Lametna Nizung A Vaaklai In

[ J U L Y 7 , 2 0 0 6 ]

KUM KUA paita, tuni in a mangngei nawnlou di’n Singngat khangthu gelh in ana om hi. Hiai ahihleh Singngat Puuksiat Ni* ahi. Khopi thupi leh etlawm takmai, Singngat vaangkhua ana puukse ta. Thoungei nawnlou diing in. Tuni tan nidang bang in Singngat a paakluun zou nawnkei. Nelhsiahna nuai a khosa mipi te a di’n lametna a tawm ngeimai. Huchihlai in sepaih te’ panlaakna tungtawn in khosung puahphat hong hipan ta a, hiai in mipi te thathou sak mahmah hi. ‘Mahleh, huih hongnung in thil buaihuai pipi hon peisuah hi. Ahia, meipi kawm apan nizung hong kikhoh khethei zeel hiveen maw.

Kum sagih paita in India-Pakistan gamgi Drass mun ah General Arjun Ray, PVSM (Retd) in mipi te a khut vaan in avai leplep hi. Himahleh amau a ngaihsak kei uh. Hiai in mi te’ lungsim a langchiang sak mahmah hi. India in hiaibang a mipi te’ khohei daan apan a lungsim uh ana man hileh 1999 Kargil buaina a tungkei maithei.

Huchiin, Kargil buaizoh a kipan in India in khanlohna thak khat a honnei hi. Meithal haatna in gaal a zoukei a, mi te’ lungsim zohna in gaal a zouzaw, chih hon theikhia hi. October 10, 2001 in Gen. Ray in “Helpawl te’ nnasep daalna di’n Operation Sadbhavana (goodwill) pat ka sawm,” chiin puang hi. Hiai in a tup ahihleh Kashmir gamgi lak a mipi te - nna hoihsep tungtawn a - suk lungkim a, mipi te’ panpihna toh helpawl te doudiing, chih ahi. General Ray in hiaibang nnasep te Maal-Suah bial leh Naxalite te haatna mun te ah leeng pat ahidiing, chiin geen hi.

Operation Sadbhavana, a.h.k. military civic action, ahihleh hunthak a gaaldou daan chikhat ahi. Hiai nnasepna’ khuampi ahihleh “mite’ lungsim zohna” ahi. Kashmir phaizaang a mite lak ah sepkhiat in na om a, nnasepna mun diing te Army headquarters in a lemsak pih khitchiang a phualpi solkal a kipan sum hongpai ahi hi. A lampi sialtu sepaih te ahi ua, amau district vaihawmtu te, NGO te leh mipi te’ makai te toh kithuah in nnaseem uhi. A huapkhaak deuh te ahihleh, lasinna lam, damtheihna, khotaang khantouhna leh numei te dopsaangna lam ahi.

Operation Sadbhava a lohching mahmah hi. Hiaiziak in mipi te’n sepaih te kithuahpih in helpawl te awl in heemkhia ua, sepaih te’ kiang ah thu poimoh taktak hilhtu in hongpang ta uhi. Hiai in helpawl te’ masawnna naaktak in daal hi. Pakistan-tosawn helpawl te’ suksiat lei, lampi leh skul te bang sepaih te’n tungding ua, solkaal nnaseem te’n leeng a sepna munchiat uah hongkiik nawn pan uhi. Huchiin khua tamtak tunding in a om hi.

Maal-Suah bial ah leeng hiai MCA project naaktak a sepsuah in om hi. Kia geenlouh, i district sung, leh i Zodawn khua khenkhat te ah leeng. A kipahhuai mahmah. Solkal nnasewem te taihsat sa; electric, telephone leh khoveel changkaanna in a bat phaaklouh khua te a hiaibang nnasepna eite a di’n a hamphat huai mahmah hi.

