Chingmuankim Shoute
[Nominated for Best Female Vocalist (Gospel), Best Female Vocalist (Country/Sentimental) & Most Promising Artist (Gospel)]
Pa’ Min Dr. Thangminlian
Nu’ Min Chiingouman
Pianni March 5
Pianna Khua Lamka
Tulel a om/tenna Khua Bangalore
Zomi nungaak lasiam Chingmuankim Shoute a.h.k. (ahihk’eh) Kimneu ahihleh tulel in Bangalore ah TLI Software ah Quality Screener nna seem in omlel hi. Aman Christ College, Bangalore apan Master in Human Resource Management zoukhia hi. Siallouh Vangngaih II album a laa tualleeng khenkhat honsak a kipan i lak ah hong minthang khia hi. Aman mi tuamtuam’ album ah laa nga (5) veel sakha ta a, tuate ahihleh zawllaa leh gam ngaihlaa ahideuh. 2005 kum in a album masa peen “Honglen Gige’n” hon bawlkhia hi. Hiai album pumpi video in bawlkhia a, eilak a dia a changkaang lawi hi a theih in om.
Kimneu in Shania Twain, Whitney Houston, Celine Dion, ABBA chihte ngaisaang a, ei Zomi lasiam a ngaihsaang te ahihleh Thangboi Mangte, Mimin Baite, Benjamin, Pauginmuan, S.Chingnu, Lianlunching te khawng ahi uh.
Music lam ah mipi support poimoh pen hi'n Kimneu in thei hi. “Album i bawlchiang un lei siausiau in, copy sawn ahihkeileh kikhelh chih te tawmdeuh leh,” chih a ngaihdaan ahi. Mabaan a a thiltup tungtaang a geenna ah, “Ka thilhih khempeuh ah kuhkal tak leh lohchin ka sawm,” chi hi.
D I S C O G R A P H Y
Hong len gige'n
2005 (Cassettes & VCDs)
Produced by Mr & Mrs Dr Thangminlian Shoute
S I N G L E S
1. Nihgel Itna Siallouh Vangngaih II (2000)
2. Melmuh Chiilpan Siallouh Vangngaih II (2000)
3. Hon Heisan Ke'n (S Pauginmuan) Siallouh Vangngaih II (2000)
4. Lungdeih Ngaih (LT Paite) Lungdeih Ngaih (2000)
5. Nampi Lungphawng Tunnu Zogam III
Chingthianngai
[Nominated for Best Female Vocalist (Country/Sentimental)]
Pa’ Min Tualzanang
Nu’ Min Haukhoning
Pianni July 22
Pianna Khua Lanva
Tulel a om/tenna Khua Lanva
Zolia, zailaa saksiam, atul theilou, Chingthianngai in asak “Laamlaam ni aw, laamlaam ta ni…” chih laa in Zokuam a thawnsuak lailai. Amah ahihleh tulel in Lanva ah om a, tunitan in album giat (8) bawlta hi. Laasiam ahihbaan ah laa phuah leeng a siam a, ama’ min in laa thum (3) bang ana phuakkhia hi.
Chingthianngai in a laa sakteng lak a adeih biik ahihleh “Tuitam Mahleh” chih laa ahi. Tongpeleng ging lawmnou, luang hialhial in ama’ lungkuai peen hi. A hun awl in samtan leh michei chihkhawng ahihsek. Aman tulai a i khotaang ua milip in i poimoh uh hi a atheih aihleh diktatna mahmah ahi.
Mabaan ah Ngangai in music video leh album thak bawlsawm zeellai hi.
D I S C O G R A P H Y
1. MCS Chinkhothang Itna Laa (1992)
2. Pupa’ Gamlei Vol. II (1993)
3. Gupna Laa (1996)
4. Toupa’ Hoihna Vol I (1997)
5. In Remembrance of Kaikhothang Guite, Chief of Mualnuam (1998)
6. Ka Khualzinna (1998)
7. Zuan Zailaa (2000)
8. Tuibang Gawmni Vol I (2007)
Gladys Haubiaklun
[Nominated for Most Promising Artist (Gospel)]
Pa’ Min Thangsuan Hangzo
Nu’ Min Muankim
Pianni December 13, 1996
Pianna Khua Lamlianveng, Bungmual
Tulel a om/tenna Khua Lamliamveng, Bungmual
TBCC Bungmual in a bawl, “Standing in the gap” video album a “Honglen in” chih laa, siamtak mai a a honsak a kipan Gladys Haubiaklun in michih, a enkha tute’ lung a kuai hi. A naupang lai mahmah a, a siam mahmah mai. Mabaan limchi tak a nei.
Haubiaklun in biakna leh phatna laa te ngaina a, Hill Song (Australia) laa te ngaihnuam aa peen hi. Ama’n, “Mi keibang a naupang chikte, talent hoih pipi nei, ahihhang a a talent petu Pathian manghilh kha a, talent tungtawn a minthanna ngahna ziak a siatphah ding dinmun a omte ka pona mahmah,“ chi hi. “Huaiban ah Biakna leh Phatna uangbawl a, a hoihna ka naupang pihte’n phawk thei chiat le uh ka ut mahmah,” chiin leng geen.
Tulel a lai sinlai ahihman in laa leh tumging lam ah bangmah hihsawm nai tadih lou hi. “Tua ka kizatna, Baptist Children Department, Bunmual ah workship team in kum 2004 apan tuni tan in kana kipiakna ahi a, hiah ah Nu leh Pa phal na toh Pathian gamna sepna in ka ngai a, ka naupang pihte lakah Biakna leh Phatna uang bawl a Sunde-Skul sinsaktute hon zat daandaan, ka tup ahi phot mai” chiin Haubiaklun in geen hi.
Gloria Chiinlianniang
[Nominated for Best Female Vocalist (Gospel) & Most Promising Artist (Gospel)]
Pa’ Min (L) V. Khamkhopau
Nu’ Min Lianlunching
Pianni September 17,1989
Pianna Khua Lamka khopi
Tulel a om/tenna Khua Zenhang Lamka
Meelhoihna leh laasiamna kigawm in mi that thei hitaleh, bangzah ta in a lauhuai dia? Hiai dotna Gloria Chiinlianniang a.h.k. Niangboi loungaal hondawng theidiing midang om di’n a ginhuai kei. “Khangthak te’ lam etna” chia Tongluang in ana gelh bang in, Lia Gloria Chiinlianniang’ sung ah, mi te’n tunung a Zomite’ tumging-khoveel kheng lumlet diing, mihinna thak khat a mu uhi. A nu, Lianlunching’ suulnung hon zuitou in.
“Nang di’n zang ning” video a kipan in Niangboi a hong minthang khia hi. EBC Zenhang Lamka BCD in a bawl, “Jesu neih ka utzaw” album ah laa li (4) sa a, “K’ong pahtawi hi, Toupa” album ah laa nih(2) a sa hi. Niangboi ahihleh a unau ua upa peen ahi a, sanggam pasal nih (2) nei hi. VK Tawna College ah class XI a sin lel.
Niangboi in a laa saksa, sagih (7) teng lak ah “Tuun leh zua” chih laa deihpen hi. Ahihleh bang peentak in tumging lam ah amah inspire ahi dia le? “Ka nu lasak lam a a lohchinna in hon inspire,” chiin geen hi. I music dinmun dopsaangna di’n laa leh tumging tumsiam te “theihpihna” leh “pahtawina” piak hoih sa a, mabaan ah laa tam seem, leh hoihzaw seem, bawl touhzeel sawmlai hi.
D I S C O G R A P H Y
I. Jesu Neih Ka Utzaw (2005)
EBC Zenhang Lamka Baptist Children’s Department Production
1. Tun leh zua
2. Toupa’n honhuai (written by Mrs Lianlunching)
3. Mikhial kei n’ong itna
4. Hagar kahna aw (feat. Nembiakmuang)
II. K’ong Pahtawi Hi, Toupa (2006)
1. Nang di’n zang ning
2. K’ong pahtawi hi
S I N G L E S
1. Kei di’n pahna (2007)
Grace Siamte
[Nominated for Best Female Vocalist (Gospel)]
Pa’ Min Roubul Valte
Nu’ Min Nianghoihkim
Pianni August 11, 1986
Pianna Khua Bethel Veng, Singngat
Tulel a om/tenna Khua Lailam Veng, Central Lamka
Tulai khangthak tampi te’ lungluutna siamtak a paipih kawm a, zailaa a awi, Grace Siamte ahi. Tulai tak in Lailam Veng ah a teeng. Siamte in “Phatna Late Vol-II”, “Jesu Nang Vang In” “Na Lalgam Hongtung Hen” chih te ah phatna laa tuamtuam sa a, tuate tungtawn in khangthak te’ khoveel a honluah hi.
