All I Want For Christmas, Dear, Is You

A song by Buck Owens. Damn moving. I was blown away by this song.

Here it is Christmas day, and you're many miles away,
And I wonder if you feel the way I do;
In the air there's happiness, but for me there's loneliness,
'Cause all I want for Christmas is you.

Presents wrapped in green and gold have no arms for me to hold,
No lips to whisper softly, I love you;
Oh, how happy I would be to find you underneath my tree,
All I want for Christmas, Dear, is you.

Presents wrapped in green and gold have no arms for me to hold,
No lips to whisper softly, I love you;
Oh, how happy I would be to find you underneath my tree,
All I want for Christmas, Dear, is you.
All want for Christmas, Dear, is you.

Buck Owens and Don Rich (Buck Owens, 1965)

Muana Ngaihte, Deih Anglai leh Kei

Buaima ahi. Nitak in kha a vaak singseng a, ka inn gei uah mawltual om hiveen, tua loupa tung ah lia-leh-taang te a khawlkhawm zeizai ua. Ka laisimna dohkaan a tukawm in a thawmte uh ka za thei mialmial hi. Zaan a hongsawt simta a, thawm a hongdai panta. Huchihlai in, guitar zawichik a kitum kawm in, “Leenkawl ni mualdawn ah hongsuak in, sambang khenta'ng vangngaih toh... Naubang nui a leenkhawmlai nite, hun in mual hongliam santa,” chiin laa hong kisa hiauhiau a. Khawl dedu in tua laa ka na ngaikhe nilouh hi

Huai hunlai in bel, a laa thu leh a geen te ka thei (siam) kei. Himahleh a laa luang ging peen ngaihnuam kana sa mahmah hi. Tunung a ka phawkkhiat thak ahihleh, huai zaan peen, Muana Ngaihte in, a laa te tungtawn a, ka hinkhua lampi a mun a honluah pat hun ana hi hi.

Deih Anglai series a laa te leh ka tleirawl tuunglai hun te ana kipawlthei mahmah uhi. Tape hoih vaklou, sound puak nunup kawm ah Deih Anglai Vol. II laa te ka na ngaikhe pan a, huai a ka theihdiak te ahihleh "Leenkum ka vei zoudiam," "La o, la o, kuwa chase,", "Lungdeih nambar 4," chih leh adg. adg. ahi.

Deih Anglai Vol. II a hong mitkuan in gaalbuaina a hong kipan a, huchiin Deih Anglai Vol. III a hong kizuak khe nawn hi. Hiai album a, kia geenlouh eimi laa teng lakphial a, nalh ka sakpeen ahihleh, "Leenmual dawn a solkha pi hongtaan chiang, selung phawng e ngaih aw nunlui," ahi. G-key, A-Minor, D-key chihte theih tuunglai hiveen, hihtheih daandaan a pluck hialhial in hiai laa ka na sasek a, a khenchiah mittui bang pawtthei dek mawk veh aw. Huai hunlai in. Vol. III a laa ngaih mahmah ahihleh "Sihal" laa ahi. Hiai laa ahihleh buailai hun a i lawmte' gamtatdaan chiamtehna hoih mahmah khat ahi.

Tuazoh in, Deih Anglai Vol. IV hongpawt khe nawn a, hiai a ka theihkhat ahihleh, "Hondem lou aw seengual" chih laa ahi. Adang geenzok diing tu in ka theikei. Vol. V a hong kisuahkhe nawn a, a laa te i theihhoih ma in, Vol. VI in a honzui zomnawn hi. "Mitmei veen zatam kaal ah," "Sakmeel hoihlou chiin n'on leel a," "Muhchiil pan," leh adg. adg. te ka na theisaam hi.

Deih Anglai Vol. VII a nalh ka sak mahmah ahihleh, "Solkha taang" laa ahi. Adang te bel, "Zogam Government", "TS-LS (Thusia-Lasia)" leh adg. adg. Deih Anglai Vol. VIII a "Lailung zuang in" leh "Duangvul veng" chih te tuni tan a tul theilou, nalh sa lailai ka hi ngei dia, ka tonglawn-tawivial (mobile phone) sung ah ka keemden hi.

Deih Anglai Vol. IX a ka theihhoih khat ahihleh, "Marilyn" laa ahimai. Vol. X ah "Lunggimna Zaanmial" khawng ka theilai a, ahia, tu-leh-tu in Vol. XI a te ka ngaihtuah khe zoukei. Deih Anglai Vol. XII a laa, a thu gil mahmah, itna laa diktak, hiai ah chaang khatna ka hon taaklang:

Kumkhen huiva aw ka selung na phawnglua kei bang lungzuang na hiam aw...
Zaanlai solkha na vaang lungzuan sialna'n a lawmlou,
Zaanlai huihkhi ka saanneem gim na hongnam chian kei din damna na hi,
Sambang zaal theikei veeng,
Tung si-al te aw, ka ngaihnou sambang zaalta hiam...

Hiai laa bang a thupi kuai laa dang a omlai diam, chi utphial daan ka hi. A thu nalh kia hilou, a kaih a nalh mahmah. A sak siamdaan bel, geen ngailou a i theihchiatsa uh hiveen.

