time in the fall of 2004 at the infamous busy Sunday Market near Lal Qila, Delhi. They were professionals. I couldn't have really taken care of myself better. But now this happened right inside my room. My goddamn room. And all the while I was sleeping like dead.

Weekends are my off days. My roommate went out around 10:30 am that particular day, and I didn’t lock the door from inside. Hence, the raid must have taken place sometime between 10:30 am and 1:00 pm. If someone had indeed entered our room during that time, why would he choose to take 'only' the wallet? Most importantly, how did he manage to pick it up from a place so secure and safe? He came in quietly, took the wallet from its hiding place, and left. There was around Rs. 1000 in it, an ICICI debit card, a driving license registered in Manipur which my parents sent to me only a couple of weeks ago, visiting cards, passports, some pictures, and all. My cell phone and other valuables were left untouched.

I immediately called ICICI customer care, got my card blocked and requested for a new one.

It dawned upon my mind that the whole operation must have been planned far in advance. He must be someone who is well aware of our schedule – who knows the time when my roommate would be away, and when I would still be buried in deep sleep all alone with an unlocked door. He must be someone who 'knows' the patterns of our room, where we keep things and where I would always leave my wallet and all. Indeed, he must be a really clever punk.

I was seething with anger thinking about the way this guy slipped into my room, stole my wallet, swiped the hell out of my card, and enjoying my money like a big fat slug.

At this point, I honestly had no clue who the culprit was and was still quite shocked by the whole thing. I had to flip back and catch up on clues. Any clues. It was broad daylight, there was no damage, and so the possibility of the involvement of a local goon was ruled out. Must be one of us. He used my debit card to make a purchase at Daksh Solution. He didn't have to know the PIN. Just my name. Smart kid. And where the hell is that Daksh Solution? What does it sell? I was becoming more and more dazed as I struggled to find further clues and piece them together. But all these led me to nowhere.

I literally gave up the hope of getting back my money. Adiós, oh precious wallet of mine. May God bless whoever keeps it.

Two days passed. On Wednesday, February 21, Robert, a friend, came to me and said, "My sisters have just told me that this guy down the road was selling them a newly bought Motorola phone the past Sunday. I think the cost of that phone is Rs. 4,000. Isn’t that the amount swiped out of your card?"

“Yeah. Who is this guy?”

“That I won’t tell yet. We’ll meet him first.”

“And do what?”

“I don’t know. It’s highly likely that he’s the one who took your ATM card. We will investigate.”

“But, we didn’t see him take the wallet. We have no evidence.”

At first I was hesitant but Robert was quite insistent. And so we decided to go to ‘their’ place after dinner.

The room that Robert led us in to turned out to be that of my friend, Biak (name changed). I protested to Robert.

“How could he? I can’t think he would be the one,” I mumbled as Robert knocked the door. It was difficult to imagine that he, of all people, would want to steal anything from me.

When we entered, Biak was ‘unusually’ anxious and nervous. He was different tonight. He was no longer the Biak I knew. He stammered as he said, “I wasn’t expecting you. What brought you guys here?” He asked, again and again, why we were there. He was restless and kept flipping a Motorola cell phone open and close. He dared not look at me in the eye.

“You’ve got yourself a new phone, huh?” said I.

“It’s for my brother.”

Robert joined in, “How much do you pay for it?”

“Four thousand.”

“Wow! This is cool, man! Let me have a look,” said I.

The first thing I do when Biak gave me the phone was giving a missed call to my number. I saved it (it was a Hutch number). He then went to the loo. On the pretext that Robert wanted to buy the same phone, we asked his roommate when and where did he buy it. He said it was Sunday and told us the location of the shop.

After we left their place, I said to Robert, “He’s my friend. Goddamnit.”

“Yes, he WAS your friend.””

It was getting late and all the shops were already closed. We were walking along the clogged lanes of Munirka when the Sherlock Holmes in me suddenly woke up. I began to see the possibilities of Biak being the one increasing more and more. And as I started to piece the baffling puzzle together, all roads seemed to lead to Biak. First, I have to make sure that my identity is not misused. I made a call to Hutch customer care and explained the situation to the executive. I gave the exec the number from Biak’s phone. Luckily, the number was not registered under my name.

As we reached the shop where Biak seemed to have bought the phone, I looked up at the board above the door. There, printed in bold, were the words, “Daksh Solution.”

And that was the beginning of the end of our friendship.

* * *

I wrote the above piece two years ago. After all this time some nagging questions still haunt me. Whose fault was this? Was he desperately in need of money and I failed to acknowledge that as a friend which led him to the point where he would steal? Wasn’t I there for him when he needed most? I am sorry for whatever happened between us. I have forgiven my friend and want us to start over again. In fact, he’s the most caring friend that I ever have.

Interview | Zogam mial ah khua vak puak: Siamkhankhual Dousel

2009-08-26T23:09:00.000+05:30

Geenthoh leh lungsim a awlmoh chiatchiat, sepsuahna a hongtel chiang in a taksuak diak. Siamkhankhual Dousel (“Sir Khual”) in tukum Sinzawl Convention High School a pawl X sinlai naupang kua (9), a tenna inn Zoar Veng, Bungmual ah samsuk a, zintun top a, kha khat sung di veel athawn in lai hilh hi. Hiai numei li leh pasal nga te, Thanlon apan mi khat chihlouh Sinzawl mi ngen ahi uh. Sir Khual in amau te June 22 apan niteng in dakkal 2 maths leh science hilh hi.

Sir Khual in mi a deihsak dan, a naupang lui te’n geen mangmoh uhi. “Sir Khual in student te akua-akua hitaleh a awlmoh a, kitheihsiam tuahna abawl. A mi panpih utna, ginomna leh chihtakna te thupi ka sa,” chiin Marilyn, Class of 2001, LFS in geen hi. “Sir Khual a ngaihsan huaina mahmah khat chu aman teaching kha a naa ahihziak a seem mai ahikei a, teaching a uut taktak ziak a seem ahihna thupi kasa.”

Directorate of Education, Manipur website dungzui in i district ah solkal junior school 45 leh high school 27 om, chih ahi. Baan ah, Zodawn lam ah EBCC leh PCI(R) in school bangzah hiam a nei bok. Himahleh, kumteng a pawl X board result suak i etchiang in Zodawn lam te’ min a kilang kha ngeikei.

Bangziak ahi dia?

Phamta Pu T Thangthuam in hiai dotna hichiin ana dawng ngeita: “Singtang lam, i bial lam uh, Guite kual a high school te ka et chiang in kahkhiat huphup mai ka ut sek.”

Nikum in Siamsinpawlpi GHQ in Teach Zoudawn nuai ah “Integrated Residential Bridge Course Coaching Camp” Sinzawl leh Lungthul ah ana saita. Delhi Baptist Youth Fellowship (EBCC) in leng Zodawn siamsinna tundingna di’n May, 2009 in Project Nehemia tungtawn in nnasep ana panta.

Hiai toh kizui in, August 4, 2009 a phualpi’n Right of Children to Free and Compulsory Education Bill, 2008 a namkip; leh HRD minister Kapil Sibal in August 24 ni a gamsung a school board te a mathematics and science a di “core curriculum” kibang bawlkhiat a lunggulh thu a geen na liimnuai ah, “Sir Khual” in Zogam miallak khuavaak a puak kipahpihna in ZogamThuthang in amah houlimpihna, Munirka, Delhi ah August 24, 2009 in va nei hi. Delhi hong zinzual ahi. Amah thuzaak ut,a nnasep kipahpih leh kithuahpih ut bang i om zenzen leh 9856730781 ah hihtheih gige diing.

H O U L I M N A

ZogamThuthang: Athawn liauliau a Sinzawl naupang lai nana hilh a, kipahpih lua a houlim dia hongkuan ka hi uh. Bang in hiaibang a nnahoih seem dia honpi ahi deh aw.
Sir Khual: Eh, ana theikha uh maw?

Theikha e. Gamchih, chi zezen le, deengsuak neivoi.
Aw. Zodawn lam te ka awlmoh luatziak ahi. Khosakna lam ah neektawm zong, loubawl a neekzong ahitangpi ua, tulai bang a kialdiak laitak uh hi inchin. Pawl X tan beek a khua uah honzou thei le uh ka chi mahmah. Cl VII, VIII khawng zou a, Lamka hondelh chiang ua, amau lah naupang lai, siatna lah saang ahihchiah huaite a hong kibual baih uh eichu. Zodawn khote apan pawl 10 rizal chiang bang hong kilang ban leh chih huai lotel.

Thupi lotel! Hiai eive maw Zogam iitna diktak! Ahihleh, bangchi dan a amau te va theikhia e?
Sinzawl ah ka nuneu’ nau, Paukhanlun in sem inchin. Aman kha awl moh mahmah. Huailam a hilhdia honzawn ua, hilele ken Lamka a mi hilh nei ka hihchiang a, va kuantou theilou. Huchia, Paukhanlun tungtawn a ka hon theihkhiat ahi.

Amau te bangchidan in na hilh a leh?
Tutung chu a etkhiat photna dia ka sapsuk ahi. Bangtan a thei ua, bang dinmun a ding ahi ua, chih khawng theihna di leh board question paizia a hon matchiang na di ua hilh phot ka hi.

Hilhtouh nawn lai sawm maw?
January-February khawng in hilhnawn ka sawm.

Bangchi na sa? Lamka naupang te toh teh in bang a chi ua?
Ka gintak sang in a theizaw uh. Lamka a kai tampi khupzou di eive ua. A text bu khah hahsim zoulou deuh eidi ua aw, ka chi . A text bu mahmah ana simtan di'n ka geen a. Amau lak ah le a theibaih pawl, leh a theithei lou pawl a om thou ua. Huaichiah, a genhak kei ua, thu a mang thei mahmah ve ua. Lamka a skul khenkhat te sang bang a chu siamzaw tham uh himai. Maths ahihleh a dan om, science a chau ua. Amau own word a neuchik description piak haksa a sa uh. Hiai lampang ah chu Lamka a te a phakei uh, chih hi’nteh.

Alak uah a siamthei mahmah khat om inchin, huaipen bang hoihtak a a hon simtouh di deihsak huai mahmah.

Nang amau te athawn a theihna na guan ban a, neek di leh giahna bang ana pia chin a.
Hi, huai di mah a ka sapsuk ahi. Hilele, amau bang ki a kisuanglah zomah uh. Hiai kha kisuanlahna chi hihetlou hiveh aw. Kial mahmah ahih utoh, nek di leh tunna di tengteng ke’n ka sikvek di mah h’inchin. A hong omsung ua, a sung te un gotuai, malta, samphok leh meh di nengneng hon khaak lemlum ua, anntang bang le amau kham di khop, tam loulou hon kipuak unchin. Ka zohni ua a nu-le-pa te uh thuhilhna bang a naupang te'n ann hon neekpih uh. Huai lampang hon ngaihtuah kei le ule khawk hetlou hi a.

Hiai na thilhih, na sungkuan te’n a hon kithuahpih uhia?
Kithuahpih lotel. Ka pa bang in a hon lungluut pih mahmah a. Zin bang le ka paneu Biakmuan te toh ka kihawm uh ahi. Nidang pek apan ka pa’n, zindou chih khawng vualzawlna a a ngaih gige ahi.

Ahihleh, hiai pen kumteng a sutzop touh zel sawm maw?
Phakchiam khat nei ing a, huai ka phaakma sutzop touh zel ka sawm. Kum nih, kum thum tan bang, a kizom in result hoih taktak hon pokhe thei uhenla, first division bang, huaikhit chiah amau leh amau a khe un hong kiding khe thei le uh.

Nang kha Guite Kual apan a pawl X first division a zoukhe masa pen hi di neive maw. Bangchik kum, koi apan a le?
1992 a Hill Model High School, Singngat apan ana zou. Kei nung a 1995 a Douthanlun in Manipur pumpi a 5th position bang a hongpang inchin, huchia kha a trend khat hongpai tou om hiveh aw. Tua le, Zodawn lam te'n first division a zou zoulou di chihna thu om hetlou. Board exam avek un hong lohching uhenla, a school min un first division bang ah hong om le uh, huai in anuai ua te tha hon pe dia, huchia hong hoih toutou di ahi.

Ahihleh, Lamka zaang a nna nana sepkhaak dan hon gen sin dih le.
1999 a Foundation School, Bungmual ah sem pan ing a, extra class toh hihpih heehuu mai. Huaikum a avek ua hong lohching unchin, first division ah mi 8 bang om uh. Huainung tuni tan a hoihtak a paitou charchar uh, chih di ahi.

2000 a kei rehab ah omsuk ngal chi aw. Kumtawp lam a rehab ah naupang te, a uniform uh toh hongkuan uh. Ke'n le chain bulh kawm a ana hilh sukmai. Huai batch te tu in a career uah lohching pipi hita uh ahi. Khat bang in IIT apan zoukhia a.

Rehab ah le ana kihilh neive uai maw. Thupi mahmah e! Hiaithu gelhkhe le a poidiam?
Poilou e, ahi mah ahichia. Rehab ah kum sagih phial om ing a, kumteng naupang te a hongkuan gige uh.

Tulai in bangchi dan in tuition na hilh a?
Inn ah ziingkal 4.50am - 8.00am sung batch tuamtuam in class IX, X leh XI te ka hilh a, nitaklam chiah X toh XII te ka hilhzel.

Foundation School apat result hoihpi na hon piangkhe sak a, huainung na om nana ah naupang te’n a hon delhzui mai ua. Naupang leh nu-le-pa tamtak in na siamna a gengen mai ua.
A credit kha kei a di hilou, naupang te’ heutu, kumtawm a amau ana hilhte’ a di ahi zaw. Kei ziak hi zenzen lou. Khenkhat in, kei kei min khawng honlou om unchin, hilele, hiai kha team work ahi. Kei kia’ hih hilou.

Zodawn hi’n Lamka hitaleh, sinlai naupang hi in, midang hitaleh, khamtheih hih a kithang mahmah nguut a, aziak di hon zonkhiat sawm dih le. Hiai tungtang na muhdan himhim hon gen kawm lechin maw.
Singtang apat Lamka a skul hongkai, lawm hon nei uh chi aw. Hiai a lawmpolh te tungtawn ua khamtheih a piiluut a om tangpi ahi uh. Kou hunlai, OMPAPA haatlai hiven, kisual kithang petmah. Hon panpih di lawm i neih ngai. Huai i lawmte toh i kipolh chia a hih-hih uh hih ngai. Va hihkhaak louh theihlouh khat a om ahi. A hih leh a hih i hong kipawl tuah chiang a, kihih-hih kha. Tuchiang in ahihleh nidang dan in huchidan muhdi a om vak nawnkei a, hilele, khamtheih hih naupang pungtoutou zellai hi'n muhtheih a, poi lotel. Nopbawlna leh Christmas hongtung lelah, mi bangzah in khamtheih hon hihthak dia, chih a om.

Khamtheih zaw... A hihkhinsa te’ haksatna leh sihdan khawng muhnung a le tamtak in tawpsawm tuanlou. A hih pung toutou zel.
Amak a mak eichu, khamtheih in a hon thunun dan. Muhtheihlouh thil khat om eichu. Khamtheih in i ngaihtuahna avek a thunun himai. Daal zoh vual hilou ahi. Huaiziak a, a hihnai lou, leh a hong kipan thak sinlai te bang, chiam hetlou di leh hih hetlou di'n ka ngen ut.

Ahih nai hetlou te’n a hon hihlouhna di un bangchia panlaak hoih na sa?
Study hoihtak a bawl di. Student hong kipan thak te, dendrite, RP a hong kipan tangpi uh ahi. Hiai zuaktu te tung ah penalty khauhtak mai bawl di. Tulai in, Lamka ah NGO tuamtuam in khamtheih doudalna din (ana hihsa te panpihna din) pan a la ua, hoihlua. A hih nailou leh hihdia kisa panpan te, hihlou dia hilh/kawkmuh i mohpuak chiat ahi.

Sau i pialkhe man sim ua. Ahihleh, i gam khankhiatna di’n siamsinna mah poimoh hin na thei hia?
Hi lotel. Hoihtak a anuai apat pattouh di chu ahi. Hilele, ken ka awlmoh khat chu, Lamka a pawl XI sinna mun te mahmah ahi. Hiaithu tuma in article khat ka na gelh ta a.

Hon genchiang sin ve.
Lamka a higher secondary college te'n pawl XI sinlai te houbawl sim uh bang ka sa. Adiak a, maths kha hoih hilhlou ua thei ka hi. Tehkhinna dia, "trigonometry" bang poimoh lotel inchin, bulsuut pih di ahi. A zatna tam inchin. Tua, naupang te, a value khawng petop hang a, bangchi dan a huai value hongpiang khia ahia, chih khawng theihsiam sak ngai maw.

Eimah ve. Eimi te, maths kha kichau thei mahmah. Huaichiah, pawl XII tan a maths leh science la te bang, a tamzaw graduation ah arts lam a kiheiphei duamduam hang a. Kilunglut lou hia, kisiam theilou himhim, ahihke'h ahi di dantak a hilhkhaak ki a omlou, chihbang ngaihtuah theih dekdek a om.
Huai hi'nchin, Lamka a college te'n pawl XI, XII naupang te, hiaisang in a mathematics leh science uh hon awlmoh pih zawlai le uh chihhuai. A fee lah saang tham thou, deihbang a ginalou. Enve, gamdang a XI-XII zilman tamlua, eigam ah hoihtak a i puahhoih di uh hilou maw? Huai hileh, eite mah in kihamphat pih dia, polam mi te bang in le hon boh di ua, Lamka khopi "Zogam khopi" diktak hongsuak di ahi.

Kumteng a pawl XII science result suak i etchiang in, tamtak in lohchinna i ngah gige a, hilele, engineering leh medical entrance exam tuamtuam khawng a luttou zou di kivaang thei mahmah maw.
Hiai entrance exam na dia, pawl XI leh XII, adiak a XI sinlai te poimoh lotel inchin, college te'n nasatak a pan a laak uh ngai ka sa. Na chihbang ua, pawl XII khitchiang a entrance exam tam a tam, hilele huaite vaan a gah mah bang. Huaichiah, pawl XII khawng hih heehuu hang a, MIL leh subject dang, leh plus-minus tungtawn a pass khia, a thawm chu ngaih a ngaih. Hilele, i lohchinna te uh polaang lotel. Giklou. Tui pailou thei lua.

Ahihleh, atawpna di’n, tua Sinzawl naupang te lai na hilhna apan na muhkhiat bang ahi di?
Ka muhkhiat chu a heutute uh hahpan naa uh ahi, chih a naupang te apan a kithei. Ahitak in, hilhtu heutu te' hahpan leh panlouh a skul naupang te ah kithei mai ahi. A skul chairman pa bang in a hongveh kha a, naupang te' nu-le-pa te'n leng a tate uh laisiam di a deihsak mahmah uh. Ka gentaksa bang in, a hilh a nuam ua, a thei baih mahmah uh. Amau te ka hilhkhaak in kei ah lungkimna liantak a hon tun.

Zogam mial ah khua vak puak diing in, hong ging hi sapna aw tuni in, kua hiam kuan diing khuavaak puak diing Zogam ah, singdang omlou siamsin te loungal
~Rev Lian C Tawmbing

Remembering July 7, 1997

2009-07-07T22:25:00.009+05:30

“Mommy, why are they shooting at us? Why are they burning our houses?” She was intently looking up at her mother, her moist eyes sparkling. This 6-year-old girl was too young to understand the situation. Her mother simply said, “They were bad guys, dear.” As a shower of bullets flew above, she buried her head in her mother’s arms while warm tears from her mother’s eyes fell upon her face.

It was July 7, 1997. The day time stood still. The day Singngat started treading the path of degeneration. Never to revive its glory again.

It was on this day that the fiercest battle during the Kuki-Zomi ethnic clash (1997-98) was fought. Heavily armed Kuki militants savagely attacked the once peaceful and quiet town of Singngat from around 8.45 am, shooting randomly at people and burning down houses. More than 150 houses were burnt, 18 people including women and children were killed, and 3 injured. The attack dragged on for over four hours.

They left when they were done with their murderous deed. And what remained was a devastated town, covered in ashes. Thus began a new chapter – the darkest chapter – in the history of Singngat. The Fall of Singngat.

Here’s a salute to the brave souls who gave their life for the cause of Zomi and Zogam. May their souls rest in peace.

Mr V Pauthuam (50) s/o V Routhuam
Ms Ruati (22) d/o V Pauthuam
Mr B Chinzanang (46) s/o Luaizakham
Mr Thangbiaksang (18) s.o Neihlian
Ms Biaklalpaul (25) d/o Ngulkhothawn
Mr Tualzamuan (20) s/o Thangzachin
Mr Paulunlal (17) s/o Damkhanthang
Mr Thangkhansuan (28) s/o Pastor Nengkhogin
Mr Daigouthang (47) s/o Chinthawng
Mr Mangzamuan (18) s/o Lutkhogin
Ms Niangluan (25) w/o Khawlza-awn
Mr Khamkhopau (70) s/o Ngulzam
Mr Khamzadal (84) s/o Chindai
Mr Nengkhopau (42) s/o Pumgin (Takvom)
Mr Luangin (60) s/o Vungsiam (Takvom)
Mr Zamkhochin (50) s/o Khamzathawng (Takvom)
Mr Pumsuanlal (5) s/o Zamkhochin (Takvom)
Mr Suanbiaksang (2) s/o Luanzakham (Takvom)

May history avenge this day. May God forgive the evildoers. And let Zomi rebuild Singngat and show the world that Zomi rises against adversaries. TAKHEH!

A brief overview of the Kuki-Zomi Ethnic Clash (1997-98)

From June 1997 to October 1998 two ethnic groups in Churachandpur District in Manipur, India, the majority Zomi group and a minority group, the Kuki, were involved in an open conflict. According to the Manipur government's official record, the clash claimed the lives of 352 persons, injured 136 and reduced 4670 houses to ashes. Independent sources revealed that over 50 villages were destroyed and some 13,000 people were displaced. The majority moved to areas surrounding Lamka, the district capital of Churachandpur and Mizoram, where they were housed in makeshift refugee centres in schools, hospitals, and other buildings. Several hundred Indian Army soldiers were moved into Churachandpur with the purpose of restoring order. This was not successful, however, and outbreaks of violence continued until the church brokered a ceasefire in October 1998.

The immediate cause of the Kuki-Zomi conflict was the June 24, 1997 Saikul incident. 11 Zomi innocent villagers were lined up and killed by the Kuki National Front (President), a Kuki insurgent group. Following this, communal violence erupted and swept the entire district.

The early 1990s saw an increase in the population of the Kuki refugees, originally displaced from the north of the state as a result of the Kuki-Naga Conflict (1993), in Churachandpur district. Then came along different factions of the Kuki arm groups. They began extorting moneys, kidnapping businessmen thereby disturbing the existing order of things. The Thadou tribe started imposing the nomenclature “Kuki” upon the different tribes of the district. At the same time, Zomi-centric identity consciousness began to develop among the Paite, Zou, Simte, Vaiphei, and Tedim-Chin tribes. Zomi Re-unification Organisation (ZRO)and its armed wing, Zomi Re-unification Army (ZRA) was formed. The objective of the ZRO/ZRA is to protect the interests of the Zomis from the ‘onslaught of any community or group’. (Another objective is to bring all the Zomi people, divided by artificial State boundaries in various countries, specifically in Myanmar (Chin State), India (Manipur and Mizoram) and Bangladesh (Chittagong Hills Tracts), together under one administrative unit, a ‘Zogam’, which means ‘land of the Zomi’ under the Indian Union.)

Tension grew between the Kukis and the Zomis. Sporadic gunfight between the the KNFs and ZRA occurred. Then happened the June 24, 1997 Saikul incident. And the rest, as they say, is history.

Paldai Luiguam Ah

2009-06-23T22:10:00.001+05:30

"U Mung ei, kei ziak a maw hiai tantan na hongpai? Huai Paldai luiguam ah, zaanmial nuai a, na laitah diing kuan in, ka min, khatvei beek, hon na sam mah niteh maw..." chiin Niangbawi a kidiik hithit a.

Ni bel niam naikei mahleh Skul mual in a liahkhaak ziak in Mawngluikawi leh thuumna mual lak teng aliap dipdep a, akhang a Luipi zaang ahihleh nisa in a hai lai hi. "Welcome to Singngat" chih signboard kitaakna gei a duty post apan mei khu a leengtou viaiviai a, avang apat SBBL thaulawng nih in Mawngluikawi leh haanmual lam a kawk hi. Hiaimun ahihleh Lamka lam zuan diing gari te'n damtak a a zotna mun uh a tuntheihna diing ua thuumna a neih zeelna uh ahi.

Himahleh, huai November, 1997 nitaaklam khat a pai, gari leh asung a tuang Zomi te, damtak in a zotna mun uh a tungkei hial uh.

1997 phalbi kuan in Lamka lam paisuak theilou, Zodawn lam apan gari asawm a sim Singngat khua ah taang uhi. Zin kihawm a, innchih in a tawmpen in zin thum tan bang nei uhi. Akhen in 10. Lamka lam apan neek diing leh van atun nawnlouhna lah sawtta ahihchian nikhat a ann nihvei nethei te a hampha asuak uhi. Ani-ani in tiinsung a anntang kikoih te a kiam hulhul a, "anntang phaam" di phaamkhiat bang a lithuai mai. A leina di sum neite a din leng dawr ah van lei di atawm hiaihiai ta.

Atawp in gari taangte pii diing kawm in, IRB te’ veenbitna nuai ah supply ("control anntang" chia sim di) a hongtung hi. Huchiin, Zomi te' vangkhopi zuan in, tua November nitaaklam, AIR Imphal a Paite program kipat diing kuan in Mawngluikawi mual apan a hong taikhe ta uhi.

Huchiin, hiai tangthu a hong kipanta.

Leisiatna nai leh Leisiatna gamla mun te peel a a hong taisuk lai un, Niangbawi in a u Mung khelah tak in a ngaihtuahtuah mai hi. Suanmung in leng a ngaihnou' tuanna gari kizui diandian te a tummang matan uh ana gaal et tei a. Niangbawi' tuanna Tata lusan ah naakna diing awnglou phial in van toh mihing siat in a kisiat thoh uhi. Ama leh anung uah IRB te gari a tai a, alai ah nautaang pua gari 10 veel a kizui hi. Paldai zaang a hongtun chiang un diiphawmna daitak mai in amaute a honbuak pan ta. A lauhuai Haijang khua tung diing ahita ngaal ua. Huchiin, Sumchinvum te’ waiting shed atun un, Haijang te' duty post a kigaalmuh theita hi.

A khosung luutna gate uh kihong sa in ana om a, awl in a hongtai tou uhi. Lampi siik ah sou zum, hiam taktak a kiphut seuhsouh a, a duty post polam uapan kuamah a kimu theikei. Lamdang tak in khua a dai dikdek hi. Aak khuang nasan zaakdiing a omkei.

Thakhat in duty post sung apan thau a hong kikaap phungphung a. Gari baang te bang a kaap pailet pokpok a, a nungzaang khawng uah thautang a buur chorhchorh hi. Niangbawi’ gei a tupa' lu a kaap darh phuah ua, sisan in amah a per suah hi. A khuaktui a bo zoihzoih a, loh ngaihna theilou in akap hawhaw uhi. Meelma te, mualtung khawng a panmun fuhtak khohsa diam a ana om ahi ua, nuamtak in mipi te akaap ziahziah uhi. Khenkhat te gari apan a kitawm khia ua, Paldai lui lamzuan in a taisuk uhi. A tai zoulou te'n a ommun uah a sialpi vuahthuak topmai uh. Amau te adin a kihumbit theihna sun uh ahihleh alu uh akhut ua hum kawm a thuumna neih ahimai.

Thau ging leh naa sa a kikou husa leh mau huthut leh sisan luang zengzung kawm ah thuumna nei di'n amit uh a hon si ua, himahleh hakkiik ngei nawnlou thei dinmun a om ahihdan uh a kitheihna un amau ah lungmuanna a tunthei taktak tuankei.

IRB te lah meizial in a kibu khunkhun ua, thuk leng a thuk ngamkei uh.

Agaal apan thauging ana zaakchiang in Suanmung in om didan a thei zoukei. Niangbawi bang a chi deh aw? Thuumna mual apan mipi te'n a mulkimhuai "Haijang ambush" a etthoh mai uhi. Nupi te'n a kahkhum huphup ua, "Lawmlawm, a si gai di uh!" a chi ua, thuumna bang a neihsak uhi.

Pathian in Singngat taang taisan ta ahi diing.

Tangval hon a kikaikhawm ua, kuansuk mai a sawm uhi. Himahleh, heutu te'n a khou uh. "Zahngai ua! Zahngai ua!" Huchihlai in Suanmung, a captain form kilawm takmai a kithuam sa in a hongpai a, Defence Chairman pa a M-16 meithal in a honngiim hi.

“July 7 ni a mi 18 thah di leh khosung haal dia ana pekhia, i gamtatna teng honna daal gige, Major Nautiyal (32 RR) thah a kisawmlai in na honkhou ua, na thu uh ka na mang uh. Tu a na hon khouhnawn di uleh na tung ah ka thautang khah di ka hi," Suanmung in a chi gamgam hi. Haijang a meelma te sang in Lamka lam a heutute bang a mohsa zaw phial hi. "I kikawmtuahna uh honna khaaktan gige, Haijang khua bangziak a ana 'hahsiang' mailou i hi ua? Lamka a bit naak leh chi a Singngat lam te a nelhsiahna uh ahi ka hehna," chiin a haang motmot a.

Huchiin, Defence Committee te a kiheem khia ua, "tangval" te'n ma a honla ta uhi. Himahleh, operator pa simlouh "tangval" guk, huaibel, meithal guk lel a om laitak ahihziak in, Suanmung a beidong sim hi. Khosung tangval a kuan ut teng a samkhawm ua, a paidiing dan uh a hongeel khawm uhi. Paldai luiguam apan nawktou di, meithal nih kizui di, meithal khat in khosung tangval nga makaih di, kiiklam chiah Khamsiam' zaanglou buuk khang ah kingaak khawm di, a chi uhi. Ambush na a liam leh a suakta theite zong di pawl leng a seh ua, first-aid kit tawi toh innhaalna di zirigan tiin khai pawl toh, honching tak in a hong kuansuk dupdup ta uhi.

Muikhua ziing diing kuan, nidang a Niangbawi heeldia a kuankhiat hun bang ahita a, Suanmung' ngaih a pha thei mahmah kei. Gari a, "Damtak in aw, mangpha" a kichihlai uh khawng a mitkha ah a kilang thakthak hi. Singkung kawm a lengthe khuang tialtial loungal thawm dang zaak diing a omkei. A biri teep hu, khahkhe luahluah in tunglam a entou a, a mial mahmah a, aksi bangzah hiam a phe leplep uhi.

Paldai a hong tungsuk ua, set a hon uleh headquarter lam apan thu a hongtung hi. Gari te bel avek un taisuak thei ua, himahleh a si zah leh liam zah kithei nailou, mi 'hunkhop' kimlou, chih ahi. Luidung a hon zuitou ua, liam leh bai a om bangzah hiam a hontuak uhi. Suanmung in Niangbawi didan - nungak nou, puanak san silh, mizeen - a kanbawl chiang in a theikei uhi. Suanmung in bag leh puanthem, si baang niuniau khawng a honmu a, khat bang Niangbawi' puanak toh a kibang sim hi. Khua amial luat ziak in chiangtak in a mu theikei.

Niang, koi a om na hi hiam? Damtak in na tungsuk deh aw? Ahihke'h hiaimun a kei honna ngaak maw?

Suanmung adin a iit, Niangbawi' meel amuh nawnna diing lametna, gaal a Haijang duty post sung a meivaak kiukiau, huih in a muutliing derder, phe leplep, mitdia kisa bangmai ahita. A gam-le-nam leh Niangbawi adia a hinna pephal in, humpi neelkai haang bang in Paldai luiguam ah, huai zaan khomial nuai ah, a hong huumhaam ta hi.

Ka manta.

Huchiin, a panmun diing chiat a hon zuanta uhi.

Dai khipkhep a a omlai un Thangboi in naakpi in a veih a honteh dop a, a lawmte a kiguihsak hial hi. Zaan dak 9 geih agin in, Muansang in a G3 in deihthu in duty post a hon kaap a, a thawn zoihzoih hi. Langlam te ahihleh ana ngawi deedaw zezeen uhi. Duty post lam thautang a a kithehhuan touh lai un, thakhat in, a nunglam ua Sumchinvum mual apan, langlam te'n a hon hawtsuk dodot uhi. A tung ua singkung nah bang a pulh sungsung hial. Amalam ua Haijang leh apang ua Sumchinvum apan a hon beihsuk chiang un, a kuanlam te a buaisim pah uhi. Khenkhat, sou a va kidawt pilh kha bang a om nengnung ua, eek siik kha pawl toh, buai in a buai uhi.

Langlam te lah atam un akhauh mahmah uhi. Mualtung a hoihtak a kibawlsa, post a pang ahi ua, a kuanlam te bel, guamkeen lak a singbul, suangbul khawng beel ahi lel uhi. Khatlam te' thauhoih 20 diing khawng toh Suanmung te' a guk lel kibei ahi a, nasa kha tel e. Ahihziak in, Suanmung leh aheu te hi, thau kaap leh zat daan siam mahmah ngen ahihban uah, thautang a tamthei lam pua ahi ua, a lau tuan teuhkei uhi.

