NAUPANG Pauminthang in kha 3 vaal vingveng, Kawlgam a taaninn a genthei tak a hinkhua a zatdaan a mangngilh ngei nawnkei diing. Tu in bel a nu’ kiang ah lungmuang tak in a ihmu theita diing. Mahleh, a zaalmang in bangzah vei seen naubang a kaplai dia? A lawmte, a u te, a gamkuan pihte’ omdiing daan a ngaihtuah chiang in a lung amuang tuankei diing. Chikchiang in a hongpawt kimthei diing u’am?
Apaita May 6, 2006 a Indo-Myanmar gamgi zuul, Aisih mun a singpua mat a om te’ mabaan diing a limchi hetkei. Amau te kum 12-15 veel thong kediing a thu tankhum in om uhi. Hiai in mipi te’ lung hon suphawng mahmah hi. Bangchi daan? Bangziak? Ahidiing mah ahi diam? Bangmah theih ahikei. Singsaat ziak a kum 15 heenkol va bulhdiing chih i ngaihtuah chiang in a kithaman hetkei hi.
Hiai mat a omte’ taangthu hong kiveikhiat daan bulsuutna i neidiing.
I gam a sing tawmta ahihman in i gaalleh lam a gammaang te i luhlouh ngaal lampi dang a om nawnkei hi. Neekmuh theihna diing kong kihong om mahmah lou ahihna ah ahidiing him mahleeng ahi. Kimohsak theih ahikei. Ahia, hiai in thil lauhuai tak leh thil zumhuai tak a hon tuaksak ta. Phalna bei a gamsung luut, guta chia mat in i hongom ta.
Hiaithu hong kitheihkhiatna ahihleh, May 15, 2006 a Unaupa H. Khamkhansuan in Varanasi apan SSPPNet a a hon kaapkhiat tungtawn in ahi hi. Kha khat veel a kidiah nung in leeng hiaithu in koitan mah a deengpha kei. Mat a om innkuan te’n palai sawl in Singngat bial MLA Thangso Baite va kimuhpih ua, aman “DC leh MP (Outer) kiang ah a thu ka na tundia, a pawtna diing un pan i la diing,” chiin na khamuan hi. Hiaiteng himai. Abaan bangmah omlou. Police ah complaint bawlna omlou himahleh Singngat OC Kamzathang, SI’ panlaakna ziak in May 24, 2006 in case chiamteh in om (pan) hi.
Huchiin, khakhat vaal a kiveinung in, amasa peen diing in Heutupa Thangkhanlal Ngaihte in The Sangai Express (Lamka Impression) ah June 11, 2006 in hiaithu hongelh hi (Unheard of, uncared for). Hiaihun tan in leeng Lamka hi’n Imphal hileh thuthak saite kuamah apan bangmah thu zaak ana hinaikei lai hi. Tuazoh in Singngat ah Unaupa Dongkhansiam in OC Kamzathang va kimuhpih a, thil omdaan va kanchiang hi. Mat a om te’ min, hihna, gari bangkim theihsuah hong hi a, huchiin, hiaite pansan in Heutupa Thangkhanlal in Imphal a tanchinbu te ah a tanchin uh hon suahkhe ta hi. Singngat leh Delhi kizopna ziak a a thu hongthang khethei phet ahi hi.
June 24, 2006 in Zomi Human Rights Foundation Delhi Cell in MP Mani Charenamei kiang ah memorandum khia a, MP pu in leeng June 26, 2006 in union home and external affiars minsters ah lai ana khaak a, a kuulbang a Burma heutu te kiang tundiing in kuun hi.
Hitamahleh lametna khovaak muhdiing bangmah a omtuan kei.
Hun hong kivei zeel a, August 3, 2006 ni in MP Mani Charenamei in Lok Sabha ah Indo-Myanmar gamgi zuul a Zomi nnaseem, mi 21 mat a omte’ dinmun taangkouna nei a, a kinlam a khahkhiat ahihtheihna diing ua panla diing in ulian te phuutna nei hi. Huchiin a tanchin te uh zaak a hong hipan ta. Mahleh a thu uh donsak ahinai tuankei lai hi.