2007 kum bul in a unau un, “Itna Lamdang” album bawlkhia uhi. A laa sakkhiat sa teng lak a a minthang diak te ahihleh “Kulhpi na hi,” “Ka lungtang nei in” leh “Aw Kros” te ahi. Siamte in bel Aw Kros (Itna Lamdang) nalhsa diak hi. Biakna leh phatna lam ngaina mi ahi a, Australia Hillsong United te’ phatna laasak te’n amah zou mahmah hi’n a thei.
Khat-leh-khat kidopsaang tuah ahihleh i society un tuhun a poimoh peen hidaan in Siamte in mu hi. Aman a geenna ah, “Music siam i tamta mahmah un ka thei a, lungtunhuai leng ka sa. Music school/zirtheina di hiam a zaaudeuh bang omleh a hoih lo mahmah di. Himahleh, i hihkhelhkhak(lack) gige uh a ka theih chu khat leh khat ki dopsang tuah didan theilou. Ki geensia a nungtolh sak mailou in khangthak hong kipan tuung/dek te leng encourage theih dandan in panla le hoih mahmah ding in ka gingta,” chi.
Abaan a geenna ah, Siamte in, “Mabaan ah Pathian’ adia a tamthei lamlam a kizat leh laa tam seem sakkhiat zeel ka tup ahi,” achi.
Gohau
[Nominated for Best Musician/Instrumentalist & Lifetime Achievement Awards]
Pa’ Min (L) Sian Kho Pau
Nu’ Min Goih Za Vung
Pianni December 7, 1966
Pianna Khua Tedim, Kawlgam
Tulel a om/tenna Khua Game Village, Imphal
Zomi te lak ah tumging lam ah amah khengkhe zou diing mi om di’n a ginhuai kei. 1966 in Gouhau piang a, tuni dong in aman album tuamtuam, mun tuamtuam ah, pau tuamtuam 500 veel diing ah music ana tumsak ta hi. A tungsaang mahmah ta a, tu in leeng khawl tawldam mai sawmlou in mabaan paitouh zeel a sawm hi.
Gouhau ahih leh a zi, Bobby Siamnu leh a tapa nih(2) toh Game Village, Imphal ah khosa uh a, mun tuamtuam ah laa bawl in zinkual zeel hi. Aman Eagles, Deep Purple, Petra chih khawng te’ music a kipan tha na ngah mahmah hi.
Music chi kim khoihsiam a, huaibaan ah, laa kaih bawl leeng a siam mahmah. Adiak in, Mimin Baite’ laasak te bang, ama’ kaih bawl hitaangpi hi.
Aman a geendaan in, tuma lam deuh khawng apan in, leh tuni tan in leeng, eimi te’n music kichi himhim a hoihlou lam ngen in ana kingaihtuah, chi hi. “Hiai ngaihdaan pen i bawlphat a poimoh mahmah,” chi hi. “Khat-le-khat ki domkaang ni in, naupang hong khangkhe diing, a lungluut te bang, tha pia in, haanthawn touzeel ni,” chiin geen.
H Jelshyam, IAS
[Nominated for Best Song Writer (Country/Sentimental)]
Pa’ Min (L) H Vaigin
Nu’ Min Nemdem
Pianni March 1, 1942
Pianna Khua Tuikhang, Mizoram
“Sin in, Seem in, Zuun in,” chih laa ana phuah tungtawn in Pu H Jelshyam’ sakmin siamsin momnou te’ lunglai ah a mang ngei nawnkei diing. A zi. Nemsiam leh tapa li(4) nusia in honna paisan ta hi. Amah ahihleh Siamsinpawlpi patron member khat ahi.
Siamna lam ah Delhi a kipan BA, LLB na zoukhia a, 1966 kum in UPSC nuai ah IAS na gelhching a, 1996 kum in Manipur Chief Secretary in pang hi.
Khaimuanlian @ DK Khuptong
[Nominated for Best Song Writer (Country/Sentimental)]
Pa’ Min Thangvung
Nu’ Min (L) Ningkhoching @ Sennu
Pianni December 9
Pianna Khua Mission Road, Vengnuam, Lamka Tung
Tulel a om/tenna Khua Mission Road, Vengnuam, Lamka Tung
Laa tualleng phuahsiam a minthang, Khaimuanlian a.h.k. DK Khuptong ahihleh a aangkawi saanneem, Hoihlunching leh tapa 2 toh Lamka Tung ah khosa lel hi. 2000 kiim lak a kipan zawllaa phuaksiam in hong minthang khia a, ama’ laa phuah te paidaan khat nei in, ataangpi in “hit” deuhvek sim mai abang. A laa phuahte lak a a minthan pih peen leh, amahmah in leeng a deihbiik deuh ahihleh, “Lungdeih” chih laa ahi. Hiai laa ahihleh Benjamin Thomte in a album masa, “Lungdeih” a asak ahi.
DK Khuptong in tuni tan in laa tualleeng, huaibel zawllaa, tuunnu ngaihna laa leh gam ngaihlaa khawng kithuah, a gawm in sawm-leh-thum (13) veel phuak khe ta hi. A nnasep taangpi ahihleh videography leh editing lam ahi.
Laa lungluut mahmah mi ahi a, Violin leh Piano ging hialhial khawng in a lailung sunggil lawng kha mahmah sek hidaan in geen hi. A taangpi in slow rock lam a paakta.
“Hiaibang award tuamtuam te hawm ahi, ka ngaih poimoh gige. Ka ngaih poimoh pen a hongtaang tung ta a, k kipaak a, siamsin dangdang te leng su thathou mahmah in ka thei. Hiaibag thil a omziak in kei mahleeng hon thathou sak mahmah a, ka kipaak hi. SIMAS damsawt heen!” chiin DK Khuptong in geen.
Rev V Khamthawng
[Nominated for Best Song Writer (Gospel)]
(L) Upa Thangchinkham leh (L) Nu Nemkhoching te tapa Rev. V.Khamthawng October 5, 1940 in Bungmual khua ,Lamka ,Manipur ah piang hi .Aman tunitanin la 208 ana phuak ta hi.A laphuahte lakah Thangvan meikuang hong lengin , Khristian Tuailaite thou un chihleh Zion vangkhua aw ken hong ngai lua ing chihte a deihbik te leh minthang mahmahte ahi uh . Gospel laphuah siam tampi te lakah Fanny J.Crossby tanchin leh a laphuahte’n hon zou (inspire) mahmah chi hi . Aman poi asak mahmahte thil thum om :
1. I minam sunga saptuam (denomination) pawl tuamtuam a omte Jesu Khrist a thu leh la ah i ki pumkhat theihlouh uh
2. Music leh la lam a siamna nei khenkhatte hinkhua kisegawp a hong om chiangun
3. I minam sung a Pathian vualzawlna tang milian-milal hong hih chiang ua zu leh sa leh thanghuai tak a hinkhua hon zat chiangun;
Music lam a tup leh deihte:
Music leh la lam a khantouh semna dingin paukhat zang saptuam pawl tuamtuam in la athu kiban zang thei le;
I minam sungah lasa siam kizong khia leh ,American/Indian Idol te hih bang deuhin ;
Aman tulelin Pastor na semin Mualkawi ,Lamka, Manipur ah khosa lel ua , Pathian min thupina ding a laphuah sutzop touh zel sawm hi .
V. Khoikhandai
[Nominated for Best Song Writer (Country/Sentimental)]
Mimbung khua Mizoram ah 1933 in piang hi .Amah India sepaih Parachute Regiment ah kum 8 sung ana sem ngei a , tuazohin Hindi Teacher in 1960-1996 tan semtou nawn hi. Laa leh tumging lam lunglutmi hi a , La 20 veel phuak khia a tualakah “Ka Tongpeleng,” “Pathian tengteng tunga Lal,” SSPP Silver Jubilee lapi, SSPP lapi, “Pianna danglou” chihte a thupi deuh te a hi. Tu in Ramhlun Venglai, Aizawl, Mizoram ah khosa lel uhi.
Music lam a amah inspire tu peen a atheih ahihleh a Ni’ tapa, Zampu ahi. Aman a laa phuahsa teng lak ah “A sakmin Lamka” mah deihthoh peen hi.