Deih Anglai series te ahihleh khatna apan sawm-leh-thumna tan a om hi. Tualou in album dang leeng Muana in a bawl a, tunai in Pathian phatna laa album thak a hon pokhia hi.

Muana Ngaihte leh Deih Anglai laa te'n i khang taangthu uah mun poimoh takmai a luah hi. Gaalbuai lai ahihziak in, tunung hun a a laa te i ngaihkiik chiang in tua hunlai a lungziinna, kahna leh hagawina te phawkkhiat in a om zeel a. Himahleh, huaihun lai in bel, Muana in a laa te tungtawn in, lungkham-mangbang, zaankhua mialnuai a i omna apan khovaak ah honna piikhia hi.

Deih Anglai laa te ahihleh laapau thuuk taktak ngen a gelh ahihziak in i laa kammal te kepbitna hoihtak a hongsuak hi. Saap te khawng leh vai te khawng toh i ki tehkaak chiang in ei Zomi te iitna, numei-pasal kaal a iitna, peen a gil mahmah, a kip mahmah, a dik mahmah leh tangtawn a daihdiing THIL ana hi hi. Hiai iitna taangthu te mah lah Muana in a laa te tungtawn a hon sakkhiat ahingaal a. Tualou in, Muana Ngaihte' laa te'n chihuum thousak thei, gam ngaihna thu tamtak a khiltel hi. Adiak in, buailai a Zogam a dia kipekhia, salpha te gamnuai a gilkial-dangtaak a a omlai ua, a thuakgim daan te uh, iit Tuunnu Zolei adia maa suanzeel dia haanlung a chiam daan te uh, leh gam adia hinna ana taan salpha te suunna laa te bang i ngaihkhiat chiang in i sung a gam-ngaihna chii kiphuum peen a hon phawnghalh thakzeel hi.

Tu in, Muana Ngaihte in a taangtawn mundiing zuan in a hon paisan ta. I iit a, i suun peetmah. A sakkhiatsa zailaa te'n i Zo taangthu uah man ni a nei ngei nawnkei dia, khangthak te, leh adiak in Zodawn a te' khoveel ah mun a luahtou den diing hi.

SIMAS 2007

To Recognize, Encourage, Preserve and Promote Siamsin songs and music

SIMAS taangthu

Ziing a ninou hongsuak in Zogam mual-leh-taang etlawm tak te a hon taanvaak a, tungleeng vasa te'n Siamtu pahtawi in a haam zaizai ua. Zo luitui luang gil sialsial in, huihkhi a honglaang hiauhiau a. Suunni thangvaan kiim ah a hongtaan chian' gam khuva leh miimva te a thuum ngeungeu ua. Muikhua hongziing kuan in leengthe te a khuang eeleel ua. Huchiin, zaankhua hongsawt a, solkha taang siilsial nuai a vaalnou te' sak zailaa leh tumging luang hianhian te'n mualkuam a veel diaidiai uhi.

Ei Zomi te i hihleh, i pupa uapan laa leh tumging ngaina mi i na hi ua, tua toh kiton in laapau thuuk taktak, leh hausa mahmah, toh i khang taangthu ana kizialtou khawm nilouh hi. I pupa uapan i zoptouh laa i nei ua, tumging chi tuamtuam i nei uh. Huchiin, hunthak toh kizawitawn in khoveel polam apan i laakluut, laa leh tumging paizia tuamtuam i nei nawn. Hun kikheng zeel a, thilthak hongluut zeel ahihna ah midang te toh ki etkaak a, i paidaan khenzeel a poimoh hi.

Ahia, i ki-etkaak chiang in eite' siamsil, ginglawm leh thu-le-laa te'n midang te' aa phalah deuh sakna chiang om a bang. A khenchiang in.

Ei lak ah laa phuaksiam, saksiam leh tumging tumsiam taktak ana omta uhi. Ahihhang in, i minam adia ‘gou’ ahihdaan uh kuamah’n phawkpihlou, amau leeng kitheipha baanlou sek uhi. Nam halh zaw leh khangtou zaw te’n ‘talent hunt’ chiin omloupi leeng muhkhiak sawm ua, en bel a omsa ngoihngoih leeng ngaihsak leh theihpih lou hisim phial hang. Lamka leh a sehveel enta lehang, "midang" te' tawndaan, thu-le-laa, leh ginglawm te'n ei a te a opkhum zou mahmah. Adiak in laa leh tumging lam ah. Aziak hidia gintaak te ahihleh - khatna ah, ei a te niamlua, mi aa te pha zoulou himhim, nihna ah, "ei a ahihnaak leh thring himhim" chih michih in lungsim putzia a nei.

Huaiziak in, kihanthawnna lah hi, kepbitna leh kipahtawina leeng hikawm in tukum Siamsinpawlpi JHQ Delhi’ deihna bang in a siam tamtak te lak ah a siam tungtuang zonna, teelkhiakna leh pahtawina neihna di'n Siamsin Music Awards (SIMAS) 2007 sai in a om hi. Huchiin August 4, 2007 in Siamsin Music Awards Saitu (SIMAS) di'n Pu Khamkhanpau Guite leh Pu Khamchin Naulak te guan in om uhi. Website http://simas.siamsinpawlpi.org honkhiat in om a, huai apan nomination form, mun tuamtuam ah kithehzaak a, lohching tak in nomination bangkim September 15, 2007 a zohfel in om hi. Nidang apan tuni tan a laaphuak siam, sak siam leh tum siam te mipi'n kiteelkhawm nainai a, tua te lak a category 10 apan mi 5 chiat, Best Fives (B5), khiitkhiat in om hi. Tua B5 list a om te lak a vualtung tuang diing teelna October 14, 2007 a zohsiang in omta hi.