Lt. Gen. ZU Shah, GOC 3-Corps in Singngat ah December 14, 2005 in hiai MCA nnasepna di’n a suangphuum honna nei a, Singngat “Border Model Town” suahsakna dia panlaakna hidaan in geen hi. Hiai diing in Rs. 3 crore sehkhiat in om hi. A fund kihawmzaak daan te i endiing. Govt. High School building puahphatna - Rs. 6 lakhs, library & recreation centre - Rs. 12 lakhs, children park - Rs. 2.5 lakhs, boys & girls hostel - Rs. 50 lakhs, traditional gates - Rs. 3 lakhs, solar-based street lamps - Rs. 12 lakhs, singkung 500 suanna diing - Rs. 3 lakhs (hiate 2005-2006 sung a zohsiang diing); community hall - Rs. 42 lakhs, water harvesting scheme - Rs. 16 lakhs (2006-2007); leh, vocational training centre - Rs. 10 lakhs, stadium & indoor sports complex - Rs. 35 lakhs, bus stand - Rs. 9.5 lakhs (2007-2008). Chiltui kaizeen in simtheih leh kilawm. Lt. Gen. Shah in hiai nnasepna tengteng 2008 tan a zohsiang hidiing chi hi.

Huchiin, tukum bul a kipan hiai nnasepna pat in om hi. ‘Mahleh, mipi te’ kinepna khenlam pek ah thil a hongpai ta. Lohbei a nna sepsak in a om uhi. Nikhat-ninih lel ahikei. A kaal a sim, a kha a sim bang alou-theilou a kuan ngai ahihziak in neektawm zong mipi te buai peetmah uhi. Lah, lohngaihna a thei tuankei uh. Hiai thu awlmoh in unaupa T. Dongkhansiam in sepaih te’ tatleekna te tanchinbu tuamtuam ah na “phoulang” a (IFP May 20, TSE May 24), kintak in Singngat a om 2nd CO leh engineer pa (Major/Adj, talpaak te) suankhiak in omngaal uhi. Adaantak bel, a heutu lam te’n mipite lohbei a nna sepsak diing ahihlam ana geelkha ngeilou himhim uhi. Huchia suankhiak a om officer te’n unaupa Siampu sam in kou toh thuah in sal zialzial uhi. Simmoh kampau kha taktak zatkhum uh a, adiak in talpaak pa’n bang, ei, singtaangmi te hon simmoh mahmah hi. A na lotel. A kha lotel. May 23, 2006 ni ahi.

Hiai thu in khoveel kilchih a Zomi te a deengsuak pah hi. Internet discussion forum te ah kikupna a sousaang mahmah. Zodawn mipi mawltak te’n hiaibang a nelhsiah a a omlai ua, leh Lamka a media te nasan in a nelhsiah lai ua, a tanchin te uh Denmark, Ireland, US, Congo, New Delhi leh gam tuamtuam a om Zomi te’n a na thuakpih mahmah ahi uh, chih a theih chiang un kipahna khitui a nuullou theikei uhi.

Capt. C. Tonsing, (DR of Congo) in, “Army te chihman a lauhbawl leh achih peuh uh hihdiing chihna hilou ahi,” chi hi. “Civil mi lohbei a nna sepsak chih peen army a.h.k. para military rules/regulations khat peuh ah kimukha ngeilou hi,” chiin Major Thangson Shoute in geen hi. “I dikna thei in sepaih te’n diklou tak a honhih chiang un anai peen 57 Mtn Div (Leimakhong) ah report pahpah thei le’ng kua’n hon simmoh theilou diing ahi.”

Hiai tungtaang ah ngaihtuah diing thil poimoh thum a om. Khatna ah, military civic action himhim mipi te’ a diing liuliau a sep ahia, huaiziak in mipi te suk lungkimlouh theih ahikei. Nihna ah, mimal in ngaihdaan leh deihdaan geentheihna di’n zaleenna zaautak i neichiat uhi. Bangmah in a honkhaam theikei diing. Sepaih hi’n paih-lou hitaleh.A tawpna leh a poimoh peen in, hiai nnasepna bangchi daan a pai a, sum bangzah sehkhiat hi a, mabaan a bangchi paidiing hiam, chih mipi te’n i theitel a poimoh hi. Huchiin, ei a diing mah ahihziak in naaktak in kithuahpih ni.