Parliament a thu tut hita, chia lametna liantak toh ngaak ahihlai in Mizzima news in thuzaak nop huailoupi a hon puangkhe ta. August 26, 2006 in Tonzang Township Court in a tungthu uh geelna nei a, sabet ziak in mi khat kum 15 taaninn a taang diing in thu tankhum a, midang 19 te singsaat ziak in kum 12 taangdiing chi hi. Nupang kumching lou peen bel khahkhiat ahi. Amau te ahihleh Kalemyo Township, Sagaing Division sung a Inndainggyi prison-cum-labor camp a koih diing, kichi hi. Mizzima news in a geenna ah a tuung in Burma vaihawm te’n mat a omte’ kiang ah sum ngeen ua, tua hileh thunung-thuma omlou a khahkhe diing un kigeen hi. Himahleh bangzah ngen uhiam, chihbel theih hilou hi. Burma gamsung daan in, gamdang mi mat a om te, township level court a dinsak theih hilou himhim hi. Huaibel Tonzang a court in a tungthu uh geel theilou diing a, Chin State khopi Hakha a ngaihsut diingdaan ahi hi.
Tu in laizom mi 20 te’n Burma jail ah hinkho thak honpan ta diing uhi.
Hiaithu i ngaihtuah chiang in a hehhuai a, hihtheih bangmah a om tuankei. Malsuah bial a teeng i hihna ziak ua nelhsiah a i om peen ut in utkei lehang leeng pomsiam mai ngaidiing bang hi. Ahia, kha li sung vengveng hun a kivei nung a a thu, a tunna diing mun tung nailou, chihpeen lungliap huai lampang ahi. August kha tawp a Tonzang Court in mi 20 te thutanna a bawlkhum tan in leeng Yanggon a Indian Ambassador in a thu bangmah zakha nailou lai hi. Pu T. Khankhup, IFS, Ambassador, North Korea in September 5, 2006 in Delhi ah Ministry of External Affairs (MEA) a a saipi pa va kimuhpih a, tua pa’n kintak a Yanggon lam a thu tutdiing in thu pengaal hi.
Amah, Pu T. Khankhup in thil paidiing daan, a guhgeel, nouneel tak in hichiin geen hi: “A sungte ua pan dolkhat, a lungkhamna uh geenna leh hongkiik uh a deihdaan uh ngetna om dia, tua peen District Administration in Manipur a Home Deptt. ah khaak diing a, huaite'n MEA ah khaaksawn diing a, MEA te'n a nnaseem taktak diing Indian Embassy kiang ah khaaksawn toudiing hi. Huchiin hongkiik theidiing bang in omta le uh, travel document piak baihlam tuan mahmah ding hi. Huchilou in bel khah hile uh leeng hiaite India mi taktak hi uhiam, chih dotna hongom nawn thei hi.
Tuabang kaal ah AITSA President Pu Khamchinpau Zou in a pantheihna lam ah a hihtheih bangbang in MEA lam ah ana buaipih hi. Lok Sabha/Rajya Sabha Secretariat a sem imi-isa te’n leeng pan ana la siausiau ua, MP Pu Mani in Burmese embassy te leh External Affairs a mi poimoh te kimuhpih touzeel a, tolhlou a panzeel sawm ahihdaan geen hi. “Gamgi zuul a zuihdiing policy, nou a dia hoihdiing, honkhung un. A gaal lehlam tuak a teeng mi te chikhat-sakhat na hihna uah, solkaal in daan a hon bawlsak theidiing. Huchiin, ke’n phualpi solkaal ka na phudiing,” chiin MP Pu Mani in geen hi.
MP pu in a hon awlmoh mahmah ziak in aangtan huai peetmah hi. A saanglam ah awlawl a thil hong paidik diing in lamen phot peuhmah le. Huchibang kawmkaal ah, a niamlam, eilak a pan i na laakdaan te uh i etchiang in lungtun huailou bang hi. Hiaithu toh kisai in innlam a i pawlpi neih te’n a buaipih khaaklam uh bangmah thu a kiza kei a, hiai in dotna tamtak a piangsak hi.
Hichibang a imi-isa, 21 hiilhial Burma jail a khum bichilh a a omlai un, buaipih naaksaang in Singngat bial MLA Thangso Baite in a buaipih te su nawngkai tu in na pangmawk hi. Parliament tanpha a taangkou pih ahihnung in MLA pu’n, “Mi 21 te Burmai jail a om hilou ahi uh, gammaang a om ahi uh,” chi diaplel hi.
Mi’ gam a phalna bei a singsaat a mat a i va om peen thil hithei mah ahi. Huchia i tungthu uh phualpi solkaal in hon nelhsiah peen leeng ahidiing him mah ahi, maalsuah mite i hi ngaal ua. Ahia, bialtu MLA khat in hichibang kampau a zatpeen ‘haihuai’ deuh hilou hia?