SIMAS ahihleh laa leh tumging lam a voutuam te phawkpihna leh hanthawnna, i thu leh laa te kepbitna leh puah seemseem na dia kalbi khat honghih theihna diing ngimna a sai ahi. Kidemna ahikei chih i theichiat uh. Artist te a di'n award va laakpeen tak leeng a thupi peen hilou a, hiai tantan a mipi te'n a vawkkhiat ua, a vawkkaang uh thupi lokhin ahi. Huchih dungzui in mipi te'n leeng i laa leh tumging te puahphatna diing awlmoh a nei a, SIMAS a kithuahpih daan te uh i etkiik chiang in a thupi mahmah.

SIMAS 2007 award winners puankhiatna leh kipahman hawmna (presentation ceremony) November 8, 2007 a Siamsin Conference-cum-DIAFEST 2007, Air Force Auditorium, Subroto Park, New Delhi a neihna ah thupitak a neih in om hi.

SIMAS hun

November 8, 2007 nitaak lam daak 4.25 geih ahi. "NOKIA presents SIMAS 2007" chih puankhai lianpi mai ah Pu Khamkhanpau Guite, SIMAS Co-ordinator a hongding a, mipi te chibai buuk in thumapi di'n SIMAS taangthu hongeen hi."Literature hin, music hin, bangkim hileh, nai chikchik a te toh ei a te i tehkak chiang in a hon khupzou lua uh," chi hi. "Pathian thilthawn piak te zangkhial ihi hiam? Kiphawk pihlou ihi hiam?" chiin dotna mipi te’ mai ah honbawl hi.

Zo ngeina leh tulai vaai helhkhawm a bawl, hing hiuhiau, puanzeem mawitak mai a kivan, Chief Host Lia Dr Cicy Ngaihte a hong kilang a, B5 nominees Delhi honghoh theite meellahna honnei hi. Amaute ahihleh Chingmuankim Shoute, Gloria Chiinlianniang, LL Muana, V Paukhansiam, Lianlunching, S Chingnu, Muana Ngaihte, Mimin Baite, S Pauginmuan, ZOKIDS, T Pumkhothang, DK Khuptong, Phamta Pumzanang Guite tapa Tg Chinkhanmang. Tuabaan ah, Delhi mun a om te leeng: Lun Thawmte, P Thanlian, Sonmuan Valte.

Hiai SIMAS khawmpi a thupi na mahmah ahihleh Delhi tual ah i Zogam lasak siam te, a masakna peen di'n, hunkhop a paikhawm uhi.

SIMAS prelude din Kawlgam a Jolly Bird Rock Guiter Contest 2004 a khatna laa, Unp. E Tuang in tumging siam takmai in honzuut a, huchiin, comperes kop te meellahna neih in om hi. Amau te Tg Lianlalmuan / Lia Florence Sonkim, leh Tg HN Muanlal / Lia Remmawi.

Huchiin SIMAS hun a hong kipan taktak ta. Mipi te leeng ama a ngui meeltak a om diikdiak himahleh uh tuhun in ahihleh a hong palhkhe selsal chiat ua, artists te ngeei leeng, a khutzung uh meekkilh in, dim phetphut lah bang, lah awng heeuhuau simchiat in a tu uhi.

Comperes te'n zeitak in hun hon makaih ua, award chih a nominees te' lim leh laa te, screen lianpi ah a hong kilang zeel hi. Huaihun chiang in, mipi te'n kipahpihna khut bet khum zuazua in, laa te ana zui dumdum zeel uhi.

Best Female Gospel Vocalist Award saangtu diing puankhiatna neih ahih dekkuan in, mipi au vengvung te' thawm a hongdai duak a. Huchiin, Chingmuankim Shoute' min a hong kipuangkhia a. Abaan ahihleh kipahpihna thawmging ahimai. Puandum zeem mawitak a kithuam in dohkaang tunglam a honzuan a, kipahman a saangkhit in Toupa' tung ah kipahthu geen hi. "SIMAS organize tu te, ka nu, ka pa, lawm leh vual leh hon support tu te tengteng - na tung ua ka kipaak lua," chin geen a, "Huaibaan ah, ka neu apan ana pi tu, V Paukhansiam tung ah kipahthu ka geen," chi hi.

A tul theilou, Paite Top 10 award ana langeita, Lianlunching a hong dingkhia a, mipi te'n "Zuanna danglou," chiin ngen nainai uhi. Mahleh aman "Nang honnei Nam a hampha" chih laa, thupi kuai deuhmai in honsa a, a aw' hoihna in, mipi te' pahtaakna leh siamsakna thawmging ngaihtak mai, a liahkhuh zou veve hi.