Tu in boys leh girls hostel diing lam zoh ahita. Khosung mun tuamtuam ah solar lamp tun in om a, zaanmial chihbang a om nawnkei. Kung 50 veel diing sing suanzoh ahita. Mawltual lai nasan ah. Khosung luutna mun leh pawtsuahna mun ah keelkong khat tuak kibawl lel a, community hall kong ah childrens’ park diing bawlna pailel hi. Tuilawng leeng bangzah hiam a tungta.

Huchiin, Singngat mipi te’n Hausapi mual a ziing ninou hongsuak khia lametna liantak toh en in, kum 9 sung ana thuak uh, meima pawn awl in haaihul panta uhi. Lungthuul Kawl a suunni a tumkhiat khit in, zaan meivaak phingpheng nuai ah naupang te “milawngpi”, “giitphiik” leh “thengh te” khawng kimawl in om zaizai uhi. Nya, nopta lozeen a!

© vaphualization june 29, 2006

* July 7, 1997, Zomi-Kuki gaalbuai lai in Singngat vaangkhua buluh in om a, inn 150 veel haaltum hi a, poikhoihlou, numei, naupang leh puteek tel in mi 18 thah ahihbaan ah mi 4 kaapliam in na om hi. Hiaihun hongtun toh kituak in athak in Zogam a diing a hinna pete zahna i pia hi.

“Phamsa mihaang te hong iitlua ung e
Na sakmin ngaih uh zaila’n awi ung e
Na phamna haang uh lung in ngilhkei ung
Khangsawn te’n hongzuun panta ung”

Guun Lui Khenlam Ah

KUM 6 LEL a upa, naupang Pauminthang in atung a bangthil tung ahia, chih a theisiam kei diing. A ngeina daan in a u te’ gamkuanna a zui a, a ngeina daan mah a inn tungkiik mai di’n a kikoih hi. Himahleh a naupang lungsim’ ngaihtuahna khenlam pek ah thil a hongpai ta. Gamlak a sing laa a a kuanna mun ua pan Kawl sepaih te’n bangmah geentam lou in a pimang ua, tuni tan inn a tung naikei uhi. Bang hihkhial ahi ua chihleeng a thei tuansaam kei diing. Atheih ngeilouhna gam ah zaan bangzah a tuun ngai in a kapta dia? Bangzah vei gilkial-dangtaak in a nu a samta dia?

Huchibang mah in kum 16 mi, Pauminlian in chickchiang a a lawm te toh skul kaikhawm theinawn diing ahi ua, chih a theibaan kei diing. Aman tulel in JNV Tuinom ah pawl giat (VIII) sim hi. Pauminthang ahihleh Hiangtam(K) a Thangsuandal’ ta hi a, Pauminlian peen Haiyang a Soilal’ ta ahi.

Hiai naupang nih te tel in Indo-Myanmar gami zuul a sing laa a kuan mi 21, Kawl sepaih te’n May 6, 2006 in na mantaang ua, tuni tan khahkhe nailou uhi. Amun ahihleh Myanmar gamsung a Aisih ahi. Amau bel Singngat apan suahlam gamgi zuul, Theigotang leh simlam, Salap leh Lunjang khua a sing pua a neekzong ahi uhi. Tua gamte ahihleh gammang thupi taktak, sing lian leh hoih taktak omna ahi a, gamgi chiamtehna leng hoihtak a omlou in tuplouh pi a Burma gam tun pahpah theihna mun ahi. Guta, gamsung a phalna bei a luut chih ngohna pansan a mat a om ahi uh. A tamzaw Muallum khomi hi ua, a dang te Sumchinvum, Haiyang, Belpuan, Tangpijol, Hiangtam(K), Suangphu, Lunjang khawng apan hi uhi. Hiai khua te bel Singngat khokiim a om ngen ahi. Baan ah, shaktiman gari thum toh leng matkhawm in om ua, tua gari neitu te Hausuan, Kaitom, leh Suanthang ahi.