Dakkal nih sung khawllou a a hong kibeih nung un, khat kaapliam in a hong om uhi. Hichimai a luhzoh diing a batlouh ziak un, Suanmung in a pandaan uh a hon khenpih hi. Galvan tawilou teng Khamsiam’ zanglou a ana kinung tolh phot di'n thu a pia hi. Huchiin, thauhoih tawi teng a hongpang thak ua, nasatak in a hong kikaap tuah bobok nawn uhi.

Amau lah a naihtou thei nawnkei ua, langlam te'n lah a hawlkiik zou tuankei uh. Thauging vengvung, meithal tang leeng aam zotzot kawm ah, Suanmung in gaallam ah Niangbawi' aw za hi'n kithei hi. "U Mung, U Mung..." Ka manglam hia, a taktak? Adaak vuaivuai a, bangmah a mu theikei. Thakhat in Suanmung a dingtou a, "Na hon chou taktak uleh, pang ua! Bangmah theilou numei-naupang kaap sang in pasal leh pasal kibei ni," chiin a kikou hi. Hehzaak ta himai. Duty post a LMG tawipa omna mun hawt in a hawt tou hi. Muansang in kuun dia sawl in, a bohpai hi. Huainung teng LMG tawipa' thawm a kiza nawnkei.

A thautang uh akiam hiaihiai a, langlam te'n lah beihpi a hon suahkhum thakthak uhi. Huchih sung in ziinglam dak 2 bang a hon peelta. Langlam te'n amau uumkual dia hong kisakbawl uh ahi, chih Suanmung in a thei a, Muansang' kiang ah ana nungtolh khesuk mai di'n thu a pia hi. Amah zaw Niangbawi' kiang a pai din a manta.

Muansang in, "Nangla, Sir?" achihleh, "Kei zaw ngaihtuah ka ngaikei. Heute dam in inn ana tunpih lechin," chiin a dawng hi. "Hilou..." chia Muansang in adawn leh, "Ana pai ua ka chi. Kin!" chiin Suanmung in, a paamlam a kiboh phei in, a thau akaap zutzut ngaal hi. Muansang in leng thil omdan a theichiang mahmah; ai-anntah a pang mi khat omkei le uh langlam te'n avek ua umkual dia kisa ta ahingal ua. Zahtaakna lianpi toh a heutupa uh nusia in aguuk in a hong kikhiin kheta uhi.

Langlam te'n a heute’ kikhiin khiatna lam, a thaulawng uh a ngatlouh teitei na di un Suanmung in, a lehlam zuantou in thau ana gin hi. A bokvaak tou a, Haijang leh Sumchinvum kizopna lampi kaan thei in, mual lehlam pang ah a kumsuk hi. Siluang bangzah hiam ana kikham teltul atuak a. Huchih lai in, thakhat in a gil a hong savut a, a khuuk kikhep nolh in a puuksuk hi. A puanak akhoih leh sisan in ana depkawt dekduk a. Thohkhiat sawm mahleh, tha a nei nawnkei. A lu a kipei chuaichuai a, a aam a hai huaihuai.

Huchiin, a mit a hon sita.

Muansang te Paldai zaang a tun un kikaaptuahna thauging nasatak a za lai ua, himahleh haanmual a tuntouh tan un bel langlam' te husa kia a kizata. Suanmung' thau ging zaak diing a om nawnkei. Suanmung' thawm a daita.

Ni nih nung tan a leng Suanmung a hong kiiklouh chiang in damlai di’n a gingta nawnkei uhi.

Vangphat huaitak in, Niangbawi bel damtak in Lamka ana tungsuak thei hi. Mahleh, a U Mung’ tanchin a hon zaakchiang in thuak zoulou in a pindan ah a hongkap huphup hi. “U Mung ei, kei ziak a maw hiai tantan na hongpai? Huai Paldai luiguam ah, zaanmial nuai a, na laitah diing kuan in, ka min, khatvei beek, hon na lou mah niteh maw...” Ama a din hinman om a sa nawnkei. Akhut a atawi, Voice of Churachandpur (sic) Evening Post simzom theilou a, mittui in amit a tup vuung dildel lai in, Muansang a hongpai a, "Kin a kin in Lamka College ah vapai ni, thilkhat k'on etsak ut,” a va chi hi.

Lamka College sung ah damlou keem in nurse te ana kivei zatzat ua, a siik khat ah pasal khat gulkaws kikhai a om kiang ava zuan uhi. Agei a tuntak un Niangbawi in “U Mung… U Mung lah na hi a,” chiin a hong kikou khekha zezen a, a mittui a hongpawt zoihzoih hi. Agei ah ava tu a, awl in amai a va zawt thiamthiam hi.

Bangtan khua phawklou a om ahia, chih Suanmung in a theikei. Amit a hon hahkhiat leh agei ah Niangbawi ana tumawk a, lamdang a sa mahmah.

Huchiin, a hong kitawp ngoihngoih uhi.

© vaphualization june 23, 2009 | Thiltung taktak pansan, iitna tangthu phuahtawm ahi. Hilele, a ni pen kitheichiang chiah nawnlou. November, 1997 dia hisaap. Min kizang kha te’n geen neilou ahi aw. And, special thanks to Muan @Zogam.com, for the twisted plot.

Singngat MCA Project (2005-2009): My Letter to the Editors of TSE & IFP

2009-06-10T11:56:00.004+05:30

It is Singngat. Officially it was Singhat. And now, it's Thinghat.

A report on The Sangai Express

Sports facility inaugurated
Imphal, June 04 2009: GOC 57 Mountain Division Maj Gen Shakti Gurung today handed over the third phase of the Thinghat Model Village which includes a football stadium and sports centre, to the people. The Model village constructed under the military civic action project is said to be a dream project of the then Army Chief General JJ singh, who had himself inaugurated the first two phases of the project in June 2006, according to a PIB (DW) release adding that with the completion of the third phase the entire model village project under 'Op Sadhbhawna' has been materialised. In the first phase, boys and girls hostel and vocational training centre were developed with the second phase initiatives covering renovation of the community hall, water harvesting, supply scheme and provision of books for the library, the release informed. Maj Gen Shakti Gurung, a keen sportsman himself, during the handing over speech reportedly urged the locals, especially the youths to utilize the facilities in honing their sporting talent in addition to expressing hope that the remote village will someday be able to produce sportsmen of national and international repute. The GOC also kicked off an inter-village football tournament organised by the 30 Assam Rifles to commemorate the occasion.

A report on The Imphal Free Press

GOC hands over model village
Imphal, June 4: The GOC 57 Moutain Division, Major Gen. Shakti Gurung today handed over the third phase of the Thinghat Model Village, Military Civic Action Action Project to the Locals, informed a press statement issued by the PIB Defence Wing.

It said that developing insurgency torn Thinghat as a model Village was the dream of the Ex- Army Chief, General JJ. Singh, who had earlier inaugurated the first two phases of the project in June 06. the statement further said that with the completion of the third phase of the rpoject, the entire model village project under ‘Op Sadhbhawna’ has been completed. In the first phase Boys and Girls hostel and vocational Training centre were developed and in the second phase Reonvation of the community hall, water, harvesting, supply scheme and provision of books for the library were carried out stated the released.

It further stated that the GOC, VSM a keen sportsman himself, while handling over the third phase, which includes a football stadium and sports centre, urged the locals, especially the youths to utilize the facilities to hone their sporting talent and expressed hope that the remote village would someday be able to produce sportsmen of national and international repute. The general also also kicked off the inter village football tournament which was organized by the 30 Assam Rifles to commemorate the occasion said the statement and added that the locals expressed their heartfelt gratitude to the GOC and Commandant of the 30 Assam Rifles for their unfettered support to the village of the Thinghat sub-subdivision and promised unflinching supports in defeating the menace of insurgency and bring back normalcy to the area.

Here's my letters to the editors of the two papers.

Dear Sir,

This is in reference to the June 5, 2009 news report, “Sports facility inaugurated” regarding a PIB release stating that the entire model village project under 'Op Sadhbhawna' has been materialised in Thinghat [“GOC hands over model village” regarding a press statement issued by the PIB stating that the Thinghat Model Village, Military Civic Action Project is completed]. Well, I guess this report must be talking about Singngat. I really don’t know since when it became Thinghat. Some go as far as to call it Singhat. Let the authorities please take note that it is, and always, Singngat.

I want to take this opportunity to thank the Ex-Army Chief, General JJ Singh for his vision, dream and humanitarian work he has done for the people of Singngat. Also I would like to thank the Army for wiping militants the hell out of Singngat and for restoring peace and stability in the area. And I want to thank them for promoting social progress and development through this MCA project in this far-flung corner of the world, Singngat, which had long been seen merely as a political battlefield to capture loyal votes by politicians. Surely, the Army has outperformed the politicians here.

Launched in 2005, the Singngat MCA project proposed to invest Rs. 2,78,50,000 over the next three years or so on human resource development, educational enhancement, women empowerment and infrastructure development. Some of the components of the scheme have been implemented but, most of them are at best an unfinished agenda. It is the people’s wish that the Army continues to do the good work of completing the unfinished tasks, at the same time maintaining the finished projects so that Singngat could, in reality, serve as a springboard for empowering the untouched, but unquiet hills beyond. This, I think, has been the cherished dream of Gen JJ Singh.

Sincerely,

Haumuanlun Samte

The Sangai Express publishes my letter on June 11, 2009:

‘Singngat not Thinghat or Singhat’

Sir,
This is in reference to the June 5, 2009 news report, “Sports facility inaugurated” regarding a PIB release stating that the entire model village project under ‘Op Sadhbhawna’ has been materialised in Thinghat. Well, I guess this report must be talking about Singngat. I really don’t know since when it became Thinghat. Some go as far as to call it Singhat. Let the authorities please take note that it is, and always, Singngat.

I want to take this opportunity to thank the Ex-Army Chief, General JJ Singh for his vision, dream and humanitarian work he has done for the people of Singngat. Also, I would like to thank the Army for wiping militants out of Singngat and for restoring peace and stability in the area. And I want to thank them for promoting social progress and development through this MCA project in this far-flung corner of the world, Singngat, which had long been seen merely as a political battlefield to capture loyal votes by politicians. Surely, the Army has outperformed the politicians here.

Launched in 2005, the Singngat MCA project proposed to invest Rs 2,78,50,000 over the next three years or so on human resource development, educational enhancement, women empowerment and infrastructure development. Some of the components of the scheme have been implemented but, most of them are at best an unfinished agenda. It is the people’s wish that the Army continues to do the good work of completing the unfinished tasks, at the same time maintaining the finished projects so that Singngat could, in reality, serve as a springboard for empowering the untouched, but unquiet hills beyond. This, I think, has been the cherished dream of Gen JJ Singh.

Yours faithfully,

Haumuanlun Samte
Editor, ZogamThuthang
(A Zomi SMS news service)

Racist Aussies, eh?

2009-06-02T11:11:00.004+05:30

There's an "Ask Vir" section is his website that I stumbled upon recently. I shot my question right away. And he answers. Man, he answers. Presenting to you Vir Sanghvi, the Editorial Director of the Hindustan Times....

http://virsanghvi.com/ask-virdetail.aspx?ID=1229

My Question: Indians are crying foul over the way fellow countrymen are treated in Australia. We brand them Australians as racist. Aren't the media makng too much of this? I'm from the Northeastern state of Manipur and have been living in Delhi for the past five years. I see how Nepalis are being treated. I see how us, Northeastern guys are treated. We are called "Chinky," "Nepalis," "Bahadur," "Chinese"... Don't you think we have to do our homework first? Right here, at home.

Vir Sanghvi's response: I think Indians are an extremely rascist people. I have written about this in the past. And yes, we are getting needlessly hysterical about the Australian situation.

Here's what Vulturo has twitted regarding the issue:
Racist Aussies, eh? Why only racism is so hype-worthy? What about Caste, Class, Language and Religion based attacks in India? Hypocrites!

Outer Manipur's New MP: Thangso Baite

2009-05-24T00:53:00.003+05:30

Thangso Baite is the new MP from Outer Manipur. Well, congratulations! I honestly don't know how well he will fare this time round. I wrote this piece in Manipur's leading papers when he was an MLA. Let me paste here just for the sake of update!

Just Where is Thangso Anyway?
AS THE WHIRLING wind of the legislative assembly election starts blowing, stories of ministers promising hefty developmental funds and distributing the popular ‘red shawls’ among the deserved lots begin to do the rounds this time over again. I fail to grasp the reason why this hullabaloo has to wait all these four years only to be revived now. And at the end of every five years, the same old story continues.

They said this is politics, this is Manipur. And worse, this is outer Manipur. I hope I don’t get that wrong.

When I was a small school kid, I dreamt of becoming a politician one day. I could see just how mighty politicians were, with myriad of ‘yes’ men hovering around, and a substantial amount of money at their disposal. They were being venerated as idols and everywhere they went, they carried the airs of a celebrity. Oh, how I wished I could become one someday! However, this perception began to drift away as time went on. Be it politics or politicians themselves. We were told that ‘politics’ is the art and science of governance, and that government must be people-oriented, transparent and efficient. But from our own experiences we come to learn that politics is a dirty game, an arena of the struggle for power and more powers. And the essential qualities for any political system like people-orientation, transparency and efficiency don’t seem to find their place in the present state of affairs. Politics tend to be considered as a mere means of securing income. Or let me put it quite this way: it is a means of occupation. Now, this is the politics of Manipur I am talking about. This is how politics has been played in Churachandpur. You grab it, you have it, and you want to have more.

Singngat happens to be one of the most devastated arenas where political gladiators – using ethnicity as a political tool to mobilize support and gain power – are engaged in a real mortal combat. Their games are pretty high, played by maverick players. With eyes wide shut, the people followed the path laid by the leaders at any cost, to any extent, and in the process they went too far without knowing the fact that an iron curtain had descended across them marking a wide communal divide. The rule is clear here. You are a Paite, go for him. You are a Zou, go for him. You are a Thadou, go for him. Perhaps, that day isn’t too far when the ‘go’ gets changed to ‘kill’. (Hey, that thing happened once or twice in the past, right?)

From Gouzadou to Thangkhanlal down to N. Zatawn, et seq., I had watched them grace social functions, misleading the public with ornate promises which were never really realized. They emanated supreme control over the hypnotized crowd who were swaying and applauding with the promise of a better tomorrow, and of building Singngat into a kind of "New Jerusalem." Their motives were to garner vote banks. Just that. When the results were out and all things said, the newly elected MLA zoomed down the Imphal valley reneging on the promises he had made to the people. But long after the excitement died down, the innocence still lingered in the minds of the people. And they still continued to hope that their representative would, somehow, make a noble appearance once again to shower upon them the light of the new age he had articulated sometime before with fervid eloquence.

Their wait seemed to last an eternity.

Nothing has changed. Singngat still lays a moldering ruin. In fact, the 1997 ethnic clash has left a clear mark on these once beautiful, serene Singngat highlands - dark and deep. Through this day the people of Singngat, who are now scattered across the globe, still recall with fond memories the good old days when peace and tranquility prevailed. Life was so good and the town was prospering exceedingly well, with different ethnic people living together harmoniously. Oh, but those were days never to be seen again.

A decade has passed. Yet the breaking of the dawn is still a far cry for the poor Singngatians. Apparently, they are lying low awaiting the return of better times. Here I am, lost in reverie, looking out over a now-turned-into-a-small-hamlet so quite and still and dark it could well have been a sort of post-apocalyptic. And the words on the street are clear. Empty. Desolate. Neglected. Abandoned. The government machinery has completely collapsed and there is little, or no, sign that this place is part of the Indian state. Gone are the days when well-equipped doctors and nurses attended to patients under the sprawling expanse of the hospital building in downtown Singngat. The building is now a little more than a colossal wreck, standing in a forgotten corner, slowly wasting away as time goes by. The Singngat SDO office complex had given out long ago and the office guys had been working somewhere in New Bazar, the heart of the district headquarters for quite sometime. The situation now begins to improve a bit. But the SDC, who is in-charge of the office, still continues his oh-so-religious trait. He seems quite reluctant to miss the Sunday worship services at home. I am wondering what future has in store for those poor students whose school – the Singngat Govt. High School – had been occupied by the Army though it may seem a fringe benefit for the teachers working there. And the people would call it their lucky day when doctors made an occasional fleeting visit, that too once every two months or so.

Obviously something is wrong somewhere. But in the end who gives a damn anyway? Water scarcity and dilapidated Singngat-Lamka road condition had been grappling the people of Singngat since time begun. I am aware of the hardships people have to undergo in fetching water to as far away a tiny stream as over one to two kilometers, everyday, which is flowing in barely more than a trickle. I am aware of the overwhelming fear and uncertainty that is running through their minds when people take a bus ride down Tedim Road, especially during the rainy season. Through this day, the infamous ‘Zezaw tou’, the most terrible part of the Tedim Road stretch, continues to haunt travelers using the roadway. Just imagine how the bus fares between CCPur-Imphal (over 60 kms.) and CCPur-Singngat (barely 30 kms.) could be the same. But their deafening voices are unheard, their dying cries are disregarded.

Meanwhile, Thangso Baite, the constituency’s MLA, resurfaced on the limelight recently after having been hibernating for years, with a far different reason. While the people are wailing with a soulful anguish over their condition, the MLA seems just as interested in conferring meritorious awards to the successful first class candidates of this year’s HSLC examination from within the constituency. And that too within the comforts of his posh home in Lamka. His passionate interest in education may be attributed to his having an MA degree and his serving as the principal of Christian English H/School in Sugnu in the early eighties. In the meantime, 22 villagers of the sub-division are being incarcerated somewhere deep within the Myanmar’s military regime. The safe return of these men to their loved ones depends entirely on the diplomatic policy of the MLA, only if he is still the same ‘master strategist’ as he had been in the 2002 election. In some way, his assumption of power quite reminds me of the way Benito Mussolini rose to power way back in 1922.

After having been elected as the MLA, Mr. Baite has made just two visits to his constituency till date. That’s a whole four-year period. The fact is that he just made occasional noises to demonstrate that he is still there, somewhere, chilling out. The first visit was in early 2004 and the last one was in April 23, 2005 as part of the CM team, where the CM laid the foundation for a 33 kV sub-station in Singngat. And everybody knows that the project wouldn’t be completed till the foundation stone withers away. Yet, the Singngatians still have a reason to smile amidst the hype. During the recent Assembly session, Shri Devendra Singh, the then Works Minister, in an answer to a question posed by the MLA, announced that – a whopping – Rs. 112.04 lacs has been spent in Churachandpur to Singngat road construction for the last three years. Plus, the CM, on the occasion of the Congress Workers’ Meet held in Lamka on June 10, 2006 said that a sum of Rs. 2.5 crores has been sanctioned on Singngat-Lamka and Lamka-Sugnu roads combined.

And now all I can ask is just what the hell are the CM and the Works Minister talking about? The above-mentioned amounts could nowhere be seen in the entire 30-km stretch of road from Lamka to Singngat. Where has Thangso Baite been all these years? Perhaps, if he made just one last appearance to the people of Singngat and see their conditions with his own eyes, that would sure bring a sigh of relief to the people, even if it’s for a fleeting moment. The people, bogged down by neglect, deprivation and hopelessness over the years surely know not to ask for more. Just one more visit and they would gladly clap their hands. And he would, perhaps, win his second term hands down.

© copyright vaphualization june 17 2006

Lungzen - II

2009-05-12T15:23:00.002+05:30

S Pauginmuan toh Chingmuankim Shoute ahihleh eimi laa siam ka na ngaihsaang gige ahi. Zogam.com adia ka na interview apan mimal in ka hong kithei uhi. Nna ka hon sepkhawm patna uh ahihleh ka na gelh "Tuunnu Zolei" (Mamuan Khuptong & Chingmuankim Shoute in SIMAS 2007 a asak uh, a video a kibawl man ma a a mp3 ana kithehzaak manta!) laa ka honkhum uapan ahi. Hiai “Tuunnu Zolei” laa kha, Lun Thawmte in a thunon’ kaih a bawl, Sonmual Valte in music bangkim a bawl ahi.

March kha lak in sava neuchik khat ka kiang ah a hongboh a, "Chingmuankim Shoute in khanawn a pasal nei di eive," chiin a honhilh hi. Kare, laa kibawl man nawnlou di eive maw, ka chisim a. Nidang in, laa khum di'n ka na sawlsek a, "Hongelh lechin k'on sak sak di," a honchi zeel hi. Omna mun tuam, innlam paihun kituak kha ngeilou ahihman in ka thilsawm uh a taangtung thei ngeikei.

Huchiin, March kaaltawp veel in khatvei ka fawn a.
“Thil khat k'on ngen aw?"
"Aw. Bang a?
"Laa khat bawl le eivele. Na nungak hunsung a na sak tawpna din."
"Aw, tham e. Nang hon chih ahih in chu."

Huchiin, U Muan (Pauginmuan) ka fawn a, hiaithu ka hilh ta. "A laa thu hon khaak lechin, ka na bawl di uh," a honchi hi.

Laa gelhsa lah a kinei mai kei a, bang lampang gelh di ahi dia, chiin ka buai mahmah. Pathian laa va gelhdia lah "kha" in honpi zou kisa taktak (nai)lou. Gamngaih laa gelhdia lah, i gamngaihna dau gawpta - ei' iit a kaannatna om hetlou ahihdan muchian lotel ta iset kaa. Huchiin, khoveel a tuailai te' lungluutna pen iitna thu mah gelh ahoih e, ka hon chi ta. Article hunkhop ka na gelhta a, gamngaihna thu bang, galbuai lai a a haksatdan bang, gam leh nam vai bang, khotang vai, Zodawn hehpih huai ahihdan bang, leh itna tangthu khawng. Hiai ka gelhsa te' lak ah itna tangthu te mah in mi hiip pen a, simtu te'n kipahpih zaw ua, comment bang tampen ka muhkiikna himawk inchin. Ka journal lui te ka hon pheen a, English poem nalh ka sak leh eipau mah a ka na gelhkhiat sa te ka hon pholhkhia hi. Nidang, chile 2001-2 veel in ka khua uah Pu L Nengkhothang' kiang ah pupa laa tuamtuam ka na dongsek a, aman a hon sa daldal zeel hi. Huaite kha ke'n ana gelhkhe zeel. Lungleen laa a hon sakkhat ah, "Chikleh sawlbang bang diam aw, lia lungzen aw," chih omkha hiveen, huai a "lungzen" thumal pen nalh ka na sak gige ahihtoh, huai pansan in iitna laa ka hon remkhawm panta hi. Hiai Pu Nengkhothang' lasak, a khonung in Pu Zamzachin' laibu bawl, "Paite Tanchin" ah "Loulam La/Huihnung La" chi a tuangkha ahihdan ka hon musuah hi.

Bangziak a hiaiteng hon gelh ka hia, i chi maithei. Kei-leh-kei hong ki-pump puak ka hikei a, himahleh igam ah itna laa gelh leh itna tangthu gelh te'n ana thuak gige uh, mite'n a muhdan uh leh a koihdan uh, thei lotel ka hihman a hong kigenchian ka hi. Itna tangthu gelhte bang, i lailam khanna dia a thilhih uh phawkpih lou in, "a zei" i hisak ua, huaimah bang in, itna laa gelhte "mi lungleng, hopeless romantic, vuallel" i hisak uhi. Album a kibawl chiang bang in, Pathian laa phuak te, a min uh taaklat zel himahleh, zawl laa phuakte' min taaklat ahingei kholkei. Mite'n hon nuihzabawl na di phet uh, chi a aphuak te'n a min uh taaklang ngamlou le ahimaithei. Himahleh, ken bel hiai ka chi: ipau-ihaam khansakna di'n tamseem in zawl / saanneem / itna / lungleen / lawm ngaih laa phuak touzeel ni. Angmalas, Emty Shoute, P Suan, ST Hauzel, DK Khuptong chih te khawng a phu bang uh theihpihna leh pahtawina piaktuak uh ka sa.

Laa kha, kei' theihna kia in daihlou ahihman in U Jon Naulak in naaktak in a hon huh hi. Gelhzoh ahih in U Muan ka SMS suk a, aman Chiengkon a H Kailalmuon akaih ana bawlsak hi.

A kaih bawlzoh hita, a track le kibawlzou ta, fawn tungtawn a bang a paidan kingai sak ta. Huchihlai in, "Lungzen s- I" a i geenvak, "zawl laa vs Pathian laa" kaal a buaina in a honnawk piansim hi. Hiaiziak in maw, i nam pumpi'n iitna laa mawitak mai nei di lai i chaan mai di, chiin ka kidong tuaituai hial hi. Atawp in, "Hiai laa ahihleh i soft power khansakna'ng peetmah a bawl ahi," chiin ka hong haanchiam thak uhi.

April 17, 2009 4.30 pm in U Muan in, "Laa ka khumlel uh," chiin a hon SMS keuh hi. Ama' kiang a a khum uh ahi. Ka fawn a, U Kim' kiang ah, "U Kim, va pai biambiam chi aw?" ka chihleh, "Hi, va pai biambiam keivoi. Ka thumang thou maw," chiin a hondawng hi. "Thumang tak na hi, kisuanlah huai rumrum zezen aka!" ka chi a.

Huchiin, hiai "Lungzen" laa khumzoh a hong hita.

Video le bawlngaal ka lunggulh uhi. Lawmnu lah April 23 a a kiteenna adia pumbuai hita. Nitaak khat khawng a inn uah -- alawm-avual, a innveng leh inndongta teng a omkhawm nuainuai lai un -- video camera, a stand toh light sytem toh bang toh va kipoluut luailuai maile eive, U Muan toh ka kichi ua, hilele haihuai deuh a hongbat ziak in ka tawpkiik thak uhi. Buaina te le tuam thei lozeen a!

Hiai "Lungzen" laa ka gelhthu a kigenkhak chiah, mite' hon dot masak pen hiai ahi: "Kua na phuahkhumna a?" Kuamah ka phuahkhumna ahikei. Ngaih Anglai OST a "Toupa Hun Tawmnou" phuahtu Evan Lang Do Khup, A-I-D-S natna vei a sih diing ngaak a om ahi zenzen kei, a suangtuahna apan hiai laa ahon gelhkhiat ahi. Iitna thugelh, iitna tangthu phuahtawm khawng a kigelh theih leh bangdia iitna laa gelh theilou tuan di, chi utdan keichu.

Chingmuankim Shoute in 2007 a, huaile hun sawttak nung a hilai, “Tuunnu Zolei” laa ahon sakkhaak cheuh bawn mite’n hichituk a kipahpih ua - Delhi a mi khenkhat te’n a a kipolhlimna ua ana laampih theih uh laa bang hi a, Hiangtam Lamka te bang in a laam kidemna khat a dia ana zang ua, i gintaak louhlouh khawng in a fawn ua ana play kauhkauh uh hisaam inchin – hiaibang a eimi nungak aw hoihnei, a aw paammaih lua hilou hiam, chihna ziak a hiai “Lungzen” laa piankhiat sak chu ahideuh ve. Huaichiah, i soft power khansakna'ng.

Sumsuahna dia bawl ahihlouh ziak in, a video a hong om chiah (a omdi leh) phalna la selou a teisawn, laaksawn leh kipiaksawn phal ahi aw. Ahia, ngetnop khat k'on nei. Mabaan ah hiaibang a athawn a hawmkhiat dia bawl hilou, i laa te, kuaman aguuk in teisawn nawnkei le. Hiai itna laa ahihleh Chingmuankim Shoute in ama' utthu a Pauginmuan toh a honsak ahikei. Nget leh zot a a omziak ahi. Zawl laa sak sia hi a ngai a, mohsa ut i om zenzen leh a sa te mohsa lou in, a gelhtu, kei hon mohsa zaw un. Period.

Lungzen Preview Peetmah
{youtube}FMpEY3-IJ8I{/youtube}

S Pauginmuan & Chingmuankim Shoute
Lungzen
Written by Haumuanlun Samte
Music by S Pauginmuan
Tune by H Kailalmuon

[W A R N I N G: Hiai "Lungzen" laa ahihleh lungleen laa peetmah ahi. A ngaikhate'n khat vei ngaihna a nalh pahlou, i ngaihngaih leh hongnalh dedeuh a chi uh. Saap laa, rap, rock leh metal lam ngainate adia chu "Lungzen" ah ngaih di omlou didan ahi.]

Lungzen - I

2009-05-04T15:20:00.001+05:30

Kua' Soft Power in Lamka khopi' lung azen a?

2000 kum a S Pauginmuan leh Chingmuankim Shoute in Siallouh Vangngaih II album a, "Nihgel Itna," "Hon Heisan Ke'n," leh laa dang ana sakkhawm nung un, tu in, kum kua vingveng a kiveiliam nung in, a hong kimuhkhawm nawnna diing un a comeback single uh "Lungzen" a honsa uhi. April 17, 2009 a kikhum ahi. A video om nailou. Hiai "Lungzen" ahihleh, Angel Tongsuah Kilawm - Chingmuankim Shoute' hong kiiknawnna laa hinapi in, amah' ngaina tute mangpha ahon khaakna laa a hongsuak maita. Iitna laa a amah ngainatu te.

Laa leh Tumging
Laa leh tumging in thilhihtheihna thuuktak a nei. I kipah, phuur, heh, lungkham leh lungleen hun chiang in a hon kithuahpih thei hi. Ging kilawm, luang hialhial in i lungleen hun in a hon ompih a, i dah hun in a hon kahpih thei. Huaimah bang in, ging kilawm in a hon su thathou a, kipaak in a honlaam sakthei zeel. Atak a i tun theihlouhna gam a hontun pih hi.

Nidang in ka Pu Lal (Thangbiaklal) in a pindan sung ah, guitar tumkawm in Lengtong Pauno leh V Siampu' laa te khawng, leh ama' a te a sa vongvong sek a, agei a va tu in a ka va ngaikhe zeel hi. Zawichik in a guitar a saai a, a mit a si a, nuam a sathei telmai. Ama' sang mah in ken nuam ka na sa zaw abang. Mahleh, a laa te a khumtheih ma in sihna haanmual a hon liamsan ta. Tuni tan in leng guitar ka letkhak chiang in ana saksa laa te ka sa lailai.

Delhi ah, innlam pai hongtung thak te kiang a kidong masa zeel hiai ahi: "Laa thak a om hia?" Eimi laa thak duh a kidangtaak hi penmai. "Om mahmah kei. Mizo laa ngen kithang!" Zanlam a ka lawmte khat' fawn ka etsak leh, saap laa toh Mizo laa ngen a dim a. "Bangziak a eimi laa khatle na koihlouh tel e?" ka chihleh, "Eimi laa koihtaak a om saam a!" honchi hiau zezen. "Eimi laa te a kaih nalhlou theilua."

Eimi laa te nalhlou chih pen ka pom. Himahleh ei' aa sang a midang te' laa, i khopi a a hong kithanzawk sek pen in a hon hih susuih ka chi! Hiaitak ahi "soft power" a hongluutna.

Soft Power
Soft power ahihleh thagum zanglou a, mi zohna ahi. Harvard University professor Joseph Nye in gamkhat' soft power hiaite ah a kinga a chi: a culture, political values leh foreign policy. Hiai thilthum te, midangte' adia etlah huai thei di a i phoukhiat siam chian i soft power khang a hong himai hi. Khoveel ah US' thahaatna kuama'n a chou ngamkei. Gam 130 vaal ah a sepaih te a koih a, khenkhat te adin huathuai mahle uh, American culture hi, khovel mite' etsaang pen ahi. A tawndaan leh hihna uh mite' kiang a a zuakkhiatna di'n MTV leh Hollywood in pan poimoh tak a la. Hiai ah politics hilou in culture leh popular media lam i geen zaw diing. 2007 in Chinese President Hu Jintao in 17th Communist Party Congress ah China in a soft power a haatsak seem poimoh ahihdan a geen hi. Kum tamlou paita in US$6.6 billion hithet bei in, a gam solkal' media nih, CCTV and Xinhuanet a puahpha uhi. Confucius Institutes a pankhia ua, huai tungtawn in Chinese culture, khoveel ah a thehdalh sawm uhi. Huaimah bang in, UK in British Council, Swiss in Pro Helvetia; leh Germany, Spain, Italy, Portugal te'n Goethe, Cervantes, Dante Alighieri, Gulbenkian chih te a nei diudeu uhi.

Tulai in Lamka ah, beauty contest-na bang om henla, a telte' kiang ah,"Koi gam ah na zin utpen?" chih dotna kibawl ta leh, Switzerland khawng hinawnta lou in, avek phial un, "South Korea" a chi ngei diing uh. Arasoiyo? Tangval nou, Burmese rappers ngaisang te bang Mandalay, Yangon chihkhawng ah va zin ut maithei eive ua.

India bang in le, akiim a gamte kiang ah a soft power hu naaktak a zaap eingal ve. Adiak in, Bollywood leh a TV soap opera te tungtawn in. Indian diplomat, politician leh laigelhmi Shashi Tharoor in hichiin a geen, Damascus ah a President pa' uh lim tuk a lian, kholai a atun vialvual uh omsun, Amitabh Bacchan' aa ahi. Kyunki Saas Bhi Kabhi Bahu Thi bangchu, asuahlai a, Afghanistan nupi te'n ana haichilh hial dan uh ahi. Ngaihtuah mah, AR Rahman in a "Jai Ho" laa tungtawn a bangzah ta a India hihna khoveel' kiang a zuakkhia ahi di?