Best Male Gospel Vocalist Award puankhiatna omnawn a, biakna leh phatna lam a tuailai te thathak ana guanzou gige, H Mangtungnung' min hong kilou khia a, himahleh, mipi lak apan ama' meel muhdiing a omkei. Mangchinkhup, Ex-Prez, SSPP GHQ in award laaksak a, kipahthu geenna nei in, "Siamsin mite, uihik bang a khangthak i patkhiat diing uh ahi," chi hi.

Zomi te tumging khangthu a hunbi thak hon pankhia, leh sentimental leh pop rock tawndaan hon poluut, S Pauginmuan in a laa thak, "Tuunnu Itna" honsa heuhheuh a, tuhun in ahihleh nungak lam te' aw a hong kilang diak abang. A sakkhit in lia khat in paak va pe chenchen.

Best Female Country/Sentimental Vocalist Award puankhiatna hun kaan a "chiamtehtham hun" thupi i lak a atun taak a ginhuai kei. "And the winner is... the one and only S Chingnu" chia hong kipuangkhia bangzaw aw, vaanpi hong kihong a, halhthakna hongtung mah a bang. Khoveel in dingkawm in S Chingnu chibai a buuk hi. "Pathian amasa in amin ka phat ahi," honchi a, "N'on deihsakna ziak un kipahthu k'on geen..." Abaan a ageen te bel mipi te' thawmging kawm ah a tum mangta.

A laathu te a Zogam lei ana sawiliing, Zomi te' zailaa leh tumging a Zuapa - V Paukhansiam in, tu in, ataktak in, mipi 2000 vaal mai ah, "Aw ka it gamlei miza" laa hon sakhe taktak zaw, meivaak-thazung bangmai in mipi te' lunglai a honlawng a. Dingkawm a sakpih toh, paak va pia a va aangkawi toh, ama a khupboh a vakuun toh, tutmun a khasiat luankhi ana nuul toh... auditorium sung a sawiliing zou ngeimai!

Best Male Country/Sentimentel Vocalist Award winner S Pauginmuan in kineem loulua zaw ahingei dia, award saangdia hong paikhiat in "Hiaichiah chuh..." chiin a honpan hi. "Nominee a ka tel khaak le saang sa lokhin ka hi," chiin mipi te' kiang ah kipahthu a geen hi. Tu in Angel Tongsuah Kilawm - Chingmuankim Shoute in aw neemtak, Zo huihkhi bang a luang hialhial kawm in "Hongleen gige'n" laa a honsa a, huchiin Best Gospel Songwriter Award winner puanna in hon zomnawn hi. Saangtu T Pumkhothang in, "Pathian in ama' laa te kei mah tungtawn a ahon kepsak ziak in kipahthu ka geen ahi," chi hi.

Tuakhit in, Zomi lasiam hong thangthak, T Muanlal in "Oho, nang nana hi maw!" laa in mipi te hon tokthou leplep a.

Zailaa Kumpinu S Chingnu in stage a honluah chiang in mipi ten khutbet khum zuazua mai uhi. “Zaansawt leidi” laa honsa a, ateek-akhang a kipahpih lou a omkei.Hiaibang a mipi te’n a pahtawi daan uh a theihchiang in a mitte apan khitui a hongluang khia a. Bangtan hiam a laa a sunzom theikei. Huchiin, a aw hoihna neuchik leeng mansuah lou in, mipi te’ aa di’n a hon sazom nawn hi. Zaansawt leidi bang in.

S Chingnu a hong kiiknawn kipahpihna kikou thawmging lah daimoh veen, huchihsung in SIMAS hun nihna hong kipannawn hi. Best Country/Sentimental Songwriter Award saangtu V Paukhansiam in a lam-et phaklouh daante geen in, "Hiai hun muthei dia Pathian in honpi ahimai di'n ka ging," chi hi. Huchiin, a sakkhiatsa, zailaa te a Zomi te' ki-itna taangthu leh agil mahmah i lapau tamtak kituun khawm, Muana Ngaihte hong kipan a, mipi te'n thupitak in ana muak uhi. Aman i munpi uh pansan a kiphuakkhia, laa ngaih mahmah "Guite Kual" honsa vengveng hi. Tua hunlai tak in, i lungsim mitkha te Guite Kual lam a pitun in a om hi. Lungdeih teng kimna mun, leh a mualliamsa hunte.

Most Promising Gospel Artist hun a hongtung ta. Mipi te’n kua’n a la deh aw, chia a suangtuah lai un Gloria Chiinlianniang’ min a hong kiloukhia a. Ama’n leeng kipaaklua in a nu a kawiphei hi. “Pathian tung ah ka kipaak a, ka nu leh ka pa… ka pa om nawnkei mahleh….” A geenzom thei nawnkei. Thakhat thu in daihna-thawmging-ngaihtak in khua a hon zeelsuak a. Huchiin Niangboi’ mit apan khasiatna leh lungdamna khitui a hongpawt khia hi.

Zomi te’ Jim Reeves LL Muana in "The old rugged Cross" zohthoh takmai in hon awi huahhuah a, atal ua samkaang pouta te a zou mahmah hi. Most Promising Country/Sentimental Artist winner Muanlal in a fans te kiang ah kipahthu geen a, "Hiai award kei adi ahikei, ka nu' aa di ahi," chiin pai vengveng in a award saan a nu ava pia hi.