Liani Parte
[Nominated for Best Female Vocalist (Gospel)]
Pa' Min P. C. Parte
Nu' Min Khawlzaching
Pianni 30 -12 – 1968
Pianna Khua Bungmual, Lamka, Manipur, India
Tulel a om/tenna Khua Chiangmai, Thailand
Pathian nei nam a hampha hi. Phat-taak Pathian, Biak-taak Pathian, chi a a phatla sa chim ngeilou, Zomi te’n laa siam ineih tawmchik te lak a khat, Liani Parte ahi. A pianna khua Bungmual apan Chiangmai, Thailand(tulel a aomna) tan dong Pathian la leh gam ngaihla te sa in a hinkhua ana zangtou ngitnget hi. A aw phawi dan leh a aw ging khe hiahhiah in mi te lungsim naaktak in kuai hi. Hiai bang laa siam Zomi te’n ineih I hamphat lam I phawk khiak thak a deih huai mahmah.
Liani Parte in tuni tan in album giat(8) veel bawlkhe ta hi. Video guk (6) bang leeng ana bawlta hi. Amah ahihleh Bungmual khomi ahi a, tu in Chiangmai, Thailand ah a pasal toh khosa uhi.
Aman a laa saksa teng lak ah deihbiik nei tuanlou hi’n geen. “A phuak hoihthei lua ua, ka deih vek,” chi hi. Tualou in, “Pathian phat taak ahih dan ka theih in music lam ah hon inspire pen hi in ka thei,” chiin geen hi.
Liani in i society ua a ngaih poimoh peen ahihleh Pathian neihna ahi. “Pathian nei nam hi phot phot peuhmah le’ng maw” a chih in thil tampi a geen. Mabaan ah, Pathian in lem a sakleh, amah phat a laa sak touhzel sawm hi.
V. Lianlunching
[Nominated for Best Female Vocalist (Country/Sentimental) & Lifetime Achievement Awards]
Pa’ Min Jamkhanmang Thomte
Nu’ Min Ngaikhanchiin
Pianni November 21, 1967
Pianna Khua Lamka khopi
Tulel a om/tenna Khua Zenhang Lamka
Zomite zaila awihsiam V Lianlunching November 21, 1967 in Zogam zailaa a thawnzaak ding in hongpiang hi. A neulai a kipan laa sak lunglut mi ahi a, “Pahtian hon piak ka talent ahi” chi hial hi. Amah phamsa V Khamkhopau’ (a.h.k. Paupi) zi ahi a, a pasal ittak toh a lenlai un Paite film masapen “Leenchill” ah 1986 kum in ana chang khawm ziahmai dan uh ahi. Thamlouin “Zuansialching” film muhnophuai mahmah ah leng 1987 in ana chang nawn hi. Tulai a lasa siam a hong minthang mahmah Gloria Chiinlianniang, ama’ tanu ahi hi.
Lasak lam ah a kiva mahmah mai a, 1980s vel apat in i Zogam ah zaila oih siam a ana minthangta, tutan in amah khengkhe zou ding omlou a de aw chih ding hialkhop ahi hi. 1985 kum in Best Vocalist North-East (Tribal Light Music) Kohima khopi ah AIR te saina nuai ah ana ngah ngeita hi. Tua kia thamlou in award tuamtuam tamkuamtak ana ngahta a, huaite laka a thupi deuhdeuhte:
1. Siamsinpawlpi GHQ Meritorious Award in 1986
2. Young Paite Association Hqtrs. Award in 1986
3. Top No. 1 in the Paite Top 10 competition at Hotel Excellency, Imphal in 1994
4. Top Releasing of Audio Cassettes Awarded by Siamsinpawlpi General Headquarters, Lamka, Manipur in India (1995)
Nu Lianlunching in Zomi pau tuamtuam a la asak baanah English laa album khat leeng ana khumngei hi. Aman AIR Imphal, DDK Imphal chihte khawng ah ei Zomi la va sa ziahziah mai dan ahi.
Aman audio/video album akigawm in 17 bawlkheta a (collection album 4 simtel in), la 13 tak phuakta hi. A laphuahte laka minthang deuhdeuh leh ama deih diakte tuh “Ka Zinna Gam”, “Sihna Tuang a Vualzohna” chihte leh a it mahmah a pasal a phuahna “Muikho Zing Kuan” leh “Sul Hei Moh E” chihte ahi hi. Aman “La atam lua chih omlou in khum thei lehangla, la leh music lam a I society ah tu a sang in nasa tak in ki encourage lai leng hoih kasa” chi hi.
D I S C O G R A P H Y
1. Selung zuan 1986
2. Lendang pomkei ning 1987
3. Wintry feeling 1987
4. Lunghel ana ngei zie (Songs of TS Agou) 1988
5. Mimbang hongpiang ta 1988
6. Hongel in 1991/92
7. Bangziak in a 1994
8. Zuanna danglou 1995
9. Tuibang gawmni 1996
10. Siang ang sung ah 1998
11. Vakna nunnem 1999
12. Pathian pahtawina laa (In memory of V Khoizathang) 1999
13. Lemleng hen 1999
14. Malbang honkou 2003
15. Pathian ngaihna – Lunglen laa 2005
Midang toh bawlkhawmte:
1. Tunnu Zogam I
2. Tunnu Zogam III
3. Tulmoh hen I
4. Semkhawmni I
5. Semkhawmni II
6. K’ong pahtawi hi, Toupa (Hangpu’ Phatna Laate)
LL Muana
[Nominated for Best Male Vocalist (Gospel)]
Pa min Rev. K. Thuomngell
Nu min Khawltai
Pianni December 16, 1962
Pianna Khua Mission Compound, Old Churachand
Tulel a omna khua Hill-Town, Opposite ZEO
Zomi te’ Jim Reeves chiin mi te’n a geen uh. Ahina mah a LL Muana hih ei lak a aw hoih leh ngaihnuam mahmah i neih uh tawmchik te’ lak a khat ahi. A innkuan un Hill Town, Lamka ah a khosa lel uh. Aman audio album li(4) leh video album khat(1) khumta hi.
Mt. Carmel School laapi leh Chinkham Modern School’ laapi te ama phuah ahi. A laa sak teng lak a a deih biik ahihleh “I’d rather have Jesus” ahi a, khovel ah mi kuadang teng sang in Jim Reeves mah in zaitha pe peen hi’n thei hi.
LL Muana in gospel laa lam a i khantouh theihna diing uh awlmoh mahmah hi. Aman a damsung teng in Siamtu Pathian phatna laa sak zomzeel sawmlai hi.
H. Mangtungnung
[Nominated for Best Male Vocalist (Gospel)]
Pa’ Min (L) H. Thongkhomang
Nu’ Min (L) Ginngaihdim
Pianni February 28
Pianna Khua Bungmual
Tulel a om/tenna Khua Bungmual
A laasak te tungtawn a tuailai te’ tha thousak a, lametna, haanthawnna leh chouna pia, H. Mangtungnung ahihleh Bungmual ah a zi, Ngaihlun leh a ta te toh khosa uhi. Aman ama’ mimal in album khat bawlta a, a laa sak lak a minthang diakte ahihleh “Aw Nang Karbi Anglong”, “Paallai Ni,” leh “Kuan gawmdiing hiam (feat. Liani Parte)” te ahi. Tuateng lak ah “Paallai Ni,” in tuailai te’ lung a lawngkha diak hi.
Mangtungnung in tuni tan in laa sawmthum (30) veel phuakkhe ta. Tu laitak in school awjapu naa seem a, tumging leh laa lam ah, “Home Coming” a Pathian laa te’n amah kuaizou mahmah hi’n geen. Aman tulai i society uah diktatna kitasam mahmah hi’n mu.
Aman mabaan a tup-leh-ngiim a neih te hichiin geen: “Album thak bawl diing leh tuailaite lunglutna leh siamna sangtak te sukha diing a music leh laa bawla, amaute gospel songs a lungluut sak leh khangthak te lak a Pathian phatna laa sak nuamlua leh kisiik huailou ahihdan’ chi tuhdiing maban a katup ahi.”
Mimin Baite
[Nominated for Best Male Vocalist (Country/Sentimental)]
Pa’ Min Holpau Baite
Nu’ Min Liankang
Pianni December 13
Pianna Khua Lamka
Tulel a om/tenna Khua Eden Huan, Mual Veng, Lamka Tung
“Zogam Rock Star” chia mite’ theih, Mimin Baite in a album masa, Duel Ballads, 1999 kum a a hon bawlkhiat a kipan a sakmin a hongthang khia hi. Eden Huan, Lamka Tung ah teeng a, tulel in thil bangkim ah zonglel laidaan ahi. Aman tunitan in album li (4) bawlkhe ta hi. Tua te: Duel Ballads ( 1999), Ngilhni Omlou (2001), Jesus Sets Me Free (2002) leh Zolianu (2003). Delhi apan MA (Socio) zoukhia ahi.