Eigam ah enta le, Lamka bang, unau Mizo te' soft power in a zou mahmah. Naupang pauthei tuung te nasan in Mizo laa sa hitel hang a. Cable TV te ah Mizo laa ngen phial kikhah, kholai ah le Mizo laa ngen phial kiza himai. I biakna laa te bang le amau' aa apat lehsawn vek phial eive maw.

Kum bangzah hiam paita a "Hmelthra" leh "Ikaina" laa te a hong kithan lai in, Frontier Weekend editor Pauzagin Tonsing in Mizo leh Meitei te, media lam a Lamka khopi a hong kituhdan uh ana gelh ngeita. Blogger Carey Suante in Lusei (Mizoram) leh Tedim (Chin State, Burma) te, koipen in Lamka influence zaw hiam, chih dotna a bawl hi. Tedim lam apat hong kipan laa leh tumging te'n Lamka a deeng masa pen ua, huai in kholak pau nasan ana thunun zou; himahleh tulai in, Burma sang in Mizoram, gam etlah huai zotham ahihna toh, Mizo in naaktak in Lamka a influence ta, chi hi.

Lamka huihkhua a Paupu, The Hero a cheetdaan maimai lou khat ahi. "Hauhde, mu talawm lou ii, tahtah maw lawm, theitalouh," chih te khawng Lamka kholak pau vantang a hongsuak hi. "Mauna Ngen" laa bangchu hit peetmah maw. Sumpi (Sumpandi)' aa te le duur himai. Ama' chiamnuih te tungtawn in, i pau leh thumal hauhsakna tamtak phorhkhiat in a hong om hi. "A'ihbang, am set hang, akei mawhhh, hroih-hroih, lalat," chihte khawng akua-akua in kizang kheukhou mai. Huaichiah Buukpi pau: Apoisekei, a good di, houh kei d'i, ziang in e, leh adg dg.

Tu in, Lamka khopi apan khoveel polam' muh din i soft power baantha i zalhkhe zou saam hiam, chih i kidot ma in, i khopi sung mahmah ah, bangtan ah i soft power huu i zaapbaan a, chih kidong le. I niteng, kaalteng leh khateng tanchinbu te mite' hon simsak di'n i thehzaak zou hia? I thugelh te, i laibu bawlte, i tangthu phuahtawm gelhte midang te' lungluut didan in i gelh siam hia? I gam ah kua te lai a siam pen un kua te'n vai a hawm ua? Kua te kimawl a siam pen uh? Kua te khutsiam-silbawl lam ah a kiva pen ua? Kua te' lemchiin a etnop pen dia? Kua te a meelhoih biik uh? Cable TV te ah kua te laa a paimun pen? Kua te' laa a siam pen uh? Ahihkeh, i music video bawl te mi te'n et taak a sa diing uam? Ipau-iham, i tanchin, i thilchiin, i tangthu, i thugelh, i lagelh, i laibu, i khutsiam-silbawl, isiam-ipilna, imeel-ipuam leh i laa te'n midang te a hiip hia, chih kiveel a poimoh. Huchiin, mite' lungsim i zohtheihna din, tua atung a i geente naktak in khansak seem sawm ni.

Zawl Laa vs. Pathian Laa
February kha in innlam apan mikhat in, "Vungthiankim in zawl laa sa nawnkei heh, chih ZogamThuthang ah honna suahsak in," chi in a hon SMS hi. Lehlam ah, ke'n chu Thiankim in Kapno toh "Nihgeel Itna" laa honsak uh, kipahpih peetmah himai. I khopi a kithang cheelchuul midangte' laa muutmang duak dia hiaibang a iitna laa nalh hong kisa khia, chilam in ka la daihmai a. ZogamOnline.com in Lelte Award a laakzoh a a hiai tungtang a dotna ah, Thiankim in, "Mi khenkhat te'n zawl laa ka sakziak in mohsakna kampau bang ka za a, a lehlam tak ah hon kipahpih le om thou," chi hi.

Zogam.com in September, 2007 a a houlimpihna ah S Pauginmuan in hichiin geen: "Honbawl tu phatna Pathian laa ahihleh a sathei teng in chihtakna toh i sak di mah ahi. Zawllaa ahihleh mihing leh mihing kaal ki-iitna laa lel zaw ahi. Himahleh, iittheihna leh ngaihtheihna mihing kia lou, ganhing tanpha in leng a nei chih i thei. Iittheihna leh ngaihtheihna nei ngei dia Pathian bawl i hihna uah, laa a va sakkhiak bang a siatna a om a?"

"Zawl laa kilawmlou, a uang deuh, a khawkdeuh a omtham a, hilele kilawm taktak le tampi a om. Philia, Agape lam deuhte ahih leh ahoih a, Eros lamte bel innsung ah ngaih/sak dia kilawm lah deuh abang," chiin Chingmuankim Shoute in a interview-na khat ah ana geen ngeita.

Eilak ah zawl laa sak, khelhna bang a ngai hial tamtak i omlai man un a poi mahmah. Ken bel, ka lungleen hun in zawl laa hoih taktak ka ngai nguainguai a, huchiin, ka dah hun in Pathian laa ka ngai zeel. Tulai, huai The Radiants te' sak "Kulhpi Muanhuai" nalh ka sa peetmah. Ka kipah leh phuur hunchiang in chu, a zawl laa leh Pathian laa a khen sese lou in, a beat kindeuh leh a rock lamte ka ngai. Zawl laa hih i literature leh culture suk hauhsakna leh khansakna daan in lathei chiat le a uthuai telmai. Pau upa leh lapau kepbitna hoihtak ahi ngal ua. Tulai bang, i biakna laa te sang a i zawl laa te ah pau upa leh lapau omzaw eive maw.

Zogam.com

Music Review: Rigvedazz - Zaching

2009-04-15T15:17:00.000+05:30

April 12, 2009 in Rayburn kongtual, Lamka khopi ah Rigvedazz in a video album masapen diing "Zaching" hongkhia hi. N Thangminlian in phamta N Khupbiaklal phawkgige-na dia a produce ahi a, aw, tumging leh lemchiin tengteng Lengtonghoih Studio a kikhum ahi. 2005 in a album masa uh "Zolei Ittu" ana bawlkhe ta uhi. Zogam.com Writers Award 2008 hun a, amasa pen dia a hon sakkhiat uh, "Zaching" leh "Noplen na'ng" chih laa te khawng i ngaihkhaak a kipan, lametna liantak mai toh ana ki mitsuan a, tu in, hiai laa te tel in, a lim toh kithuah, ettheih din a lakhil piching uh a hong suakkhe ta!
Hiai Zaching lakhil ah, laa thak 10 leh tuma a ana khahkhiat sa uh, single nih om hi. Single nih te bel "Zawlla" leh "Salpha Goukhothang" ahi. Huai laa nih te mah lah Lamka khopi a duur a ana duur khin ta kha hi unchin, tua athak te'n bangzahta in Lamka kialou, khovel a Zosuan tuailaite, chibiikle, a hon nawk diam chih chu kigen thei chetlou. Ahia, mipi te' lametna a hon vuaksuah sak uh bel ginhuai hetlou.

Bangziak in?

Hiai Zaching lakhil a laa te leh video te fuh theilua hiven. Hun sawttak ngaihtuah khawl detdet a, a siamna teng uh suah a, a hon bawlkhiat uh ahihziak mah ahi diing, laa te ngaih leh et a nuam thei petmah hi. Itna laa leh nam-leh-gam ngaih laa a tuunkhawm.

Amasapen in, Rigvedazz a lasa, Rig Valte (a.h.k. Goukhansong) ' aw hoihdan kha, maimai lou ahi. Nidang a kipan mite'n, "a singer pa uh a aw a hoih mawwww..." ahihkeh "saang a zou mawwww...." ana chi vengveng mai eive ua. Suun nisa vaak singseng nuai ah, sava khat in a kha te a zaappalh a, huai nisa vaak lam zuan in a leeng tou diaidiai a, a leeng sangtou zeel a, nuamsa tak in leh etlawm tak in a leengtou hiaihiai a - huaibang mah in, Rig Valte in laa a sa. Kipezou leh thazoh takmai in a sa a, a saanna mun ah leng maamtak in a awi vengveng a, hiaibang a a hon luansak laa te mai ah bil hum ngam i omtel dia hia? Hiaisang in performance nengchik hong kizil zek laileh, chi pawl om. Hilele, ken chu, siam sa lokhin himai.

Guitarist Mangzalian chu kisawi chii ahikei na a, hilele, a khut in nna seem veh aw. A taklam khuttal leh khutpi geel toh a veilam khutmal li te pangkhawm in thil thupi takmai hon zuutkhia a, i Zogam music leilawn, sangzaw seem ah a hon dohtou hi. Drummer Hau Tonsing in a nnasep a thazoh mahmah a, tumdan chituam leh mawi taktak in a laa te uh a honzeem hi. A meel bang le hoih vervur thou inchin, kilawm mahmah eive. Perform le siam zomah lai. A video a guest bassist dia a zat uh, Muamuan kha kilawm lotel. A hihdi tak hihkha eive. Kizep didan leh om didan a thei mahmah. Bass guitar tum kawm a hong kizawi heuhhauh dan in entu te mit a taisak mahmah hi.

Rigvedazz ahihleh rock band, 2004 kumtawp lam a ana kiphutkhia ahi a, a laa leh tumging te uh rock music ngaina te a di'n kipahpih huai petmah hi. Hiai Zaching album ah, "Am in" laa a guitar te leh drum a rep dan uh a kituak mahmah. "Henkol Sut", "Laizom Itte" leh "Vonggah" ah lead guitar pa siamdaan a kithei hi.

Eimite hi, atangpi in, tumging a lunglutmi i hikei ua, a bengseng leh senglou chi in music genre i khen mai uh abang. Ka chihna ziak bel, a bengseng lam ngai theilou nu-leh-pa te a din leng hiai Rigvedazz te' laa te mullit huai lo lawmlawm lou di ahi aw. Zawichik a pai diaidiai bang le hunkhop om ahi. Tehkhinna dia, "Ngilhta na hiam" chih laa bang, zansawt nung a hoihdeuh a i ngaihleh, kah ngoih-ngoihna chi ahi. Lungzuan thelbang thou theisak zungzung maidan eive. A laa thu leh a kaih zir in, ngaikhe tu te' lungsim lawngtheihna di'n music a tum un, laa a sa siam lua uh.

Rigvedazz in a lakhil thak uh tungtawn in debutante artist nih a hon phoukhia hi. EHA/Hornbill Teen Star 2008 RDi leh gospel singer Remkim. Rigvedazz toh RDi in a sakkhawm uh, "Noplen na'ng" in gothic paidan a zuisim h'in ka thei. I music paidan chithak a hon pokhia uh. Huailou in, Remkim telna, "Zohna Laa" kaih leh a beat a bawlnalh mahmah uh. Remkim kha, a zei a, a se hetkei ka chi.

A album lamin, "Zaching" single ah Zomi te lak a lia duangzen pen hi a telkhiat, Miss Zomi 2008 a pang a, hiai in Rigvedazz te' laa te a khawng un, a paisak mahmah din a ginhuai. Miss Zomi zet a telna chu! Fuh himai!

"Vonggah" laa ahihleh minit 15 veel a sau lemchiin toh kithuah ahi a, Thang leh Ching itna simthu ahi. Hiai album producer pa' gelh ahi. Khovel ah iitna kia a thil hithei lou ahihdan a hon ensak. Thang leh Ching' itna in tangtawn daihkei mahleh, a kingaih hunsung ua ana kithuahkhakna te uh, amaute a din, a mangngilh ngei nawnlouh diing uh hunnuam ahi himhim.

ZogamThuthang in Rigvedazz te' laa lak a nalh a teelkhiat hiaite ahi.
*Noplen na'ng
*Zaching
*Ngilhta na hiam
*Zohna laa

Nang la?

D I S C O G R A P H Y
Rigvedazz - Zaching
1. Zogam Zomi ***
2. Na siang zuan in ****
3. Noplen na'ng feat RDi *****
4. Ngilhta na hiam ****
5. Am in ****
6. Zaching *****
7. Henkol sut ****
8. Zohna laa feat Remkim ****
9. Laizom Itte ***
10. Vonggah (Thang leh Ching Simthu) ****
Bonus tracks
1. Zawlla
2. Salpha Goukhothang

* Ngaih taaklou ** Ngaih theihthou *** Nalh maimai **** Nalhlua ***** Nalh law peetmah

Alung uh aleeng saam diam?

2009-03-02T21:51:00.003+05:30

HMHS 1991

LENTANG a ni hongsuak khia leh Sasankawl a ni tumsuk diaidiai ana mu a, Paldai a kileuh a, Saklamlui, Hailui, Mawnglungkawi, Luipi te a kisil a, Buanlawn taang a kipan hongnung hiauhiau Singngat huihkhii ana diik kha ngei khempeuh te'n, a mualliamta Singngat Vaanglaini te pholhsuah thakna di'n February 21, 2009 in Delhi ah Singngat Meet Masa nuamtak mai kinei hi. A milip a hisaap in mi 150 diing lak ah 100 veel ki paikhawm thei. A paallutna te hazaatna ziak a thumvei mawngmawng haal chimit sawm a a omnung a leeng puuklou hial a ding lailai, hiai khua hih a khomi te'n a iit un a ngaina mahmah uh. Kum tamtak sinna, sepna leh adiak a galbuaina ziak mahmah a khenzaak a a omnung un hiaini in a hong kimukiik khawmnawn thei uhi.

Hunzat dan te avek in i gelh kei diing. Ahi a, standup comedian minthang, chi zezen le, Pa Vanlallian (Lal-a) chiamnuih geen khenkhat taklang cheuh ni.

* Khatvei, Sir Pauzacin (Tompu) in a class pumpi ua, lai theilou unchin, zeep sawm. Lal-a kiang ah chiang vazong dia sawl. Khatpa'n chiang lian, hoih simsim mu na inchin "mahni kizeepna'ng khawng" chi a tangsam kung, akeu, leikha' neekbaang khat va la. Sir pa'n "Hiai in nang hon zeep leng le a dawl di hia! Adang, alet a lian (a khut zaak duaiduai kawm a) va la oh," chia sawl nawn. Chihleh, aman le tin-char sing, lian henhon khat, gik sa pipi a ava puakluut troihtroih leh mi tengteng nui zaak uh. Sir pa'n zeep ngaihna thei nawnlou.
* Pa LC Guite* kha amang a tang-au pa hong au inchin, "Zuau hongpai di ahi," chih ana gen. Aman le baang vang a zuau hongpai di kha ana chaang gu.
* Sanglian' mang a kha Toupa Jesu hongpai inchin Lentang lam apat a, jeep a hongtai suk, leivui khawng khu vengvung.
* Vanlalhngak in amang a thangvan hou gawivui ana ne.
* Sangrual' pa (Rumlian) thuumdan: "Toupa, van a aksi kai hnuar-hnuar zouzai te le nangbawl vek hileh a kilawm a, huaichouh le hilou in, nang hih on hmangaih viau hilechin a kilawm a..."

Hunlui ngaihna in paikhawm te a honzou sim vekmai. Kia genlouh, mun tuamtuam a om athu zakha te bang, a lung uh ana leeng mahmah hi. A hun kizatlai ngei in leh a khonung lam tanpha in, mun tuamtuam ah, Singngat vanglai hun te naaktak a kupkhawm leh suutthak in a om hi. Ke'n leng hiai apan ka ngaihtuahna a hongdawn khia, malai hunnuam te pholhkhiatna ka hon nei diing.

Khosung mun tuamtuam, veng, kimawlna munte, lawmlui te khawng lungsim ah a honglang pah a. Neu apan khankhiatna, inntek leh kineisak tak a ka om gige na Hill Model Skul bang. Khekol tom teeng litlet a, tai belbel lai hunte khawng.

Singngat Vangkhua: Google Earth image

Class B ka hihlai ua khatvei, lai ka theihlouh ziak ua Sir LP'n ka class pumpi ua break lai a kong hon kalhkhum inchin. Lau a kilau. Khenkhat bang tohlet a tawmpawt khawng sawm mawk. Adang te lah nu te ngai a nap puak peerpuur sa a kap. Numei khat in lah eek teh kha laizang inchin, huainung teng hongkai ngam nawnlou. Huaikum mah a YPA Hall hong dia Manipur Governor pu honghoh. Helicopter a tatak muh patna ahihtoh thupi kisa thou ei. A karnawn sung teng bang chu skul a laipuan te ah lenna lem kigelh dim maidan eive.

Neulai a ka sam sathau zat, Keo Karpin leh nisa in a hai, ka buangnai khedap gim bang ka thei mialmial lai hi. Sam, taklam siik a hiatphei pekpak a, ka skul bag (rong eng lampang leh vom hiirhiar, ama a innlem om) leh tuithawl (hiaichu thei zou nawlou) toh ka inngei zek ua ka lawm, Piaklian tawn a skul kuanzeel ka hihdan ka theilai hi.

Ka skul huang uh anuam mahmah a, a khanglam pang ah munkeen khat a om a, huai a loupa tung ah ka kitholh sek uhi. 'Skul mual' bawk liuhleuh tung ah rubber kung nih, a kizawn helhel in a pou ua, a paam ah vicks kung bangzah hiam a pou tei ua, huih in amuut chiang in a liing dialdial uhi. Nipi lai in tua singkung liim ah kitu thei a, phalbi chiang in ahihleh a sak a loupa tung khawng ah nilum ki-awi zeel.

Tuni tan ka theihzoh louh hiai eive. Bangziak a le zun thakkhit chiang a chil a kisiat khum sese? Huai kimawl chia kichi sek - ekslai doslai on da pona leflai - kha bang genna ahi di? Laibu kaal a chalk vui toh utong mei i koihkhawm chia ana khang taktak mah ahi diam?

Lawmlui khenkhat - Lawmlawmsang, Boipingling, Khairang, Pandar, Chinzahoulal, Ginmuanlal, Titiit, Lialian-Muamuan, Piuchok, Papau*, Apong te - hiai ka gelhlai ngei in ameel leh a uniform tanpha uh, lungsim ah a honglang thei hial ka chi.

Ka heutu te lak a ka ngaihnat pen ahihleh Sir HP ahi. Maths a hon hilhkhit chiang in khovel tangthu ngaihnop huai taktak a hon hilhzeel a. "Khisuangpi tung a iitna khitui," bang le hon hilhkha ngei. Khut zep tittet, kam ka heuhou zeen a kingai thei ahi aw. Miss TP le ngaihnat huai lua.

Khatvei, Sir LL in class IV ka hihlai ua, "Bullock cart bang a?" chia Lal (a mintak ka mangngilh ta) a, ameel chu theilaidot leh, dingtou inchin, "Meigiit" chi chat zezen. Hindi theilou te Sir MT'n honzeep hiveh aw. Ka nung ua tu, Thangpi kha akhut taklam na inchin, veilam pen doh di a chihleh taklam dohkha. Naa sa thou ei. Heutupa'n a zeepkhit a, "Hilam (veilam kawk kawm a) doh di ka tihleh hilam (taklam kawkphei) doh kha," men peeipuai kawm a chi. Khatvei tageet lah lawmpa Muanlal in Hindustan exercise bu, a kawmsah te neu chikchik a botkhia inchin, tui toh meeklom khawm nuahnuah a "napkhem lem" bawl a kineih nilouh.

Nipi khawlhun bang a nuamthei peetmah. Paldai a kileuh dia kangtarai a kikhoh suk zarzar, kiiklam chia sawntou traangtraang zeel. A kid lam a kipang kha ahihchia gimhuai thei thou ei. Super laizial, Cheeng 1 a tawn 10 om te bang le kithei kha saam. Mi' lou a ahawiguuk khiinkhian uh, tangmai nip deuhmai, nisa nuai a pet taihtaih bang chu lim thou e. Akhenchiah Khaupi lui lam ah ngakuai khai di bang a kikuan. U Pauli* te'n huan lianpi anei ua, huai ah theigah tuamtuam achiing uhi. Ngaih leh ngaihlouh omlou in TV en in inn dimzeen in ka va tu neihnaih sek ua, nitak chiang bang in, pailam in a thei te uh ka louvak sek zomah uhi. Mangthei lozeen dua! Huailai kha, Chitrahaar, Tipu Sultan, Chandrakanta khawng kithanlai hi zezeen.

Ka Pu John in theipi zong di'n a hon kuanpih vuhvuh sek a, ka na paina sa uh lampi leh gammang, singkung leh luidung te khawng mitkha in a ka muthei mialmial lai hi. A theipi duh le hituanlou, a zon pen nuam sak-a-sak thoh kihi dan eive. Nikhat ka theipi zonlai un, vuah a hongzu a. Luiguam lianlou khat a kipan laam nga (5) tan di khawng a nai, theipi kung ah ka Pu John a tuang a, kei anuai ah ka om hi. Huchihlai tak in, saklam apan huai luiguam zui in guulpi a hong kitholh suk honhon a -- lauhhuai himai. Khatvei lah, lampi lai ah guul ngawngsan khat in posi honna laakkhum maimah. Sawt ka kibei sim uh ka chi.

Kho saklam a om, dakkar khat lam paina, Munpi te seek bang ka va gu mun mahmah uhi. Sava beng dan a kineih in ka kuansek ua, akung a tuang in khat in honsawi a, adang te'n anuai ah ka na tom uhi. Tempawng khawng toh hondelh hun uh om. Huaichia i taina lam ah i seek puakteng tuukkhe gai.

Neulai hun a kigen chia zaw sande skul tellou a bukim zou mahmah lou hiveh aw. Ka heutu khat un ahon etkol dan fuh peetmah himai. "Zanlam Pathianni a sande skul kailou teng ding uah," a honchih chiang a a kailou teng kiding nainai zeel. "Damlouhna ziak a kailou teng tu uah," khit a, "Khualzin ziak a kailou teng tu uah," honchih a ading omlai leh chu mualphouna nasatak tuak uh himai. "Damlou lah hilou, khualzin lah hilou. Video en uh mo?"

Nguuttak, video et kha phuur a kiphuur thei. Kaizalal, Premjit, Thangkhojam chihte a laar deuh ahi uh. Premjit te'n generator neilou unchin mei a mit chiah paingai, a vaak nawn chiah va ki sunzom nawn zeel. Premjit kha Talpak te, chimaile, a ha fuh chiahlou hinchin, khatvei mi khat in "Nuamkei lua, adang suah ua," chidan hiam a achihleh, Premjit hehlua, "Na et utkei leh faw-ro (pawt o)!" chihkhum. Paumuanthang te' a lah mei a mit ngeingei leh, akhat-akhat in, "Paamthang, generator sta-ro (start o)!" chi souhsouh.

SSPP Singngat Block conference chiang in indoor items ah CTS te toh kou skul ka ki-elthei mahmah ua, football leh volleyball ah bang St. Joseph te toh kibeinaak thei himai. Mawltual langkhat lam ah amau, kou a langkhat ah, agaal a kitawng, kikou khum zeek sek. Junior football a pantheihna dia 4.10 inches tan a din saan ngai ahihchia, apeel te'n, a kawng uh gaak ek zel uh. Aniamdeuh na di ua. Field sak ah 'khaam' om hiven, huai ah lei kikhuak kuak keuhkauh inchin, football peek ki en deuhreng. Nitak ann nekkham chiang a lah field lai ah kimawl zoizoi zeel.

Huaichiah, skul a kumtawp chiang a farewell program mahmah eive nuam. Aziing apat a social work. Gate leh skul sung chei chih khawng maw. Mike bang chu ki a kipaakta hilai. Pa Khamsiam*, sappau a a hongpau thhroh-thhroh lai khawng bang, ka nuihchim theihlouh uh hunnuam ahi. Azoh nahtang teh kiphah inchin, huai tung a "Singngat Mehpok" kine zeel.

Hunlui mualliamsa te avek in theikim sipsip kei mahle, mun khenkhat leh thiltung khenkhat chiangtak a i theih kilkel lai om eive maw. Huaite lak ah i kepbit ut tuam leh mangngilh ut bang ana omlai. July 7, 1997 Singngat malam hunnuam te lah zaalmang mai suakta...

Singngat Vanglaini te leh Hausapi Vuum, Tampak zaang, Tuan Gou Road, Singngat Bazaar lai, Bethel-Zion-Station Veng kisuktuahna mun, Maar Vuum, Vungluai Huan leh Leisiatna Nai lim te khawng, tu a khoveel mun tuamtuam a kithehdalh ta Singngat mite' suangtuahna mitkha ah - meiziing in a tuamkhum lingleng bang a - ava kilat khaak mialmial chiang in, alung uh aleeng saam diam?

(*A kha uh khawl tawldam hen | Hiai a min kizang te ahihleh kisuk mualphouna dan a zat ahikei a, nidang apat a ana kigen dan mah a ka hon gelhkhiat mai ahi. A lehlam a la ina om zenzen leh ngaihsiam ka hon ngen.)

Delhi Singngat Meet 2009

2009-02-22T15:47:00.008+05:30

February 21, 2009 in Delhi a Gulabi Bagh a Pa V Nangthanlian' inn ah Amasapen Singngat Meet 2009 neih in om. Hiai hun a limlak khenkhat te..

More pictures

Zogam Etlawm

2009-01-28T00:29:00.003+05:30

Tuivai

Zokuam damdiai

Songtal Vuum

Mual Kitawi

[© Hiai limlaak te K Thangpi, New Delhi apan ahi. Mundang koimah a thaangzat phallouh]

ZogamThuthang in kum khat meel muta

2009-01-20T23:47:00.002+05:30

January 20, 2008 in ZogamThuthang in kum khat meel muta. Zomite' Pathian' min i phat ahi. ZTT vaisai te'n simtu te kiang ah kipahthu nasatak in hong kigen. Noute' kithuahpihna ziak a hiaitan tungthei ihi.

ZTT vaisaite:
Editor - Haumuanlun Samte | New Delhi
Publisher - Vanglian Tawmbing | Bangalore
Publisher - Lun Thawmte | New Delhi

Thu hon petute:
KK Valte | Lamka
Thangpu Samte | Lamka
Suanmoi Guite | Lamka
...leh simtu, nang na hi!

Hiaithu gelh ahihtan in member 11906 pha, posts 1703 kibawlta.

ZogamThuthang hong kipat dan

Mimal tak in k'on gelhmai diing. Kisialhna hiam, banghiam hilou in. Tulou, hichibang hun gelhna di chance bang om kha nawnlou maithei ahihna ah.

2008 kumbul ahi a, Behiang lam a Ngasuan Lui a gari eksiden laiveel ahi. Unau Hmar leh Zou pau in SMS news a om a, hiai tuahsiatna leh thu tuamtuam, a phone uah, a hunhun in a tung geihgeih a, a kizen mahmah hi. Huailai in, Munirka, New Delhi a Esther Communication neitu, Nu Muanching in, suun khat a honna sam a, a phone a SMS news a hon simsak a, "Nou le hichidan hon pankhe ve ua," a honchi hi. SMS news om ahihlam zakha mahleng ka muh patna ahi. Huaini ahihleh January 19, 2008, Kiginni (khawlni) ahi.

A lampi di ka hon ngaihtuah ta a. Huchiin, U Lal (Thangkhanlal) ka phone a, "Hichidan pattuak na sa hia?" chiin ka dong hi. Aman leng hoih a sakdan hongen a, himahleh, nna haksa pi leh buaihuai mahmah diing ahihdan a thei a, a hon kum lokei. "Website tuamtuam khawng ah news update i hau lona ve ua le maw," a hon chi hi.

Hiai SMS news kipan leh, hunteng a news update ngai dia, mobile apat sum seen gige ngai di, ahihkeh internet toh omkhawm gige ngai didan ahi. Inn a lah internet kineilou, sepna mun ah khoih zualzual thei maimai a kihi a, ka buai mahmah hi. SSPPNet ah ka va gelh himhim di, ka chi a, hiai ka hongelh hi.

Free Group SMS: I Soft Power khansakna di'n
Ka na hungaih zeel a, hilele hiaithu tuni tan in kuaman i geenkha naikei a. K'on luikhe mai di.

Eimi te'n Free Group SMS khat patdaan lampi ngaihtuah le eivele? India gamsung pumpi a di'n. Innlam news te Zogam.net, Zogam.com, ZogamOnline.com leh i SSPPNet ah i mu thei gige a, hilele, mi teng in internet i access kei. Huchibang in, tualsung news te leng michih in ki muvek theilou.

A olsam pen, a za huappen, a baihsam pen, leh a taanzau peen ahihleh SMS ahimai. Huaiziak in kithuzaak tuahna di, tanchin thak kihilhna di, khotang vai, gamsung vai, sahkhua leh adg adg te a i ki kaihmat seemna di'n SMS group pankhe ni. A group min di'n bang i chi hiam ah.

Thuchian kimzaw http://www.smsgupshup.com ah a ettheih diing.

Ngaihtuah tuak i sa uhia? A mandeuh, internet connect khat khawng in pantheile a uthuai. Huaichiah, khopi tuamtuam apan leeng msg hon post theizeel di om henla, adiak in Lamka apan bang.

- Haumuanlun Samte | January 19, 2008 | SSPPNet

Hiai mail khenkhat in a hon reply pah ua. Huaini, a nitaaklam in SSPPNet moderator leh Siamsin Bulletin a ka sep pih, Lun Thawmte in a hon houpih a, hiai SMS news hoih a sakthu a hongeen hi. Aman inn a internet nei hiveen, huchiin khat a hon hong a, a min di'n ZogamTangkou ka chi uhi. 'Zogam' chih min kingaina, baan ah, 'Tangkou' kichi thumal hoih mahmah ahihna ah. Lawmte khenkhat kiang ah SMS ka khaak khe pah zungzung uhi.

A ziingchiang, January 20, 2008 in Vanglian Tawmbing in Bangalore apan SSPPNet ah hiai a hon khahkhia hi.

Lawmte,

Unaupa Lunte leh SSPPnet Member khen khat te hon suggest dung zui in, SMS new update leh thil tuam tuam kithuzaak na dia vanzat hoihtak ahih theih nang in ThuThang Patkhiak ahi ta.

Let us join our hands and take the Zomis to a better place.

Awlmohna lianpi toh,
Vanglian Tombing
Admin_ThuThang

Unp Vanglian toh ka kithuzaak ua, i pat vanglak ualeh nih hihlou in khat in kigawm in, pangkhawm ni uh, ka chi ua, huchiin, ZogamTangkou leh ThuThang gawmkhawm in, ZogamThuthang ka hon chi ua.

Huan, ngai in, ZogamThuthang tuh January 20, 2008 in a bawlkhiat a hong hita.

Huchiin, hihtheih dandan in, ka hon hihtou noknok ua, gintak sang in, mipi te'n ana paakta uh ahi diing a, simtu bang, ani-ani in 100-100 in apungtou okh-okh mai hi. A sai a buaihuai a, mi tamtak leng a kisubuai in a ki su thangpai kha dia, tamtak mahlah a kisu kipaak ngei diing. Ei leh ei kaal ah.

Athu mai hilou in, simtu kiphaltaktak te apan panpihna tam loulou bang a kisaang a, amau te min, i hihtheih daandaan in i lou diing:
1. Gouzamang Guite, New Lamka
2. L Ruata, Lamka
3. Student Book Store, New Lamka
4. BYond Coaching Center, Lamka
5. Mang Tawmbing, Mualkawi
6. Munga Samte, Tedim Road
7. Dr Zamthianlal, Z Lamka
8. Muandoulian, Editor, Tongluang
9. Mawia Guite, Lamka
10. Bethany Christian College
11. Ngulkhanthang, Lamka
12. Sauliim Book Barn & Restaurant
13. Minthang, Lamka
14. Mang Guite | Thawnsau
15. Chinsuanlal, New Lamka
16. M Jamchingthang | Imp G Village i
17. Joy Thanglian, New Delhi
18. Kamzalian, New Delhi
19. Khatchin Langel, New Delhi
20. Thangzamuan, New Delhi

21. VL Ruala Tangpua, New Lamka

22. Dr Tualchin Neihsial, Hmuia Ven, Lamka

23. Siamnunlian Valte, Lamka

24. Lianmuansang, Ahmedabad

25. Liankhanlam Hanghal
26. LT Ngaihte

Maihkhaak a om zenzen leh ngaihsiam aw.

2008-09 Krismas leh Kumthak zangdia innlam a a kipai lai in, Munirka, New Delhi a om Tv Lamboi Hanghal (aka dammaw in Zogam.com) leh Lalsuankham Naulak (aka kuaude in Zogam.com) te'n phattuam ngaitak in ZTT honna etkol sak uhi.

Tualou in, chiamteh tham ching ZTT'n a tuahte ahihleh: Khatna ah, Zolengthe (SMS news in Zou) kumkhat a chin lopna hun ah, ZTT editor ngainatak a chial in om. Nihna ah, YPA Delhi in ZTT pahtaakhuai asak thu puang. Leh, thumna ah, Zogam.com in ZWA 2008 hun ah Zogam.com media partner ZTT kipahpihna leh theihpihna certificate leh trophy etllawm tak hon pia.

Hiaiteng ahihleh a nuamlam ahi a, a haksatna lam zaw i geen se kei di. Mai in.

Atawpna din, ZTT' lawmhoih Zolengthe, LenlaiNews, LamkaTimes leh GanggamTimes te hiai hun in i pulaak ahi.

Pangkhawm tou zeel ni. I nam di'n.

T H U T H A K N A N G A P A N . T H U T H A N G N A N G D I N .