Atuung in hiai thu police ah tutpah ahikei. Singngat police station a OC, Kamzathang, SI’ panlaakna ziak in May 24, 2006 in case chiamteh in ompan hi (Section 447/342 IPC & 27 Armed Act). Ahilel a geen in Singngat SDO, DC leh MLA – hiai te’ nnasep khiat kichian tak a muhdiing tutan om nailou hi. Bialtu MLA, Thangso Baite in atuunglam in kitheih mohbawl sim mahleh, mat a omte’ innkuante’n MLA pa’ kiang ah palai sawl ua, thu omdaan va geenpih uhi. Aman, “DC leh MP (outer) kiang ah a thu ka na tun dia, pan i la diing uh” chi hi. Ahia, bangchi daan a panla ahi ua chih bel theihbut ahikei. Hiai taangthu in koimah a deengbaan kei a, niteng tanchinbu te ah leeng mun a tangzou kei.

Hiai thu gelh ahihtan in mi 21 te Tonjang (Myanmar) khua a sepaihte’ lock-up ah omlel uhi. Neek-le-taak piak in a omkei ua, gari neite’n a sikvek uh angai hi. Huaibel, niteng in mikhat tung ah Ch. 30.00 – Ch. 50.00 seen in omleh, a gawm in Ch. 630.00 – Ch. 1,050.00 kikaal tungbaan chihna suak hi. A omna khua uh sawt lota ahihman in gari neitu te’n haksa sa peetmah ta uhi. Hiai sum te leh vanneen, kisilna diing sahbon khawng sum a guai in Cikha (Myanmar) mi te’n va pe zeel uhi. Ann huantu diing nasan kiloh a mi alaak uh angai hi. Gam tuantual tak, Myanmar a taaninn a om a gentheih huaidiing daan i ngaihtuah khiattheih mai uh ka ging.

Hiai thiltun a khatveina ahikei. A tawpna leeng ahisam kei diing. Tuma in Muallum khomi 3 Theigotang gam ah Kawl sepaih te’n na manngei ta uhi. Huaiziak in a meikuang phelhmit mai sawmlou a, saupi a diing et a panlaak poimoh mahmah ta hi.

I loubawl daan leh sing phuuksiat te ziak in tu in i gam ah singkung tawm in a keugawpta. Vuahtui a hongtawm dia, leihoihna kiam in leisai tolhkhia in kho omdaan a hongdang sot mahmah diing hi. Tu nung sawtlou in. Hiai gammaang sing te ahihleh khopi lam, Lamka leh Imphal veel ah meichih diing, innbawlna ding leh thil tuamtuam di’n kizang hi. Meivaak ginna lou ahihman in meihol leh sing deihna a pung hulhul a, lut leng a luun mahmah. Hiaibang a singsaat a neekzong in (adiak in) Muallum leh akiim a singtaang khua te akum a sim na khosa ta uhi. Huchiin, i gam ah sing hongtawm deuhdeuh ta a, i gaal lehlam a gammaang te luh louhngaal lampi dang a omnawn kei hi. Hiai in buaina a hontun ta.