Mimin ahihleh aneu a kipan music ana lungluut himhim mi ahia, adiak in western rock music lam in su lungluut diak hi. Sentimental, country, rock leh 80's te ngaihnuam sa a, laa bang leeng thum (3) tan phuakkhe ta hi. Phamta Thangboi Mangte leh S. Gouhau te a icon ahi.
Aman a laa sak teng lak ah Zolianu, Baang Theilou, Suul Honghei In chihte deihbiik deuh a, eimi laa a nalh a sakpeen ahihleh “Zogam, Zogam, Pianna Zogam” ahi.
Mimin in i gam ah lemna, muanna leh bitna mah poimoh peen hin geen. I music dinmun bangchi leh dopsang theih hidiing hiam, chia ngaihdaan dawp a a omna ah, aman hichin geen: “Marketing problem i neih ziak ua i dinmun niam ahi. I Zogam a eimi laa sang in namdang laa te a thangzaw a hiai ahihleh media lam a chauh ziak hi'n ka thei, adiak in i local channel te. Huaibaan ah, artist ten theihtawp suah in pan kila a, a music dinmun a khankhiak taktak na’ng in mipite poimoh mahmah hi. A thu kia hilou in a taktak(action) a panlak kisam hi'n ka thei.”
Tulel in album thak khum lel hi. Music hileh thil bangkim a hihtheih lamteng a gam-leh-nam adia panlaak sawm ahihdaan leeng geentel.
D I S C O G R A P H Y
1. Duel Ballads ( 1999)
2. Ngilhni Omlou (2001)
3. Jesus Sets Me Free (2002)
4. Zolianu (2003)
Muana Ngaihte
[Nominated for Best Male Vocalist (Gospel), Best Male Vocalist (Country/Sentimental), Most Promising Artist (Country/Sentimental) & Lifetime Achievement Awards]
Pa min L. Sonzakham
Nu min Chingchiin (Lalbani)
Pianni December 18, 1968
Pianna khua Gelzang
Tulel a omna/tenna khua Khawkawn, Mizoram
Muana Ngaihte’ sakkhiatsa laa te ah, a gil mahmah i laa kammal te, Zomi te ki-itna taangthu te leh i khang taangthu tamtak a kizial khawm hi. Itna buannawi a tummang diing a kisa, khangnou tamtak te, lungzuang tak a a omlai un, Muana in a laa te tungtawn in, kithuahpihna khut a vaan a, zaitha thak guan in, a tung uah kipahna suunni a taangsak zeel hi. Huaiziak tak in ahi a laa te’n Zogam ah tulni a neih ngeilouh diing.
Muana in tuni tan in album 16 veel bawlkhe ta a, laa leeng 187 veel phuakta hi. A laa sak teng lak ah Deih Anglai album a te thang thei peen hi. Tu in ahihleh Pathian laa sa ta a, aman a laa teng lak ah ”Pasian a nei nam a hampha hi” chih laa nalh sa peen hi. Lengtong Pauno in amah inspire zou peen hi’n geen a, i society ua a ngaih poimoh peen ahihleh kipahtawi tuahna ahi.
Aman mabaan ah music video tamsem bawlkhiak sawmlai hi.
H. Muanga
[Nominated for Most Promising Artist (Country/Sentimental)]
Pa’ Min H. Nengkhopau
Nu’ Min Telzaniang
Pianni October 10
Pianna Khua Tuinuphai
Tulel a om/tenna Khua Nehrumarg, Lamka
Eimi laa siam teng lak a aw hoih mahmah, chiang mahmah, zohlah nei hetlou ahihleh Taang H. Muanga ahi. “Baangmoh Ing” laa a hon sakkhiat a kipan amin a hongthang khia hi. Muanga in album thum (3) bawlkhe ta a, laa neu tuamtuam giat(8) leeng ana khum ta hi. A laa te ahihleh laa tualleeng, lungleenna laa lampang deuh ahi. A laa te tungtawn in tamtak te’ lungzuanna hehneem thei hi.
Muanga ahihleh laa saksiam kia ahikei a, laa gelh leeng a siam a, mi lung akuai thei mahmah. Tuni tan in saanneem laa, gamngaih laa leh phatna laa gawm in avek in laa 253 bang phuakkhe ta hi. A laa saksa teng lak ah “Baangmoh Ing” (Saannem Vol-1) deih diak a, fuh leeng a sa peen.
Laa leh tumging lam ah lawm-leh-vual leh mipi te’n haanthawn mahmah hi’n gen a, “Khat-le-khat ki-iit in pangkhawm siamle, thil i hihna kheempeuh ah i gam in ma a sawndiing” chi. Muanga in maban ah video album tamseem bawl tup in nei hi.
Muanlal
[Nominated for Most Promising Artist (Country/Sentimental)]
Pa’ Min Donglam
Nu’ Min Chiinngaihching
Pianni July 16, 1989
Pianna Khua New Lamka
Tulel a om/tenna Khua Hebron Veng, New Lamka
Eimi laa sasiam hong khangthak, Muanlal ahihleh tulel in Rayburn College ah Class XI sin hi. A nu-le-pa, leh a innkuan un New Lamka ah khosa uhi. Muanlal in tukum (2007) in a album masa pen diing in “Muhchil Pan” hon siansuah hi. Hiai album ah Muhchil Pan, Lung Kituak In leh Zogam Nuam chihte a thangdiak.
Muanlal’ in music lam ah Sonu Nigam in amah inspire peen hi’n geen. “Kum 4 ding khawng ka hih a kipan in music lam ka na lunglut kha pah a. Guiter khawng ka lunglut mahmah a, kum 12/13 ka hih in Function na khawng ah Band in laa ka sa sek uh. Huai ah Lead Guiterist khong in ka pang zeel,” chi hi.
Tulai a i music dinmun a bulsuutna ah Muanlal in hiaibang in geen: “Tua i Zogam a i musician te ahihleh a siamthei mahmah mai ua, ahihziak in idea/style lam ah i na backward deuh kha uh chih manthu. Kei muh dan in i siamlouh pen uh ahihleh a mixing thu ah ahi. Midang a toh teh in kei' muhdaan in mixing kisiam zou nailou in ka mu. Music leh mixing ahihleh i singtang pilna uh zanglou in a zatdaan diktak zilphot peuhle nalhmai di'n ka gingta. Mixing kia gentak louh a music mahmah leng zil beh hoih ka sa. Huchi hileh Music lam ah hi'n thil tuamtuam ah i develop mahmah ding in ka lam en.”
Maban ah Muanlal in album khat bawl ka tumnawn hi. “Promoting Concert bang neithei hileng ka ut mahmah khat ahi. Zawl laa hi in Gospel hita leh Album bawl tuak ka tumlai,” chi hi.
S Pauginmuan
[Nominated for Best Male Vocalist (Country/Sentimental) & Most Promising Artist (Country/Sentimental)]
Pa’ Min S. Khamkhomang
Nu’ Min S. Lolia
Pianni December 11
Pianna Khua Lamka, Zogam
Tulel a om/tenna Khua Lamka, Zogam
Zogam zai-oih siam, Taang S Pauginmuan ahihleh tulel in Mual Veng, Lamka Tung ah teeng hi. Aman, ama’ mimal in music album thum (3) ana bawlkhe ta hi. Tua te: Siallouh vangngaih I ( 1999), Siallouh Vangngaih II (2000), leh Tulliim ( 2001) ahi. Shillong a kipan Bachelors in Computer Application (BCA) zoukhia a, tulel in computer works lampang buaipih deuh hi. Laa saksiam kia hilou in tumging chi tuamtuam tumthei a, baan ah laa nga(5) vaal zek bangleeng ana phuahkhe ta hi. A laa saksa teng lak ah “Tulvuah” leh “Sakmeel Etlawm” te fuh sa peen a, deuh biik deuh h’in kigeen.
Music lam a amah inspire tu pen hi a atheih ahihleh, tampi te lak ah, amasa peen in Eagles te ahi. “Ka pa'n ka neulai un Guiter leh Keyboard tumdaan honhilh a, huai apan in tutan music sal ah ka na taang den. A khonung in hiai saltsanna apan tatkhiak honsawm mahle uh kuama'n hontan khezou nawnkei uh. Still then, I have survived mentally,physically and emotionally due to music,” chiin geen.