Zogam Rock Star Mimin Baite a hong kilat leh tuailai lamte mau in a hongmau vengvung uhi. "Zolianu mah maw” chi’n ZOLIANU laa honsa vengveng mai zaw, mite’n Mimin’ sung ah mabaan Zo music lampi diing a muthei uhi. Lametna liantak toh. Best Musician/Instrumentalist Award saangthu Gohau hong teltheih louh man in Mimin Baite in laaksak a, "Hongtel ut law mahleh a man zohlouh ziak in na ngaihsiam uh a hon ngeen," chi hi.

Gloria Chiinlianniang laa sa dia sap a honghih a mipi te’ phuur daan geensiam a haksa. A hong minthan khiatna laa "Nang di'n zang ning" a honpat leh tangvaal te a om maimai theikei ua, stage lam a kidelh huan huthut mai uhi. Paak pia toh, chibai toh, lim kilaak pih toh, khii pia toh. Ava huchilou te’n bel a meelhoihna leh laasiamna te en chimlou, ngai chimlou in a tutmun uah ana om maimai tuan saamkei uh.

Lifetime Achievement Award dongtu Lianlunching in “Ka kipaak petmah, 'kipaak' kia in a daihkei, 'ka lung a damlua',” chi hi. Zailaa khoveel a ana piluut tu, phamta T Khampu leh a mualliamta, a pasal iittak tung ah a award a laankhia hi. “SIMAS a thupi lua! Namdang te' hih hileh, i een didaan!” chi hi.

SIMAS hun beina di’n vaisai teng leh artists teng in "Tuungsung khatpan" laa honsa ua, huchiin mipi te’n dingkawm in “Hiaibang a zailaa leh tumging kou te adia na honpuak ziak un ka kipaak uh,” chi hileh kilawm in Zogam laasasiam te zahna a pia uhi.

On the Trail of the Missing Wallet

Chapter I

I woke up at the sound of my SMS tone one fine afternoon. With eyes still shut, I groped for my cell phone which was lying next to my pillow. I rubbed my eyes and squinted down at the screen. It was from ICIC Bank. Just another offer, I muttered. Then I slowly began to read the message.

You have made a Debit Card purchase of INR 3,990.00 on 19 Feb. Info: IPS*DAKSH SOLUT. Your Avbl. Bal is INR _____.00.

It was Sunday, February 18, 2007, and the time was exactly 1:48 pm.

A Debit Card purchase. Rs. 3,990.00. February 18. 1:48 pm. IPS Daksh Solution. The words took a long moment to register. I felt as if I were wandering in a dream. I was lost, confused, mixed up and bewildered.

What the hell’s going on? I was sleeping the whole morning. How could I possibly go out and make a purchase? Did they send the wrong number? My debit card was in my wallet, safe and sound. But where’s my wallet? Oh, my dear, little wallet. I suddenly sprung up from my bed and reached for the place where I always kept my wallet. Empty. I shook my head in disbelief. Again it was empty. I was caught in a whirlwind of confusion.

I searched all the possible places where I might have left the wallet. The movement was hasty and rough. Rummaging, turning things over, pushing things aside, emptying contents. I had literally checked every possible place. Still no sign of it. I even called a friend who I went over to his place the previous night in hopes that I had dropped it somewhere around his room. Negative. It could have been that it slipped off on my way back home, though that still didn’t seem likely to me since my wallet was securely tucked away in my back pocket, and I knew for sure it was still there when I reached my room. I was starting to believe it was stolen rather than me just simply leaving it somewhere. I finally gave up the search.

My wallet’s gone. And my world swirled into darkness.

I fell down upon my bed in bewilderment. I just laid there for what seemed like hours. I felt so dumb. I blamed myself for being too careless. This was the second time my wallet got stolen. It was the fall of 2004 that I was pick-pocketed for the first time in the infamous, busy Sunday Market. They were professionals. I couldn’t have really taken care of myself better. But now, this happened right inside my room. Inside my goddamn room. And I was sleeping like dead.

Weekends are my off days. My roommate left for work around 10:30 am that day. Hence, the raid must have taken place sometime between 10:30 am and 1:00 pm. If someone had indeed entered our room during that time, why would he choose to take ‘only’ my wallet? Most importantly, how did he manage to pick it up from a place so secure and safe? He came in quietly, took the wallet from its hiding place, and left. There was around Rs. 500 in it, an ICICI debit card, a driving license registered in Manipur which my parents sent to me the past month, visiting cards, passports, a ‘very special’ picture, and all. My cell phone and other valuables were left untouched.

I immediately called ICICI customer care, got my card blocked and requested for a new one.

It began to dawn upon my mind that the whole operation must have been planned far in advance. He must be someone who really ‘knew’ our schedule – when my roommate would be away, when I would still be buried in deep sleep all alone with an unlocked door. He must be someone who ‘knew’ the patterns of our room, where we kept things and where I always left my wallet. Indeed, he must be a really clever punk.