Tua mat a omte’ pawtkhiat theihna’ng lampi i ngaih poimoh kawmkawm un ikiim-ipaam a thilsiam te kepbitna lam leeng i ngaih poimoh a ngai hi. Hiaibang buaina Mizoram, Madhya Pradesh leh China (tumlam gam) in leeng na tuaktham ta a, himahleh amau hiai buaina te ana mualsuah thei uhi. Solkaal apan panpihna tungtawn a loubawlna lam a thilthak kisinsakna ziak in hiai gam te ah migenthei tamtak te’n zawnna kol na suutkhe thei ta uhi. I gam ah leeng bangzah hiam te’n khopi lam leh Tuivai Lui’ gaal lam a peemkhia in zawnna dai na kaanta ua, himahleh nuutsiat a om Zodawn mite’ makhua diing i geel uh kisam hi.

I khosak daan, neek-le-taak dinmun khansakna di’n khobing a kigawmna (grouping) hiai ah phattuam thei di’n a lang hi. Ahia, kumteng a louneihna mun khengzeel i hihman in a gamlei in sawt ahon dawlzou tuankei diing. Huchih kawmkawm in i loubawl te’n kum khat khamdiing ann a piangsak zou nawnkei uhi. Baan ah, hiai loubawlna in nasatak in i gam, leh a sung a sing-le-lou leh gamsa te, susia in hih mangthang a, hauh naaksaang in mipi te zawnna kokhuuk ah awlawl in ahon keniamsak hiaihiai hi. Atom a geen in thaang lauhuai pi kikamkhum i hi maimah uhi.

I loubawl daan khengkhiak a, a tamzaw a piankhiat theihna diing lampi i zon a poimoh ta hi. Hiai kikheekna hunsung in i hintheihna diing lampi dang leeng i ngaihtuah a ngai. Ahia, i gam ah vanzat kiningching bangmah omlou ahihman in a haksa mahmah zeel hi. I lampi te a hoihkei a, tui a hoihkei a, bangmah hoih a omkei. Gamnuaimi te’ kigolhna ziak in bangmah saitheih ahikei. I vek ua i kihilh pil phot uh ngai leh kilawm abang hi. Farm bawlna, gankhoina, ngasa khoina leh lam chi tuamtuam a sumdawnna pan ut ei lak hileh, gamdang apan hileh, mi omtham hi. Himahleh, amau te’ nnasepna daal diing a kisalah thei i tam ziak un bangmah pichin theih ahi ngeikei hi.

Gamdang mi te’n i gam a sum hongdawn diing deihlouhna lungsim i khotaang ah a uang mahmah hi. Hiai ah saptuam in leeng moh a pua. Kum 1991 malam tan a India in ana paipih, Nehruvian Socialism zui i batna chiang a om hi. Hiai ahihleh i khanmohbawk khat ahi. Polam mite’n i gam ah sum hong peikual le uh a daandaan hongom diing ahi. A puakkhiat tam dungzui un a kivei leeng a tambok diing. Lampi dang omlouh ziak in solkal a sepna, leh sanction neuhneuh i pumdelh uh angai maimah hi. Bangtan hiam ah, i paihkhiat moh, i khotaang lungsim putzia leh i kisinsakna kumlui tak te’n eima’ zawnna diing lampi sial abang.

Hiai i buaina te khota a teeng mi te leh phaizaang a teeng te’n a kinlam a i sukven a poimoh hi. I thuakdiing ulah a kibang ngaal a. Hiaibang a panla theidiing makai mipi te’n i tasam hi. I elekson azenda te’n a veng ngeilou diing i politikal buaina te saangmah a i ekonomik buaina te a kawkzawk diing ahi. I taang a ding heutu te’ neekguukna leh nelhsiahna ziak in tu in i gam in nasatak in a thuakloh. Mipi te’n i thuakloh. Adiak in Tedim Road leh Guite Road dung a teeng mizawng taktak te’n. Leh mualdawn a teeng mi te’n. Hiai khoveel vaihawmna a i thaangtatna te’n ‘neektaak dinmun’ a zawnna, ‘khoveel gou leh gammeang’ lam a zawnna, baan ah ‘taksa’ leh ‘khalam’ a zawnna hontun a, huai in awlawl in manthatna liimguam zuan in a honpi hi.