S Pauginmuan in, laa/music lam a panlaak thak ngaih poimoh ahihdaan geen. I music dinmun a suutna ah leh, a khankhiat theihna diing lampi zonna dia a ngaihdaan ahihleh hiaibang ahi: “Kipahtawi daan leh kitawisaang daan siam i poimoh mahmah un kathei. I laa sasiam neihsun te'n haksa tak a honbawl khiak uh album te teisawn tawmtawm lou in ahi didaan tak leh phatuamngai tak in leisak siausiau theizeel le kipanpih tuahna khatleeng hi di'n ka gingta. Huaibaan ah, i media lam un leeng ei lam laa mah a nalh peen hi in hikei taleh leeng uang bawl le. A thulam gelhsiam ten music magazine bang bawl theile achih huai. Ahihtheih naikei lehleeng tua i magazine neihlel te tungtawn in laa/music lam uang bawl deuh in kihaanthawn daan siam le music lam ah khangtouhna om thei di'n ka gingta.”
Tulel in a album thak diing a buaipih laitak ahi.
D I S C O G R A P H Y
1. Siallouh vangngaih I ( 1999)
2. Siallouh Vangngaih II (2000)
3. Tulliim ( 2001)
S I N G L E S
1. Phualva Dungsuun (with Biaksang) ZAA - Semkhawmni I
2. Nihgel Itna (with Kimneu Shoute) Siallouh Vangngaih II
3. Sian In Siam Hen (with Kimneu Shoute) Album Siallouh Vangngaih II
4. Ngaih lah ngai veng (with Nengzachin) ZAA
5. Sul Honghei In (with Mimin Baite) Dual Ballads
6. Sakmeel Etlawm (2006)
7. Tung Solkha (2007)
T Pumkhothang
[Nominated for Best Song Writer (Gospel)]
Pa’ Min (L) T. Phungzachin
Nu’ Min Jamchong
Pianni 11-8-1968
Pianna Khua P. Munlian
Tulel a om/tenna Khua Lamphelpat, Imphal
(L) T.Phungzachin tapa Pumkhothang August 11,1968 in P.Munlian, Vangaitng ah piang hi. Kum 1988 in Hqrs veng ,Lamka ah hong tenglut in 1992 in Bungmual ah ki suan tou uhi . Naupang neuchik ahih apan music lam lunglut ,tumging vanzat mahni ading kibawl/ kisuih tawm in pantou hi . Khalam pianthakna 1987 in tang a tua hun apan laphuah pantou hi.Kum paisa 2006 in koppih Nungak Mankhanmuan toh Khristian dan siangthouin kiteng ua , tu in Lamphelpat Imphal ah zi leh ta toh khosa lel uhi . Tutanin Pathian phatna la 40 vel phuak kheta a, gamngaihla leng 20 vel phauk khe ta hi.
A laphuah minthang deuhte hiaite ahi:
Zohna toh hong ompih in, Hinna hongpia , Khovel a ka len sungin ,Ka gam uah nang vaihawmin,Hong len in chihte ahi.
Phamta Pumzanang Guite
[Nominated for Best Song Writer (Country/Sentimental)]
Pa’ Min (L) Tualkham
Nu’ Min (L) Dimman
Pianni March 1, 1949
Pianna Khua Songtal
Aman ahon omlouhsanna a sawtsim ta. Ahihhaang in a laaphuah te’n tuhun tan in ei te a hon kithuahpih touden lai hi. A laaphuah te tungtawn in ngaikhe tute, Zokuam mual hing dipdip mun khawng ah hon leenpih diaidiai a, Zolei tuanglam nuam takmai bang ah hon paipih in, Zolui tui siang kelkel te bang, i ngaihsutna tungtawn in, ahon dawnsak hi. Khangthak te’n i Zolei uh lunglai ah ngilh ngeingei lou diing in a hon vaikhaak.
Phamta Pumzanang ahihleh March 1, 1949 in Songtal vangkhua ah piang hi. Hiai khoveel a a leensung in Zogam ngaihlaa, gil mahmah, thuuk taktak 32 veel phuakkhia hi. A laa gelh te’n tunung hun a khangthak te’ adia poimoh, phattuam, et kiikiik diing leh kepbit diing a hoih, a gil mahmah, i laapau te a tuun hi. A laa phuah te lak a minthang diakte ahihleh “Zokuam damdiai,” “Vaimang Siamsil,” “ Dumpuan Zemnou,” “Ava liimlian Phualva” leh “Laamlaam ni” chihte ahi.
A laa gelh te “Pupu Gamlei I” album ah Ngaikhanching leh Thiansong te’n sa ua, huaibaan ah, a “Pupa Gamlei II” ah Chingthianngai leh Thiansong te’n sa nawn uhi. Sakkhiat louh leeng hunkuam tak omlai hi.
Pu Pumzanang, kum 1962 apan 1964 kikaal Assam Regiment ah va pang a, huchiin hongtawp in 1975 apan Manipur solkal nuaiah Field Assistnt nna sem hi. Kum 1976 in Liankhongai (Ngaipi ) Singngat khua toh kitengin goutan tapa 5 nei uhi. Kum in 1998 in Assistant Extension Officer dinmun ah kaisang hi Songtal apan 1975 in Singngat khua ah hong peemluut uhi. Singngat akipan Thanlon ah 1980 in peemluut nawn a, 1982 in Lamka ah kituan suk nawn uhi. A kumnawn, 1983 in kholui lam, Singngat mah ah hong peemtou nawn leuleu a, huai ah 1996 tan khosa uhi. Tuazoh in Lamka tungkiik nawn uhi.
Amah Pu Nang, laa phuah a siam baan ah guitar leh harmonium siam mahmah a, hawiin guitar siam diak hi .A mihin zia –nunnem, kam tamlou , khuak zangmi , thu leh la lunglut, khangthu suimi khat ahihnate theiin Siamsinpawlpi Hqrs in i minam adia a nasep te thupi leh manpha sa in 1991&1993 kumte in Merotirious Award an ape ngei ta hi. A laphuah siamna ziakin “Zomite’ Rabindratagore” chih min leng piak ana hi hial hi .
A vaang nibang a luun a a omlai in, May 23, 1998 in a zi iittak, Liankhongai in vangsiat huatak mai in damlouhna ziak in beisan hi. Huchiin, Pu Nang ngei leeng, a kumnawn, January 12, 1999 in a duat mahmah a tapa 5 te leh, a iit ngoihngoih a Zogam lei, nusia in a thaitong siang a hon zotsan ta. A kha uh khawl tawldam heen!
A gamlei a dia a thilhih thupi takmai te ziak in, tomchik hiai leitung a ahinsung in, pahtawina tam dong mankei mahleh, a sihnung in, Zomi te’n kipahtawi chim thei mahmah lou hi.
Suunni mual a tumdiing kuan a, huihkhi’n thelnah a muut liing selhselh bang in, Pu Nang in a zailaa phuah te’ tungtawn in, michih’ lung ahon mutliing a, i sinlai thuuktak in a hon vutsuk a, i lunglai ah, a khaap chiantak mai a hon nuutsiat hi. A mang ngeingei nawnlou di’n.
Shoute Chingnu
[Nominated for Best Female Vocalist (Country/Sentimental)]
Pa’ Min Shoute Ngulzathang
Nu’ Min Niangkhochiin
Pianni 05-03-69
Pianna Khua Tuibul Village
Tulel a om/tenna Khua Tuibuang
Shoute Chingnu, a.h.k., S Chingnu ahihleh a tul thei ngeilou diing, Zomi te’n gou manpha i neih uh ahi. Tuni chiang dong in, huailai a kipan ana sak zailaa te’n mi te a su lungleeng thei lailai hi. Hun te kihei in, khang kidang tou zeel mahleh, “Selung geelnawn in,” ahihkei leh, “Zaansawt leidi” chih laa te zaw, adang tampi lak a i geenkhaak zual ahi a, i chihuum thousak zou laa ahi tou zeellai uh. S. Lalpu toh a sak uh “Besam puahsiam” bang leeng a thang mahmah khat ahi.
S. Chingnu in a album masa peen, 1986 kum in “Pallai” hon bawlkhia hi. Huai a kipan in, a min in Zo mualkuam leh munchih a hon veelsuak pah a, 1990s lailak veel tanpha in a luun peetmah hi. Tutan in aman album 11 bawlkha ta hi. A laa te ahihleh laa tualleng, lungleenna leh gamngaih laa bang ahideuh a, tualou in Krismas laa album khat, “Lemna Kumpi hongpiang” amah mah in a produce hi.