T H E I H T U A K
~ZTT deih te'n JOIN ZOGAMTHUTHANG chia gelh a 567673434 ah SMS khaak di
~ZTT deih nawnlou te'n LEAVE ZOGAMTHUTHANG chia gelh a 567673434 ah SMS khaak di
~ZTT lakhin hingal, lah message bangmah mu nawnlou te'n LEAVE a, JOIN thak di ahi.
~Thuchian zogamthuthang@gmail.com ah aw

Mobile tungtawn in ZogamThuthang SMS news update patkhiak hita
ZogamThuthang: I Soft Power khansakna di'n

ZogamThuthang in PDS anntang dikloutak a zuakna pholhkhia

ZTT QUOTATIONS

Never doubt that a small group of thoughtful, committed citizens can change the world. Indeed, it is the only thing that ever has.
~Margaret Mead

Let us take posession of the New Year and turn Vangsel Zolei into a land which the Lord our God cares, from the beginning to the end of the year
~Khatchin Langel

Regardless of the fact that, we, the VAGABONDS were members from the Sim, Gangte, Vaiphei, Thadou, Zou, Hmar community. We talked Paite. We were one.
~Lealyan Thomte

Vaphual khovel a Zomite' tenna baan vehkualtu, thu puaktu di a omlouh hangh 'ZTT is a new avatar of the extinct Vaphual with added features.

~Lianpu Tonsing'

Zogam Himai

2009-01-06T19:03:00.001+05:30

December 17, 2008 zinglam dak 10.20 vel ahi. Neemtak mai in, "Damtak in aw..." chiin a phone a koih a. Huchiin, ka tuanna di leenna ah ka kaltou ta. Bangtan hiam ka hongleen nung un, veilam gal ah, a etlawm Himalaya tangte a kimuthei a, khut a gelhthoh hileh kilawm in ngou phihphiah in a ding veelvual uhi. Bengal phaijang hing dipdip te peel a, Malsuahbial mual-le-guam leh luitui te' tung a ka leenlai un ka ngaihtuahna in, 'Hiaite sang a ka Zogam etlawm zaw di hi a maw,' a chi hi. Ka munuam saam ngei, Zogam etlawm. Hausapi Vum leh Lentang. Tuivai dung. Kaihlam Tang. Lungthul Kawl. Leh Lunglen Khaam khawng.

Khopi etlawm vaklou hi a ka theih, Guwahati sang in leng Imphal khopi ana deree zotham a, leivui bang a khu petmah hi. Ka tuanpih tamtakte, adiak in Talpakte a din, hiaimun a inn uh himahleh kei' innlum bel a gamla lai mahmah. Direct Bus a ka tuanpih te ka pau mah in ka hon houpih theita a, hiai in naaktak in lungmuanna a honpia hi.

Ka hongtai touhlai un, ka gamlei tunkaal ka ngaklah mahmah mai a, himahleh koimun tak a kipan 'ka gam ka chihna mun' tungta ka hia, chih ka thei zoukei. Tuibuang forest gate, Lamka police station, huchiin New Bazaar ka hongtung a, 'ka gam koimun hidiing hiam' chihte zong a ka ngaihtuahna abuai sung in veeng sung ka hongtung ta hi. Khomui zuul a phalbi huihvot nung herher, kongzing lampi sia, phon leh kuak tektokte' gei a mei kichih kuang liahliah, a khu zaam liiliai, mei ana mit geet, leh innsung a meiphu duur deuhmai te'n honna vaidawn ua, huchiin ataktak in 'Innlum a Krismas zang di'n ka hongtung ta' ka chithei ta.

Ka omsung in Lamka ah gentham ching, muhtheih dia kikhenna thupilua mukei mahleng, NREGS tungtawn a kibawl lamneu hoih zawdeuhta te leh miteng phial in gari neu (huaile Activa hilai) nei hileh kilawm, chihte khawng ka muhdan maimai ahi. Kei ma a tamtak in 'building inn kilam ferfur, thupi thei peuhmah' achihte uh le ka mu. Ahi a, mobile phone houchik tawi ka mu vaang mahmah thepthup. Unau Thadou leh Mizo te' laa ka mu mun in ka za mun mahmah nawn. Adangte' aa te le honkhah beek ve ua, ka chih hun a tam.

Zi leh pasal neih hun ahihtoh kiton in kitenna, kikhakna leh moulopna dim in adim mai hi. Sa free tam, chitel le. Nikhat a le mun thum kawm theih, chi uh. I khopi a niangnaar deuhmai a lop zuazua, buh leh sa neek thaang zeelzuul a kithan mahmah lai in, imi-isa te Zodawn ah gilkial-dangtak a thuum hunkhop om diing hi ua maw.

Bangdang teng sang a thil thupi pen ka va muh ahihleh December 30, 2008 a Zogam.com Writers' Award (ZWA 2008) ahi. Zogam.com in hiai award a dia a teelkhiat nominee tamzaw tham te telkei in mipi tamlaw veekvuuk hetkei mahleh, a lohching in a guh mahmah hi. Mimal tak a laigelhmi ka ngaihsang, a thugelh te uh peellou a ka sim gige, Pu Eugene H. Chinzahao, Kimbawi' Pa, Pauzagin Tonsing te toh kimuthei in ka om a, VL Mangzou toh bang kithuah in, ka nuikhawm khuakhua ua, hamphat huai ka sa mahmah hi.

VL Mangzou' Hinkhua Nuamsaktu series dandeuh khat ken le k'on gelhtei. ZWA 2008 adia ki a kibuaisak heehuu, ama nitak a ka Pu Ruala Tangpua te'n a ziing a a inn ua ann ne dia honchial uh hiveh aw. Huaizan sawtsim tak leh a ziingkal buaisuak hithet. Inn a le ann ne manlou phial, baak somsom in, Zogam.com admins Ginza leh Muanding toh Htp Pauzagin toh DC pa mudia va kuan. Daak 9.30 khawng hita. Ka Pu Rual in hon phone. "Man nailou maw? Ann nedia honna ngak keive ua," honchih leh ana mangngilh hithet ka hihlam theikhia! Kisuanlah huai rura! Huaikha, a theidia ka deihlouh teng in thei chiitchiat zomah lai. KK Valte. Leh adiak a U Dong (VL Mangzou) in.

Tu'n Singngat mah k'on gelh nawn di.

Lamka-Singngat lampi ana hoihta mahmah mai. Nidang a bus driver te'n 'breakdance-na lampi' a chihsek uh, kisawi zawihzawih theihna munte, muh di a om nawn kei. Atawm mahmah ta, ka chihna. Sawtlou chik sung a kitung zar maidan ahi. Lampi bawlte leh thuneite i phat mahmah ahi.

Mei bang leng ana hoih mahmah a. 24x7 loudeuh chouh. Battery nekiam hulhul, ka Motorola phone in a ngeih luahluah ngot di chu, ka chih leh network omta mawngmawng lou. Lampi bawlte'n BSNL phone line a tohtanna uh akum a sim ahita. Lampi hoih i deih leh phone ngawl ngai hileh kilawm maw. Network a matna, mun sang deuh naih a ngai a, abuai huai mahmah. Ka zon siamlouh deuh ziak ahidiam, Krismas ni ziing in kilometer 1 mawngmawng, Munlui lam a ka va pai lehleng ka mu zoukei. Krismas wish tamtak ka chaan!

Phuur tak a kipai a, bangchidan ahidiam, Krismas ging le om mahmah lou. Kuaman Krismas hun a hihlam le phawklou bang. Dau a dau. Om diakduak. I va lengkhawm a lahchu, tuailai leh piching lam muh di tawm peetmah. Naupang khawmpi bangmai. Saklam veng te sang in khanglam veng te'n Krismas hun a phawkzaw ua, nuamtak in a zang zaw uhi.

Tui ahihleh a hak ngei in ana haklai hi. Phalbi ziing khovot tak nuai ah, inn a mei lumtak awi diing taisan in, numei naupang neu chikchik te'n, beel gik tak po koihkoih in, gamlapi a om luita te a zuan uhi. Singngat a 10 Assam Rifles om te'n amau' aa diing leinuai apan electric haatna zang in tui a hiiptou ua, nuamtak in a zang hiahhiah uhi. Khosung leh kiim a luita teng a hiip kang ua, selfish uh ka sa mahmah. Gari in a kivei huthut gige ua, a taina uh lampi leivu sah mahmah te' khu in, lamgei a innte buak in abuak khum lenglung gige hi.

Hiai akum a sim tui haksa dawn zaangkhai theihna diing lampi, project thupi takmai, heutu lian lamte'n hon ngaihtuah thei le uh a uthuai mahmah hi. Tuitha hiam Tuivai hiam apan tui zawl theihna dan lampi, phualpi solkal kiang a, pi deuhmai a, phuut theih di hiveh aw maw.

Ka khua nuam ka sak mahmah na ahihleh zanchiang a, thawmdai zikzik nuai a, meiphu lumtak awi riahriah a tuilum dawn kitkit mahmah eive. Suun khat, huai phuahtawm taangthu 'Seenchil Vangngaih' ka piankhiatsakna mun, Sande skul ka va pha a, neulai hunnuam te nasatak in ka va phawksuah rumrum. Ka na tomsek uh, segah kung ana kiphuukta a, amun mahmah leng ana tuam mahmah ta. Himahleh, a kiimvel a taangsaam paak siilsial te leh huih in a muutliing dialdial, louhing te'n ka ngaihtuahna a hon suhing thak nawn tuaituai uhi.

Deih khoplou takmai in, January 5, 2009 in pianna gamlei nungngat san in, lungsim gik keihkoih toh, ka hongleeng khia uhi. Delhi ka zaan tun ua, tunglam apan mialnuai ah, khopi a paak ziizia mai. Meiphu i sin chiang a a-aam kithehkhia, leitual a vaak phingpheng mah a bang hi. Leenna phual apan ka pawtkhia ua, muhtheih in kikhenna thupitak, tomchik sung himahleh, ana om man tel hi.

Kei mah leng ka na kikheng abang. Hon mu masa-sa in a honchi uh.

"N'ong vom sot."

Innlum a Krismas zang di’n

2008-12-15T00:33:00.001+05:30

ZOGAM PHALBI NUPI’N a puanpi vot takmai in Lamka khopi a khuh leengluung ta di’n ka gingta. Tedim Road dung ah secondhand van a kiluikhe phengphung ta dia, sinlai naupang te’n khawlhun leh vaantaang in hun awl zang in, mun tuamtuam a kipan bazaar kai di'n mi hong paikhawm ta dia, mundang a omkhia te tungkhawm panpan ta in, mipi leh gari kiphu nuainuai te’n lampi leh kongzing lai te a kitawtsak ta mahmah diing hi.

Kaihlam taang leh Lungthul taangtung lam khawng a kipan hongsuak khia, phalbi ziing ninou in Zolei mual leh guam te neemtak in honsal hiihiai ta diing a, Tuivai leh Ngajam-Tuiliam dung ah ngoumei a zaam liiliai ta diing. Hanship te’ Zawngsihlui sak a thuangpaak leh theidampaak zu tawp in vasa neu chikchik te haam vengvung ta diing ua, huchihlai in, Mualnuam in ziing nisa mulou in khomite’n nilum awi di’n Kotpi Mual lam a honzuan pan ta diing uhi. Vangaitang lam a singtangpa’ bi inntung a vuuk kia, ngou phihphiah te, leh thelnah tung a ngou dai kia tang singseng te’n laphuaksiam te’ lungleen a puangsak mahmah ta diing. A minthang Lungleen Kawl a kipan huihzang hongnung tonton in Sialkal Tlaang dung a honmuut panta diing a, Cikha, Haiciin zaang khawng ah mei a kai thrithriai ta diing. Sa chaang leh gan kai di’n Singngat tuailai te’n Buanlawn Tlaang leh Sasan Kawl lam a zotlai un, Thanlon tuailai te’n Vaiphei Mual lam a zuanpan ta diing uhi. Huchiin, Buukpi te’ Sakeel Kawl a suunni a hongtum khitchian, khavaak in Sinai Mual leh Songtal vaangkhua te a hontaan singseng diing a, biakinn a lia-leh-taang te’ laapawl zilna ginglawm te tungtawn in, zaan khosawt sianglai ah, lemna leh muanna in mualkuam a thawn chiaichiai ta diing hi.

Hiaibang hun in, Zodawn loutul leh pawn lak khawng ah taangsaam a hongpaak siuhseuh diing a, tua te’n Mang pianhun ahihdan hon langsak in, Bethlehem ngaihna tulsa lungsung ah a hon thaksak nawn ta.

Krismas hun hongtung nawn in michih lak ah ngaaklahna leh lawpna a hontun hi.

I kum a hongpung tou zeel a, sinna leh sepna ziak in mun dangdang ah i hong omkhia a, Krismas i zatdan a hong kidang hiaihiai hi. Innlam a nuamtak a a kilop dupdup lai in, adiak in India khopite ah a gim himhim le a nam phakei. Mundang a omte’ een huailouh hun pen ahihleh Krismas hun ahi. Amau te’n hiaibang hun a hongtun chiang in, hun paisa a, innlum a Krismas a na zatdan te uh ngaihtuah ua, eimi Krismas laa te ngai kawm in, suangtuahna khoveel a kilaam in, lungleeng ngoihngoih in hun a zang zeel uhi. Krismas hunnuam ana zatna sate uh amaute adi’n a kepbit thiintheen uh, gou manpha ahimai hi.

Delhi a lawm khenkhat in, hiai gou manpha a kepbit te uh hon phelkhia uhi.

Neulai Hunnuam
“Krismas a hong tunchiah neulai a lawmte toh niik, khedap, muja leh clip thak khawng kilaktuah a, kua’n balloon a muutlian zoupen chih kidem laikhawng ka phawk,” Luni in chi hi. Siasiam in, “Neulai a puanak thak, tual, a lace pan sirser, a rong laar deuh mai neihlai khawng nuamlua eive maw,” chi. Krismas ni a puan-ak thak toh kizeem a, sungte’ kuan le ngaakzou lou phial a omlai khawng Ginthang in ngai mahmah hi.

“Nu-le-pa te vanlei hongtun di kal uh ngaklah a niteng a bus station bang va kitung mai. Puanak, khekol, pistol, khedap thak chihte toh nuam kisalua. I nute’n tanghou khawng su dapdap ua, nitak leenkhop tawpchiah kine zel,” chiin Kham Naulak in geen. “Thanlon ah nam tuamtuam - Hmar, Vaiphei, Simte, Paite, leh Gangte kiteng khawm vek ahihziak in Krismas hun nuamdiak abang.”

“24 Dec zan a kuang doh. Kithuum in Pathian kiang ah i deih mahmah te aban-aban a gen daudau. Genzou, lumsuk, ka kuang kei lu zawn ah a om na hiam, chih en thaknawn. Huaikha, ziing baihtak a thou. Lupna nuai enpah, haha, nui khe kha! Pathian in ka van deihte honpia, chi in kipak mahmah. Puan-ak/khedap a omle bang silh/bun suk ziau. Lawmte va ohchhan zaih lai,” chiin Tete in a neulai hunte hon phorkhia hi.

“Nitaak lengkhop kar a Biakinn kiim a ‘In Out Rain Water,’ ‘Dampa-Spite’ kimawl lai ka phawk. Nute’n i pai utma a ahon paipih chiang ua nuak lai khawng,” chiin Chingboi in geen hi. PL Siam in lah, “Phantom pistol toh Lion keep kaap puak phekphek lai kaan omlou,” chi.

Nenem Vualnam in, “Veng naupang te toh nitak chia mei awi di chi, suun a sing khawng kitom zel. Azoh, ingah teng kha nitak chia field a kitawi khawm laihlaih inchin kichih zaizai zel. Nuam himai!” chi.

“Mawngluikawi lam ah Krismas paak phiphia te va kilou inchin, Taangsaam kung khawng kihawl sek. Apaak te bang va kibohpuk zeelzuul mai. Hiai paak ten December chiah i Zogam a kilawm sak mahmah. Tu’n a pak muh di lah om nawnlou a maw,” chiin Biakson in Singngat ngai mahmah in geen hi.

Malai Hunnuam
“Krismas kuan chia ka phawk chu maw,” Ngangai in geen a, “meikai thriithriai, aksi phe leplep te, biakinn a decorations te leh Krismas laa kikhah ging. Nitak kikhop tawp chiang a innkuan te toh meiphu kiim a sangkan lai khawng.” Khokhawl in ahihleh, “Innkuan a kimtak leh kipaktak a omkhawm laite a hon phawksak diakse,” chi hi.

“Khua a hong keu a, geepsim niipniap in i hong om a, lou nnasem te’n lah nnasep zouta, tuailai leh papite’n gamlak a sa beng, niteng phial a honman uchu sahou kigu mun atave! Nitaakchia’n lah khua a gamlum mahmah a, naupang chik hilele lungsim khat a nopna honpe lua,” chiin Lambawi in a Suangdai hunlui hon pholhkhia. Benson Guite in, “Singtang lam, khua khawng a zat khawmlai nuam e,” chi hi.

Kamlian in, “Krismas a hongtun chian van thak, bomb leh buuk bawl lai khawng ka phawk a, lawmte toh zaleen deuh, laisim di omlou a om theihlai ka ngai a, zan hah leh bawng ching lai bang ka thei gige,” chi hi. Joy Thanglian adi’n bel, Krismas i chih zingkal thoutuung sasem dia kuan, mike a Damhoihching/S Chingnu te laa ki play, mei khu gim nam, nungak te’n tui pua, singpi ki dawnkawm chih khawng ahi hi.

Thianmuang in, “Ken maw Christmas chiah innkuan kim a biakinn kai khawm, biakinn sung bang a mei (meh huanna) hong khu lingleng leh zansawt chia Krismas laa hong kikhah ten innlam ka ngaihna hon liansak diak,” chi. Biakhoih in, “Ka muhdan a nisa bang a satdan tuam, a vot dan tuam. ‘Krismas top!’ ka chisek ua,” chiin geen a, “a ni a ann nekkhawm leh ann nekkhit a kholai fang khawng nuam ki a kisathei.”

“Lawmte toh Krismas shopping pai, laa khawng zil in carol khawng pai, Krismas hongtun chiah atuam a zat sang a nupi-papi te toh leenkhopna inn a leenkhawm zaizai mah nuam pen,” Chinghoih in chi hi. “Delhi ah nih vei ka zangta na a, a nuam ka chihna di point khat le ka thei mahmah kei.”

Mang Ngaihte in, “Pathian hehpihna zaar in gam tuamtuam nga ka phata na a, eilawi zatdan a zang ka theih omnai lou ahi,” chi maidan eive.

Nuam Rura!
“Ann neekkham khomui kuan a kuva hai kawm a Teddim Road dung ah kimelhtuah lalaih. Leenkhopna ah laa thei ngellou a phuur a phuur. Tawp a lampi lai ah zun kibaan peh. Huaikha zanhak di’n hon ngak. Sung te’ phallouh te bangle kigu teitei. Bonfire kiim a tu toh, a laam toh phe nuaihnuaih. Nuam rura!” chiin Biak in a hunlui ngaihtuah kiik hi. Khup in a tangval tuunglai a nungak te toh puanza kikop, ann neekna a kuate hiam toh meh dohkhop, Kumthak sangkan leh thilpiak kipiaktuah te mahmah in hiai hun sunuam ahihdan geen hi.

“Leengkhawmna khawng ah laa theihna sunsun - a thunon lak - sa vakvak, upa’ te ngaihdan hi khollou. Jesu pian champha le kiphawk vetlou, a nopsak lam kia a kipai,” chiin Muan in geen. “Huaichiah, 31st Dec lawmte’ inn ah zang. Daak 12 hongging. Teddim Road phei ah kizui. Signboard teng lehkheek. Sagou te’ dohkaan bang lampi laitak ah tung vervur.”

Buukkaakna & Krismas Diktak
“Khatvei, neulai in ka nu’n sneaker khedap a kibang, AIR kichi te, ka u toh hon leisak lalat a, kikhawm dek pheituam sau teng di’n a hon sawl ua, ‘AIR’ kigelh pen khuhsuk kha ahihchia, a dawk keikha di chi ut bilbel lou himai,” chiin KK Tawmbing in geen hi. “Tuhun khawng in ahihleh zingkal a sasem dia kuan a, phalbi khovot nuai a singpi lum dawn kitkit khawng maimai nuam kisa ta,” chiin behlap.

“Neulai ki ngaipen hinte, lenkhopna hall a di buhpawl puaklai, a ziing a sasem na a a zunbu chaang, leh beelpi sapok khawng salam ngaihtuahna ah suak. Tu’n Bungmual a buhpawl puakna mun teng inn dimta,” Thangza Mwan in chi. “Khalam ah, ei bang a mi niam, kua thulaklouh, aman it a a mabaan di theisa napi a, a dinmun sangtak nusia a hongpiang, a hon it didan hon ngaihtuahsak mahmah ve.”

“Ka neulai in Krismas a hihna tak ka na phawkkei a, vanthak nei di, Mas putek in thilpiak hongpe di, chiin Mas hongtun kal ka ngaklah thei petmah,” Sangpuii Chhakchhuak in chi hi. “Ka pichin nung in Krismas diktak ka zangta a, bangmah hikei leng le, tu’nchu niteng a Krismas zat di ka chimai.”

“Krismas hun in emotions chiteng hong neisak thei,” chiin Haute in geen. “I neulai a mi pawlkhat a ding a lungdam pen ni, van thak ngah ni chihbang, aihhang mi pawlkhat adin, khitui nuul ni ahi. Mi’ neih bang a vanthak nei zoulou te adi’n kikhop di bang nuam lou thei. Krismas hun i chih suahtakni ahihkeh lungdamni in tuat in, Jesu tung a i lungdamna zahzah mi huhna, piakkhiatna in zang thei leng uthuai ka sa.”

HIAIBANG A LAWMTE’N Krismas memories leh experiences a treasure te uh ka hongelh dendon ziakkha, kei’ aa kia hongelh leng, simtute a bored khaak di ka luahziak ahi. Kei’ a te zaw k’on gelh sedah di. Ahi, innlum a kum 4 mawngmawng Krismas ka na zatkhak nawnlouh nung in, tu in, zang di’n ka hong kisa ta. Tu, hiaibang hun khawng in mite a din a lungsung uah Bethelem ngaihna hongthak mahleh, kei a din zaw, Bethelem lamlam le hilou in, pianna Zogam mahmah ngaihna a hongthak zaw ka chi. Khovel gam lianpi lak a ka gam, ka inn ka chih theihna di mun omsun. Kholai a ka pau mahmah zang a ka leen theihna. Sungkuan, tanau leh lawmteng a kimna. Tua gam nuam zuan in ka hongpai diing.

Innlum a Krismas zang di’n.

ZogamThuthang in PDS anntang dikloutak a zuakna pholhkhia

2008-10-23T01:49:00.000+05:30

ZogamThuthang in October 20 leh 21 ni a Lamka khopi leh a sehveel, veng/khua tuamtuam a PDS anntang kizuakna zah kibanglou tak te a suahkhiat in a kisaipih agent te naaktak in sawiliing. Veng tamtak a agent te'n a diktak a azuaklai un khenkhat te'n a tamzaw in zuak uhi. ZogamThuthang a.h.k. ZTT in hiaithu a honsuah khiat chiang in PDS Agent Association Churachandpur te hong kisa khia ua, Sepnawnni, October 21 in Churachandpur sub-division sung a veng/khua tuamtuam dapsuak uhi.

PDS Association in a suina uah, Lingsiphai, Mata leh Zenhang Lamka a agent te'n BPL anntang a rate zah sang a tamzaw a zuak uh hi'n musuah hi. A kisaipih agent te'n association kiang ah ngaihdam ngeen ua, huchiin rate diktak in zuak ta uhi.

"Rate diktak a zuak agent tampi a omlai in khenkhat diklou deuh a zuak kha te'n association kiang ah ngaihdam a nget ziak un mipi te'n ana theisiam diing in k'on ngen uhi," chiin PDS Association makai khat in ZTT editor kiang ah thu tun. "Mabaan a a sutzop uleh a i Pawlpi saangzaw te'n a permit uh laakkhiat sak diing uh," chiin geen behlap.

Anntang kizuakna rate baan ah, innsuan a seer kihawm zah leeng mun tuamtuam ah kibanglou lai hi. "Hiai bang le hon suizom ve ua," chiin simtu tamtak in ngetna bawl zomah uhi.

ZTT a Oct 20 ni a kisuah
PDS antang man
Phailian 12
Sielmat 12
Tangnuam 10
HmuiaV 10
ZenhangL 10
Mata 10
New Lk 8
SalemV 8
Rengkai 8
Hiltown 8

Oct 21 a kisuah
HQV 8
Mualkawi 11
HiangtamL 8
BMual 8
LailamV 8
LamkaT 8
Lanva 8
Salvah Lanbung 10
NgathlKwnpui 8
Pearson 7
VengnuamA 9
BijangH 8

Hihdikna:Pearson & HmuiaV a PDS antang man Ch 8 ahi
#CCPur ah Lingsiphai, Mata,ZLamka ten dikloudeuh in zuak
#Sdvn dang ate kitheikim nailou

PDS Assn CCP'n tunin rate diklou a antang zuak agent te suikhia ua, tua ten Assn kiang ah ngaihdam ngeen
[Mipite' aw in ZTT pangzeel diing]

ZTT thu tamlou
January 20, 2008 ni a kipan khia, ZogamThuthang in munchih mualchih a om Zomi te adi'n tuni tan tatsat lou in thuthak paw khetou zeel lai hi. Thuthak masa pen a kikhahkhiat nung ni 275 in simtu siingkhat leh za sagih phial phata. Hiai ahihleh tongleng tawivial (mobile phone) tungtawn a simtu te ahi. Tamtak te'n vannuaivom (internet) tungtawn in leeng hunteng in ana sim uhi.

A kipat tuung apat ZTT in thiltung leh tanchin thak te kia taangkou pihlou a, gam-leh-nam leh khotaang vai a a diklou leh a dikte puangkhe zeel diing, chih a tup ahi.

Hiai hun manpha suam in ZTT in simtu tengteng tung ah kipahthu kigeen hi. Mahni sum seeng a thuthak honna pe zeelte; a khenchiang in ninhuai leh thulaak huai hetlou sim mahleh, hon laaksak tu te tengteng; midang kiang a ana geensawn te (ana geen thaanghuai te ;-D) leh atom in khoveel mun tuamtuam a ZTT simtu kheempeuh te -- KIPAAK LUA AW.

Theihtuak
~ZTT deih te'n JOIN ZOGAMTHUTHANG chia gelh a 567673434 ah SMS khaak di
~ZTT deih nawnlou te'n LEAVE ZOGAMTHUTHANG chia gelh a 567673434 ah SMS khaak di
~ZTT lakhin hingal, lah message bangmah mu nawnlou te'n LEAVE a, JOIN thak di ahi. Huchih nung a le apaitheih tuankei leh 9711796850 ah thuzaak mai in aw
~Thuchian zogamthuthang at gmail.com ah aw

October khasung a hunzatna khenkhat

2008-10-19T23:54:00.010+05:30

Sports lai | Daih zezeen

Leel Simthu honna | Kamlian, LT Ngaihte, Kei

Leel Simthu honna | Kamlian, Thangkhanlal, Kei

Tuailai Day 2008 | Munirka lapawl

Tuailai Day 2008 | Munirka te

I pupa te apan kum khat sung a hunnuam pen dan a ana gen uh, phavaang hun ahi. Huaimah bang in Delhi ah leng, tu phavang hun, October kha hi, hun nuam pen ahi diam, ka chi mai ka chi. October kha sung in thilhihna tuamtuam a om a, huaite'n i hinkhua hunzat dan ngeina te apan a hon suakta khesak hi.

SSPP sports, conference, Tuailai Day chih te mahmah ahi, kumkhat sung a i na ngaklah gige, Delhi a hunnuam. Hiai hunnuam ka na tuahkhak te ka gelhma in ka hun haksa te k'on gelh masa deh.

Haksa va chih di le ahi zezen diam ah.

Delhi Siamsin Olympics 2008 October 1 leh 2, Nilaini leh Ningani a neih di'n heutu ten a hon thupuuk uhi. Kei bang a private a seem, adiak a BPO leh a huapkhakte'n kaallai hunsung in a khawlni a mu kei ua, a buai mahmah uhi. Sports lah a tel ut si ua. 2005 in conference kaallai hun in a om a, 2007 in leng conference kaallai hun mah in a om nawn a, tutung a sports hong hichi zeel pen tamtak te'n ngaih hak a sa ta uhi. SSPPNet ah leng hiai thu a kikupkhawmna huaise simtak a omman a. Kikaap tuah zezek na. Ke'n hichiin ka va kum tei a

Sportsi chih hi kimawl lungluut te adia kimawlni kia ahi kei a, a hohkhatengteng, aneu-alian, ateek-akhang, amei-apa kithuahkhawm ni, kimuhkhawm ni, kipolhkhawm ni ahi mai. Delhi ah eimi i tammahmah ta ua, saptuam tuamtuam i hi ua, biakna mun tuamchiat, kikhopkhawm theihlouh; sepna leh zilna tuamtuam, hun zatkhawm theihngeilouh.. zaan a kai toh, suun a kai toh, kaltawp hun a khawltoh,kaallai a khawltoh - - huai tengteng in delhi ah kum khat a ki socialize khawm theihna'ng hun aneih sun uh sports hinchin....

Naupangte adia lawmpolh ni, lawmthak muh ni. Tleirawl te adia hoihsak zonni,muhni. Tuailai te adia le huchi thou. Nungak-tangval melhni, zonni,muhni -- kitheihtuah ni, kipolh ni, kineel ni... Leengkul lamdeuh teadia koppih di zon hun remchang. Nupi-papi te adia kithuahlim ni. Piteek-puteek te adia damsung hun paiveel dan sim a tholeen tak a hunzat ni, lungzuan sialkhawm ni hinchin...

Hiai kha kei' ngaihdan hi hmiah mai.

Sports hun di, kaaltawp hilou a kaal lai a a hongtuk pen lungkimlouhna ziak in pawlpi a ka hihna apan ka na ki 'awngsuut' hi. Chia chepteh in ka om. Hileleng, ahikei. Ama a kipan thu hong pai toutou a om a ahi. Hilele, hiai ah huaiteng ka gelh dekkei. Ka gelh ut ahihleh, pawlpi adia ka na kipiakzohna te leh ka na hahpanna te tengteng, mangngilh leh nuulmang duak in a om a, ka thilhih hoihlou neuchik pen chepteh in a om zaw daih hi.

Hiai chiah chu naa ka sa mahmah ve.

Seppatni apan Sintawpni tan sepna ah kaisuak, Kiginni khawlni leh manni sunsun a dongsawp di, inn hah di, dawr kai di, nungak heel di, lawm polh di teng taisan a Siamsin Bulletin bawl dia kisa, mahni balance seeng a thu dongkhawm a mi i fawn kual, tua i thu donte lai a gelhkhe chitchit, tua te tawi a ka veng uapan ka sutna di veng uah bus kitawt deuhmai a tuangphei, khawlhoihkim ah tua thu te khumluut, mi dang fawn kual, kanchian, thu guangluut zeel, mangngilh khak a om deh aw, chi a en kiik thakthak, "thu tuamtuam," "kua ten bang gen" chih te hu dim, a dim zohkei leh a dimtheihna di lampi ngaihtuah, a tamluat lelah paihkhiat di toh hihtom didan ngaihtuah, zohfel chiang a, convert in va print khia, print khit chiah, xerox, xerox khit chiah, biakinn tuamtuam ah hawmdia va pe khia, inn i tunchia zaan dak 12 gingta, kisil khit chia ann huan, ne, i hongman chiah zinglam dak 2 naihta, huaikha zingkar beltak a thou a biakinn lam delh ngaizeel...

Hiai bang a i na panna te kuaman hon theihpih kei le ule, pawlpi i iitna ziak a i sep ahi a, ka kipaak veve ahi.

October 2 sports ni in nitaklam in ka va hohzual a, nuam ka va sa mahmah, kei huntawk in, chih di ahi. Hilele, bangchi dan a le, mi serious thei peetmah uh. Football final kimawlna ah, a out zen pi umpire in a mukei a, a muutkei a, a hawl ua, goal a khum hiau ua, huchiin khatlam te thangpai in a pawtkhia uhi. Batman film a Joker gendan takleh, "Why so serious?" chi ut dan ka hi.

A sports beinung tanpha a le buaina neuhneuh, complain vel bangvel om tou nalai.

SSPP sports lam hiaitan hileh.

Pa LT Ngaihte in October 11 ni in a laibu bawl LEEL SIMTHU a release a, a hon chial a, ka va kihel thei hi.

Tu'n Tuailai Day.

Laapawl zirna ah pasal ngen, pasal ngen ka hi ua, numei a tawm mahmah uh. Munirka kha, a seem ngen a kihih ziak in manhun a kituak thei mahmah kei a, thilsai hi a buaihuai mahmah. Kaal khat veel ka zir hawhaw ua, a hun in gimhuai in ninhuai sim mahleh, a khonung in a na nuam maimai khemkhem ahihdan a kithei pan hi.

Tukum Tuailai Day hunzat a nuam mahmah mai. Rev Dr. Pumzathang in hunpi a laa a, October 18 Kiginni in seminar dandeuh a hon neihpih hi. Ziinglam in hinkhua a mi lohching te tungtang ahon genpih a, nitaklam in dotna leh dawnna hun a om a, huaizoh in, nungak-tangval kingaihna leh kipolhna thu a hongen pih hi. Nuamthei hita ven. Durdur mai. Pa Thang chu, a thugeen nuam himai. Expression siam thei law peetmah himai. Sunday ni le nuam. Lapawl mi 50 veel in ka hon sa dumdum uchu, biakinn sung le pua khawng liing durdur mai ka hi uh. Formal deuhmai in ka kichei a, zenzen in, kamiz baantawn, zeeplut, khekor vom, khedap mong zum teeng in kong kikhawm taktak chu - - a tatak te kihimai. Hilele, ki smart chetchut lua, i om remthei mahmah lou. Hi leeiluai nilouh!!