Huchihlai in laizom mi 21 mangbang tak a kikou te’ awging a dai naikei. Mahleh, zaak in a om naikei lai uhi. Tua Guun gaal ah.


© vaphualization june 22, 2006

Just Where is Thangso Anyway?

AS THE WHIRLING wind of the legislative assembly election starts blowing, stories of ministers promising hefty developmental funds and distributing the popular ‘red shawls’ among the deserved lots begin to do the rounds this time over again. I fail to grasp the reason why this hullabaloo has to wait all these four years only to be revived now. And at the end of every five years, the same old story continues.

They said this is politics, this is Manipur. And worse, this is outer Manipur. I hope I don’t get that wrong.

When I was a small school kid, I dreamt of becoming a politician one day. I could see just how mighty politicians were, with myriad of ‘yes’ men hovering around, and a substantial amount of money at their disposal. They were being venerated as idols and everywhere they went, they carried the airs of a celebrity. Oh, how I wished I could become one someday! However, this perception began to drift away as time went on. Be it politics or politicians themselves. We were told that ‘politics’ is the art and science of governance, and that government must be people-oriented, transparent and efficient. But from our own experiences we come to learn that politics is a dirty game, an arena of the struggle for power and more powers. And the essential qualities for any political system like people-orientation, transparency and efficiency don’t seem to find their place in the present state of affairs. Politics tend to be considered as a mere means of securing income. Or let me put it quite this way: it is a means of occupation. Now, this is the politics of Manipur I am talking about. This is how politics has been played in Churachandpur. You grab it, you have it, and you want to have more.

Singngat happens to be one of the most devastated arenas where political gladiators – using ethnicity as a political tool to mobilize support and gain power – are engaged in a real mortal combat. Their games are pretty high, played by maverick players. With eyes wide shut, the people followed the path laid by the leaders at any cost, to any extent, and in the process they went too far without knowing the fact that an iron curtain had descended across them marking a wide communal divide. The rule is clear here. You are a Paite, go for him. You are a Zou, go for him. You are a Thadou, go for him. Perhaps, that day isn’t too far when the ‘go’ gets changed to ‘kill’. (Hey, that thing happened once or twice in the past, right?)

From Gouzadou to Thangkhanlal down to N. Zatawn, et seq., I had watched them grace social functions, misleading the public with ornate promises which were never really realized. They emanated supreme control over the hypnotized crowd who were swaying and applauding with the promise of a better tomorrow, and of building Singngat into a kind of "New Jerusalem." Their motives were to garner vote banks. Just that. When the results were out and all things said, the newly elected MLA zoomed down the Imphal valley reneging on the promises he had made to the people. But long after the excitement died down, the innocence still lingered in the minds of the people. And they still continued to hope that their representative would, somehow, make a noble appearance once again to shower upon them the light of the new age he had articulated sometime before with fervid eloquence.

Their wait seemed to last an eternity.

Nothing has changed. Singngat still lays a moldering ruin. In fact, the 1997 ethnic clash has left a clear mark on these once beautiful, serene Singngat highlands - dark and deep. Through this day the people of Singngat, who are now scattered across the globe, still recall with fond memories the good old days when peace and tranquility prevailed. Life was so good and the town was prospering exceedingly well, with different ethnic people living together harmoniously. Oh, but those were days never to be seen again.