S. Chingnu in lasak pen a neu apan na lungluut ahihdaan geen a, Pathian’ thilthawn piak atan hi’n thei. Mariah Carey leh Elvis te a mi ngaihsaang peen te ahi uh. Aman eimi laa te dinmun a genna ah, pankhawm poimoh mahmah, chi. Huaibaan ah, kisinna leeng ki phamoh peetmah hi’n mu. “Eit’en laa i khumdiing chiang un studio sung khawng ah i ziltawm a, ni khat/nih sung a album khat bawlzou te i hi ua…” chi.
Aman a laasa lam te apan panlaak thak a, kidemna lungsim neihtheih poimoh hi’n thei a, tualou in a ngaikhe tu te’n leng pahtawi hiam, dopsangna diing ahihnak leh laa kibawl te ana leisak hiam a i pantheihna om ahi, chi hi. “Huchi leh malam ah i lohching ngei diing un a ginhuai,” chi hi.
D I S C O G R A P H Y
1. Pallai (1986) VL Muani & V Sonpu Produced by V Vungzathang (Zenhang Lamka)
2. Senchiil Tongsan (1986) N Lalpu Produced by H Khampu (New Lamka)
3. Ngilhlouh Zogam (1987) Produced by R Sanga (Imphal)
4. Zuunlouh Zogam (1988/1989) V Siampu, Damhoihching, Thangchinlian Produced by S Thuamzagin (Mualkawi)
5. Lemna Kumpi hongpiang (1988) Produced by S Chingnu
6. Selung gelnwan in (1989/1990) Produced by S Khanmung (New Lamka)
7. Zo vakhu kopbang in (1989/1990) Haumang Produced by TK Lal (Zoveng)
8. Zaansawt leidi (1996) Produced by Thuama Lamka Hardware Store (New Bazar)
9. Semkhawmni ZAA Produced by ZAA
10. A etlawm ngei Biakmuan Ngaihte, Melody Changsan Produced by Biakmuan Ngaihte (Mission Compound)
11. OST “Chenna Zogam” “Poppy” Produced by Tongpu Kipgen
V Siampu
[Nominated for Best Song Writer (Gospel), Best Song Writer (Country/Sentimental), Best Male Vocalist (Gospel) & Lifetime Achievement Awards]]
Pa’ Min V. Tualzam
Nu’ Min Kaikhoning (L)
Pianni 25th May, 1962
Pianna Khua Palkhuang Village
Tulel a om/tenna Khua Upper Lamka
V. Paukhansiam a.h.k. V. Siampu ahihleh ei Zomite laka lasak leh la phuah siam penpente laka khat ahi hi. Amah May 25, 1962 in Palkhuang khua ah piang a, tulel in Upper Lamka ah a innkuante toh khosa lellel uhi.
Amah hih lasak kia hilou in laphuah banah solfa leh tumging nehsawh mahmah ahi hi. Aman sumbuuk ngak kawm in gam-le-nam banah chi-le-sate itna ziakin lasak leh solfa hilh in a hun tamzaw zang hi. Ama lasak zakha phot om maimai theilou uh kichi hial khop a zaideih awih siam ahi hi. Aman “Agape Music leh ABBA te tungtawn a la lama inspiration ana mu” kahi chi hi. Gam-le-nam it mahmah mi ahih manin leitung pumpi a Zomite pumkhatna ding deihna in la tampi mahmah ana phuak a, i gamsung, imi-isa laka kituahlouhnate a puaknat mahmah ziak in “Selung Tuaklou” chih la leh adangdang tampi mahmah ana phuakkhia hi. A laphuahte laka a deihbiik “Hong Len Gige’n” chih la bang i biakna labu tanpha ah ana tuang hial hi. Hiai la in mi tampite khalam ah hihhat in tampite adia khanlohna suak hial hi a theih ahi. Ama lasak jak himhim thathoh huai mahmah hi.
Unaupa V Siampu in 30th September 2007 tan in gamngaih la, Pathian la, leh zawlla kigawm in la 358 phuakkhia a, a laphuahte a tamzawtham amah mah in sa hi. Amah mimal mahmah in recording/album nga (5) bawlkhe ta a, midang toh pangkhawm in guk (6) bawlkhe lai hi. Maban ah music leh la lama i nam khantouh sem na dingin midangte pahpih a tawsawn touh zel ding a tup-le-ngim hi gige lai hi. Gam le nam adia a laphuah leh sakte tungtawnin i nam hong khanglou leh i chi mahmah hi.
Mimal a album bawlte:
1. Mualdawn Siamsin
2. Vangsel Zolei
3. Tunnu itna
4. Kumpite Kumpi
5. Laizom Teng Aw
Midang toh bawlkhawmte:
1. Junlouh Zogam
2. Lunglel ken
3. Lemleng hen
4. Tulmoh Hen
5. Tunnu Zogam I
6. Tunnu Zogam II
7. Semkhawmni II
Sonmuan Valte
[Nominated for Best Musician/Instrumentalist]
Pa’ Min V. Paukhansiam
Nu’ Min Donnu
Pianni May 7
Pianna Khua Kangkap
Tulel a om/tenna Khua New Delhi
Zomi musician teng lak a naupang peen Sonmuan Valte ahi. Music vanteng khoihtheih mahleh Sonmuan in drums khoihdeuh a, a siam mahmah mai. V. Siampu’ ta ahi a, huai dungzui in aman “Ka pa’ a kipan hiai tumging lam a ka lungluutna ka laaksawn ahi, “ chi. Apa mah in amah inspire peen hin geen.
Sonmuan in tulel in Delhi ah hotel mun tuamtuam ah music va tumzeel a, tuni tan in band tuamtuam ah ana pangta hi. Tua te Krypted Xeneration, Rabbi, Zonamkhankhual, Zonam, McPie ahi. Tulel in McPie a di’n drums tum hi.
Sonmuan in khoveel ah musician a ngaihsaang peen te ahihleh Tony Royster, Jr. leh Mike Portnoy te khawng ahi uh. Band ah ahihleh Linkin Park, System of a Down chihte khawng a ngaina. Alternative, hiphop, punk rock chihte a paipih daan ahi.
Aman tulai in i music dinmun in changkaan lam nawtdeuh hi’n mu. “”Eimi te’n mi’ nungzuih i chiing ua, a hoih himai. Ahia, mi i etton lehleng a saang lamte mah enton le. Nai chikchik, niam chikchik a te enton lou in. I tupna mah ana saang leh hoihdiing hi,” chi.
T.G. Lian Valte @ Zaia
[Nominated for Best Musician/Instrumentalist]
Pa’ Min V. Khoikhandai
Nu’ Min Kawlthangpuii
Pianni Febraury 14, 1969
Pianna Khua Saikot, Lamka
Tulel a om/tenna Khua Vengnuam, New Bazar, Lamka
1990s bullam a “Pianna Danglou” laa a hon sakkhiat a kipan TG Lian Valte laa siam in a hong minthang khia hi. Tulela ei Zomi Musician te laka suantham ching leh sound operating lam siam mahmah te laka khat ahi. Ahia, laa sak saang mah in music lam a tempaina hizaw a thei ahingei dia, Lamka a ZRS Recording Studio ah musician leh sound operator in pang hi. Amah keyboard a tum deuh
TG Lian in laa nga (5) bang phuakkhe ta a, music lam a amah inspire tu pen hi a atheih ahihleh, apa, V Khoikhandai ahi. la phuah te kuamah buaipih ngai sese lou in, amah leh amah akaih kibawl thei a, ki tum thei a, ki sak thei a, ki khum thei lai zomah hi. Hichibang a talent hoihtak nei leh manphatak a zangthei eilak kia geen taklouh, sapte lak ah leng tamlou hial diing hi.
“Eimi te i Pathian’ thu dan a i kituah zohlouhna ahi i society ua ka ngaih poimoh,” chiin geen hi. Tu in a zi leh ta toh, Vengnuam, New Bazar, Lamka ah a khosa hi.
V. Thangbiaklal @ Biaklal
[Nominated for Best Song Writer (Gospel) & Best Male Vocalist (Gospel)]
Pa’ Min Roubul Valte
Nu’ Min Nianghoihkim
Pianni December 27
Pianna Khua Bethel Veng, Singngat
Tulel a om/tenna Khua Andheri (E) Mumbai
V. Thangbiaklal a.h.k. V. Biaklal, ahihleh tuailai te lak a biakna-leh-phatna piitu hi a miteng in a theih uh ahi. Grace Bible College, Lamka a kipan theology ah degree sinkhia in tulel in Andheri Baptist Church ah “worship leader” in pang hi. Laasiam a a hong minthan khiatna ahihleh 2002 kum a Baptist Youth Fellowship, Central Lamka EBC in a bawlkhiat, "Jesu Nang Vang In" album a laa honsak a kipan ahi. "Jerusalem Thak" chih laa a thangdiak.