Seenchiil Vangngaih

2008-09-21T22:16:00.001+05:30

Baihdeuh mai in ka phone a hongging buutbuut a, ka et leh ZogamThuthang a khah di, thuthak innlam te'n a hon message uh ana hi hi. Khamlou deuhmai in ka thoukhia a, kihahsiang in hulliap ah ka hongdaak khia hi. September ziing ni suak in neemtak in a honsal hiihiai a, huihnung bang leng a vot theidek hiauhiau ta. Ka luutkiik a, ihmut nawnna dan lah om nawnlou ahihchiang in, Pathianni ahihtoh kikhop ka honsawm daih hi – Siamsin Bulletin (SB) le hawmdi omthou hiven chi in. Khateng a kikhop veu le, chi a kikhop ana sawmlou chu hi ing a.

Biakinn ah thugen in honkhim ziak hia, ahihke'h ihmut khamlouh ziak hia, ka ihmu kha den hi. Tawpna laa a honpat un ka khanglou a, ka pawtzui ngal zomah hi. Kikhop man omkei vaanglak. Biakinn kong a ding in SB ka na hawm a. Mipi te’n honla dialdial ua, kuamah houpih man di ahikei. A meel uh leng a ki en mankei. A pailiam zungzung zeel uhi.

Huchihlai in, ka ma a hongpai numei khat news laidal a khut a ka piakkawm in, a meel ka entou a. A mit zawntak ka etleh aman leng honna en kilkel hi. Ka kiguih hial. Thakhat a khovel hong dinkhawl thut mah abang. Ka mit ka khap a, a meel ka enthak a, huchiin ngaihtuahna pingpei in ka lu a hon pei hi.

Ka manglam hia? A taktak?

"Kimbawi na hi ... himah te maw?" ka chi hi.

"Hi, himah ing e. Nang la U... U Lun maw?" a hon chi a. "Hi," chiin ka dawng hi.

Kum tamtak pailiam khinta sung a ka ngaihtuahna lampi tawn a hong paikha ngeilou, ameel-apuam leh a aw te bang leng bulhtuah theih nawnlouh diing khop a ka suangtuahna mitkha apan ana mangkhinta, tu in ka mai ah a hong kilang phut a. Lamdangsakna, diiphawmna leh kipahna kigawm in a honbuak hi. Huaihun laitak in, khua leng a hong daiduak hi'n ka thei.

Ka mit ka si a. Hunlui mualliamsa te'n a hon per kiik suksuk mai. Amah Kimbawi, Singngat vaangkhua a ka naupang lai hunte uh, Sande skul ka kaikhawmna mun uh, ka lawmte leh ka kimawlna mun te uh abaanbaan in ka mitkha ah a hong kilangkiik dundun hi. Kum 11-12 paita, tuni, hiaibang hun khawng a hun ka na zat diing dan ka hon suangtuah a, aneeneen in, abaanbaan in ka hon remkhawm a, ka hon bulhkhawm kiikthak hi.

Huailai a kha, Sande skul kai ki-a-kiphuur thei. Ziakchu, ka class (pawl) uah numei khat om inchin, hoih kisa sim, huaikha, ki-a-kimu ut, lah zah-a-zahtaat zeel, chihdan deuh. Kimbawi ahi ka geen. Ka skul kaina uh a tuam ziak in Sande skul ahimai, amah ka muhtheihna mun omsun.

Ka Sande school huangsung uh a nuam mahmah a, kongtual lian huntawk khat om hiven, huai ah ka kimawl nainai zeel uhi. Numei te ling, peeklum, leh lastic khawng a kimawl ua, pasal te lah thengh te, deen te, kibuktasial, milawngpi, kidelhte chih khawng ka kimawl vengvung sek uhi. A skul inn kiang a singkung khawng ah tuang in ka va kisawi ekek sek ua, segah khawng tom in, a gamleek deuhte lah a khanglam a gamkawm ah a ava gamtaang vaksek uhi.

Nuam thei lozeen a. Ngaihna omlou.

I kuanhak deuh ni chiang bang a Sande skul i gaal etleh, naupang ngen, naupang ngen, phe noinoi, haam cheelchuul, chiak zuazua mai. Huaikha, a bouruak himhim in hon hiiplua ahihchiang a, kiphuur lua inchin, delh a kidelh liam suk vuvut mai dan ka hi uh.

Kimbawi te lawmta lastic kimawl a kitawm zatzat sek hive un, Biabiak toh a kimawlna gei uah ka va pai teitei zel uhi. Va en mawk. Va thoh. Ahihke'h va engbawl zeih. Ameel mu a, a kiangnai a om khawng nuam sak a kisakthoh mawk dan ahi. Aziak di le thei tuanlou. Om didan le thei tuanlou. 'Star' a chihte uh ana hi didan hiveh aw. Zeihzeih mai.

Ka kuanbaih deuh ni khat un Kimbawi, a lawmte toh room sung ah ana om ua, amah baang ah ana kingai hi. A kingaihna nung zawn chiah ah baang vang om hiven, huai apat lawmpa toh ka en ua, akam ah chiikhum a muam peerpuur a, "Nnggaaa! Kimbawi, na kam puak!" ka chihleh, "Ut a leh!" chiin a hondawng bauh hi. Baang vang apat chiangtawn khat a akhe ka va sutsak chiitchiat leh naa sa sim. Thren luailuai zezen. Bangmah chu hon chih ngamlou. Azoh, hunpatna daak a hongging a, room sung a luutdia a kipai khawm nainai lai in ka na tai chenchen a, kongkhaak bul ah ka na ding chat hi. Den a chiangtawn pen mah kongkhaak ah ka na kham a, Kimbawi te lawmta a hongluut un, ka na kaansak sese hi. Amau bang zak-a-zakta uh hilai.

Khatvei, Kimbawi te ling kimawl ka en ua, aman a kaap leh a hang a, a paamdeuh a dailing buk kawmlak a tu hi. Chih ngaihna a theikei ua, huchih laitak in ka va paiphei a, "Ke'n k'on laaksak di," ka chi a, dailing kawm ah ka va luutsuk hi. Ka va la a, pilh nengnung sa in ka hongpawt khia hi. Kimbawi' ka pia a, a nui seusau a, kimawl a sunzom nawn uhi. Morningstar paak te puanaak nung leh baan khawng a i bet chiang in a lim kilangthei a, huaikha theihlouh kal a kibetbelh sak ka thangsak mahmah uhi. Khatvei a lawmte mi 3 toh Kimbawi te'n thakhat in ka nung ah a hon belhsak chot ua, ken le amah ka delhngaal a, a kipalpuuk a. A nung ah naakpi a paakteh ka va bet dup leh a puanaak ah kilang chiang thou ei.

Kimbawi te numei te' tutna lam a vual nihna ah a tusek ua, kou le pasal lam a a nihna ah ka tu tei zeel uhi. Heutute hongluut ua, laa a honsak pih zaizai uhi. "Atak manpha nuamna na ngah nopleh Jesu na lungsung teengsak in," chih laa bang ka sakmun pawltak uh ahi. Tutna vualvual a changvom gen kidemna om chiang bang in Kimbawi te vual ka el thei mahmah uhi. Laidal ziikkhia in leenna lem, rocket chihkhawng ka bawl ua, a tutna zawn lam uah ka deeng phei keuh zeel uhi. Heutu te'n thohlawm dong di'n naupang te khatpeuh a honsawl zeel ua, khatvei Kimbawi in a hon dong kha hi. San tuaituai sa in kou tutna mun a hongtung a, sum siik khat kheging kalh in ka na en chenchen hi. Aman chu hon en ngam hetlou. Tawpchiang in Kimbawi te' nungnung ah ka pai ua, amau a innchiat ua apai khit chiang un kou ka pawtsuak zeel uhi. Paldai lam khawng ah. Ahihke’h video en.

Huaibaan a ka om dan te uh chiangtak in ka theithei nawnkei. Mahleh, ka theihhoih mahmah thil khat a om. Huaibel, ka hinkhua a ka na theihkhaak ngeilouh, tuni tan a leng huai dandan ka tuahkhak nawn nailouh, Kimbawi in ka lungtang a hon luahdaan ahi. A meel ka muh khak chiang in kipahna lamdang takmai ka nei a, ka muhlouh chiang in muh uttha asuak tuntun sek hi. Ka va muh hial chiang in ka zahtaat zeel a, lah, a kiang nai a om nuam ka sa mahmah zeel hi. Bang chi ka hia chih leng ka thei tuankei. Ka naupang suangtuahna mawlchik in khovel a ahoih leh a etlawm teng toh Kimbawi tehkaak in, ka na bulhkhawm sek hi. Amah zaw tangthu a glass slipper bun ka Cinderella, ka Little Red Riding Hood, ka Sleeping Beauty, ka Vaanleeng' Tanu, ka Hausapa' Tanu, leh ka Lengtonghoih ana hi gige hi.

Hiaibang a neulai hunnuam te ahi bangbang leh sukbuai louh a tangtawn a paitou hiauhiau mai diing ka na saklai in, thakhat in keekkia bangmai in kum 1997 in khoveel a hon deeng darhphuah mai hi. Ka hinkhua vaak siilsial lai peen mial in a hontuam ta. Gaalbuai ziak in Kimbawi te'n a innkuan un Shillong lam ah a hon peemsan uhi. Hiaibel ka taangthu uh beina ahimai.

Ka hinkhua apan Kimbawi a paikhiat nung khatvei leng ka kimu nawnkei uhi. Theih leng hon thei nawn di'n ka gingkei. Kimbawi toh ka na kituahkhaakna hun te uh zaw neulai a ka pi'n tangthu a honhilh, tua ka mangngilh taak te bangmai ahi ta. Amah ngei leng maanlai tangthu a a etlawm mahmah "nahpa san," lui tuiluang in a taihliam bangmai ahi ta. Ngaihtuah khak in leng ka na nei nawnkei.

Tuhun tan in.

Bangtan mitsi ka hia, ka theikei. Ka mit ka hakkiik nawn a, Kimbawi in honna en kilkel hi. Geen diing tampi om mahleh bang peen geen a koi a pan di ka hia chih ka thei zezen kei hi.

Atawp in, "Dam maw?" chikawm in chibai buuk di'n ka khut taklam ka pia a, aman leng a honna saang a. Huchiin, amasakna pen di'n a khut ka hon leenta. Neem takmai. Leh nou ngiingei.

"Dam," chiin nui siausiau in a hondawng a. "Nangla?"

"Hi, keile dam," liing sim pupulh in ka chi hi. Ka khut a SB hunkhop omlai teng lawmpa ka pegai a. "Nang tua koi a om e?"

"Nanakpura ah, ka Pa Lian te kia'h, na thei diam ah. Nang la?"

"Munirka, chih dandeuh. Pa Lian maw thei e zenzen," ka chi a. "Hon thei nawnlou di k'on sakleh."

"Theilai mahkei dia," nui hiuhiau kawm in achi a, "hilele nana kikheng lawta. Thaudeuh na bang maw. Tarmit khawng nana bun a."

Huchiin theitui a kihawmna lam ah ka paisuk ua, bangtan simta a, banghih ta ka hia chih a hondong hi. Ka geen a, aman ahihleh Shillong apan graduation zou daan ahi. Kaal masa a Delhi hongtung a chi.

A lamdang in a nuam telmai. Geen didan tuan le ka theikei. Ha hul zeen a nuih fiamfuam reng a uthuai mai ka chi. Nidang a kei mit adia a etlawm bang in tu in leng ana etlawm lailai a, a mai apan ka mit ka taikhe sak thei mahmah kei hi. Ka kimuh nawnlouh hunsung un, hun-le-ni leh kum-le-kha te'n Kimbawi ana duat mahmah uh ahi ngeidiing ua, etlawm, hoih leh deihthoh huai takmai in ana khanglian sak uhi. Huaiziak in ka kipaak lua. Ama' aa di'n.

Kimbawi in leng kipahna tak khat nei hidi'n ka ngaihtuah tei mawk hi. A nuihsim hiuhiau dan apan. A hon en a, thakhat in a meel latdaan a hongtuam phut a, "Kei maw, tuzaan..." a chihlai tak in a Pa Lian in a sam a, pailam vai a sawmpih hi. A car geitan uh ka va kitonpih phei a, "Bang eita?" ka chihleh "Bangmah hikei," a honchih san daih hi. A luutdek in, "Ann nekkham chiah honghoh oh aw. N'ong hoh teitei di eikha. Aw?" chih tak meeltak in a hon chi nguutnguut hi.

"Hilua heh."

Innpai, ann neekkhaam in Nanakpura lam ka zuanphei pah fefu hi. A inn uh ka tun in nitaklam dak 3 a gingta hi. Ka va luut in Kimbawi pindan sunglam ah buai in ana buai a, kholhkhawmna pindan ah ka na tu hi. Zogam.com leh SSPPNet khawng apat ka theihsa hiven, a Pa Lian politics a lungluut mahmah a, ka houlim kha ek uhi. Kimbawi a hong man khong a, a hon tutpih ta. Huchiin eimi tangvaal tuung, nungak heel chiang a i chiindan te uh abaanbaan in k'on apply tou a – ann a nek khit leh khitlouh dong, tuisuak dia sawl, kuva puak te pia, album etdia ngen, leh adangdang.

"Ana nupi nai hialkei te maw?" ka chiamnuih a. "I kimuh nawnlouhna sawt thou ta maw, vengveng."

"Sawt eimah voi. Eh, ka peem nung uh i khua uah nih vei hiam va paikha ta keive. Hilele kuama'n honna thei nawnlou uh."

Luck mahmah ahi dia, a phone di ahike'h message a hongpai zutmai a, kei a lahchu ZogamThuthang loungal bangmah om mahmah lou. Amah leng atawp in a hong kisuanglah hial hi. Thu vantang khawng houlim in ka om ua, nuam ka sa mahmah. Atuung in kizahtaat tuah sim mahle ung, neulai pek apat ana kitheisa nanana chu, Ngeisok (Central Lamka news) te' geendan takleh, "ka hong kineel taktak uchu, a chintawk ka theikei reengreeng uh" ahimai.

A Ni Ching' lawmte hunkhop a hongluut ua, Kimbawi kiang ah, "Na man leh koilak hiam ah i va pawtkhe maimai diam?" ka chi a, a hon aw hi.

Huaihun in ni tum di'n a kisa ta. Satya Niketan kongzing nuam takmai ah pai in, Sharmaji dawr ah kuva ka hai ua, huchiin, Priya manoh sawm in auto ka dawp uhi. Ch. 30-40 veel hizeen pi aheekpa'n 100 a honchi toih hi. Deek. Utlou. Kiseel. "500 k'on pediam?" ka chih ek lezaw, a ngaihdan hikei thou ei. Taikhe vengveng. "Delhi ah kha, ataangpi a vaite khelthei lua unchin hon lohgawp uh eivoi," chiin ka nui hemhom hi.

Angeina daan mah in Priya mun ana luun peetmah a, nungak-tangvaal kaaltawp hun nuamtak a zang in ana vaakkhawm hialhial uhi. Eilam mi nungak fuh simsim khenkhat, mivom te leh vai te khawng toh kikawi, kileen in ana kizui lalat tei uhi. Kimbawi a ut ziak in shopping complex kiim ah ka vaakkual ua, ka houlim ua, akhenchiah ka nuikhe ek zeel uhi. Kipiching sak sim le le, bangchi dan eidiam ah, naakpi a nuihkhiat tuar chihkhawng kitawpsan theinai mahmah lou. Amah le ana huchi tei thou, haha! "Eigeel i pawtkhawm a, tangval te a hehthei a om di e!" ka chihleh, "Omlou e, nang lam ah a omkei ngaal leh," a honchi a, "Himai!" chiin ka dawng hi. Zan, zanhal, hal masa, zanlam, kha masa, nikum, leh kum masa chihkhawng a ka na omdan te uh ka hon geenkhawm suksuk ua, atawp in ka vaangkhua uh ka hon geen tung uhi.

Huchiin Barista ah ka luut pih hi. A omna mun a fuh a, a dai a, thoveng tak a hun zattheihna ahi. Huaimah lah ka ut ahingaal a. Cappuccino ka la ua, a siik khat a table ah kimaingat tuah in ka hongtu uhi. Saaplaa neem deuhmai a kikhah diaidiai a, Kimbawi meel ka en a, a ngaihhuaina in a honzou ngeimai.

"Kim, bangziak a hiai tantan nana mang? Na …" Ka geenzoh ma in innlam apat a phone di a hongpai a. Bangtan hiam apau zoh in neulai thu ka honsuut khawm pan uhi. Aman leng thildang teng sang in Sande skul a hun zatlai te mah a theihoih pen a, ngaih leng a ngaidiak, a chi. "Khatvei, i khua ua ka va pai ua maw, Sande skul lam ah va vaak ing a, ka lung a leng dan chu," achi hi. Ka geen leh nidang a dailing kawm a ling ka na topsak lai, 'na kampuak' ka chihlai khawng, kongbul a chiang ka kaansak laite khawng a theihoih mahmah hi. "Huai, khatvei thohlawm dongdia heutupa'n i nih a honseh khawm inchin, ka thohlawm donte ka sukbuak veklai kha, na thei hia?" honchih pen bel ka na theinawn kei.

"Ngaihhuai e maw, U Lun," achi vengveng a.

"Ke'n le ka ngailua."

"Sapkiik theihleh maw."

"Sapkiik angai nawn tuan saam a, tu’n i kimu ta vele. Huailai hunte i sunzom nawn keidia. I pehthak nawn dia, ahihke’h i panthak dia."

"Tua chu hithei nawnlou eivoi."

"Chimawk! Ken lah nang k'on muhnawn ka kipaak lua a. Ka neulai pek apat na tung a lungsim guuk ka na neih, ka na gen ngam ngeilouh tu a hongen sawm h'ing a."

Nui siusiau in a hon en a, "Maw?" a chi hi.

"Geensuk thruai maile. Iitna bang ahia chih ka na theihsiam ma pek apat honna iit ta ing a, hilele nang n'on bangchi ngaih dia chihchu theilou. Nidang a i khua uah, khatvei ka lawmpa Biabiak' hon panpihna a nang a di letter ana gelh ung a, Sande skul a honpiak di ka chihleh ngamlou. Tu in huai letter a ka na gelhsa te mah, na ma ah k'on geen a. Kei a di'n zaw nang mah na hi lailai."

"U Lun, ka kipaak lua. Ke'n le nang k'on muh leh ka lungsim hongthak nawn inchin. Nidang a nang muh di ziak a Sande skul kai phur a ka phurlai te khawng hon phawkthak sak chin a. Ke’n le nang honna …” a tawpthak a. “Hilele, tua chu thilteng kikheel ta eivoi."

"Bangziak eita, Kim?"

"I hinkhua tuamta, i paina'ng le tuamta. Career kha ngaih poimoh ngaita inchin." A mit hah etlawm takmai kawm apan nguina thuuktak mai hong kilang khia hi'n ka mu hi. "Kei maw tuzaan chiah pai di keive. Gamdang ah."

"Chihchu?" mawltak in ka dong truh a.

"Higher studies a UK ah paisawm ing a, hongkiik pah nawnlou di…"

Abaan a ageen te ka zathei nawnkei. Ka bil a ging vungvung a, ka aam a hai huaihuai hial hi. Bangmah leng ka ngaihtuah theikei. Capuuccino ka dawn kut a. Atawp in, "Dak bangzah a na flight?" chih teng ka kam apan ka pawtkhe sak thei haamhaam.

"Ziinglam daak 2.45," a chi a.

'Kahnuih' achih te dan chiah uh hilou, kipaak hetlou pi, kipaak hi awmtak a kilangsak in, "Hoih e, na hampha lua. K'on kipahpih lua," ka chi hi.

Barista apan ka pawtkhia ua, kiiklam in lampi ah geen diing a vaang mahmah mai. Kum 12 nung a ka kimuhkiik nawnna uh kipah di hia, ahihke'h, mabaan a kimu ngei nawnlou thei dinmun a ka om pen uh dah di hia – ka thei zoukei. Aman leng a thei zoukei. Hi'n ka thei. "Kim, bangziak a hon paisan pah di khawng, tu a n'ong kilaak kiik phiing? Bangziak a tuma lam hun khawng a k'onna tuah khaak louh?" ka chi hi.

“2000 a i khua ua ka va pai ua maw, nang hon zonbawl ing a, na meel khawng honmu di ka kisakleh…”

“Maw? Kei huai a Lamka ah omta keivoi.”

“I thilhihna peuh ah, ginom tak leh kuhkal tak in omle, Pathian in lem a hongeel sak dia, i kituak kha nawn kei dia maw, huaichiang in…” chi in ka liangtung ah a hong kingai a, a sam awl in ka zuutsak hialhial hi.

Geen diing tampi om mahleh ka geenthei nawnkei. Ka kisuum zomai.

Huaizaan Kimbawi’ Pa Lian te inn ah ann ka va netei a, a Pa Lian toh a u-te khat toh IGI Airport ah Kimbawi kha di'n zaan daak 12 veel in ka pawtkhia uhi. Kou geel car tutna nung pen ah ka tu ua, a khut neemtak ka leen hi. Delhi lamlian tung a ka kitholh henhen lai un ngaihtuahna a paisau mahmah mai. Kiimveel leh malam khawng a meivaak ziizia te hongmial dundun hi un ka mu a, Kimbawi - ka seenchiil vaangngaih - ka letna khut ka kipsak deuhdeuh hi. Hon paisan ngei nawnlou di'n lettaang ka utngei.

Airport ka tung ua, terminal ah chibai kibuuk in hon luutsan di'n a kisa hi. Ka va naihphei a, huu diik kuaikuai zeen in, “Kim, i Sande skul innte, tohlet leh baang te, asung a tutna te, kimawlna huangte, leh agei a singkung pou te ana omlai di un na gingta hia? Ana omlai bang hileh uh a honthei lai d'uam?" ka chi a, a mittui a hongtaak khe keuhkeuh hi. A paam a om a Pa Lian te le zahtaat zou nawnlou in a honkawi top a, ken leng ka kawi ngoihngoih hi. "Nang toh khut kileen helhel in huai mun ka va paikkiik utngei. Loupa hing dipdip gim te leh huihnung hiauhiau te ka va diikkiik nawn ut."

A mittui ka nuulsak a, a hon entou a, "Ka utlua, U Lun, ka ut lotel," a chi hi.

"Kum hiaitan ka honna sukmang nung in ka hon mukiik a, tu in zaw ka hon sumang phal nawn mahmah kei. Honna ngaak gige di ka hi," ka chi a, a hon luutsan ta. Security check-in a a tummang madeuh in a hon gaal et kiikthak a, a mittui paak niuniau kawm apan a kam a honka a, a kamphun apan hiai honchi hi'n ka thei.

"K'on ngailua."

© VAPHUALIZATION | Hiai ahihleh a tatak hileh kilawm tak dia gelh, phuahtawm taangthu maimai ahi. Mun, min leh thiltung a na kibangkha bang a om zenzen leh ‘coincidence’ maimai hi di ekha aw. Mundang koimah a suahsawn phallouh.

O Munirka | 2 NE girls raped in Munirka

2008-08-17T23:43:00.001+05:30

Munirka is making the news again. Welcome to the city that never sleeps, The Last Vegas.

Two Northeast girls were raped in the dark alleys of Munirka, South Delhi at around 1.30 a.m. on August 12 by seven unidentified males. The two girls were returning home from work when they were attacked and pushed to the ground. The unidentified persons then took turns to rape them. Nobody responded to the girls’ scream. Nobody came to their help.

Sadly, the identifications of the victims as well as the rapists are not known. No police incident report has been made, no FIR has been filed.

The incident is first reported by ZogamThuthang, a microblogging Zomi news service.

Muan, a student residing in Munirka, saw two tattered pairs of women’s bra and underwear by the roadside in the early hours of Tuesday at around 6:00 a.m. By that time rain had already soaked the entire place.

On Friday evening, Ms. X, a friend told Muan that one of her managers witnessed a rape incident in Munirka the past Tuesday at around 1.30 a.m. She is working at a showroom in Priya, Vasant Vihar. This happened to be exactly the same place where Muan had seen the pairs of underwear on Tuesday morning.

The manager said to her, “We heard someone screaming, went to the top of the building and saw two girls being dragged and raped in turn by around seven unidentified persons.” He added, “We couldn’t go down to help since the gate had already been locked.”

They then seemed to have enjoyed the whole episode from the comforts of the top of their building. This, is absolutely shocking. People who witnessed the rape of two helpless NE girls without even trying to try to help them are far guiltier than the rapists themselves. Gates may have been locked, but neither lips nor phones can’t be locked.

RELATED POSTS:
Story of an NE girl
Zomi Girl Molested

Music lam gelhnawn le...

2008-08-13T23:38:00.000+05:30

Zaan a hongsawt hiaihiai a, khua a hongdai deuhdeuh a. Hiaibang hun khawng in khoveel ah laa tampi om mahleh, eimi laa te mah a ngaih a nuam a, lungsim honkuai diak hi’n ka thei. Eimi laa chiat ah le, a zawl laa lamdeuh mah kingai kha naak hiveh aw. Pathian laa lamte ngailou chihna chu hituanlou maw.

Zawl laa leh Pathian laa sak kikaal ah ngaihdan tuamtuam ana om gige hi. Adiak in Lamka lak ah, zawl laa sa te sang in Pathian laa sa te a laar zaw ua, pahtaak leeng a loh bok uh. Mahleh, zawl laa sa te bangtan hiam ah, ngaihneepna khat om hileh kilawm. A album uh le zuak haksa sazaw hileh uh kilawm.

Tuma deuh in ka veng ua tuailai pawl kipolhkhawmna khat ah zawl laa sak leh Pathian laa sak kaal kikupkhawmna ka nei uhi. Ka geen tangpi uh ahihleh zawl laa sak toh Pathian laa sak koi a hoihzaw, a nih a sakkhawm theihmah hia, mi a pianthak chiang a zawl laa sak tawpsan a Pathian laa kia sak di mah hia, chih khawng ahi.

Huai ka kikupkhawmna hun ua a thu paidan leh hiai ka laigelh in a kawksawm pen thiltuam daih ahi.

Tua hun a paikhawm mi 26 lak ah mi 8 in Pathian laa sak mah hoihpen in a teel ua, mi 9 in Pathian laa hi’n zawl laa hileh hoihsa a tuak uhi. Adang mi 9 ten ahihleh laa siam hi a, sathei dinmun a om hile uh zawl laa mah sa di achi uhi.

Tukum Zomi Nam Ni lopna video ka na enkha a, duur ka sa mahmah. Mipi a tam a, nuam a sa thei mahmah mai uhi. Kumdang teng sang in leng tukum nuam sazaw hi un a lang. Mizoram lam apan laasiam te a hongpai ua, a tuailai mahmah-na uh, a tulai mahmah-na uh, leh, a meelhoih leh changkaanna te un mipi te a muutpuuk duamduam mai hi. Hunkeempi-pa bang kideek zoulou in Mami Varte, mipi mai a a lasak lai, a va laampih lohloh nilouh! Atom a geen in, eimi laa leh i gam ngaihna laa te saang mah in Mizo zawl laa te’n Lamka huihkhua a zeelsuak dumdum hi. Lamka mipi te hi, laa i siamthei mahmah ua, a hong lasak te bang uh a tawn in i na zuisuak thei vek tel uhi. Huchih vengvung lai in, atul theilou Haumang, SN Thanga, S Chingnu, V Siampu chih te khawng in a ommun chiat uah, daitak in, tukum Zomi Nam Ni ana lawmtei diing un ka gingta.

Huchiin, Zomi Nam Ni in a puakkhiat Mizo laa hii, i khopi sung ah leeng chihtak in a hongleeng hi. A nung sawtlou in Lengtong Pauno laa, a sakthak te uh, a hong kithang khia a. “Nang Na Zuang Lou Maw” chih te khawng in M Sailova laa te a honmuut theng duakmai. Naupang pauthei tuung te nasan in hiai laa te sa thei uh ai’hbangh!

Sawtkuam takmai koihdap a a omnung in, tu in, Lengtong Pauno’ min, a laa, leh a thupina taangthu te Lamka kholai dung, baang te leh huihkhua khawng ah, phawnhalh in a hong omthak nawn hi.

Huaikhit in, Gloria’ hun a hong kipan. Album a bawlma a kipan a minthanna in khoveel Zosuan te tenna munteng zeelsuak khinta ahi a, tua “Nang Di’n Zang Ning” album bang, a thupi ngial ve. Adang te geenlouh, a video a changkaang mahmah a, a kisak theihpih huailua. A nu, Lianlunching in leeng a honsa kha a, a thupi mahmah hi.

Gloria Niangbawi khit in Mimin Baite a hong kilang nawn hi. Mimin Baite laa te nanaa-na chu Gohau in uluk tak a bawlsak him hiveen, a fuhsa himai maw. Sound chiang, video et nuam, music te le hoihtak a ngaihtuah khawl detdet a bawl ahi ngei dia, Mimin Baite 4th Step: Ei leh Ei a leikha te kisiik om hetlou daan ahi. Khangthak te’ lametna subuching tu, Mimin mahmah!

Hiai Mimin Baite’ VCD bangzah hiam Delhi ah ka zuakkha a, ka zuakkhaakna te apan ka muhsuah ahihleh, “ei leh ei kidopsaang tuahdi ahi” chih laapi i sakma a, i quality hihhoih masak phot di ahi, chih ahi. Nawmtawm tak a hihzual hilou a, a hoihthei peen dia bawl, hiai album a zuak a hak hetkei. A laa hoih a, a kaih nalh a, music fuh a, video leh editing siamneel tak a hih ahihnaak leh zaw, eimi te a leidia mansa ngen a om i hi(ta) uhi.

Ka thugelh hiaitan in khinleng le hithei ahina a, thilkhat k’on behlap lai chiitchiat deh.

SSPP JHQ Delhi in asai, SIMAS 2007 a thupi mahmah a, hiai in zung nasatak akai a, a kahiang leeng mun tuamtuam ah a zaam hi. Hiai music awards a kisai khit a kipan music lam ah halhthakna chikhat Lamka ah a hongtung hi. SSPP Voice of Jubilee, Inter-Tribe Super Idol, Hornbill Little Star, Angel’s Vision Music Awards, EHA/Hornbill Teen Star chih te abaanbaan in a hong kizomtou ziahziah hi.

A thak zonkhiat i pibawl lai un, a omsa, paampaih in bangzah a omta deh aw; zailaa leh tumging lou, lam chi tuamtuam a kiphawkpih tuah leh kipahtawi tuahna daan lampi panthei chikchiang in i hong omthei dia, chih khawng ka na kidong kheemkheem ve. I pau a laibu tuamtuam ana bawlkhia, lemchiin nalh taktak ana suahkhia, khoveel vaak honpo luut tanchinbu tuamtuam suahkhe zeel, leh adangdang te bang.

[S Pauginmuan' laa thak, "Suunkim ka lunggulh, zaanchiang ka zaalmang in" a khahkhiak louh, ka kiang hongtung kha khat, ngai hialhial kawm a hiai thu gelh ahi.]

Sir Lengtong Pauno Pahtawina In

2008-06-12T18:40:00.001+05:30

Zomi te' Pathian kiang ah siamna chi tuamtuam a Zomi te a honvukna leh hiaibang a mi thupi a honpiak ziak a kipahthu geenna thuumna neih ahihkhit in, mipi mai ah sap in a om hi. Lengtong Pauno! Mipi te'n khut beeng zuazua in ana vaidawn ua. Huchiin a hong kilang a. A hongpai niitniit a. Ameel leh a hong khohei daan apan kilawpluatna leh kithupisakna bangmah a kilang kei. Kingaihniam meeltak in tua paungaihna a honleen hi.
Hiai ahihleh Lengtong Pauno Laasak Silver Jubilee chin lopna hun ahi. November 11, 2006 ni ahi a, amun ahihleh EFCM Hall, Tahaan khopi, Kawlgam ahi. Dohkaang tung a puankhai ah "Sunflower Music Production leh Minuamsa Video Studio" kigelh hi. Music ahihleh Falcon Band te' bawlvek ahi. Falcon Band te: Deihpi - Lead, Zekhe - Bass, Thawn Thang - Keyboard, Khuppi - Drums ahi.

Bangchi dan hiam in a CD ka kiang a hongtung kha a, huai ka etna apan mimal muhdan gelhdia hong kisa hi khanglaang veng aw. Hiai a laa kisa te a hongthang mahmah mai a, et theihna leh ngaih theihna nei kheempeuh a video keem khalou om din ka gingkei. Nidang pek apan Pauno ana ngaisang, a laa thu te lungkuai thei sa a ana paakta, leh tulai a khangthak Pauno theikha lou te lak a Pauno i chih kua, a tangchin bang hi hiam, eite adia bang a a honpiak, chih leh a laa te'n i laipau bangzah a khangsak hiam chih dotna i lak a a hong piankhiat theih, hiai thugelh in a tup ahi.

Classical nalh takmai in a hong kizuut a, huchiin "Ka neulai in khomui kuan in ka lawmte toh ka kimawl theizeel ua..." chiin mitsi diaidiai kawm in a honsa hi. I neulai pek apan i na theih mialmial, tu in a satu, Pauno ngei in a sak i honmuh hial leh bangchi hiam khat a ki om hiveh aw.