I was seething with anger thinking about the way this guy slipped into my room, stole my wallet, swiped the hell out of my card, and enjoying my hard-earned money like a big fat slug. At this point, I honestly had no clue who the culprit really was and was still quite shocked by the whole thing. I had to flip back and catch up on clues. Any clues. It was broad daylight, there was no damage, and so the possibility of the involvement of a local goon was out of the question. Must be one of us. He used my debit card to make a purchase at IPS Daksh Solution. He didn’t have to know the PIN number. Smart kid. And where the hell was that IPS Daksh Solution and what did it sell? I was becoming more and more dazed as I struggled to find further clues and piece them together. But all these led me to nowhere.

I literally gave up the hope of getting back my money. Adiós, oh, precious wallet of mine, and may God bless whoever kept it.

Two days passed. On Wednesday, February 21, 2007, Thangboi, a friend, came to me and said, “My sisters have just told me that Mr. X was selling them a newly bought Motorola phone the past Sunday. I think it costs around Rs. 4,000. And that is the amount swiped out of your card, right?”

Siamsin Khangthu a Khawmpi thupi peen

27th Siamsin Annual Conference-cum-DIAFEST 2007

November 8, 2007 ni in Raisina Mual leh akiim a phaizang tung a kiphah zihziah khopi thupi takmai, meipi'n abawm liiliai a. Tua meipi te tung ah, Zo phualva' mul etlawm takmai zang in Siamsin Khangthubu gelhthak in a ana omta hi. Hiai ni ngeei in ahi Siamsin Zaampi ging 60 vei in khoveel kawl kilchih a thotsuak. Hiai ni ngeei in ahi mipi 2000 veel diing paikhawm te' kikou husa in phualpi khopi a thotsuak. Hiai ni ngeei in ahi atul theilou, i gou manpha Zogam zai-oih siam te'n kipahna leh lungzuanna khitui a nuul uh.

Ziingkaal a kipan in Phalbi huihvot hongnung hiauhiau mahleh mite' sung tawng a 'phuurna tak' bel a meekgawm zou tuankei. Ziing daitui in a telhsiang liklek bangmai in i lungsim te a thak mahmah mai. Gari neu hi in alian hitaleh, Airforce Auditorium, Subroto Park ah a hong kitholh luut zungzung ua, a etlawm nampuan a kivan, siamsin lia-leh-taang te, nupi-papi, ateek-akhang, aneu-alian, a hong kumkhe sauhsauh uhi. Auditorium kiim a louhing dipdip leh paak te'n mit a hiip mahmah a, kongpi bul a lian deuhmai a "Nokia," "Airtel," "Lux," leh "Bru" te' puankhai te'n mite' ana vaidawn uhi.

Daak 10.30 a gingta. Auditorium sung ah mi a dim khinta. Daak 11.00 geih a honggin in, lia-leh-taang bangzah hiam in, Suktuah Laam, Zo tawndaan leh tulai tumging helh khawm a bawl, nalh deuhmai leh thupi mahmah, lahna honnei uhi. A taktak himai. Huchiin, Siamsin Conference leh DIAFEST 2007 pat a hong hita.

Pu Biaklun Shoute, Co-ordinator, Siamsin Conference-cum-DIAFEST, in comperes te, Lia Mercy Vungthianmuang leh Tg Thangzasiam, meellahna honnei a, tuakhit in Pastor Khamkhanchin, EBCC Delhi in Pathian kiang ah hun te laankhia hi. Siamsinpawlpi Laapi sakna mipi'n kinei dumdum a,huchiin President Grace D. Nemching, SSPP JHQ Delhi, in zei deuhmai in mipi te vaidawnna honnei. "Pawlpi adia kipang naaklua inchin, mi'n 'Na blood group bang a?' honchih uleh 'SSPP' khawng ki chi kha," a chih in mipite' kipahna di tak geenkha.

Pawlpi kum 60 achin lawm diing in phuurtak in i kisa ua, himahleh, hiaibang hun zangthei diing a maa ana latu, gim leh tawl khawksa lou a eite a dia lampi ana sialtu, phamsa heutu te hiaihun in i phawk mahmah. Amau te suunna Pu N Vumsuan in hon makaih hi. A kha uh khawl tawldam heen.

President Siamnunlian Valte, SSPP GHQ, in a hun honla a, hiaihun thupi a sakdaan pulaakna honnei hi. Siamsinna lam a i gam-leh-nam adia hahpan seem diing in mipi te chial. "Employee i hihna apan a employer i hih sawm diing ahi," chiin siamsin te chouna bawl. Agriculture, Industry leh IT development lam ngaihsak a nei a mabaan kalsuan diing ahihdan geentel hi.

Lametna bulphuhtu - ZOKIDS te'n siam takmai a, "Aw, nang tuailai" laa honsak letlet patchiang un, mipi te'n paakta in khut bet in bet khum mai uhi. Tuazoh in "Zomi te' Jim Reeves" Pu LL Muana in, "I'd rather have Jesus" hon awi huahhuah a, nupi-papi te a limsaang dek ngaal uh. Ama vual a kipan, SSPP JHQ Delhi Adviser, Pu Chinsum Naulak in a khut a honzaak khiat patchian, mipi te'n nuamsa mahmah ta uh ahi, chih a kithei mai.