2007 kumbul in Biaklal in, “Itna Lamdang” chih album amasa pen di’n hon bawlkhia hi. Hiai album ahihleh a a sanggam te, Grace Siamte & Felix Sangboi toh a bawlkhawm uh ahi. Amah ahihleh a neu apat tumging leh laa lam ana lunglut hi a, tumging laklak ah keyboard leh Guitar tumsiam peen hi.
Biaklal in i music dinmun dopkaang na diing toh kisai a a ngaih poimoh thute hiaibang in geen:
“1) Pathian laa sate hi’n Zawl laa sate hi’n, music tumsiamte hita leh, Siangthouna leh Pathian zahtakna toh I sak a, I tum pat chiang un music dinmun hong khangtou pan ding in ka ngaih tuah hi.(Pathian a masa pen a koih phot kisam hi)
2) Mipite Music leh laa ah I hong lunglut pat chiang un music lam ah khantouhna hong om ding hi.
3) Khat leh khat kipah tawi / kitawi sang tuahna lam I chiil bawl louh uh khantouhna dingin poi mawh mah mah hi.
4) Pathian laa hi’n Zawl laa hitaleh, a phuak thei ten phuah theih zah zah phuah a sak khiat theih zah zah I sak khiak phot ding uh khantouhna di’n poi mawh hi.
5) Phatuam ngaihna bek in kon lei sak di…ci thei chiat leng, banah, Album hong bawl zel zel un a Producer in ka pang di. Hichituk a khat leh khat ki ngaina a ki domsang tuah nuamte I hong hih chiang un Music leh laa lam kia hilou khosakna lam ah zong khantouh na thupi hong om ding in ka ngaih tuah hi.”
“Tuailai khangthak laa siam taktak, khosakna haksat ziak a Album bawl zoulou i lak ah tampi om diing in ka ngaihtuah…” chiin leeng geen.
Biaklal in “Ei toh kituak tuak in, laa leh Music lam ah ma nakpitak in I sawn ua, I khangtou mah mah ta un ka thei” chi hi. Huan, aman, mabaan ah, a hihtheihna zahzah a Pathian gam nna septouh zel sawm hi.
D I S C O G R A P H Y
Itna Lamdang
January 2007 (Cassettes & VCDs)
Produced by Roubul Valte & Nianghoihkim
Genre: Gospel
S I N G L E S
1. Van Jerusalem Thak (BYF Central Lamka) Jesu Nang Vang In
2. Phat ding kilawm (BYF Central Lamka) Jesu Nang Vang In
3. Jesu, ka hinna , ka damna (BYF Central Lamka) Jesu Nang Vang In
4. Muanhuai na lian (BYF Central Lamka) Na Lalgam Hongtung Hen
5. Na itna ki ningching (G.B.C. Students) Tangtawn Pathian
6. Itna lamdang (feat. Grace Siamte & Felix Sangboi) Itna Lamdang
7. Ka bit den diing (feat. Grace Siamte & Felix Sangboi) Itna Lamdang
8. Siamtu thupi Itna Lamdang
9. Ka theita Itna Lamdang
10. Vangkhua et lawm Itna Lamdang
Thangboi Mangte
[Nominated for Best Male Vocalist (County/Sentimental) & Lifetime Achievement Awards]
Pa min Kaigin Mangte
Nu min Niangzam Mangte
Pianni June 24, 1968
Pianna Khua Mata khua
Tulel a omna khua Mata
Mi khenkhat te’n “Zomi te’ Kishore Kumar” ana chihial mahle uh, Thangboi Mangte zaw tehpih bei ahi. Amah kaan a Zomi te’ lak a aw hoih om di’n a gin huaikei, chi le’ng i geenvaal kei maithei. A sakkhiat sa zawllaa, laa tualleng leh gam ngaih laa te’n tuni dong in Zo vontawi te a thazoh lailai hi.
Thangboi in album 15 ei te’ ngaih dia hon nuutsiat nung in a tangtawn mun diing a hon zotsan a. A laa sak te lak a tul thei ngeilou leh a thupi diak te ahihleh “Lungtup lia vangngaih aw,” “Gibang khenna,” “Paaldang englou,” “Lengkul,” “I simthu chiam,” “Oho, nang nana hi maw” chihte tampi lak a i geenkhaak zual ahi uh. Amah ahihleh eimi lak kia hilou in nam tuamtuam te’ lak ah leeng a luun mahmah hi.
Thangboi in a hinsung in laa li(4) ana phuak manta hi. Tua te lak ah a iit, tongsaan ngaihnou, a innteeknu a phuahna “Angkawi Lelliang” leeng a tel hi.
Phaipi Thangthanlian @ Thanlian
[Nominated for Best Musician/Instrumentalist]
Pa’ Min Dr P Nengzadou
Nu’ Min Khamzaching
Pianni November 9
Pianna Khua Lamka, Zogam
Tulel a om/tenna Khua Minto Road, New Delhi
Siamsinpawlpi a dia kipe zou mahmah, music tumsiam Thanlian a theilou mi a vaang diing. Aman siamsin khawmpi leh mun tuamtuam baan ah, hotel khawng ah music tumzeel hi. A lawmte toh kipawl khawm in McPie chiin kimin vuah uhi. Hiai band ahihleh 2002 a a phuan uh ahi. Tualou in, Drixian Empire ah leeng 1999 apan ana pangta hi.
Thanlian in lead guitar tumdeuh a, McPie min in laa nga(5) veel khumta uhi. Jimmy Hendrix, Black Sabbath (Ozzy Osbourne), Motorhead, Deep Purple, Bob Dylan, Rolling Stones leh adg. adg. chih khawng te’n amah inspire deuh hi.
Aman, “Nidang in nu-leh-pa te’n music poimohna theisiam lou ua, a ta te uh music lam a pai di’n a deihsak kei uh. Tulai in ahihleh i lungsim uh hong kihong deuhta a bang,” chi hi. “Tulai in hong khangthak te, siam taktak bang om mahle uh a pitu diing ki omlou a, music skul bang omlou in sau i tung theikei uh. Adiak in sum-le-pai lam a i buaiziak uh ahideuh.”
Thanlian in a ngaih poimoh mahmah leh khamtheih toh music i zopkhawm daan uh ahi. “Music i tumdek chiang hiam, laa sakdek chiang bang in a nopna din namcheuh chhidaan khawng a kichiing a. Bangtan hiam nung in, a music lam sang in huailam a hong nasa zawzeel,” chi hi.
Eimi lak ah aman Zorock ngaisang peen hi.
Thuamzalun Thawmte @ Lun Thawmte
[Nominated for Best Song Writer (Gospel)]
Pa’ Min V. Aithang
Nu’ Min Khawlthuam
Pianni November 23
Pianna Khua Lenglakot khua, Lamka
Tulel a om/tenna Khua Bersarai, New Delhi
Khangthak te’ lak a laa gelhsiam leh laa kaih bawlsiam a minthang, Taang Thuamzalun a.h.k. Lun Thawmte ahihleh tulel in Delhi ah NGO a nna seem in Bersarai, South Delhi ah khosa lel hi. Amah a minthanna ahihleh, kum 2000 lakveel a i music scene a ahongluut a kipan, pop culture, laa kaih leh laa gelhdaan chithak a hon puakluutna ziak ahi. Laa tualleng guk (6) leh phatna laa sawmnih-le-nga (25) veel phuakkhe ta hi.
Lun Thawmte in laa gelh saang mah in a kaihbawl lunggulh zaw a, huaiziak in a kisakhia toh a kisa khelou toh agawm in 100 vaal bang laa kaih ana bawlta hi. Tua te Benjamin Thomte, S Pauginmuan, Mimin Baite leh mi tuantuam in honsa khia uhi. Tunai a kipan in aman Biakleh leh Phatna lam hon piibawl zawta.
A laa phuahkhiat lak a “hit” peen hi a kithei ahihleh “Jesu Nang Vang In” ahi. Hiai laa ahihleh Baptist Youth Fellowship, Central Lamka, Evangeical Baptist Convention in sakkhe masa peen uhi. Ahia, aman, mimal tak in “Ka lungtang nei in” chih laa nalhsa peen hi. Hiai laa bel, Grace Siamte in video album “Phatna Late Vol-II” a asak ahi.