Geen dan di le ka theichiah tuankei. Huchiin, Leitheih Hilou, Meitei Guun A Kan Mateng, Na Voh Bang Na Aat Diing, Sen Lehkiik Theileng chih te a omna mun, stage tung apan a honsa ngiaungiau hi. Mipi te tokphuur hiam leh bangchi hiam in omkei mahleh, munkhat a ding maimai a, amah lungsung ngei apan hong pawtkhia laa a gelh, a kaih a bawl a sak te'n, tua Tahaan mipi te a lawn mai hilou in, khoveel mun tuamtuam a a video en kheempeuh te a khoihkha mahmah hi.

Delhi a sinlai khat toh ka genkhawmna uah, hichiin a chi: "Lengtong Pauno' laate athu ngaih ka sathei mahmah. A laa kisa ka zaakzual lel chiang in leeng, ka lungsim a khawlguih abang hial hi! Aziakbel, leitung a mohpuakna bangmah neilou a, 'Nuizeel in kapzeel a ka omlai, ka seenlai hun' apan laa ka theih masak lawi, ka khankhiakpih laate ahihziak in. A laathu ka ngaihtuah (man)louh nikhua inleng, diiphawm thei ngaihtuahna a hontun naak."

"Ka neulai in Pauno bang a laagelh siam hih a, mite' lungkhoih diing leh a kahpih theih diing uh laa gelhtheih bang ka na ut sek. Himahleh, ka ngaihtuah thakthak chiang in, amah bang a lungleng mi hileng, ka pozou din ka ki gingta kei. A laathu te hoih ka sak zahzah in amah ka ngaisaang a, amah ka ngaihsaang zahzah in amah bangbang a lungleng tak a om diing, pasal ka hi na a, ka ngamkei," chiin lawmdang khat mah in geen hi.

Mi lungleeng thei amah, Lengtong Pauno ziak ngei in i Zo thu-leh-laa leh ginglawm te nasatak a sukkhan leh suk hauhsak in a om hi. A laa te ahihleh laa kia ahikei a, thutuun thuuk taktak nei ngen ahi uh. Ama hinkhua a a thiltuah te apan a gelh ahi a, mihing leh mihing kikaal a kitanauna tuamtuam bang, mihing leh khotaang kaal leh Pathian toh kaal a kizopna te a geendeuh hi.

Gelhbeh didan tuan ka theikei. Lengtong Pauno' laa te thuukdaan theitel thei din ka theihsiamna in a baankei. Ngaih tuahtuah in, suutsuut in, gelh sawmsawm mahleng a laa thu te zaw ka theihsiamna khenlam pek ah a om uh. Huaiziak in, huailam hiaitan in ka khindia, abaan zaw, simtu, ngaitu leh entu te'n noumau ah ana ki sutzop mai un aw.

Hiai Lengtong Pauno laasak kum 25 chin lopna a video ahihleh a fuh thei mahmah. Fuh peen chih di himai. A thilsai daan uh a changkaang a, van te a hoihthei a, sound a fuh a, mipi a tam a, projector bang 2 tak kizang zomah. Maimai lou. Thupi lua.

Hiai video in Zomi laasiam thak tamtak khoveel theih di'n a hon phoukhia hi. Adiak in Kapno leh Sangpi bang - mimal tak in ka ngaisang a, lametna liantak ka nei hi. Kapno in "Khen Theihlou Maimit" a sa fuh mahmah. A zei mahmah a, mipi te tokphuur leh kisawidaan a siam peetmah hi. "Ka Paal Heuta" chih laa remix Kimpu leh Siantawng a sak uh ahihleh a changkaang mahmah. Zokam in Kimpu in mawitak in rap ziahziah a, Siantawng in a chaang leh thunon te sa hi. Analh diakna mun ahihleh "Et ka chim theihlouh, na maitai siusiau te, tu in ka mit ah maigum suak khinta" chihna mun a Siantawng' hih daan ahi. Nalh himai.

Falcon band te le a maimai kei uh. A kisak theihpih huai peetmah uhi. Kapno in asak "Na Lua E" bang chu a beat paidaan, rockkk himai. Lead guitarist Deihpi'n siamtak leh zeitak a kisawi kawm in a tum a, bassist Zekhe in leeng a bass taikual sak in a kisawi neknek a, Khuppi in lah a deeksam kaang leplep kawm in a drum a khen lalat a, Thawn Thang in keyboard melody nalh taktak hon luangkhe sak hialhial a. A instrument khoih uh a siamna baan uah, munkhat ah ding burr mailou in mipi mai ah perform daan a zei mahmah uhi. Huaina tak ahi hiai video a et a nopna. A etchim theih huailouhna.

Falcon band in Lengtong Pauno laa te, a music paipi peen, nidang apan ngaikhe tu te'n a cheptehna uh, a khengkei ua, a hidaan mah in a tum uhi. "Leitheih Hilou" kipatna a lead ging trangtrang peen bang. Leh "Meitui Guun " patna bang.

Paupu leh Cingpi'n "Na Min Loukha Zeel Ing" a sakdek ua a kimelh heeuhaau na uh leeng a ettaakna mahmah mun khat ahi. Piangno in "Chidam Peuhleh" a sak a, "Vaimiimchiim zong kham zoulou, gataam chiip bek mah petpet ing, aihhang phamoh kei chidam peuhleh" chi a a khuttum a liikna mun le a nalh dang khat hinawn. Sangpi' aw luandaan hiauhiau a ngaih a nuam mahmah mai. Adiak in hiaimun a sakna bang nalh ka sa: "Kamsiatna toh namdang pasal nei, zinei khaleng, Kawlgam Vaigam omkha leng, Pasian hongpiak tu-leh-ta, Zomi hihna theisak ning, Zolai Zopau sinsak ning, ahizong amasa pen Zomi mah deih ing."

Thawnkham ahihleh geentam a ngaikei. Zomi tuailai tamtak in amah be ut hial di'n ka ging hi. "Mualdawn Vangkhua" leh "Nang Na Zuanglou Maw" a sa hi. "Nang Na Zuanglou Maw" bang ka zaakkiik chiang in, nidang a adamlai a ka Pu Biaklal in, guitar tum kawm a asak hiauhiau lai khawng ka mitkha ah a hong kilang kiikzeel a.

Huaiziak in, thupina, pahtawina leh minletna teng Lengtong Pauno i pia hi. Hiaibang a kum 25 chin lopna vaisai tu te a ngaihsaang huai lua uh. Zomi te laa leh tumging lam a meisel ana de tu, Kawlgam leh Vaigam a om Zomi te a laa te tungtawn a hon gawmkhawm, amah Lengtong Pauno, Sir Lengtong Pauno chih minletna piaktuak ahi.

M U S I C A L P E R F O R M A N C E

1. Ka Nu Aw Nem - Lengtong Pauno
2. Leitheih Hilou - Lengtong Pauno
3. Meitei Guun - Lengtong Pauno
4. Na Voh Bang Na Aat Diing - Lengtong Pauno
5. Sen Lehkiik Theileng - Lengtong Pauno
6. Khen Theihlou Maimit - Kapno
7. Na Lua E - Kapno
8. Naubang Na Sang In - Kapno
9. Ka Paal Heuta - Kimpu & Siantawng
10. Na Min Loukha Zeel Ing - Paupu & Cingpi
11. Chidam Peuhleh - Piangno
12. Zomi Ka Hi Hi - Sangpi
13. Mualdawn Vangkhua - Thawnkham
14. Nang Na Zuanglou Maw - Thawnkham

MusikBuzz
Tulai in Zogam ah Lengtong Pauno' laate kithangthak mahmah. Tahaan a Nov 2006 a alaasak Silver Jub chin lopna hun a kisate. Falcon Band leh Kapno, Kimpu, Siantawng, Paupu, Cingpi, Piangno, Sangpi, Thawnkham te sak ahi.
*Here's 2 Sir Lengtong Pauno*
[June 7, 2008 ZogamThuthang]

Zodawn Tulliim

2008-06-02T18:26:00.004+05:30

Zodawn nipilai iitna tangthu te aziak tampi'n a bei uh. Mahleh a tung diing teng a tunkhit chiang in, thil khat a kibang gige a om. Aksi kikhoh mah abang uh. Thangvan kimlai a vaak siilsial. Tomchik kilang zual in. A hong vaakpuap ua, a mangnawn ngaal uh.

A tuanna IndiGo in Phaipi khopi a honboh hi. Air hostess maitai siiusiau te toh mangpha kikhaak in, leenna kong ah a hongpawt khia a, a hongdaak khia. Delhi khopi lum hemhum banglou in suun nisa neemtak leh huihvot ana nung hiauhiau a, kithalawp tak in a kumkhia hi. Avan teng a khawm a, kintak in amah vaidawn a konglam a ana ngak, anu-le-pa kiang a hon manoh ta.

Anu'n a muhphet in, "Kim, na hongdam maw?" chiin ana liangkawi hi. Huchiin, anu-le-pa toh a car un Tulihal Airport a kipan a hong kitholh khia ua, Lamka lam a honzuan ta uhi. Tu in ahihleh a lung a muang lawta. Nu-le-pa te, innlum, mahni khua leh mahni mi-le-sa te omna mun ngei a nipi khawlhun zang di'n Kimbawi a hong kisa ta.

Kaal nih sung veel Lamka a a omnung in, a pute uh veh di'n Aizawl ah a innkuan un a hong zinkhia uhi. Aizawl ah kaal khat veel ava chaam nung un Guite Road tawn in Lamka lam a honzuan uhi.

Khopi ngen a khosa ahihziak in Kimbawi in singtang lam a mu ngeikei. Guite Road a a hongtai kawm un, lampi gei a mual te khawng etlawm a sa thei mahmah hi. "Novel a i sim, movie a i et te ataktak a eigam a ana omdan eivele maw" chiin a pa te kiang ah a geen hi. Suun ni sa singseng, meipi liim in mual a liah dindin te bang, leh luiluang te khawng a enchim thei mahmah kei.

Lampi khang a singtang lou a haichi pou siuhseuh te leh buuk bang, loulai a nnasem a om dialdial te bang a muh patna ngen ahi. Sava rong chi tuamtuam, singkahiang a boh te bang a digital camera in laaksawm sek mahleh a laakkhaak ma in a leeng manzeel uh. Akhenchiang in a gari uh khawlsak in lamgei khawng ah lim ava kila zeel hi. Kipaak a nui seuseu in, "Delhi ka tunchiah ka lawmte'n a en utthei mah di uh," achi hi. "Orkut, Facebook, Flicker khawng ah ka taakdia..."

Tuuktui luanlai hiven, lam kimchiang diing leng a taima un menchim nasatak in lampi ana khaak hi. Paisuak theihvual ahimai kei a, kiiknawn diing lah hitheilou, a hahsiang ua lampi a bawlhoih uh a ngaakmai uh angai ta. Bangtan ngak ngai diing ahia chih geen a haksa. Atom pen in kaal khat a kipan kha khat sung bang a luut diing. Huchiin, tua menchipna mun gei a khua ah a hong tawlnga ta uhi.

Kho hausa te inn khat ah, a gari heekpa utoh Kimbawi te innkuan a hong om uhi. Khopi a kipan a singtang a khualzin, kithalawp mahmah Kimbawi' kipahna teng a beita. Lampaina a a totkhak munte nopchi sa in etlawm sathei mahmah napi'n hiaimun a tawmchik sunglel om diing leeng a lin ngoihngoih hi.

Hiaimun ah meivaak a tungkei. TV omlou, music system omlou, Internet chihte om vetlou. Phone le zat theihlouh hilai. Gas a omkei a, heater a omkei a, ann huanna dia thuk a sing, khutak a chih nguingui ngai. Hiaiteng mai in leeng a lung a kesak khin dimdem hi. A tunni zaan bang un a ihmu thei sekei. Lamka a a innlum uh, thupi takmai bang a ngaihtuah a, Delhi a niang-leh-tai a a omdan khawng a ngaihtuah nilouh hi. Mall, showroom, theatre, McD chih te khawng a nuamsa tak a vaaklai hunte mitkha ah a honglang dundun a, ihmut sawm mahleh ihmutna in a siang a zuanthei mahmah kei.

Ziing beltak in alang-alang ah aak a hongkhuang pah cheelchuul ua, ni hongsuak a suun a hong hi a. Hihdi lah omlou, lawmdi lah omlou, chimtak in Kimbawi a om ngiungeu hi. Kisuk halh sawm in a hongpawt khia hi. A inn gei te' innkong ah tangval, ama' chia diing khat in tem in sing ana saat keuhkeuh hi. A thilhih ava en nilouh a.

Atawp in Kimbawi in, "Bang a na bawl?" chiin ava dong hi.

"Khuaibu di ahi," chiin adawng a, a saatzom zeel hi.

"Bangchi daan a?" chih dotna apan dotna dang ah kaltou zeel in singtang hindan chi tuamtuam, a theih ngeilouh tampi tua vaalnou in Kimbawi a hilh hi. Bangchi dan a hiaikhua hong paikha uhiam chih Kimbawi in agen a, huchiin a hong kitheituah ua, vaalnou in Muanthang ahihdan ahilh hi.

"Nang bangtan simta?" chiin Kimbawi in adong a.

"BA third year. CCPur Government College ah. Nang la?"

"Keile BA third year keive. Delhi University ah. Ekzam khin. Ahihleh nang bangchia kai?"

"Ekzam hunchiang a vapai zel, huchilou chu hiaimun ah sep theihtheih seem a kiloh."

Aziingchiang in Kimbawi in Muanthang' thilbawl ava en nawn a, a hong kihou theita mahmah uhi. A khankhiatna uh leh a ngaihtuahna uh kibanglou lua himahleh a hong kipawl thei mahmah ua, a theih ngeilouhte tuak uh kihilh tuah in nuam asa mahmah uhi.

Ziing phalvaak tuung in khomual lam zuan in, khogaal a nisuak khia, neem takmai te a en ua, huchiin, gophel kaapdaan kihilh in sava a bengkhawm uhi. Suun a honghi a, lou kuankhawm in loulai ah a vaak ua, tangmai, muvom, mazel leh haigah limchi taktak, athaklai ngei in Muanthang in Kimbawi a lohpih hi. Tua te buuktau a tukawm in a ne ua, a nih ua kithoh in a nuikhawm alh-alh uhi. Louvuum a mawngkung sangtak mai khawng ah a tuang ua, Muanthang in taamngai a muut vengveng a, tuahun chiang in muvanlai in a tung zawn uh ava veel diaidiai hi.

Gamlak ah vaak in thaang khawng a kam ua, theipi khawng a vilkhawm uhi. Luidung a vaak in, aisa bang a sawk ua, sanga khawng a man ua, tua luiluang sialsial gei a phazaang hing dimdim lak a tulliim nuai khawng ah khawl tawldam in maanlai tangthu leh khovel tangthu tuamtuam bang a kihilh uhi. Lui ah a hong kileuh ua, a kileuh khit un suangtung a lumkawm in ni neem hiihiai liim bang a awi uhi.

Huchiin, suunni hongtum a, khua a hongmial a, sawtlou nung in kha a hongsuak a. Guitar tumkawm in laa sa in nuam takmai in hun a honzang khawm uhi. Solkha taang siilsial nuai ah.

Huchih hunsung in a theihlouh kaal un Muanthang leh Kimbawi kingai a hong hi maimah ta uh.

Hiai khangnou nih te' iitna hong piankhiat dan leh a taangthu uh a hong kizial touhzeel diing daan, Zodawn nipi hun leh tuuktui luang te'n a theihpih kei uh. Hun paisa leh mabaan hundiing himhim ngaihtuah lou in iitna lampi, nuam leh maamtak mai hidia a gintaak uh, a hon zui panta uhi.

Agaal a kipan et in hiai iitna tangthu, a hithei ngeilou diing khat hileh kilawm maw. A tangval pa i chihchiang in singtang dawn a niamtak mai a khosa hi a. A nungak nu lah a khebul a khoveel koihthei hial khop a hausa hizeel.

Kimbawi ahihleh khoveel thak a hongteeng mah abang hi. Amah a din a thiltuah khempeuh te leh Muanthang toh a kholhkhawmna te uh, thilthak zilna leh kipahna bukim tuntu ngen ahi. A theihngeisa khopi itna leh tu a a theihthak Zodawn itna te a tehkaak chiang in kilamdanna lianpi a om hi. Khopi ging vungvung leh michih in amau thilhih chiat buaipih a kuamah kingaihsak man di leng a omlouhna mun apan suakta bang in a kingai hi. Khopi a hunteng, 24x7, a tongleng tawivial (mobile phone) hiam vannnuaizom (internet) hiam a kizop tuah gige sang in hiaimun, sing-le-lou, paak namtui, huihkhi siang laang hialhial leh tungleng vasa haam seseuh na mun a lungdeih ngaih toh hun zatkhawm in itna diktak mah dawnsuang zaw hi a thei tlat hi. Ahi, restaurant, bar chihkhawng a hun zatkhawm sang in Zo mualdung a vaakkhawm nuam a sa zawtham.

Khatvei, a nu'n Kimbawi ki'ah, "Kim ei, huai na lawm Muanthang khatvei honvaak pih ve. I mu ut thou voi," a chi hi. Suun khat Kimbawi in leeng Muanthang a omna uah a hon tonpih ngei hi. Kibawi nu-le-pa toh a li un singpi dawn in a hongtu khawm uhi.

"Na nu, na pa te kua te a? Nou unau bangzah?" chiin Kimbawi' nu'n a dong a.

Anu-apa min a geen a, "Ka pa'n gaalbuai lai in honna sihsan a, ka nu toh hiai ah ka khosa ua, ka naunu, Lamka lam ah mi' inn ah ompih in a kiloh," a chi hi.

"Ahihleh nou na nu toh bangchi'a kivaak?"

"Buh tiin 1 mun di khawng lou ka bawl ua, huchilou, ken mi' lou khawng a kuan in leh a lemtheih nana ah ka kiloh zeel."

Hiai kihouna te'n amau gel iitna taangthu kigelhna laidal, ziikkeek hithet di'n Muanthang in ana ngaihtuah pha kei. Huai nung teng Kimbawi toh a kimu kha theinawn kei ua, a omna ua ava kanchiang in leeng anu te'n "omlou", "pawt", "manlou" chi hiam in ana heemkhe zeel uhi.

A kimuhnung uh kaal khat achin in, lampi a siangta a, huchiin, Kimbawi te innkuan in khua nusia in Lamka lam a zuanta uhi. Mangpha kikhaakna bangmah a omkei. A khomual uapan Muanthang in tua gari tai a en liam a. Tua gari in Kimbawi te innkuan kia a pailiam pih kei. Kimbawi kia leeng a pailiam pih kei. A itna, a lungtang leh a hinna ngei ahih a pailiam pih.

A itpen ' aang Kimbawi in a va beel ut ngeimai. Khatvei lai. Khatvei lel. Leh a tawpna di'n. Mahleh a hithei nawnkei. Veen in a om. Khaam bikbek in a om. A liammang matan uh a mittui vuung thriuthriau kawm apan a ittpen a gaal et a.

Huchiin a mangta.

Sabang a tatna sa munte uh Muanthang in ava vehkiik zeel a. Ama a di'n a lungzuan phawngtu lel ahita uh.

Huchihlai in, Kimbawi leeng hinkho thak zang diing chi in Delhi tual a tungnawn ta hi. Mahleh a ngaihtuahna mit ah tua mundai, thoveng, galmuang leh etlawm tak mai, mual hing dimdim te, luiluang sialsial te, paak namtui hiuhiau te a hong kilang kiikzeel a; huchihlai mah in zuunlouh vangsel Zolei gam, lampi setak mai, khoveel changkanna himhim omlouhna mun leh mizawng tak te teenna mun te ngaihsutna in amah a buakkiik khazeel hi.

Hunte luitui bang in luang liamzeel mahleh a ngaihtuahna ah a mangthei mahmah kei. Muanthang. Leh suunchim lungzuan a sialkhawmna mun uh, zaan chiang zaideih a awihkhawmna mun uh, Zodawn tulliim.

© vaphualization Hiai tangthu phuahtawm ahi. Min, hihna, mun leh thiltung a kilou kha teng laigelhtu' suangtuahna apan piangkha hiam ahihkeh phuahkhiat maimai ahi a, mi kuahiam khat, mun leh thiltung toh a kibatkhakna ana om zenzen leh coincidence maimai hi di eikha aw.

Taangthu Seelguuk | Lametna bei lampi zuan in

2008-04-28T18:22:00.000+05:30

Khoveel polam a om chihtheih phialdiing a nelhsiah a om gammial Zodawn ah 'zawnna' leh 'sualna' in mipite akha azaakkhum hi. Mihing hihna zaal a a tandiing uh piak in a omkei ua, tatleekna uangtak mai in a vaihawm khum hi. A tangthu te uh khoveel in a thei phakei. Tuabang sal a taang naupang khat in adamsung a amangngilh ngei nawnlouh diing thiltuah khat a honnei.

NAUPANG PA' hinkhua ah lamet diing bangmah a om nawnkei. Akiim-apaam teng mialna in adimgai hi. Anu-apa' meel a en a, khongaihna mithah neem amu nawnkei; alawm-avual te avapawl a, kuama'n ana ngai nawnkei uh. Aveeng-apaam in lah a etsan maimah ta uhi - 'naupang guta' chi'a minloh ahihtaak man in.

Ziing a phalvaak tuung in nisuahna lam agaaldot a, ama' aa di'n lametna kawlmong vaak neuchick lelleng muhdiing a omkei. Suun nitum in a lungziinna teng tummang pih di'n kineem sek mahleh ziing nisuak in ama' aa di'n lungziinna thak ahon suahpih zeel hi.

March 2004 ahi. Singngat khua leh akiimveel ah guta laang peetmah hi. Alang-alang ah vanman thu zaak in om a, huai in mipi te su patau zou mahmah hi. Mimal van leh sum gentak louh saptuam van bang, leh sum asaang-asaang a simbang hongmang hial hi. Kei a le bangzah hiam mang. Ahia, panla tu diing a omkei, panlaak diingdaan a omkei. Kia geenlouh, 'bangmah' a omkei. 'Guuktaakna taangthu' in kaalteng in news te ah 'regular column' bang a luahthei hial hi. Local newspaper khat ah hichiin ka na gelh hial hi: "'Zoukhuak' geendaan in 'Guta delhlouh in atai' chih ahi. Mahleh, eikho dinmun a di'a et in 'Guta delhlouh in alaang' chih ahi a, huchiin azom in 'Guta delhlouh in amaingal' ahonghi hi. Tuhun in ahihleh 'Guta delhlouh in a zongsang' chih ahita!"

Hichibang thu om vengvung mahleh vaihawmna saangpeen tawi Village Council lam apan bangmah thu zak in a om ngeikei hi. Huchiin, awl in pawl tuamtuamte a ihmutna uapan hong khanglou panta uhi. Guta khat-le-nih, theihkhiat a ahongom ziak un inndongta tungtawn in kihoulemna om, chihthu bang zaak hong hipanta hi. Lohching khatbel a kisuak. Mahleh, hiai 'kihoulemna thu' te'n news laipeek a 'guuktaakna thute' tuanna diing mun a awntou zeellai hi.

NITAAK KHAT guta mat ahihthu zaaksak in ka om hi. Ke'n leng amatna mun uh ka va zuanpah hi. Innkong ka tun in innsung a thawm - kizeeppuak zotzot ging leh naupang' aw mangbang tak a "Ana! Nu, ana!" chi'a kikou ka hon zata hi. Innsung ka luut a, huai ah ka mit in ka hinkhua a diing a amuh ut ngeingei nawnlouh 'thil' ahon muta! Naupang mittuamsa khat soisak in ana om hi. Tua naupang pa apuanaak suahsak a om in akhut nunglehheen in om a, heu khat in ana zeep zialzial tamai hi. Akiim ah heutu dang bangzah hiam leeng ana om uh.

Naupang pa ahihleh Thangboi (min kikheng) ahi. Guta a mat in a om. Kum 11 lel a naupang ahi. A naupang hai in avan guuk thu alawmte' kiang a ageenkhaak ziak a theihkhiat ahi hi. Amah ahihleh mitom bilbel, maibeem velval neimi ahia, amit hah apan naupang pil vervaak mahmah ahihdaan atheihtheih mai hi. Puanaak luideuh leh khekor tom, tothop nernur, teeng a kholai a apai vialvial lam ka mukha zeel hi.

A kizeepdaan anattuak mahmah hi. Hinapi'n Thangboi in kah a sawmkei. Akhitui teng luangkangta ahidiam, ka chihial hi. "Ana!" chiinbel akikou khe ekhekh hi. Naupang lungduai tak leh thuakhaat tak zaw ahi akaa.

Lauhluat ziak in thudotnate adawng peppep a, mahleh ageensa bang geendaan dang in ageennawn zeel hi. Adaantak bel, anaupan mahmah haang in van guuk daan na siam mahmah khat hihtuak hi. Piteek, inn ngaak a omte bang akheemzoh pawltakte ahi uh. Pai gelgel a mi' inn chabi akoihna uapan laak a innsung a luut hiau chihte ahihdaan taangpi ahi. Ahia, kua toh kithuah, a.h.k kua tosawn a hichibang a zei leh maingal tak a hiai naupang chethei hihiam, chih dotkhiat zoh ahikei. Akiimveel a ding pichingte' 'iiplahna' leh 'hehpihna' lungsim kigawmkhawm thuak zoulou zaw ahive. Kei mah lungsim ngeileeng hiaibang ngaihtuahna nih a buuktuah in a om hi. Amah ka en a, a gamtatdaan te ka ngaihtuah chiang in ka chimul bang athou sungsung hial hi. Naupang 'lamdang tak' zaw ahina ve.

Hiai naupang kum 11 mi diing lel, thil hihthei mahmah khat, gawt a a omdaan ka muh in ka lungtang hon hihliam mahmah hi. Tuni tan in leeng huai naupang, panpihtu diing neilou a lauthawng leh beidong takmai a, "Ana lua; hon ngaidam ua aw..." achih ngoihngoihna awging in ka bilkha a nuse thei naikei. Naupang ahihna ah bawldaan dang omtheilou ding ahi diam?

Hiaisang a poimoh zaw dawtna khat om hi'n ka thei. Bangziak a naupang in sumgu ahidiing?

Hun hong paitou zeel a, ka lungsim ah ngaihtuahna thak khat ahong dawnkhia hi. "Na sumguukte bang di'a zang e?" chih dotna Thangboi in adawnna ahihleh, "Kou, ka nau toh sang khawng, neektheih khawng leizeel," ahi.Dikkim di'n zaw ka gingkei, ahia, adikna chiang omhim hi'n ka thei hi. Hiai muntak ahi ka geenlat uut. Hiai muntak ahi khoveel' theihdi'a ka phoulat uutna.

THANGBOI AHIHLEH innkuan khosak haksa leh mialtak apan hong kipan ahi. Anu-le-pa neektawm zong a kilohmi ahi uhi. Unau pasal thum apha ua, amah a upa peen hi. Anu-le-pa'n skul akaisak zoukei ua, unau te ahihleh suunchiang in keemtu diing omlou in amau' thu in akhosa uhi. Huan, alou-theilou ahihziak in naute kep leh nitaak annhuan, Thangboi' khut a ngak in om hi. Huchi'a zaleentak a suunhun a agamtatna un amau a 'kipahna' lungsim apiak, zaan ahonghih a khua ahongmial chiang in 'lauhthawnna' lungsim in akheek khezeel hi. Apa uh zu khamsa in inn hongtung gige a, anu uh avuaklouh chiang in naupangte 'thumanglou' chi'n atai ekh a, azeep zeel hi.

Naupang dangte, siangthou tak a skulpuan nalhtak toh kithuam a skulkaite bang amuhchiang in Thangboi in a eengthei mahmah a, amah skul kailou a hichi'a om mai, puan setak toh kithuam zomahlai, amuh diing bang uh azum tuntun hun atam mahmah hi. Mite, a innkuan ua nuamtak a kipawllim a nuikhawm zaizaite amuhchiang in lamdang bang asahial a, "Bangziak a kou huchidaan a omtheilou ka hi di ua aw?" chi'n mawltak in anaupang' lungsim in a kingaihtuah khanaak hi.

Thangboi' hinkho zatdaan hiaibang ahi. Anu-le-pate'n salam hi'n khalam hileh avaak zoukei uh. Suunchiang a a utdaan teng a gamtaang di'a khahzan in om a, zaanchiang in innsung ah kitom leh haankhum in a om zeel hi. Innsung a bangmah lamet diing leh kipahna diing mulou ahihchiang in tuabangte zong a kholak a om nop asakzawk peen ahidiing him mah ahi? Lawm-le-vual een ngoihngoihna leh zukham a haankhum gige-na in naupang' lungsim akhan diingbang in hoihtak in akhang khesak theikei hi. Awlawl in sualna chii in alungtang ah zung honkai a, huchiin ahong khanglian hiaihiai hi. Tua singnou hong khangtou hiaihiai peen lung in aneeksiat louhna di'n leihoih piak in a omkei. Ahinna di'a kiphamoh tui kiningching tak buahkhum ahikei a, nisa mahleeng muhsak in a om tuankei hi.

Tu in naupang Thangboi in, ikhangthu a di'a chiamtehtham ching in "guta-naupang soisak a om masa peen" chih minloh ahong hita. Himahleh, ngai in, i taangthu geen hiai ah abeikei.

Abul kipan pan phet ahi.

© vaphualization May 8, 2005

Xui lalat!

2008-03-27T18:19:00.001+05:30

Tulai Vai laa khat nalh sa-a-sa mawk hiveng aw. RACE OST Atif Aslam in a sak, Pehli Nazar Mein ahi. A kaih chituam, a music changkang, asa pa' aw hoih. Nalh ka saklam thei in ka lawm Vaite khat in, a hon bluetooth hi. Huchia a laa ka neihnung zek in, ka lawmte khat in a hon fawn a, " Huai Vai laa nalh i sak pen maw, Korean laa eive. A kaih a laaksawn uh. Serial khat a om. Ka fawn apat direct a ka na record na ngaih utleh," a honchi hi. Ka ngai ngei a, huai Korean laa toh Vai laa pen a music paidan, accoustic gindan, a kaih leh bangkim ana kibang vek mawk!

Ka fawn apat Vai laa chu ka delete rang khermai. Vai te'n le Korea te' aa laaksawnna chaang ana thei eive uale maw. Huchia lasawn ua, a film ua laa dia zang ua, gamsung pumpi a min a minthan pih zomah uh.

Huchibang in i ngaihsang mahmah unau Mizo te'n le tumlam gamte' aa a lasawn sek uh. Eilawi la? Kua te' aa ale i laaksawn? Sonu Nigam? Vanlalsailova? Hehe. Nuihzat huai. Mizo te' khawng eng a eng ngaihsang, a hih dandan uh enton. Vai laa khawng lasawn nguingui, sa nguatnguat. Mi i etton lele a sangdeuh te mah etton di eive.

Huchidan a chu, keile Mizo laa ngaina lou ka hihlouh pi. Ngaisang peetmah ka hi. Adiak a Michael M. Sailo bang, saap rapper te toh a kikim a koihhial dan ka hi. Miss Zomi 2008 zan a asak, leenkhop laa a remix dan mahmah bang, thupi salua ka hi -- khanglui vai leh khangthak vai a zopdan kha. Mahleh Gloria Chiinlianniang in ataktak a, "Unau khat hihang" chih a sak toh, tehvual ka sakei hithet zeel. Eimi leh eilaa kaan zaw omkei maw. Midang te i ngaihsaanna in ei a te a nenniam tuanlouh diing ahi.

SIMAS 2008 video bang i etleh thupi lawtel. SSPP Standing Committee Chairman pu in Lianlunching laa saklai a khutkawi ana muut; Zogam writer khat in khawllou a akhut ana zaaksuak den; S Chingnu laa saklai a Delhi YPA Prez leh Secy., Zomi laigelh siam minthang mahmah leh khangthak te'n kipahpihna paak pia a va bawm luailuai; V Siampu' laa sak in zoulaw mahmah a mikhat, ama ah khupboh a vakap top. Hiai in bangzah ta a i laa te thupi a mipi te'n kipahpih hiam chih a muhtheih hi.

Zomi Nam Ni lopna khawng ah midang te i chial deuhveel ua, bangpi ahituan sam ua le. Thil i hih masak diing om hi'n ka thei. I chialte khawng in ahihleh platform a neilian lawtel ta ua, ei a te domsang photni. Mi thupi Haumang leh SN Thanga te bang dainawl a khiinkhiat mai din a pammaih lawtel uh. Damhoihching, Chingthianngai, TG Lian, Nengzachin leh adg. dg. te bang khatvei dingsak thaklai ni.

Duhthusaam gencheuh le. Music system fuh deuhmai in hon tuamveel henla, huai ah, eimi laa, a kaih changkang deuh, a thu gil deuh, a music nalh deuhmai khat, repeat mode in kikoih henla, 20 vei khawng i ngaihsuak nung a le i zaakchim theihlouh di bang omleh -- a uthuai ngeimai. Chikchiang in a hong om dia?

Khangthak Benjamin, Mimin, Pauginmuan, Chingmuankim, Vungthiankim, Lalboi, Muanlal, Rabbi, The Banguri, Rig Vedaz, na za uhia?

En le i mel kibatpih, a movie uh i haichilh Korean lamte laa paidan khawng XUI LALAT le eivele.