SSPP Delhi adia kipezou gige, innteekpi, Nu Chingi, video editing leh camera lam a hon buaipih gige, Pa K Thangpi leh John Lal Guite, leh, musician Tg P Thanlian te kiang ah Kipahpihna Thilpiak kipia hi.

"Nuam na sa uhia? Hiailak sang a Zogam nuam zawlai maw," chiin Tg Muanlal in hongeen a, nungak nou te kikou nainai ua, aman zei deuhmai leh siam takmai in "Zogam nuam" laa honsa hi. Trahtrah mai.

Pu Lalthanghlun Guite, Chairman, Stangding Committee, SSPP GHQ, hongding a, a meel pii daan leh stage tung a thunun zohdaan himhim in mipi te a zoukhin. SSPP te i thupi taakdaan uh, houchik lah bang, lah thupi kuai mahmah in hongeen a, "Hiai zahta a honpi tu Pathian ka phat ahi," chi hi. Mipi te'n khut kibeeng dumdum.

Tu in Tg Sang Valte in a laa phuah, "Hometown," keyboard ging hianhian a zuikhawm in honsa a, i vaangkhopi puksia in, a paallun teng sawlbang vulta mahleh, ei a hi gige, ngainat huai gige ahihdaan te hon taaklang hi. Avangkim a comperes te' a hong houlimna te un mipi te sulim mahmah hi.

Muana Ngaihte hongding khia a, huchiin gam a hong lum mahmah. "Pasian anei minam a hampha" chiin a hon awi hiahhiah a, mipi te'n khutbet in kizui leplep hi.

Pupa' khanggui zopna in, SSPP Delhi cultural troupe te'n, tha tamtak seeng ana sin uh, nam laam chi tuamtuam lahna honnei ua, i tawndaan leh i laam te thupidaan athak in hon taaklang uhi.

Tuazoh in Khual Zahtaakhuai, Pu GK Pillai, Secretary, Ministry of Commerce & Industry, Govt of India, puandum piakna om. Aman a thugeenna ah, koimun peuh ah om lehang leeng i tawndan te mangngilh ngeilouh ahoihdaan taaklang a, Manipur dinmun in hoihlam nawt tuanlou hi'n geen. "Delhi khawng leh India gam mun tuamtuam ah siamsin mi tamtak na hong paikhia ua, hiai ahihleh kipahna lam sang in khasiat huai thil ahizaw. Lamka bangchi tuk a puuksia hiam chih a hon taaklang," chi hi. Mipi paikhawm 2000 veel diing te mai ah, "You have to restore Lamka to its original glories and greatness," (Nidang a Lamka' paaklutna leh thupina te na tun ding kiiknawn diing uh ahi) chia a geen in mipi te' zou mahmah hi. "Behiang, Border Trading Post ahihtheihna diing in phualpi solkaal in Kawlgam vaihawmtu te phu a, himahleh amau lam a kipan dawnna mumal muh hinailou," chi hi. Aman Kawlgam vaihawmtu te apan dawnna hoihtak a kimuh chiang a hiailam a kipan panlaakna pat hingaal diing in haanlung chiam hi.

ZOKIDS te'n a laa uh khat honsa nawn ua, huchiin Siamsin Cultural Fusion (SICFU) 2007 a hong kipan ta. A etlawm mahmah Dumpuan zeemnou (Phamta Pumzanang Guite' laa apan) kepbitna, tawisaangna leh phoulaakna diing ngiimna a sai ahi. SICFU Co-ordinators te Tg Lianthansang Tonsing, Lia Chingbiaklian leh Lia Nancy Tonsing ahi uh. Amau i nampuan te puahpha in, kicheina piching leh hun awl a silhtheih diing in design ua, tua te lia-leh-taang duangzen taktak te'n lahna mipi mai ah honnei ngiahngiah uhi. A nung a tumging luang hanhan leeng a "Zo" mahmah. Puan zeem te a etlawm un a mawi mahmah mai a, a mi te toh kilawm khawm chet di'n athuam siam uhi. Make-up bang leeng international level a te himai. SSPP khawmpi ahi chih theisa kelkul lou te a di'n bel, "Maizeen! Korean/Chinese model te hia?" chih a baihsam viau di.

Khual Zahtaakhuai Pu Lt Gen ZU Shah, Deputy Chief of Army staff, Paite puandum silhsak ahihzoh in hun honla cheuh hi. Manipur kiltawng a teeng mite a awlmoh daan geen a, gaalmuanna gam a hong hihtheihna di'n army te'n panla tou zeel diing, chi hi. Theihdia hoih khat bel, aman Singngat vangkhua, "Border Model Town" ahihtheihna dia nnasep patna di'n December 14, 2005 in suangphuum va hongkhia hi.

S Pauginmuan' min a hong kiloh khiat phet in nungaak te a hong au pah suupsuup ngaalmai uh. "Sakmel Etlawm" honsa a, zeideuh mai in hong kisawi a, a nung a Zogam.com t-shirt silh a laam numei nih te toh - fuhna gam himai!

Tu in suun ann neek honghun ta a, kongtual lam ah mipi te kipawt khia in, louhing dipdip tung ah, ann kinei nainai hi.