[inputs from Zogam.com and SSPPNet]
© vaphualization september 15, 2006
Apaita May 6, 2006 a Indo-Myanmar gamgi zuul, Aisih mun a singpua mat a om te’ mabaan diing a limchi hetkei. Amau te kum 12-15 veel thong kediing a thu tankhum in om uhi. Hiai in mipi te’ lung hon suphawng mahmah hi. Bangchi daan? Bangziak? Ahidiing mah ahi diam? Bangmah theih ahikei. Singsaat ziak a kum 15 heenkol va bulhdiing chih i ngaihtuah chiang in a kithaman hetkei hi.
Hiai mat a omte’ taangthu hong kiveikhiat daan bulsuutna i neidiing.
I gam a sing tawmta ahihman in i gaalleh lam a gammaang te i luhlouh ngaal lampi dang a om nawnkei hi. Neekmuh theihna diing kong kihong om mahmah lou ahihna ah ahidiing him mahleeng ahi. Kimohsak theih ahikei. Ahia, hiai in thil lauhuai tak leh thil zumhuai tak a hon tuaksak ta. Phalna bei a gamsung luut, guta chia mat in i hongom ta.
Hiaithu hong kitheihkhiatna ahihleh, May 15, 2006 a Unaupa H. Khamkhansuan in Varanasi apan SSPPNet a a hon kaapkhiat tungtawn in ahi hi. Kha khat veel a kidiah nung in leeng hiaithu in koitan mah a deengpha kei. Mat a om innkuan te’n palai sawl in Singngat bial MLA Thangso Baite va kimuhpih ua, aman “DC leh MP (Outer) kiang ah a thu ka na tundia, a pawtna diing un pan i la diing,” chiin na khamuan hi. Hiaiteng himai. Abaan bangmah omlou. Police ah complaint bawlna omlou himahleh Singngat OC Kamzathang, SI’ panlaakna ziak in May 24, 2006 in case chiamteh in om (pan) hi.
Huchiin, khakhat vaal a kiveinung in, amasa peen diing in Heutupa Thangkhanlal Ngaihte in The Sangai Express (Lamka Impression) ah June 11, 2006 in hiaithu hongelh hi (Unheard of, uncared for). Hiaihun tan in leeng Lamka hi’n Imphal hileh thuthak saite kuamah apan bangmah thu zaak ana hinaikei lai hi. Tuazoh in Singngat ah Unaupa Dongkhansiam in OC Kamzathang va kimuhpih a, thil omdaan va kanchiang hi. Mat a om te’ min, hihna, gari bangkim theihsuah hong hi a, huchiin, hiaite pansan in Heutupa Thangkhanlal in Imphal a tanchinbu te ah a tanchin uh hon suahkhe ta hi. Singngat leh Delhi kizopna ziak a a thu hongthang khethei phet ahi hi.
June 24, 2006 in Zomi Human Rights Foundation Delhi Cell in MP Mani Charenamei kiang ah memorandum khia a, MP pu in leeng June 26, 2006 in union home and external affiars minsters ah lai ana khaak a, a kuulbang a Burma heutu te kiang tundiing in kuun hi.
Hitamahleh lametna khovaak muhdiing bangmah a omtuan kei.
Hun hong kivei zeel a, August 3, 2006 ni in MP Mani Charenamei in Lok Sabha ah Indo-Myanmar gamgi zuul a Zomi nnaseem, mi 21 mat a omte’ dinmun taangkouna nei a, a kinlam a khahkhiat ahihtheihna diing ua panla diing in ulian te phuutna nei hi. Huchiin a tanchin te uh zaak a hong hipan ta. Mahleh a thu uh donsak ahinai tuankei lai hi.
Parliament a thu tut hita, chia lametna liantak toh ngaak ahihlai in Mizzima news in thuzaak nop huailoupi a hon puangkhe ta. August 26, 2006 in Tonzang Township Court in a tungthu uh geelna nei a, sabet ziak in mi khat kum 15 taaninn a taang diing in thu tankhum a, midang 19 te singsaat ziak in kum 12 taangdiing chi hi. Nupang kumching lou peen bel khahkhiat ahi. Amau te ahihleh Kalemyo Township, Sagaing Division sung a Inndainggyi prison-cum-labor camp a koih diing, kichi hi. Mizzima news in a geenna ah a tuung in Burma vaihawm te’n mat a omte’ kiang ah sum ngeen ua, tua hileh thunung-thuma omlou a khahkhe diing un kigeen hi. Himahleh bangzah ngen uhiam, chihbel theih hilou hi. Burma gamsung daan in, gamdang mi mat a om te, township level court a dinsak theih hilou himhim hi. Huaibel Tonzang a court in a tungthu uh geel theilou diing a, Chin State khopi Hakha a ngaihsut diingdaan ahi hi.