Why, Nona, why?

2008-03-04T11:13:00.004+05:30

Why, Nona, why?

Another racist remark, yet again. This time i wouldn't just be a mute spectator. I'm gonna fight back and make my voice heard. Nona Walia of Times Group writes something terribly ugly about us Northeasterners. "Walk into a spa which has music, scented aroma candles, but you'll meet a professional doctor rather than a Linda from the Northeast," writes she in her story,"Spa with a difference" in March 2,2008 Times Life, Times of India's Sunday supplement.

A Linda from the Northeast. Why is this phrase added? Is it necessary? Why Linda? Why Northeast?

This is what i've written to her.

Why, Nona, why?

I’ve been a silent, appreciative and avid reader of yours for quite a long time now. I liked your style of writings. It’s catchy. It’s cool. I truly enjoyed every bit of them.

But that’s passé now.

Sunday, March 2, 2008 began just like any other day. As I flipped the pages of Times of India, Delhi Times, then Times City, your name caught my eyes, like it did every other day. This time you were writing about “spa.” To tell you the truth, I never really gave a damn about spas. I read the piece only because it’s written by you. Nona. A name I’ve always admired.

As I began to read, I ran across a line that says “a Linda from the Northeast.” I didn’t quite grasp the connection between “Linda” and “Northeast” and “spa.” I reread the line. Still an uncertain shadow of doubt fogged my mind. It took a long moment to register.

Then in a moment of stark realization, your words hit me like a shot. Right in the heart. The implications came way too fast for me to fully comprehend. You were mocking and ridiculing us. I screamed the hell out of my lungs. Brute Indian majority. Brute North Indians. Brute media. Brute journalists.

That’s the only thing I can do. I was so helpless. I’ve been screaming and yelling like this for so long now and I don’t even know where it all started. I don’t know who or what to blame. I’ve always asked myself “Who the hell am I? Where the hell do I belong? Just what the hell am I doing here -- in a country that boasts of being the largest democratic republic, and of the existence of diversified cultures and religions, and yet, perpetuates the idea of racism, prejudice and discrimination?” We’ve been fighting a tough battle trying to dismantle the mental constructs that perpetuates the great myth of racism in a country we fondly call ours.

Let’s get real here. You don’t want us. Fine with us. We never ever wanted to belong here either. It’s just that history has been cruel to us. English imperialists ruled over India for about two centuries, and after that Indian imperialists rule over us, till this day. But, let me tell you, our hope has not yet been lost. Our hundred-year-old hope. To be a free nation in our own land. Where the clear spring of love, peace, prosperity and unity flows. Where every man respects the dignity and culture of others. That moment will come. Someday. Someway.

As for you, Nona, I wish to thank you for enlightening me through your several articles in the past. Reading your articles has been such a great experience. I don’t really blame you for adding the phrase “a Linda from the Northeast” in this particular write-up of yours. It’s just that you disappointed me.

And March 2, 2008 was the day you lost a fan. For ever.

RELATED STORIES

Racist Remark!! - Hoihnu Hauzel, Special Correspondent, The Telegraph
Racist Remark, Yet Again - Joy Tonsing
The Story of an NE Girl - MetroNow, September 21, 2007
Somewhere I Belong - My post

Delimitation leh Zomite

2008-03-03T18:10:00.000+05:30

[Delhi Zomi Nam Ni Discussion Report]

Delimitation huihkhi in Zomi te nasatak in a honzeel suak. A kikheel nung in. I theih toh kiton in a tung diing teng ana tung khinta. Delimitation Commision in hun sawttak mai, nouneel tak a asui khit un, Working Paper hon suahkhia uhi. Huai ah, phaizang bial apan constituency thum kiam diing a, singtang ah constituency thum punbeh diing, chih ahi. 2001 census ah singtang bial khenkhat ah population nasatak in khang a, hiai pansan in phaizang mi te’n Delimitation exercise dou daal uhi.

“All political parties of Manipur” in 2001 census a dikkei, census bawlthak nawnma Delimitation a pai theikei diing, chiin Guwahati High Cout ah heek uhi. Huchiin, Supreme Court leh Center level tanpha hontun ua, atawp in January 14, 2008 in Presidential Ordinance hongsuak hi. Tua in Manipur, Assam, Nagaland, Arunachal Pradesh leh Jarkhand te ah 2026 tan constituency lepthak ahi kei diing, chi hi.

Delimitation Commission in tua Working Paper a bawlna uah, i gam, i Vangsel Zolei, nasatak in a hon sukha hi. Lamka khopi i chih, Churachandpur North, East leh West a phelkhap in om a, Thanlon vuiliam in a om. Atom a geen in, Zomi te kigawmkhawmna khuampi, khetsiat a om diing chihna ahimai. Tu in hiai Delimitation pen Meitei te’ doudalna ziak lel in a paisuak theikei. A vangphat huai. A vangsiat huai. Ahihleh, muangtak a ihmut suk nawnmai diing ahi diam leh? Zomi Students Federation Delhi Cell in hiaithu a kikupkhawmna nasatak in February 23, 2008 in JNU a Zomi Nam Ni uapna hun ah sai hi. Heutupa Thangkhanlal Ngaihte leh H Khamkhansuan te’n hiaihun honpi uhi. “Eimi te’n mi a kinungdelh gige,” Thangkhanlal Ngaihte in chi. “Mite’ thilsawmsa ei’ deihdan toh kituaklou a i paukhiat chiang in ei a gilou kisuak.”

Heutupa Thangzalun Khuptong in classified information mipi paikhawmte mai ah simna nei hi. A thutuun bel tam i gelhkei diing. Phaizang mite’n hiai delimitation a doudaalna ziak uh leh phualpi solkaal lam apan thusuak te ahitaangpi hi. “Delimitation chu, tu dinmun a kichaivawt hita mai,” chiin khin hi. Heutupa Khamkhansuan in, “Ei Zomi te’n hiai delimitation apan i ki-etthak diing uh thil tampi om ahi. Policy bangmah a kinei kei a, thil himhim i phuutchiang in meikang-phelhmit-policy i zang uh,” chi hi. “Issue khatpeuh a om chiang in, information interlinkage a kithuzaaktuah a om ngeikei. A theite’n amau a kitheih ua, midang te’ theihdia puangzaak lou in, a koihdap mai zeel uh,” chiin geen. “I nam sukha thei thil a om peuhmah chiang in athei te’n mi te hilhsawn in, i website te leh lam chi tuamtuam tungtawn in kithuzaak tuahni,” chi hi.

Heutupa Thangkhanlal in networking lam i chauhdan uh naaktak in geen a, plan hoihtak ineih uh poimoh ahihdan geentel. “Hiai delimitation, ei a dia wake-up call a i zat diing uh ahi,” chi hi. Delhi ah, ministry teng ah eimi te i omsuak phialta ua, hiaite zatdan siam a poimoh dan a geen baan ah, i zeeldim thubawl a, “Meitei te suheh khaleng” chih lauhna lungsim put pen paih hunta ahihdan geen. “I MLA te question kia hilou a, interrogate hun ahita,” chi hi.Heutupa Thanghnun in, “Eilawi, mite’ policy sualden a, en policy bawl ngeilou ihi,” chi. “Hichibang thu [delimitation] a saikei di chih a constitution a om ahihkei leh Zomi Council in panla theilou ahidiam?” chiin dotna bawl. “Hiai i lawmte’ proposal, Zomi te a din avalh haksa mahmah a, huaiziak in, hiai in Zomite’ lak ah kithutuahna leh kigawmkhawmna hontun heen,” chi a, “Delhi mun a om te’n leeng i panlak dan i khen diing uh ahi. Innlam te’ sai dia kheet gige diing i uhia?” chiin a thugeen khin hi.

Heutupa Ginkhanthang in, awlawl in hongen diahdiah: “2001 apat a hiai process ana paita ahi a, i MLA leh apex body te’n ana theilou diing un ka gingkei. Theilou ahih uleh le apoikei, theilou ahimai dua. Proposal thu a consultation bang ana om ahih a, eimi heutu te’n ana AW ahi duam?” chi hi. Baan ah, heutu te leh nautaang kaal ah gap lianpi om hi’n aman geen hi.

Hiai kikupkhawmna hun a kigeen kha point tamtak chiamteh diing a om. Khatna ah, dinna kichiantak neih leh laak diing. Pom thei hia, pom theilou. “Ka gam uh hiaibang a khenzaak a a omdiing pen ka deihkei uh” chih pawlpi’n a theidia kilawm te kiang ah a taaklat diing ahi. Nihna ah, Zomi Council relevance kiam abang. Zomi sung a namneu chih in amau deihdan, atuamchiat in, taangkou pih uhi. Hiaibang a tribe chih a kipei suausuau pen ahoihkei. Tribe-based politics mah a kiiknawn i bang. Common approach bawlngai hilou hiam? Thumna ah, saupi en in kalsuan ta le. I khonung buai lalat louhna diing un a hunlai in census bang ngai poimoh ni. Atawpna din, hiai delimitation ahihleh, ei’ buai ngai hetlou in a hongveng thei a, heutu te’n Pathian kiang ah kipahthu tamtak a geen diing uh a om. Nam pumpi mualphouna, thangpaihna leh keekzaakna diing dinmun akipan Meitei te’n a hon hotdam ziak un.

[Siamsin Bulletin]

Zogam Iit Vaang In

2008-02-24T20:25:00.000+05:30

Kum sawm paita ka laitah diing kuan a na siang a simthu k'ong vaikhaak te bang lohta na hiam, Min? Na gam endih. Na nam endih. Na mi, na sa te endih. Ka sisan un a lohtaak hiaibang 'dinmun' hilel maw?"
Zaan zaalmang leh ihmutna leh khotheihna kikaal a luainam bang a vei a ka omna apan thakhat in ka halhkhia hi. Ka kho-ul in hon pumtuam a, ka chihuum athou sungsung hi. Ka gingta theikei. Mahleh a aw suakte ka bil in chiantak in aza a, ka ngaihtuahna mit in ameel lim chiantak in a muthei a, ka gei a om bang in ka thei hi. Ka lawm it Thangboi.
Thousileen vang te apan huihvot hongluut a, ka puanthuah pantak mai te tawntou in honmuut vot huauhuau hi. Huchiin ka lupna ah, tua zaan khomial leh thawmdai zikzik nuai ah, ka lawm it Thangboi ka hon ngaihtuah ta. A mualliamsa hun te. Leh sabang ka na tatkhawmna te uh.
1997 Nipilai ahi. Ka nih un ka kiliangkawi ua, geendiing thei zosaam ka om kei uh. Ka kap theikei uh. Inn kaangtum, khu vuaivuai kawm apan Thangboi' nu leh pa' luang honzawng khia ua, a sanggamnu, naupang neuchik hilai, bangmah theilou in ka gei uah a tu bilbel a, tua luang kizawnkhia te a enliam mai hi. Kahna, hagawina, mangbatna leh thangpaihna in ka vangkhua uh a zeelsuak hi. Himahleh, bangmah hihtheih ka neikei uh. Ka innteng uh a tumta. Ka iit te un haanmual ahon liamsan ta uh. Bukna'ng mun ka nei nawnta kei uh. Manohna diing mun leeng ka nei saamkei uh.
Tuni tan in, kumchin a tua mangbatna ni a hongtun teng a ka biakinn kongpi bul ua sanapi'n ziing dak kua a khet chiang in, tua hun chiamtehna khut apan khitui malkhat a hongtaak khezeel hi.
Huchiin, Thangboi in, "Min, inn lah kinei nawnlou, paina diing lah kithei tuanlou ahihchiah, gamnuai ah va luut maile eivele. Meelma khut apan i gamlei i humbit theihna di'n," a honchi hi. Tuailai thathak lai i hihtoh, i lungsim ah thangpaih vilvelna leh phuba laak utna om ahihman in, ka nih un ka hongkuan kheta uhi. Zomi te nam thupi, simmoh theihvual hilou i hihdaan lahna di'n. Zogam veenbitna di'n. Leh Zogam leitang apan meelma te hawlkhiatna di'n.
Haktak ahi. Training achih uh. Sumpi' teening gente chu a keep hi diing ahi (ziakchu leenna a tuang a khutkawi khawng va muut heuhheuh hive un!). Singnuai gammual ah, gilkial dangtak in ka hongpang taktak uh zaw, kahkhiat ngoihngoih khawng ki utmai eive. Himahleh, hiaibang a haksa ka sakna te sang in ka gamlei ka itna a letzawk ziak in huai in tha a hon pezou gige hi. Lam tuamtuam a ka hong kichiil khit un Zogam adia zattheih di'n khahkhiat in ka hong omta uhi. Capt. Muanthang' nuai ah Thangboi leh kei, Delta Company ah ka om kha uhi. Kou company ua, amah ahihleh a chin mahmah a, strategy leh plan nouneel tak in a hon bawlpih sek a, hangsan tak in a heute a honpi a, vualzou in innmun a hontun kiik pih gige hi. Suangsang, Phaicham, Lhangzol chihte khawng ka vualzohna phual uh ahi.
Phalbi suukpi January khovot mahmah ni khat, khomui zuul in gamlak ah lengthe te'n Zogam etlawmna zaila awi a akhuan chiaichiai lai un Capt Muanthang in kou Delta Company a mi 10 leh volunteer 30, mun poimoh takmai luhdia kuankhe dia mansa a kivual te' mai ah thu a hon geen hi.
"Tu in sihna liimguan phaizang zuan a paidiing ihi ta ua, na ma a paipa' nung na veengsak diing bang in na nung apen in leng nang' aa a honveeng diing. Tua mun i tunchiang un nang Paite, nang Zou, nang Vaiphei, nang Simte leh adg. dg. chih a omkei diing. ZOMI in i kuankhawm diing ua, i khang tangthu ua mangngei nawnlou di'n sisan in lai i va gelh diing ua, huchiin vualzou in ZOGAM ah i kiiknawn diing uh. Na vek un hingdam in inn k'on tunkiik pihnawn diing chihzaw k'on chiam ngamkei. Himahleh, noute' mai leh Zomite' Pathian' mai ah hiai ka honchiam ahi. Atawp dong ka hon ompih tawntung diing. Atawp dong. Kidouna phual i luutchiang un thau ka gin masa pen diing a, huchiin i kiiknawn diing chiang un a gin nanung pen in ka pang diing. Toupa aw, honkeem in."
Ka muukte ua Pathian' min lou kawm in ka hongkuan khe ta uhi. Tu in khua a mial panta. Thawmhau tak leh dai takmai a dakkal khat vel ka hong painung un, ka luh dekna uh khogaal ka hongtung ua, huchiin huai apan ka luutna diing munchiat uah ka hong kikhen dalh ta uhi.
Thangboi toh ka panna diing mun uh a kibang a, meel kimkhat diing mawngmawng ka hong bokvaak tou uhi. Daitui in i puante a hon heetkawt a, a vot mahmah a, chi bang a liing theihial hi. Lauhthawnna ziak hia, ahihkeh votsakna ziak. Huchiin ka panmun diing uh ka hongtung ta uh.
Singnah kawm apan meipi'n a bawm liiliai kha, eengpha lolou, ka entou a, khua a dai mahmah hi. Ka gamkuan diing kuan a ka nu'n a hon thuumsakna te ka ngaihtuah a, ka it, ka lungdeih Kimbawi in khitui toh a hon kah ngoihngoih lai hunte leh a tul ngeilou itna a honchiam lai hunte bang ka ngaihtuah kiik a, thawmhauna huihkhi'n tua gamdai ah a honzeel hi.
Chikchiang in a meel ka munawn dia? Ka mu nawn diam?
Kawlzaal a ka vanpuak te, ka awm leh ka kawng a thautang ka puakte, leh ka meithal M-16 ka enhoih thak a, bangkim a manfel ta. Ka paam deuh ah Thangboi leng a AK-47 toh kigingsa in a om hi.
Dak 9.30 geih in signal a hongpai a, thau a hongging ta. Khatvei. Nihvei. Thumvei. A hong daikiik nawn a. Huchiin khosung lam apan patuahna husa a hong kiza panta. Ka gaal lehlam ua ka lawmte un a hon kaap zomzeel ua, kou bel ka na ngawi dedu laiphot uhi. Laam 12 tanlel a om a duty post sung uh chiantak in musuak theikei mahleng, bangtan hiam ah ka mit in mihing taangveel te a muthei a, ka ngiim vengveng hi. Phalbi zaan khua vot takmai nuai ah, ka tal apan ka kho-ul hongluang khia te'n ka thau sialphei leh ka khut a hontaak telhtelh hi. Thakhat in ka kaaptou a, amau leng a hon kaapthuk ngaal uhi. Taksa honglum panta hiven, a kha ka hontang panta a, ka hong gamtaang taktak bangzaw aw, a bukna mun uah thautang theh in ka thehluut zungzung mai a, ahon thuakkei reengreeng uh.
Minute sawmnih sungveel ka kibeihnung un, Thangboi toh huai duty post ka hontang zoupah uhi. Duty post sung ah siluang nih ana kikham hi. A kuanteng lak ah kougel a lutthuk masa pen ka suak uhi. Ka lawmdang te uh panna mun lam ah meelma te a tamziak un panhak a sa mahmah uhi. Volunteer te'n inn haal a honpan ta uhi. Durdur mai. Koulam apan inn tamkuam tak ka haalnung un, langlam te hongtun belh uh ahingei diing ua, hahtak in a honnang uhi. Hiaimun ah khawllou a kibeihna a dakkal a sim a om. Ka luutthuuk thei nawnkei ua, lah ka tolhkiik ut saamkei uhi.
Thangboi in, "Nuam panpan ei, honlaam ei, honlaam!!" chiin hawt in ahawt zuahzuah mai hi. Kikhanvual himahle ung amah hi, kei sang in thil bangkim ah a haatzaw a, a haangzaw a, a hon makaih zou gige hi.
India sepaih te a hongtung ua, huchiin pangkhawm in kou a hon beivak ta uhi. Sawt kuamtak ka pan nung un ka honlel simta uhi. Ka thautang uh leeng a hongtawm ta.
Thangboi in a thaulawng aam, khengdia a kisak laitak in thakhat thu in a panna muntak, langlam te' thautang in a deeng tultul mai hi. Vuahzu bang a thautang hong kibuakkhum ahihman in ka kaapthuk theikei.
Huchiin Thangboi a hong kikou khia a, a omna mun ah ka va bokvaak phei hi. A awm leh gil lak thau in a kaapna, mun thum vel apan sisan ana phuulkhe litlit hi. "Ana lua, Min, ana lua," chiin a kipeek mai a, "Bangmah na chikei, Thang, haattak in pang in. Na kiang ah ka om," ka chi hi. Ahitak in, a loh didan tuan ka theikei. A taksa thautang in a vutkhaak dante ka etchiang in damsuah zou di'n ka gingkei. Sisan lah khawllou in a pawt zoihzoih a, meelma te'n lah honkaap zomzeel ve un, Thangboi meel ka en a, a chau mahmah hi.
Ka hun uh a tawmta, chih ka theituak uh.
Haksa pipi in a kam a honka peppep a, "Min, mual a sunni tumdiing kuan a huihkhi'n thelnah a muutliing leplep, ke khedia kisa bangmai ka hita. Ka nu-le-pa' kiang ah ka na paita diing. Ka nau hoihtak in honna kepsak in aw. Ka suunni a hongtum dia, huchiin vualzou a na kiik chiang un imi-isa te' kiang ah hiai i tangthu ana puangzaak in. Gam adia singnuai-gammual a haksa i na thuak dante, melma khut apan i minam i venbit dante, melma khut apan i gamlei i venbit dante, melma gam va sim a i vualzoh dante. Leh hiai ka tangthu. Zogam iitluat vang a ka hinna ka piak dante..."
Ka kiimveel ua thau leh bomb ging vengvung te' sang in leng tua Thangboi' thugen te a ngaihzaw hi. Sekpi'n siik a khet ging bongbong bang in ka bilngeek a honkheen a, ka lungtang a honkha hi.
"Hilou ahi, Thang, kei kia in ka genkei dia, i nih a gen di ihi. Damtak in innlum zuan in i kiikkhawm diing. Ka hon taisan kei diing."
Abaan ka sunzom thei nawnkei. Ka gawl a bing. Ka neu apan ka lawm iit, ka puukni a hon kaithou a, ka nung honna veng a, meelma' thautang apan honna humbit gige, tu a ka ma a sihdiing ngaak a lum dildel mai maw.
"Min," chiin a honsam nawn a, a tha neihlai teng a pang in, "Hiai ka sisan luangkhia te'n i gam genthei, haksa leh niin takmai sawpsiang henla; i gam ah lemna, muanna, bitna, zaleenna, ki-iitna leh khantouhna diktak a hongtun theihna di'n hongpang un aw. Ken ahihleh i gam a din hihtheih dang ka nei nawnkei..."
Huchiin, a mit a sita.
Ka puanthuah te huikhawm zeel mahleng a lumthei tuan taktak kei. Awngphah leh puansilh te pan himhim hiveen. Ziinglam ahita. Ka ngaihtuahna a paisau ngeimai. Ka lawm Thangboi in a sihdiing kuan a a hon vaikhahna kampau te ka bilkha ah a hongging thaknawn a. Ka gam ka en a. Ka minam ka en a. Tu kum sawm nung in bang kikhenna a om a, chih ka ngaihtuah hi. Lemna, muanna, bitna, zaleenna, ki-iitna leh khantouhna te muhdiing a omkei. Naaksang in, ka minam in manthatna liimguam awlawl in a zuan hiaihiai.
Amah, ka lawm iit Thangboi ngei, leh gam adia ana pang salpha tamtak te ka ngaihtuahna ah a honglang a. A sihna ziak ua pahtawina leh aphu bangbang uh zahna piaklouh a, huih bangmai a khekaap nuse lou a luangliam a, tu a kuamah phawkkhaak nawnlouh a a omna mun uh dai leh vot takmai a lum te bang. Vualzou a hongkiik, salpha damlai te leh tu a liam-le-bai leh poihlawng a om a, khotaang siatna leh adik-atang a kikepna daan omlouh ziak a khamtheih a kibual a, khotaang apan siik-et, nehden leh nawlkhiin a om te bang.
Ka lawmpa hon vaikhaak te bangmah sepsuah theih ka nei nawnkei. Ka hunlui leh ngaihtuahna te loungal kei ah suandiing bangmah a om nawnkei. Huchiin, ka damsung a khatvei mahleng ka na hih ngeilouh, melma te'n inn hon haalsak lai ua leng ka hihlouh, ka lawmpa Thangboi ngei in hon paisan hun a leng ka na hihlouh, thil khat ka hon hihta. Ka hong kapkhe huphup mai.
Zogam iit vaang in.
Huchih hunsung in khua vaak diing in a hong kisa ta a, ka omna rehab center sanapi'n daak 5 a honkheen vongvong hi.
© vaphualization Hiai ahihleh phuahtuam maimai ahi. Min leh mun kizang te’n geen a neikei.

THE ZOMI HOPE

2008-02-20T11:03:00.001+05:30

As long as in the heart, within,
A Zomi soul still yearns,
And onward toward the East,
An eye still watches toward Pianna Zolei.
Our hope has not yet been lost,
The hundred year old hope,
To be a free nation in our own land.
The land of the Zomis.

HAPPY ZOMI NAM NI

David in Victoria muh in

2008-02-10T21:22:00.000+05:30

Posh Spice ka muh tung apan kumtawn a amah toh omkhawm gige ut ding ka hihdan ka theichiang
David Beckham

Khovel a nupa' minthang pen te' itna tangthu hong kipatkhiat dan ahi. Hiai thugelh ahihleh February 2005 in Tongluang tanchinbu ah tuangta hi. David Beckham in “My Side” kichi laibu agelh apan eukhiat ahi a, Readers Digest a kipan February 2004 a ka lehkhiat ahi a, eipau a thugelh, ka gelh masakna pen hi’n ka thei. Himahleh, ka gelhlai in, kizahpih man in mintak ka na zang kei a, Geowhiz Samte ka na kichi. Valentines Day bang hongtung nawn dekta ahihchiah, hiai ah i taaklang thak reengreend di chu. Itna sung a om nailou, omdek geigei, omlel, om nawnlou leh a zong kiiknawn te’ a di’n. Simnuam.

Ka zi deihthoh tak in football striker laibu khat apan in kei honna tengkhia a, ken leng ami sang zatamlai ah amah chibang ka na teel hi.

November 1996 ahi a, Georgia a hotel khat ah ka tung hi. World Cup a pantheihna dia etkhiatna kimawlna Georgia toh ka neihma zaan uh ahi a, ka hotel lupna pindan a tukawm in TV a music channel khat ka en hi. Huai ah Spice Girls te' video thak a honglang a. Amau gamkeu lak ah zei leh nalh deuh tak in laam ua, Posh in catsuit vom a duang etlawm takmai tung a honbaat zaw aw, ka mit in numei a muhkhaak teng lak a numei lamdang pen ahi, ka chi hial. Hiai TV mai a kipan ka mit ka suankhe thei nawn himhim kei. Spice Girls te tuma lam in leng ka na mumu ta a - kua e a mukha nailou? - mahleh, huaizaan a ka muhdan a tuamriau hi. Mi'n, “Alak uah kua na deihpen a?" chia hondot khak chiang un, "Posh eikei dia, huai a khe paindan fuhnu kha," chiin ka na dawngzeel hi.

Huaizaan apan amah ka itna lungtang a hong dawnkhe ta. Amah toh tangtawn a omkhawm det ka ut hi. Ahia, hiai ka ngaihtuahna bangchia taangtung sak theidiing ka hia? Kei ka hihleh Manchester United a ball peek naraan maimai, naupang chik ka hi a, ka career kipan dek panlel ahi hi. Amah ahihleh Spice Girls a mi ahi a, pop charts a khatna a pang, tanchinbu teng leh niteng simthu tuamtuam a a tanchin uleh a limte uh tuang gige, mi minthang tak ahi. Amau i va chihchiang in hiai nuaisimlei - khangthak te' khovel a mi thupi pen ahi ua, tu'n kei hiai ah amau te’ lak a khat deih in ka om hi.

Bangchia panla diing ka hia? Laithon gelhmai ding ka diam?

"Itluat Posh Spice, kei n'on theih ka gingkei. Ahia kei nang ngai a duangvul in ka na omden a, lametna lianpi toh kimuh ka ut mahmah. Na siang hongbeel thei hileng, kipaak in ka ma a vanngei ka ging." Hiai baan gelh didan tuan ka theikei.

Kha khat nung in London ah kimawl diing in ka hoh ua, kua hiam in Spice Girls te minih leng mipi kimawl ente' lak a tel uh ahi, chih hongen kha hi. Kua pen ahi d'ua? Posh a teldeh aw? Kei hi ka kimawlna ka phuur mahmah ta mawk hi. Kimawl khit in khawlbuk lam zuan in ka pai a, ka manager khat uh Simon Fuller toh Victoria(!!) kihou a om ka mu a. Huchiin Simon in kou geel kimeellah tuahna honbawl hi.

Thakhat thu in khawlbuuk sung a honglum hee-huu a, ka tal ah kho-ul mal hongluang suk tialtial hi'n ka thei hi. Victoria va houpih ut law mahleng ka paukhiat diing chiang in ka dang honghul a, ka lungsim apan thumal hongpawt khete ka lei a tunma un a lampi uah a mangthang manzel uhi.

"Hello, David ka hi."

Hiaiteng ka geenthei haamhaam.

Kimawl lai in volley bangmai a leengnalh in goal ka khum a, Victoria in leng nalh ana sa mahmah di'n ka gingta a, himahleh aman ana phawkphak tuakkei. Mitbelh ana bunlou ahihdan ka theikhia; mitbelh lou a lah muhbat vual diing ahi kei a. Omdan bel, kimawlna mun ah bangthil teng a tung a, chih Victoria in ana ngaihsak law lawmlawm lou dan ahi. Ka team teng un amau lim hon kilaakpih ua, huai ah kuahiam khat in, Victoria kiang ah, tuma a football peeksiam leh laar te’ tuanna laibu apan a lim ana tepkhiat pen kei ka hihdan a hilh hi. Mahleh, huai ka lim a laakpen in ka kinep bang in ka lampi diing a hon honsak chi tuankei.

"Victoria ka hi" chi'n hondawng a, huaiteng himai.

Aban gending dang ka ngaihtuah khethei nawnkei. A number nget ka sawm dia, ahihkei tawp lehleng banghiam khat beek ka geendiing. Himahleh, bangmah ka genkei. Ahon paisan a, hun manphatak ka mansuah mai ve.

Huainung in innmun a ka kimawlna uah kinepphak hetlouh in Victoria a honghoh a, a khekol gaak trittret leh a khakhi paun-aak, siing deuhmai toh, a kilawmkhawm ngeimai. Bang pentak le gending ahia chih a theihhuai kei. Hiai ahi hun remchang. Nang na hi ka it, Victoria, ka sinlai luahtu ngei, chih ut in ka lungtang a kisai litlit a, himahleh, mi kuahiam kammal li lel a i na houpih taakkhat kiang ah hiaibang thute va genphut chih thil hithei ahikei zeel.

Kei leng tuivot dawn di'n ka paiphei a, ka dawnkhit in Victoria keilam zuan a hongpai phei ka mu hi. Tamai aw! Bang ka gen dia? Huchiin awl in ka hong houlim tou ua, ka hongpau touhtouh uleh a tawp ut zosaam omlou in ka houlimna uh a hongpai fuh mahmah hi.

Victoria in numeite' pindan a va lutzual di'n hon paisan a, huaikaal in hiai hun manpha mansuah louh sawm in kei hi ka na buaigu mahmah hi. Hun poimoh tak, 'tu ahihkeh hingei nawnlou diing' hun ah ka ding hi. Ahong paikiik in huaizaan annne a pawtkhe di'n ka chial a, mahleh aman poi sakmel tak in London a akiik ngaidiing ahihdan honhilh hi. Ka phone number honngen a, a sukmang khakding hiam, a hon phone nawn sawmlouh khaak diing lau in ke'n ama' aa ka lehnget zaw hi.

"Ii, hilou, Victoria, nang' aa honpia in."

Huchiin a bag sung a honmai rokrok a, huaiziing a Manchester a a hong leenna boarding card hon lakhia a, a nu-leh-pa te' inn number honpia hi. Tua card neuchik tutan in leng ka keemden lai hi. Inn ka tun in a hon number piak lehkha neu chikchik guk vaal veel a gelh teltul in pindan tuamtuam ah ka nusia hi. Kivenna daan in.

A ziingchiang ziing dak 11 in ka phone a, a sanggam nu'n honna dawng hi. "Gym ah a hohlel a, a hongpai chiah hon houpih kiik di'n ka na gensawn di," honchi hi.

A hon hepkhiatna mamai eive maw, chiin ka ngaihtuah hi; asanggamnu honna dawngsak a, amah omlou daan a kigensak in. Ka khuttum sa vitvit in tuanglai tupsuk ekh ka ut a, mahleh ka kideek haamhaam hi. Huchiin lupna tung a tu in phone hi ka entop tamai hi. Bangtan ka ngaak a ngai dia? Daakkaal lang? Daakkaal khat? Kaalkhat pailiam mah a bang.

Atawp in phone a hongging khong a.

"David? Victoria ka hi."

Huchiin zaan nitaklam a ka thugen baan uh ka sunzom tou uhi. Atawp in, "Tu zaan bang na hihdia?" chiin ka dongkual veel a, "Manchester a om chu ka hi a, na mantheih di leh k'ong hohsak di," ka chi a, manthei diing ahihdan honhilh hi. Ka lungsim chu nui eita na ve.

Daakkaal nga khawng nung in car sawpna ah ka vatai hi. Amasa pen in ka car a hoihthei bang pen in alat angai. Ka BWM M3 car thak liklek ka silsuang suatsuat a, huchiin ka nu kiang ah ka va hoh masa hi. Ka nu’n mun poimoh deuhmai khat a hohsawm ka hihdaan honna theingei dia, himahlah hiai Spice Girls “tungtang thu” hi nengkha chik leng a theih ka gingkei. Ken le chu hilhsawm nai tuanlou. Ka kihahsiang a, a nalhthei pen diing chiin t-shirt ngou ka silh a, jacket puang silh in, Versace jean ka teeng hi. Ka hinkhua a dia show poimoh pen a dia kichei mah ka bang zezen hi. Huchiin tua ka geen, mi laarnu ka chihkha, ka phone a, kimuhna diing mun fuh khat ka sehkhol uhi. Ka nih ua ka theihhoih mahmah na mun uh, giahna hotel luunlou khat kong a bus khawlna mun ah kimuh ka sawm uhi.

Ama hongtun ma in amun ka na tungkhin a, sawtlou nung in car puang hiu-hiau in hong kitholh zarzar hi. A kiang ah ka va tuluut duunmai a, ka zum peetmah.

Huai apan ka hong taikhia ua, a kua zosaam in koimun tak manoh a taisawm ka hi ua, chih a thei ka om uh. Mahleh, ka nih ua hunnuam ka zatkhop theihna diing mun uh zuannuam ka hituak uhi. Kuamah sukbuai theihlouhna diing mun thoveng ka zon uh a ngai. Ziakbel, Spice Girls te thilhih peuhmah te - a hihma nangawn un leng tanchinbu teng ah a tuangsuak pahsek hi. Huaiziak mah in, a manager pa un amau leh a tangval te uh ana zumpih thei mahmah hi.Hiai tungtaang ah ka ngaihdan toh kituak mun fuh deuhmai khat ka thei hi. Mi om veekveek louhna mun Chinese restaurant khat manoh in ka hongtai suak ta uhi.