Lun Thawmte in naupang chik ahih apan a Ute solfa zilna ah zuisek a, huailou in inn a akep diing guitar nei a, tua in laa leh tumging lam ah ama’ a din kalbi hoihtak mai dohkhiat sak hi. Aman, “Ka ngaihkhat diing in ka U in Contemporary Christian Music hon leisak zeel a, tua in ‘gospel music tastes’ hon pia,” chi hi. “Pathian in hihtheihna hon piak siamnate zang in, la paizia te sui leh kei hun a tuailaite ngaihnat lam in lagelh leh kaih bawl ka thuahzel,” chiin leeng geen.
Aman tulai i society a ka ngaih poimoh mahmah khenkhat te hiaibang in taaklang: “I society in poimoh I hau petmah a bik in la leh tumging lam ah kalbi tamtak suan ding a om lai.
- Laphuah kizahpih kei ni.
- A sak zilsiam ni.
- Phuaktam in sakhe tam peuh phot len’g mailam I nawt ding.
- Nu leh pa te’n I tate’ lunglut leh siamna hi a I theih leh tawsawn in zilsiam sak ni. A neu ua pan ngaina sak phot len’g a ban limchi mahmah ding. A ziak bel siamna a val omngei lou hi. Nekzonna pen in zang kei mah le uh, I nam I gam a dia suanhuai a omding uh ahi chih lungsim chiat ah nei thei le’ng.
- Milip te’n tuabang talent neite zathuap le’ng – sum leh pai ah, hanthawn thugen leh pahtawi dan siam kawm zel in.”
Aman a hihtheihna lamlam a, a sa siam te leh a phuaktu te kithuahpihna khut len nuam gige hidaan in geen.
Vungthiankim
[Nominated for Best Female Vocalist (Gospel) & Most Promising Artist (Gospel)]
Pa’ Min Upa. T. Paukhansiam
Nu’ Min Ngainiang
Pianni October 24, 1988
Pianna Khua Bethel Veng, Singngat
Tulel a om/tenna Khua Vengnuam, New Lamka
A aw leh a laa sak te tungtawn a mi’ lungsim vut tenten thei, aw siang kilkel, “Van Angel’ aw nei” chia tamtak te’n a geen minthang uh Vungthiankim ahi. Atom in Thiankim. 2006 in “Agape Itna” laa a hon sakkhe (thak) a, hiai in a Zomi te’ tumging khoveel ah, a dinmun saangtak in vawkkaang tou hi. Thiankim in amah mimal in album bawl khe naikei mahleh, album nih (2) ah laa agawm in sawm (10) veel ana sa khe ta hi. A aw neem ngiingei, luang diaidiai te khangthak te leh upa lamte’n zaaknuam asa uhi.
Thiankim in BA Ist year, Lamka College ah sinlel hi. I music dinmun dopkaangna di’a poimoh asak mahmah ahihleh ”PANKHAWMNA” ahi. “Eilak ah pankhawmna kisam deuh hiin ka thei a, laa lam leh music lamte adin a buaihuai mahmah ding hiin ka thei,” chiin Thiankim in geen. Zaan zek a laasiam a kithei himahleh hong minthang mahmah a, aman tuate tungtawn a amuhsuah thil hiaibang in geen: “Aminpu a lasa leh thilhih hilou a, koilam peuh ah mi i phak theihna dia pan naktak a lakdi ahi chih ka mukhia.”
Thiankim in, “Dam a Pathian in ma honpi leh, tunung zek chiang in album thak ka honkhiat sawm,” chi hi . “Huaiban ah Christmas laa le khum sawmsim dan ka hi,” chih behlap.
D I S C O G R A P H Y
A tribute to Mrs (L) Niangsonching
2006 (Cassettes, CDs & VCDs)
Produced by Mr. Mawite
ZRS Recording Studio
Mikhual lel kahi
2006 ((Cassettes, CDs & VCDs)
Produced by Mrs. T. Gelniang
Roungul Recording Studio
S I N G L E S
“A tribute to Mrs.(L)Niangsonching” (2006)
1. Agape Itna (phuaktu - David Kham)
2. Nungchiang in thei ni
3. Ka ngetlouh zawk vualzawlna
4. Kris hi ka suangpi
5. Mikhual lel kahi (phuaktu - Job.B.Lian)
“Mikhual lel ka hi (2006)
1. Hong leng in (phuaktu - V. Nunlian)
2. Kris hi ka suangpi
3. Ka khe te’n na lampi tawn hen (phuaktu - V.Siampu)
4. Jesu a lawm hoih
5. Damna tui (phuaktu - V. Nunlian)
ZOKIDS
[Nominated for Female Vocalist (Gospel) & Most Promising Artist (Gospel)]
Zomi te lak a masapen naupang kum 6 apat 9 kikal numel leh pasal, Pathian phatna laa sapawl “ZOKIDS” ahi. Zokids ahihleh Pu G Ginlianthang in March 10, 2007 a a patkhiat ahi.
A album masa peen uh “Pension” May 12, 2007 in sianhonna nei ta uhi.
ZOKIDS te’n Zo huihkhii nasatak in a honveelsuak ua, mipi te a paakta lou kuamah omlou phial hi. A naupang thei ua, mabaan limchi takmai a nei ua, phungvuh tuak mahmah hi ua theih in om hi.
ZOKIDS member te:
1. Khamlianding a.h.k. Dingding
Pa’ Min N Thuamkhansuan
Nu’ Min N Chingnuam
Omna New Lamka (G)
Pianni September 14, 1998
Siamsinna Class III, St. Paul’s Institute, Lamka
2. Gelkim
Pa’ Min Tualkhangin
Nu’ Min Vungneihching
Omna Dorcas Veng, New Lamka
Pianni January 24, 1997
Siamsinna Class VI, Ebenezer Academy
3. Lunsanglian a.h.k. Sanglian
Pa’ Min G Ginlianthang
Nu’ Min Lhingkhongah
Omna New Lamka (G)
Pianni March 4, 2000
Siamsinna Class II, St. St. Peter’s School
4. Chiinsianmuan a.h.k. Sianmuan
Pa’ Min N Kapchinthang
Nu’ Min Nemdonching
Omna New Lamka (G)
Pianni September 2, 1999
Siamsinna Class V, Rayburn High School
5. Baby Nemlawmkim
Pa’ Min G Ginlianthang
Nu’ Min Lhingkhongah
Omna New Lamka (G)
Pianni March 13, 1998
Siamsinna Class III, St. St. Peter’s School
ZOROCK: L. Rosanglian
[Best Musician/Instrumentalist]
Pa’ Min (L) L. Lalngheng
Nu’ Min Chinglian
Pianni August 10, 1956
Pianna Khua Khokawn, Mizoram
Tulel a om/tenna Khua Umpling, Shillong
Zomi te’ “Rock Music a Kumpi” chi kaan a genbeh diingdaan a omkei. L. Rosanglian in 1994 in “Zorock Vol II” a hon zuakkhia hi. Album zuakkhia maimai hilou in, Zomi te’ music ah a om ngei nailou, rock music a hon poluut a, huai a kipan tuni tan in khangthak te’n a khekhaap a hon zuitou ta uhi. A album bawlkhiat nung kum hiaizah paita mahleh, mipi kithuahkhawmna function/conference khat peuh a omchiang in Zorock laa te, kisa lou in a om ngeikei himhim. Tuni tan in leeng.
L Rosanglian in tuni tan in recording sawm(10) bawlta a, eimi laa ahih leh khat(1) ahi. Laa zakhat(100) vaal bang a phuakkhe ta hi. Aman Beatles, Bon Jovi, CCR, Abba chihte khawng in zou peen hin gen a, a laa phuahsa teng lak ah “Paallaini “nalh sa peenlai hi. Tulel in BSF Brass Band, Shillong ah Bass Guitarist in pang hi.
Aman i society uah neekgukna mahmah ngaih poimoh in nei peen hi.
Zorock in Mizoram ah Best Male Singer Award (1993) leh Song of the Year Award (1994) ana la ta a, 1993 in Best Composer nominee ngah hi.
Himahleh, 1994 a eilak a a hon zuakkhiat, Zorock Vol II album khawng hoihlou in mang mahmah hi. Omdaan bel, eimi te’n tua hunlai in rock music ngaih diing daan i na thei naikei uh. Ahia, tuni dong in, Zorock in, hong khangkhe thak “khangthak te” a inspire tou denlai hi.