Tu in laizom mi 20 te’n Burma jail ah hinkho thak honpan ta diing uhi.
Hiaithu i ngaihtuah chiang in a hehhuai a, hihtheih bangmah a om tuankei. Malsuah bial a teeng i hihna ziak ua nelhsiah a i om peen ut in utkei lehang leeng pomsiam mai ngaidiing bang hi. Ahia, kha li sung vengveng hun a kivei nung a a thu, a tunna diing mun tung nailou, chihpeen lungliap huai lampang ahi. August kha tawp a Tonzang Court in mi 20 te thutanna a bawlkhum tan in leeng Yanggon a Indian Ambassador in a thu bangmah zakha nailou lai hi. Pu T. Khankhup, IFS, Ambassador, North Korea in September 5, 2006 in Delhi ah Ministry of External Affairs (MEA) a a saipi pa va kimuhpih a, tua pa’n kintak a Yanggon lam a thu tutdiing in thu pengaal hi.
Amah, Pu T. Khankhup in thil paidiing daan, a guhgeel, nouneel tak in hichiin geen hi: “A sungte ua pan dolkhat, a lungkhamna uh geenna leh hongkiik uh a deihdaan uh ngetna om dia, tua peen District Administration in Manipur a Home Deptt. ah khaak diing a, huaite'n MEA ah khaaksawn diing a, MEA te'n a nnaseem taktak diing Indian Embassy kiang ah khaaksawn toudiing hi. Huchiin hongkiik theidiing bang in omta le uh, travel document piak baihlam tuan mahmah ding hi. Huchilou in bel khah hile uh leeng hiaite India mi taktak hi uhiam, chih dotna hongom nawn thei hi.
Tuabang kaal ah AITSA President Pu Khamchinpau Zou in a pantheihna lam ah a hihtheih bangbang in MEA lam ah ana buaipih hi. Lok Sabha/Rajya Sabha Secretariat a sem imi-isa te’n leeng pan ana la siausiau ua, MP Pu Mani in Burmese embassy te leh External Affairs a mi poimoh te kimuhpih touzeel a, tolhlou a panzeel sawm ahihdaan geen hi. “Gamgi zuul a zuihdiing policy, nou a dia hoihdiing, honkhung un. A gaal lehlam tuak a teeng mi te chikhat-sakhat na hihna uah, solkaal in daan a hon bawlsak theidiing. Huchiin, ke’n phualpi solkaal ka na phudiing,” chiin MP Pu Mani in geen hi.
MP pu in a hon awlmoh mahmah ziak in aangtan huai peetmah hi. A saanglam ah awlawl a thil hong paidik diing in lamen phot peuhmah le. Huchibang kawmkaal ah, a niamlam, eilak a pan i na laakdaan te uh i etchiang in lungtun huailou bang hi. Hiaithu toh kisai in innlam a i pawlpi neih te’n a buaipih khaaklam uh bangmah thu a kiza kei a, hiai in dotna tamtak a piangsak hi.
Hichibang a imi-isa, 21 hiilhial Burma jail a khum bichilh a a omlai un, buaipih naaksaang in Singngat bial MLA Thangso Baite in a buaipih te su nawngkai tu in na pangmawk hi. Parliament tanpha a taangkou pih ahihnung in MLA pu’n, “Mi 21 te Burmai jail a om hilou ahi uh, gammaang a om ahi uh,” chi diaplel hi.
Mi’ gam a phalna bei a singsaat a mat a i va om peen thil hithei mah ahi. Huchia i tungthu uh phualpi solkaal in hon nelhsiah peen leeng ahidiing him mah ahi, maalsuah mite i hi ngaal ua. Ahia, bialtu MLA khat in hichibang kampau a zatpeen ‘haihuai’ deuh hilou hia?
[inputs from Zogam.com and SSPPNet]
© vaphualization september 15, 2006
No comments:
Post a Comment