Amun ah kuamah ana omkei. Hiai ahi munfuh peen.

"Hehpih in Coke khat leh Diet Coke n'on pethei diam," ka chi a, restaurant neitu nu'n kua ka hi ua, chih honthei sekei. "Ann nelou in dawn di na la theikei di uh," chia hondawng guapmai chu, huai mun apan ka pawtkhiat maimah uh a ngai hi. Tu'n Victoria in ama' deihteelna mun a gentei a hunta. "Ka lawmnu ki’ah va hohle eivele," honchi a, huchiin a lawmnu' kiang lam zuan in ka hong taikhia uhi.

A lawmnu ahihleh Melanie Chisholm ana hi a, khovel a milar khat theihbeh nawn diing ka hihman in vaangpha ka kisa sim hi. Ahia, kei-leh-kei koi a va kipeiluut kha ka maizen a? Zum leh zah khuallou in Spice Girl khat toh ka pawtkhawm a, tu in Spice Girl dang khat kiang ah ka paidek nawn sawnsawn uh. Nungak khat toh a kiheel masakna ah vaalnou khat in hiai saang a zumhuai zaw, hun a tuakthei nawn tuan diam?

Amun ka tun un pindan tuam ah honluut san ua, kei ka hihleh lengla khawlna pindan ah hon nuse top ua, ka hi hiau-huau zezen hi. A omlouh kal un tutdan chikim phial in ka na tukual man a, a hongkiik un ka tutdan ka na khengman nawn tel hi. Kei kia zakta ka kisakleh Victoria ngei leng a zakta tei thou hi'n ka thei. Kimeltheih tuahna hoihtak a bawl nailouh mahbang in tutna kiltuak ah ka tu liauluai uhi. Lawmta tegeel a hong houlimlim ua, kei hi ka na tutei top a, a thugen uh ka na ngai maimai hi. A khenchiah nuicheuh zeel. Nuih za kholkei lele. Huaimun a ka om sung un kam khat lelleng ka paukhiat lam ka theikei.

Aziing ni'n amau, Spice Girls te US ah tour in a pai ua, Victoria in New York atun chiang ua huaimun apan hon houpih di'n honchiam hi.

Tutung ka kiheelna ubel a patna ahihtoh deihbang in a kulmuut zou taktak kei. Mahleh, hiai sang a fuhzaw thei di'n bel ka ging tuankei hi. Ka omdaan kha, "muhtung a it pahngaal" a chihte uh hiale? Ii, hilou, huaisang in leng hiai 'thil' a tung rangzaw hi'n ka thei.

Huaimah bang in thil khempeuh leeng a huchi gaivek. 1996-97 hunsung in Manchester United in League ah vualzohna ka la ua, Professional Footballers' Association in kei "Young Player of the Year" hihna hon khusak hi. Mahleh, kei' ngaih in bel a vualtung tuang taktak pen ahihleh ka mobile phone company te ahidaih hi. Victoria ka haichilh gawpta a, America a hon omsan zawkmah toh, daakkaal sawt pipi ka kihouhou ua, ka phone bill bang lauhuai hialkhop in a tamthei trektrok khopmai. Ahia, hiai pen ka sumseenna teng lak a seenna taakpeen hi’n ka ngaihtuah zaw hi.

Kong khat a i ngaihtuah chiang in a hou mahmah. Hiai numei lamdang takmai, ka tanchin teng leh ka ngaihtuahna te ka hilh gaivek a, aman leng ama' aa hongeen te gin omtak in ka ngaihkhiat sak ngiitngeet zeel hi.

Mobile company gentaklouh paakzuak ten leng kei a hon phattuam pih mahmah uhi. Niteng in rose paak sandup, namtui hiuhiau Victoria ka thon gige hi. A hongtun kaal ngaklah in ka omthei nawn mahmah kei.

Ka nihvei kiheelna zaan uh leng amasa pen mah bang in a fuh deenduun khol hetkei. Hiaihun in hotel kong khat a car khawlna mun ah ka kimu ua, mundang ah ka pawtkhe sekei uhi. Huaimun a ding in ka kihou mai ua, huchiin, amasakna pen di'n ka hong kitawptuah chenchen ta uhi. Huaizaan a hun ka zatzoh un, kumkhat sung vingveng ka na deih, ka lunggeel hong taangtung ta hi'n ka ngaihtuah hi.

Ka kaal simthu uh kipatnung kha guk veel hong pailiam nung in, hotel lui leh nuamtak khat ah kaaltawp hun thoveng tak in k'on zangkhia uhi. Ka hotel pindan uapan diil dum diidiai khat a kigaalmuh thei a, akiim a munte a etlawm mahmah hi. Nitaklam ann ka neeklai un tung suunni tumkuan in tua diil honsal paak ziizia a, ka Victoria meel etlawm takmai hon taanvaak singseng a, huihvot hongnung hiauhiau te'n a sam honmuut liing dialdial uhi. Khuuk khat a ama a khuukdin in, "Ka iit Victoria, damsung a na pasal di'n n’on kiteenpih diam?" chiin ka dong hi. Vaangphat huaitak in "Hi," chiin hondawng hi. Hiaithu hongeen ka zaak a ka kipahna daan geensiam a haksa. Ka sapum hiangzaam teng a meivaaktha hongluang sungsung hi'n ka thei hial hi.

1997-98 a United' hunzeek dsan tam ka theihpih kei. Huaisawng teng Victoria toh ka kingaih mahmah lai uh ahi a, ka lungsung ah amah kia a om hi. Huaiziak mah in huai kum in vualtung tuanna pahtawina khat mahleng ka ngahkei. Ka pona sim a, mahleh Victoria ziak liauliau in puakdaan siam ka sawm teitei hi. Ahia, ka vangphatna teng in bel a hon nuse saamkei. United ah kihel tamkei mahleh World Cup kimawlna ah England Team ah ka pangkha himhim hi.
England vs Argentina hi kibeihna nashe mahmah ana hi gige a, World Cup a France mawltual a ka hong kibeihna ngei uh leng a dangte a banglou tuankei. Hiai kimawlna a di'n ka phuur peetmah a, ka ngaaklah mahmah hi. Ka tung a bangthil hongtung diing hiam chih bel ka theihpha himhim kei. Mawltual a ka kimawl lai un, Diego Simeone in honraap in hon kikou khum a, ka sam ah honlai hi. Ke'n leng ka thukkiik leh thukhentu'n kei a hon hawlpawt hi. Tua kimawlna ka lel ua, huchiin ka vuallelhna ziak uh a mohteng khuksak in ka om hi.Huaizaan ahihleh ka hinkhua a dia zaan hoihlou pen hi'n ka thei hi. Ka kipahna diing bel thilkhat omden mahleh, hehna-mangbatna-lungliapna-lungzuanna in ka pumdim hi. Vuallel a England kimawlmi te Saint-Etienne a ka leenkiik ni un ka mobile ah Victoria apan message khat ana om a, huaibel a kinthei bang peen a amah houpih dia a hon ngetna ahi.

Ken leng ka houpih pah a, "Geen di khat k'on nei," honchi hi.

"Bang eita, boihte?"

"Nau i paita."

Tu in ka lunglipana teng kipahna a hongsuak ta.

BE THE LIGHT

2008-02-06T09:32:00.000+05:30

Chingboi Guite

Seems like yesterday when i used to fly with the colours of butterflies. But now i've fallen... so deep and so low feel somehow i know that i still will fall.At night i feel the darkness finding its way ti my insecurities. And i fear the night itself.
Sleep is all i can do to make me forget that there's a world under waiting for the souls of the lost; a world where the unsacrificial death of beauty's bound to be ignored.
Saw the sun rising and it's blinding me to the core. Felt myself shutting in as i dry my tears of the night and put a smile to fool the world - the world where the sacrifice of the chosen Lamb seems to be ignored.
Then i saw you there. All alone by yourself. And then i saw the lips that curved to frame a smile. But the eyes cast a shadow upon itself. Glad to know i'm not the only one who know something sure is wrong!
And i smile to myself.
I smile to myself because i know that there's no dawn without the darkness of night. I know i will rise again. And when i do, you will see me shine - shine against the ways of the world.
Yes, i will be the light - for sure i will be - brighter than ever, wiser than ever. Because you have taught me more than anything else.
Though you had rejoiced in my downfall, and fed on my fears of being rejected - i am here standing before you - stronger than ever.
I'll be here and prove to you that you, my dear failure, are my pillar of success. ©

ZogamThuthang: I Soft Power khansakna di'n

2008-02-01T21:38:00.001+05:30

Khovel IT lam a nasatak a a changkaan lai in eimi te leeng a hon hawi tuankei a, hiai changkaanna huih in a hon zaap vutvut mai hi. Internet ziak in Zomi te, khovel mun tuamtuam a om himahle hang, munkhat a omkhawm bangmai in, kithuzaak tuah thei zingzing di'n i om hi. Lamka apan bang i tanchinbu hawmthoh mahmah te, Lamka Post leh Manipur Express bang, niteng in i simthei ziahziah ta uhi. SSPPNet ah ilak a theihna lam a ana tungsaang deuh te a kikum khawm zeel ua, Zogam.com, ZogamOnline.com, Zogam.net leh adg. dg. te bang a ki update zungzung zou gige hi.

Himahleh, michih in internet i khoih baankei. Kithuzaak tuahna dia zahuap pen leh kin pen ahihleh, tu dinmun in mobile phone (tongleng tawivial) tungtawn a SMS ahimai hi. Innlam ah leng Zodawn lam a khua khenkhat ah tongleng tawivial a omta. Mun tuamtuam a om, Zomi te, a hunhun (real time) a kikawmtuah leh kithuzaak tuahna di'n mobile phone lou adang a om tadih kei hi.

Huaiziak in hiai lampang "buluh" le chi ut daan i hi.

Muhkholhna saupi toh, tup-leh-ngiim chiim takmai leh lametna liantak toh "awlmoh" khenkhat in nisim January 20, 2008 in SMS tungtawn a athawn a kithuzaaktuah theihna diing group hon pankhia ua. A min diing in "ZogamThuthang" sa uhi.

Kuapeuh in kipahpih chiat ihingei dia, a kipatkhiat nung kaal khat khawng in member 1000 tungtou heplel hi. Hiai in a saite tha pe mahmah hi. Mabaan ah leeng pangkhawm touzeel le, hiai in banghiam khat, ei ah, i minam ah, i gam ah - kikhenna hontun ngei diing hi.

Ngaihtuah ve ua, miteng in newspaper i sim gige mankei. Lamka Post, Manipur Express. Leh khotual tanchinbu tuatuam. Magazine i sim gige mankei. Tongluang. Ahihkeh SSPPNet, Zogam.com, leh adg. dg. Himahleh, SMS i sim vek uh. Tu in hiai SMS group ah simtu 5000 vaal bang nei hilehang, bangzah ta a haat/thupi ahi dia?

Tu in ZogamThuthang in khanlam a nawt touzeel a, Delhi leh Bangalore apan thu update gige in a om a, tualou in, innlam apan in leeng thu hon pe gige diing mi muanhuai bangzah hiam i nei hi. Zomi te mahmah!

Hiai ZogamThuthang nana zop/muh naikei zenzen leh JOIN ZOGAMTHUTHANG chi'n gelh inla, 567673434 ah thonziang lechin, a thawn in Zogam tanchin, thuthang, leh thu manpha tuamtuam, a tawn in nana muthei zeel diing.

Huchih kawmkawm in, banghiam lung noplouhna khat in ka lung honbuak tlat veh aw. ZogamThuthang lou SMS group chi tuamtuam a hong kipan khe teltul a, hiai in bangtan hiam ah i khanna diing hondaal dia ging ka hi. A tuamtuam a va om teltul lou in, khat in omlel lehang bang achi dia? Nuunkhat a luaikhawm in om lehang, ki gahpha zolou diing hiam? Internet discussion forum bang le SSPPNet chouh i neihziak a hiai tantan kitung a kilohching himaithei eive.

Geentehna din, ken bang tulaitak in, ZogamThuthang ka la a, himahleh EBCLinks, Lengla, Duangkuai, leh adg dg a thu kigelh te "miss" ka hi. Sim ut law mahleng, mun tuamtuam apat message a hongtun tultul chiang a hon subuai lua ahi. Huaisang in, khat in omgeih henla, huai ah thu teng kim maileh, chi nuam daan ka hi.

ZogamThuthang in Zogam miallak ah khovaak hontaan heen aw.

F E E D B A C K S

ZogamThuthang subscribers te' comments

Upa N Chinsum, New Delhi:
ZogamThuthang a thu kikhah te primary source ei' a hi a, confirm item ahihleh, tua i khah dan zel hoih. Laaksawn item ahihleh, source shortform taklat teitei zeel, bang achi dia? Ets. ME for "Manipur Express", ZC for "Zogam.com", etc. Aziak: Authenticity leh creidibility points of view a pilvan kei leh mi' muanna ngahhut, kiamhawng zui, chih om thei. Jesu hihna thumte lak a alaita "Thuthak" a 'muanhuai' hong hi gige un. Toupa thupha maw!

Lia Chinthianngai, Jamia, New Delhi:
Mundang ah om, innlam (Zogam) ah bang thu leh laa om ahia chih tampi ten i ngaihsut lai un ZogamThuthang a hong piangkhia a, mahleh a thupuak te i sim chiang in "i society hichi a hi maw" chih in a om hi. Himahleh hiai ten "ken bang a ka hihtheih, contribute theih" chih hon ngaihtuah sak zaw hi. Huaiziak in ZogamThuthang manpha sakhuai a, leh damsawt hen!

Mang Guite, Thawnsaau Computers, Central Lamka:
Khekheih, ZogamThuthang! A saitute tengteng tung ah igam leh minam lungdam peuhmah uh ahi chih k'on zasak masa ut hi. Pasian in a mi Israelte pen "theihna taaksak ziak in a mangthang uh," ana chi hi. Tuni tan in diktou zeel a, a dik seemseem diing. Zomi te'n theihna i taaksap ziak in i gam i minam khahsuah a mangthang gawp diing a batlai in; theihna taaksapna Khomial in hontuam gawp lai in; zaanmial ngeinhui lak a Aksi taang bang in, THEIHNA TAAKSAPNA ZAANMIAL lak ah ZogamThuthang hong TAANG khia in i minam te theihna, masawnna, khanlohna leh ki-it seemna hongot ka lam-en hi. Lungkelou in honseem zom un aw.. Khekhekheih, ZOgam. Zomi te a di'n, chitek ni.

Khamchin Naulak:
ZogamThuthang kha navaak huai mah2 eive maw! Update pen kha ahun mumal tak e.g dakkal 2 or 3 halzel chih dandeuh bang hithei le maw?
(on 23rd Jan, 08 ; 10:55 pm)

988639207x :
Hi!
ZogamThuthang,
Na hihhoih lua uh.Zomite a dia na kipiak zohnate thupi lua hi. Hon sunzom zel un, a tamthei bang penin aw. Ninhuai hetlou ahi
(on 25th Jan, '08; 10:09 pm)

944981271x :
Ztt nuam tuam mah mah ei.Inn thu leh la na hon update pah pah ua. Lungdam
(on 25th Jan, '08, 10:11 pm)

986219884x:
Na hihhoih lua ua kipahhuai lua. Zomite I khangtou zel uh. Pathian in thupina tang ta hen!
Hiai tungtawn in heart to heart chih dan deuh om thei diam?
(on 25th Jan, '08, 10:27 pm)

COMMENT: H2h maw… om thei maithei. Valentine's day special ah om sak le.. Vday special edition!

973931014x :
Hoih ka sa mah mah ve! Kei ngaih dan in chu, mun tuam tuam zomi om te khai khawm tu in hong pang sak. Pathian in a tam jaw thu hoih suah thei din hon vual zawl hen! Mangpha wow!
(on 25th Jan, 11:02 pm)

986219988x:
Zogam thuthang non patkhiat uh hih hoih kon sa mah mah a, imi I sate na khual na uh zahtak huai ka sa. Hih tou thei din Pathian in hon vual zawl zel hen. … JL
(on 26th Jan, 10:17 pm)

986223812x
Na min uh ka thei kei na a, zogam thuthang hoih ka sa mah mah! Hoihtak a na hon hihtouh uh ka deih mah mah. Toupan hon ompih gige hen.
(26th Jan 11:00 pm)

G L Paul, Golaghat:
Hoih law tel. But vang lua maw!
(on 26th Jan, 11:01 pm)

Mang.Lamka :
I thuthang uh kha hardnews kia a di hihenla. Comment khawng om kei mai le bang a ci dia. Comment piak theih lai2 a petei chi dan kai.
(on 26th Jan, 11:08 pm)

976020246x :
'Kalaisai' ZOGAM A DIN PANG FAN FAN NI. I mi I nam a dia na nasepna uh thupi petmah. Good work keep it up!
Team ZogamThuthang damsawt hen!
Fr. Piangkhanpau Tonsing, Dehradun. UK
(on 26th Jan 11:43 pm)

Esther vualnam, Bangalore:
Hi!
ZTT hong om kipah huai mah2. got to know a lot about back home bt one thing I would like to give a comment is that I feel there are some info which is not very impt for us wo r her to study n work I would like to request that if its possible to add more on some relevant news and whch would b more helpful. Thanku.

PS: For privacy the last digit in the nos. are replaced with X. Tamtak te ki miss kha, ziakchu inbox apan ana ki delete kha. Poilua!

Lamka Vaakna leh Zodawn Mialna

2008-01-18T21:33:00.000+05:30

I kikhe vovok tel uh maw!

Tutung Krismas innlam ka pai kei geet. Innlam ka pai nawnlouhna a sawtsim taak ziak ahi diam, innlam ka veina himhim le dau gawpgai ta h'in ka thei. Hong dau dedeuh lai kha maithei. Hiai ah, Vai khopi ah, keimah thu in ka ut dandan in ka om dia, ka kipahna diing ahih naakleh ka duhduh ka ne dia, ka utut ka hihdia, innlam te khawng bang chu, ngaihtuah ngailou pi. Ngaihtuah khaak in le a omngei mah saam ua. Ka chih hun a hongtun taktak khaak diing lau ka hi. Mi tamtak te bang a.

Innlam a Krismas zang a pai te a hongtung kiik nawn panpan ta uhi. "A nuam hia? I gam bang a chi?" chia i dot chiang in, "Nuam lua himai!" a chivek uhi. Train tuan bang chu nuam peetmah, a honhon a chiaksuk zuazua. Lampi bang hoih gawpta. Meivaak le paihoih theilua. A khua himhim le changkaang gawp. Gaal a gaalmuang ta zomah. Inn te bang hoih theilua. Nungak heel mahmah ahi a nuam peen. Nuamlua himai.

Nuamsa lou omlou uh abang. A kipahpih huai uh. Nuam a va sakna peel ua thil thuukzaw i kan chiang in a theibaan kei uh abang. A phawkbaan kei uh.

Adik mah ahi. Lamka a nuam gawpta. A thupi gawpta. A changkaang gawpta. Bangteng a kim.

Ahihleh, simtu deihthoh tak, Lamka khopi peel a Zodawn khua te i muhtheihna mit in a mubaan hia? Bangchi bang a khosa ahi ua, chih i ngaihtuahna lungtang in a phawkbaan hia? "Zodawn" chih thumal toh bang i bulhkhawm a? Zawnna, nuaisiahna, mawl-sakna, thring-sakna leh houhngaihna? Ziingkaal ann neekkuan a Hmuia Veng leh Jion Street lak a, bus -- van dim phetphut, meihol bag toh meh toh bang toh, a sung a tuang mi te le a meel uh theihbut louh khop hial a puang, leivui khu in a tuamkhum -- hongtung nuainuai te i muhchiang in bang ngaihtuahna in i lungsim a hondeeng a?

Lampi bawldia seh a om a, sum tam pipi piak a om contractor te' nelhsiahna ziak a lampi se mahmah, se peetmah, mai tawn a, tuahsiat khaak diing lauthawng leh diipkua a omden a, lam kuak leh phon takmai tung a gari in a sawina, aguh-ataang teng uh golhgawp ngiingei a Lamka khopi hongtung thei haamhaam uh ahi chih i thei hia? Haksa tak a kumkhat a khohnung ua, a louma ua haigah omsun - gamsa chi tuamtuam leh sazu' neekbaang - te zuakdia Lamka khopi a honpua uh ahi chih i thei hia? Singtang lou a kipan a kham pianglou a, neekmuhtheihna diing lampi zong a a theih sunsun uh, meihol a haal te uh - huaile a singhoih haal di himhim vaangta - zuakdia Lamka khopi a honpua uh ahi chih i thei hia?

Hichizawng in geenni.

Design nalh taktak in inn i lam a, gari suak thakthak i khopi ah i tolhluut zungzung a, moblile phone suak thakthak, changkaang taktak i tawi ferfur a, niteng a top-up card lei in i zang bei zungzung a, "star TV" mai a tu in tumlam gam te' khosak daan, omdaan leh kicheidaan te i enton a, internet tungtawn in khoveel kilchih i dapsuak. Lamka khopi ah.

Ahihleh, Lamka a kipan km 30 lel a nai Singngat khua peel a Zodawn khua te ah meivaak om nailou ahihlam i theipha uhia? Ahoupeen a geen in. Km 30 lel ahi. A kikhoukhiakna uang deuh hilou hiam? Vovok mai.

Mutheih thil a kikhiakna a om a, huaite sang in muhtheihlouh thil a kikhoukhiakna a uang zawlai hi. I ngaihtuah zawng leh i lungsim putzia a kikhe mahmah mai. Huailam sau geenkei ni. Kiphawkpih-louhna leh kinngaihsak-louhna lam i geen diing.

Innlam a vapai, hongtung thak te kiang ah, "Mautaam i gam ah om (pan) ta chihthu khawng a om a, nang amun a vapai, bang a chi a?" chia i dotbawl chiang a a hon dawnna uh ahihleh, "Singtang lam te zaw kial chi mah ve uh aw," ahimai. Mah ve uh aw. Lamka a Tedim Road zuul a thuthei deuh, dawrkai te dong lehang leeng, a hon dawnna diing uh ahihleh, "Chi mah ve uh aw," ahi ringot mai diing.

I gam a Mautaam kial om (diing) in awlmoh khenkhat a su lungliap mahmah hi. Huchihlai in ana phawkkha vetlou leeng tampi om. "Phawk" i chih kei mimal khiatna in chi nih in a khentheih: "as a news daan a thei" leh "awlmoh a vei." Vaigam khawng a khanglian eimi, a career ua tungsaang mahmah ta, khenkhat, hiai Mautaam thu i geenpih khaakleh, a hon dawnna masa uh ahihleh hiai ahi tel: "Mautaam? Bamboo flowring maw? Mizoram a kha?"

2006 May kha in Zomi singsaat 21 veel Kawl sepaih te'n gamgi zuul ah a man ua, kum 20 diing khawng heentaang dia thutan khum in a om uhi. Hiai hi thil ngaihkhawk huai mahmah ahi. Hinapi in, innlam te'n hiaithu ana ngaihsak lotel lawmlawm kei uh. Huai hunlai a i kanbawl chiang in leeng a hon dawnna uh ahihleh "mah ve uh aw," ahi top mai. Awlmoh khenkhat, mundang a kipan in a kipei ua, a tankhe thei ua hiveen.

Lamka khoveel ah, Zodawn lam te nelhsiahna leh ngaihsak-louhna uangtak mai a om hi. A ziak diing a ka gintaak khat ahihleh, i media lam te un Zodawn lamte' dinmun, Lamka khopi a mi vaantaang in a theihdia a phoulat ngeilouh ziak uh hi'n ka thei. I Zodawn etlawmna leh hoihna te taaklat in a om ngeikei a, a haksatna te uh leeng taklat in a om ngei tuankei. I tanchinbu te ua "tanchin thak" kisuah te ahihleh Lamka khopi ah a kipan a, huchiin Phaipi ah, huchiin Vaigam ah, leh khoveel mun dang ah. Lamka nunglam a Zodawn tanchin te a tuang ngeikei. A tuang sunsun ahihleh, Zodawn lam te gam vaakna a gamsa sa a ki kaapkha ua, Lamka Damdawi Inn a hong ki ensak te khawng maimai a bang. Huaile Lamka Damdawi Inn a hon naihziak uh hilai. A hon naih zoulou te la? Eimah sung a piangkhia thil te paakta lawmlawm lou i bang hi.

Huaiziak tak in Lamka mipi te'n Zodawn lam thu himhim bangmah i theikei uhi. I theihlouh ziak tak un i ngaihsak kei ua, awlmoh in leeng i nei bokkei uh. Ngaihsak a awlmoh hile, Thanlon khawng leh Singngat a eimi ngeeingeei, solkal sepna nei te'n bangziak a Lamka ah, kumtawp chiang a biak inn a sande sikul kaikim man kipahpihna saang gige uh ahia? Bangziak a contractor, eimi ngeeingeei te'n, i Zodawn lampi te hichi tel a nelhsiah ahi ua?

Tu in leeng, Hiangtam khogei ah, Behiang truck khat a tuahsia a, mi 20 hiilhial in sihna a tuak. Bangziak ahia? Hiai ah i Kristian kulmuutna zangkei ni. A sih hun uh a tunziak ahikei. A vaangsiat ziak uh leeng a hisaam kei. Hiai lei ahihleh a siat patna ahikei. A se gige. Ahihleh, hiai mi 20, singtaang mi 20 leh a liam dang te; singtaang ah khosak haksa tak a khosa a, a khua ua doctor omlouh ziak a ki-ensak dia Lamka khopi honzuan te; a louma ua piang haigah leh thil nengneng zuak dia Lamka khopi honzuan te; a khua ua neektawm vanneng lei diing omlouh ziak a Lamka khopi honzuan te; lametna liantak mai toh Lamka khopi apan a hongtun kiik nawn kaal uh ngaaklah a a khua a om a zi te uh, a pasal te uh, a ta te uh, a nu-le-pa te uh nusia a Lamka khopi honzuan te; khopi thupi takmai Lamka mudia kilawptak a gari a hongtuang te; hiai khoveel a hin ut lai ngoihngoih te, bangziak a amau te a kipan a hinna gui uh bohtah sak a om ahi ua? Bangziak in ahia? Kua mohna ahia?

Abangbang hileh, eimi te neih thilkhat, i chituamna mahmah leh i pahtaak huai mahmah na uh khat a om hi. Huai ahihleh tantawk a lungkimna ahi.

Buailai in singtang lam ah khe in ka va zinkha a, imi-isa te' gentheih daan ka mit ngei in ka va mu hi. Genthei ka chih in lauhthawnna lam a geenkei a, neek diing tasam a a omna lam uh geenzaw ka hi. I pai khaakna khua te ah, amau ann neekpih lou in, ka puak uh hiam, ka leitawm te uh hiam ka ne zaw uhi. Neek diing a taaksap ziak un. Himahleh, huaihun in, "singtaang ah kial om" chih thu himhim mundang a te'n a theih uh ka gingkei. Ziakbel, eimi te i leikou kei ua, neek diing neikei mahle hang, mi' mai a va kuun saang a ngawl utzaw te i hi uhi.

Kial ngoihngoih mahle hang.

Along the meandering Paldai Brook

2008-01-04T10:31:00.000+05:30

MV Guite writes an article, My Struggle With A Myth on Zogam.com.

Here's the introductory para.

I have never even in my wildest dreams imagined that I would someday be haunted day in and day out by a two-word phrase I used to dismiss as mere hearsay. I feel as if I have been dreaming time and again the very dream I dreamt of the other night so much so that it turns out to be more than a dream – a reality.

Read the rest here.

My comments:

I know the author too well and I could identify myself with the many things he writes about. I read the article over and over again. I’m loving every bit of it. The para where he likens himself, humbly, to a khuangbai struck me. Quenching a never-ever-satiable thirst, putting off things for a tomorrow that never comes, a tomorrow that's a yesterday now, and a tomorrow that's still a tomorrow, eking out a living turning mangled voices into words while the entire city lies in sweet slumber… and all. Yes, we keep on fighting a hand-to-hand battle with failure, head down in the rain, just trying to stay upright and have a little hope. A hope whose gate doesn’t seem as wide-open as it used to be. Like the author, I find myself wandering. Just someone lost in the deep woods. Moving back and forth without having walked a single step. Living it not knowing what it is. I keep going back to the start. But all’s full of nothingness.

And the poem is beautifully expressed, and sad. Yes, I know. I had been there. My childhood memories revolve around the Paldai Brook. I can still recall the euphoric moments of ceaseless canorous songs of cicadas … of wading through the ankle-to-knee-deep brook … of wandering with a catapult and pellets and angles … along the meandering Paldai Brook. Oh, how I long to go back there, just once …

Aw, khaubang chiahkiik nuam veng, seenlai hunnuam... Seengual lungtuak toh, kiginnni suunkhawl hun a, kangtalai toh, gophel toh, ngathal toh… Paldai luidung ah, ngabeng a, kileuh a, a lui gei a phaizang louhing dipdip tung a suun ihmut zaizai lai ni te… mubang ngai veng… aw, khatvei lel ka chiahkiik nuam…. khatvei lel…

I guess she still moves me

2008-01-04T09:21:00.000+05:30

Last night, Britney Spears’ Everytime touched my soul deeply. I kept on listening over and over and over again. Till about 1:00 a.m. The music was mellow and Britney was singing… singing something so beautiful, it can’t be expressed in words. It made my heart ache. I just don’t understand why did my heart ache … still … after all this time.

And as the music and lyrics crept into my head, painfully sweet memories of the Autumn of ’06 began to resurface. I guess I am still moved. Yeah, I admit, she still moves me.

Here’s the lyrics…

Notice me, take my hand
Why are we strangers when
Our love is strong
Why carry on without me

Everytime I try to fly, I fall
Without my wings, I feel so small
I guess I need you, baby
And everytime I see you in my dreams
I see your face, it's haunting me
I guess I need you, baby

I make believe that you are here
It's the only way I see clear
What have I done
You seem to move on easy

And everytime I try to fly, I fall
Without my wings, I feel so small
I guess I need you, baby
And everytime I see you in my dreams
I see your face, you're haunting me
I guess I need you, baby

I may have made it rain
Please forgive me
My weakness caused you pain
And this song's my sorry

At night I pray
That soon your face will fade away

And everytime I try to fly, I fall
Without my wings, I feel so small
I guess I need you, baby
And everytime I see you in my dreams
I see your face, you're haunting me
I guess I need you, baby

All I Want For Christmas, Dear, Is You

2007-12-26T10:12:00.000+05:30

A song by Buck Owens. Damn moving. I was blown away by this song.

Here it is Christmas day, and you're many miles away,
And I wonder if you feel the way I do;
In the air there's happiness, but for me there's loneliness,
'Cause all I want for Christmas is you.

Presents wrapped in green and gold have no arms for me to hold,
No lips to whisper softly, I love you;
Oh, how happy I would be to find you underneath my tree,
All I want for Christmas, Dear, is you.

Presents wrapped in green and gold have no arms for me to hold,
No lips to whisper softly, I love you;
Oh, how happy I would be to find you underneath my tree,
All I want for Christmas, Dear, is you.
All want for Christmas, Dear, is you.

Buck Owens and Don Rich (Buck Owens, 1965)

V A P H U A L I Z A T I O N

Singngat Special Meet 2011 Report

The Best Picture Perfect Wedding Poses

Manipuri girl molested in Munirka

Spring in Zodawn

"Heisa Paallun" Ginlian Hangzo toh houlimna

Aw nang Siktui, na lalgam hongtung heen

Singngat Water Woes

ToI Report: Death of an Angel at Angels' Place

Help Siasiam's Family

S. Phungliansang A/C No.31072336458State Bank of India, Churachandpur (6182), Manipur, India (57 D)Swift code: SBININBB303Phungliansang’s ph. no.: +919436317787

The Curious Case of the Death of Siasiam

Some Facebook wall posts...

December Buhchiar

Leen Heisa & Deih Anglai Kaihthohnawnna

The Lost Wallet

Interview | Zogam mial ah khua vak puak: Siamkhankhual Dousel

Remembering July 7, 1997

Paldai Luiguam Ah

Singngat MCA Project (2005-2009): My Letter to the Editors of TSE & IFP

Racist Aussies, eh?

Outer Manipur's New MP: Thangso Baite

Lungzen - II

Lungzen - I

Music Review: Rigvedazz - Zaching

Alung uh aleeng saam diam?

Delhi Singngat Meet 2009

Zogam Etlawm

ZogamThuthang in kum khat meel muta

Zogam Himai

Innlum a Krismas zang di’n

ZogamThuthang in PDS anntang dikloutak a zuakna pholhkhia

October khasung a hunzatna khenkhat

Seenchiil Vangngaih

O Munirka | 2 NE girls raped in Munirka

Music lam gelhnawn le...

Sir Lengtong Pauno Pahtawina In

Zodawn Tulliim

Taangthu Seelguuk | Lametna bei lampi zuan in

Xui lalat!

Why, Nona, why?

Delimitation leh Zomite

Zogam Iit Vaang In

THE ZOMI HOPE

David in Victoria muh in

BE THE LIGHT

ZogamThuthang: I Soft Power khansakna di'n

Lamka Vaakna leh Zodawn Mialna

Along the meandering Paldai Brook

I guess she still moves me

All I Want For Christmas, Dear, Is You

S. Phungliansang A/C No.31072336458
State Bank of India, Churachandpur (6182), Manipur, India (57 D)
Swift code: SBININBB303
Phungliansang’s ph. no.: +919436317787