Hun nihna hong kipan ta. Diamond Jubilee daak khetna, Ex-President Delhi JHQ omkha teng leh GHQ a heutu te’n honnei ua, huaizoh in P. Thanlian in "Like It" laa honsa hi. Mi sulim siam mahmah, Pu Ricky L Guite, Chairman, DIAFEST hongding a, Diamond Jubilee Festival countdown thu, tomkim tak in leh phuurhuai deuhmai in hongeen. "Delhi te, k'on eng ua, na thilhih daan te uh k'on enton uh," chi hi.

Tua khit in Lia Mercy Vungthianmuang in "Zombie" laa, a taktak bangmai in honsa bangzaw aw, camera vaak in amai a salpuak zotzot mai. Lia Chingngaihlun leh a lawm in "Zogam ah tuitam mahleh" chihlaa in hon sunzom nawn ua, huaikhit in SSPP Delhi Football team te meellahna neih in om hi. A muanhuai un a siammeel thei mahmah uh.

Pu LT Juan Tonsing, Finance Secretary, SSPP Foundation Trust, in Foundation Trust toh kisai mipi theih ding leh a progress report tomkim tak a hongeen zoh in, GHQ heutu te meellahna neih in om hi.

Mipi te ngaaklah peenpeen SIMAS a hong kipanta a, hiai SIMAS awards hawmna kaal ah SSPP JHQ Delhi Education Dept. in Meritorious Awards, siamsin vual tungtuang bangzah hiam kiang ah, piakkhiatna nei hi. Hiai Siamsin Conference hun zatdaan, ZogamOnline.com in live in internet tungtawn in ana khahkhe ziahziah hi.

Musical Fiesta nuam takmai in honzui nawn a, tua te lak a laa kisa, chiamteh tham deuh te: Mangese "Zuu," Munga "Sinlai Luahtu," Mamuan Khuptong feat. Chingmuankim Shoute "Tuunnu Zolei" (Haumuanlun Samte’ gelh), Tungnung "Sound of love," Instrument of Peace "Israel mite na pibang in," Minthang "Ningzu-khuaizu toh," Gurus Family “The Realist Killaz,” Dosti 0.4 “Between angels and insects,” Singtangmite "A, Aw, B, Ch." Vai nungak, Lia Alka leh Mawmawi in "Ngaih Lungmuang sa" honsak hialhial chiang un, mipi te'n Lia Alka kipahpihlua in, khuai vaitung hileh kilawm hial in paakpia in va bawm luailuai mai uhi.

Huchiin, Htp Ginlalmuan, Vice President, SSPP JHQ Delhi in Kipahthu genna honnei a, Evan Thawngkhanlian in thumna toh hunkhaak hi.

Kongpi ah mipi te nui seusau in hong kizui khe dialdial ua, a meel ua pan "lungkimna" leh "deihkhoplouhna" kiziikkhawm muhtheih in om hi. Ka gei ah nungak nou khat in, "Tukum kaan a Conference nuam leh thupi ka zatkhaak lam ka thei naikei," a chi a, paamdeuh ah tangval khat in, "Zaan khovaak in omleh hoih di hia!" a chi vengveng hial hi. Pu Phungchinthang in, “Gi a neilou zalenna gam a India, Myanmar, Bangladesh a Zomite honkai khawm ding in siamsil (art) ginglawm (music) leh thu-leh-la (literature) mah hi diing a hihdaan haihvuallouh in tutung khawmpi apan a kilang thei,” chi hi. Gaal ah mite’ lem kilaakna vaak a eeng ziipziap zeel a, a kawm ah khat-le-khat, kipahpih a ngaina tak a ki chibai tuah a om te ka muthei hi. “27th Siamsin Annual Conference-cum-DIAFEST 2007” puankhai awl a a laakkhiat uh ka en a.

Huchiin tua puankhai mangpha ka khaakta.

Innocence Revisited

Some months back, I was visiting a neighbor. The couple had a little boy, who is just about 8 or 9, I guess. That time the father was out at work and used to return late. We talked about how unsafe Delhi nights had become, even for guys. The local goons could beat us up for no apparent reasons. Anytime. Anyplace. The mom said, “I’m dreading that he may face these…” Then came a quick reply from the boy, “Never! Nobody would beat my dad. Nobody could ever do that. He’s so strong. Even his slap was pretty hard, it gave my face a crack!”

I had a good laugh with his mom. In fact, I couldn’t stop laughing for a very long time. I laughed at his innocence. So cute.

And when I looked into the boy’s eyes, I saw myself standing there – a 9-year-old kid looking upto the Superman, the Magician, the Police and the Doctor that’s within my dad! Cute little me! I had been there, I had done that, and still doing ...

© vaphualization

This piece is written as a “comment” on Lealyan Thawmte’s Zogam.com article “Innocence Revisited.”

Parents are someone a child looks upto. And in all reality, in fact - a fact that parents are their models and most important figures and often, the deciding factor in the child's growth and outlook- and how he or she turns out eventually. I also believed that there actually is a stage when a child truly believed that their parents are capable of anything. Nothing, no sweet persuasions, no amount of cajoling or chocolates or ice-creams can take away that belief and trust.

Read the rest here.