A decade has passed. Yet the breaking of the dawn is still a far cry for the poor Singngatians. Apparently, they are lying low awaiting the return of better times. Here I am, lost in reverie, looking out over a now-turned-into-a-small-hamlet so quite and still and dark it could well have been a sort of post-apocalyptic. And the words on the street are clear. Empty. Desolate. Neglected. Abandoned. The government machinery has completely collapsed and there is little, or no, sign that this place is part of the Indian state. Gone are the days when well-equipped doctors and nurses attended to patients under the sprawling expanse of the hospital building in downtown Singngat. The building is now a little more than a colossal wreck, standing in a forgotten corner, slowly wasting away as time goes by. The Singngat SDO office complex had given out long ago and the office guys had been working somewhere in New Bazar, the heart of the district headquarters for quite sometime. The situation now begins to improve a bit. But the SDC, who is in-charge of the office, still continues his oh-so-religious trait. He seems quite reluctant to miss the Sunday worship services at home. I am wondering what future has in store for those poor students whose school – the Singngat Govt. High School – had been occupied by the Army though it may seem a fringe benefit for the teachers working there. And the people would call it their lucky day when doctors made an occasional fleeting visit, that too once every two months or so.

Obviously something is wrong somewhere. But in the end who gives a damn anyway? Water scarcity and dilapidated Singngat-Lamka road condition had been grappling the people of Singngat since time begun. I am aware of the hardships people have to undergo in fetching water to as far away a tiny stream as over one to two kilometers, everyday, which is flowing in barely more than a trickle. I am aware of the overwhelming fear and uncertainty that is running through their minds when people take a bus ride down Tedim Road, especially during the rainy season. Through this day, the infamous ‘Zezaw tou’, the most terrible part of the Tedim Road stretch, continues to haunt travelers using the roadway. Just imagine how the bus fares between CCPur-Imphal (over 60 kms.) and CCPur-Singngat (barely 30 kms.) could be the same. But their deafening voices are unheard, their dying cries are disregarded.

Meanwhile, Thangso Baite, the constituency’s MLA, resurfaced on the limelight recently after having been hibernating for years, with a far different reason. While the people are wailing with a soulful anguish over their condition, the MLA seems just as interested in conferring meritorious awards to the successful first class candidates of this year’s HSLC examination from within the constituency. And that too within the comforts of his posh home in Lamka. His passionate interest in education may be attributed to his having an MA degree and his serving as the principal of Christian English H/School in Sugnu in the early eighties. In the meantime, 22 villagers of the sub-division are being incarcerated somewhere deep within the Myanmar’s military regime. The safe return of these men to their loved ones depends entirely on the diplomatic policy of the MLA, only if he is still the same ‘master strategist’ as he had been in the 2002 election. In some way, his assumption of power quite reminds me of the way Benito Mussolini rose to power way back in 1922.

After having been elected as the MLA, Mr. Baite has made just two visits to his constituency till date. That’s a whole four-year period. The fact is that he just made occasional noises to demonstrate that he is still there, somewhere, chilling out. The first visit was in early 2004 and the last one was in April 23, 2005 as part of the CM team, where the CM laid the foundation for a 33 kV sub-station in Singngat. And everybody knows that the project wouldn’t be completed till the foundation stone withers away. Yet, the Singngatians still have a reason to smile amidst the hype. During the recent Assembly session, Shri Devendra Singh, the then Works Minister, in an answer to a question posed by the MLA, announced that – a whopping – Rs. 112.04 lacs has been spent in Churachandpur to Singngat road construction for the last three years. Plus, the CM, on the occasion of the Congress Workers’ Meet held in Lamka on June 10, 2006 said that a sum of Rs. 2.5 crores has been sanctioned on Singngat-Lamka and Lamka-Sugnu roads combined.

And now all I can ask is just what the hell are the CM and the Works Minister talking about? The above-mentioned amounts could nowhere be seen in the entire 30-km stretch of road from Lamka to Singngat. Where has Thangso Baite been all these years? Perhaps, if he made just one last appearance to the people of Singngat and see their conditions with his own eyes, that would sure bring a sigh of relief to the people, even if it’s for a fleeting moment. The people, bogged down by neglect, deprivation and hopelessness over the years surely know not to ask for more. Just one more visit and they would gladly clap their hands. And he would, perhaps, win his second term hands down.

© copyright vaphualization june 17 2006